: غالب بن راشد 💤 .

‏القلوب اللي تغير ليا دار الزمان ‏يغني الله من وفاها وباقي ودها

‏للصمت في بعض المواقف مهابه ‏وللهرج في بعض المجالس مناقيد

‏يوم ان ولد الاش رزقه على امه ‏رزقي على اللي ميت القشع يحييه

النفوس اليا استعزت تعلمها الغناه ‏مكسب الإنسان فالوقت ستر وعافيه

‏بين جور الحزن الاول والرغيب الذاتي ‏والحزن الاول مصيبه والرغيب مصيبه ‏انحنا ظهر الطموح وشيبت هقواتي ‏فالطريق اللي من الهجران يقنب ذيبه

‏اتركوني عايشٍ في محتوى تفكيري ‏عن ضجيج العالم اللي مالله بـ هاديها ‏عزلتي من واقع ايامي ومن تقديري ‏راحةٍ فيها الحياه اللي محد لاقيها

‏المكان اللي مايرفع مقامك لاتجيه أقصر الخطوه عنه لا تروح تجرّبه

‏كلّن يبي صدره شمالي ليا ضاق ‏مير البلا لا ضاق صدر الشمالي

ضايقٍ صدري له اسبوع مامره ونيس ‏الوداع يشيب الراس والفرقا تلوع ‏لاتذكرت الموادع ضحى يوم الخميس ‏ودي ان الوقت وقف على يوم الربوع

‏على الله شكينا كل همن يكود دواه ‏جزيل العطايا واحدٍ ما انغلق بابه ‏ ‏سجدنا لعزه وانثنينا لحوز رضاه ‏عسى الله يفرج كل همن شقينا به

‏قالو من انت وقلت انا انسان عادي ‏مجهول عند اهل الرتب والسلاطين ‏عايش عن ثقال النفوس انحيادي ‏عندي غناة النفس تسوى ملايين

‏علاج الكبود اللي من الناس والمجلاس ‏لها فترةٍ من تالي الوقت مندبله ‏وساع الفجوج وشبة النار والنسناس ‏وخوة مطاليقٍ سواليفهم قبله