Buxoro viloyati bojxona boshqarmasining rasmiy axborot kanali

#NEWS Bojxona qo’mitasi tomonidan eksport jarayonlarini soddalashtirish natijasida tadbirkorlarga bir qator qulayliklar yaratilmoqda 📹 Videoni YouTube'da ko'rish @istiqloltvuz

Buxoro viloyati bojxona boshqarmasining Olot chegara bojxona postida “Hodimlarning stress va depressiyaga tushishlarini oldini olish va oilaviy baxt nashidalari” mavzusida trening tashkil etildi. Unda Oʻzbekiston Xalq demokratik partiyasining Buxoro viloyati kengashi Raisi Zulfiya Toʻyeva hamda koʻp yillik tajribaga ega boʻlgan oliy toifali psixolog Abera Hasanovalar maʼruzachi sifatida ishtirok etishdi. Treningda oilaviy ajrimlarning oldini olish, gender tenglik mavzulari qatorida xodimlar ishdan boʻsh vaqtlarini mazmunli tashkil etishlari, xizmat jarayonida korrupsion holatlarga yoʻl qoʻymaslik kabi masalalarga ham toʻxtalib oʻtildi. Eng muhimi, trening davomida oʻzlariga muhim tavsiyalarni olgan tinglovchilar tomonidan kelgusida bu kabi tadbirlarni tez-tez tashkil etishga kelishib olindi.

Божхоначи - халқ ва тадбиркорга кўмакчи! Бухоро вилояти божхона бошқармаси бошлиғи Б.Муратовнинг навбатдаги сайёр учрашуви манзили газ-кимё мажмуаси бўлди. Наманган вилояти божхона бошқармаси бошлиғи У.Кодиров эса Чуст туманида жойлашган “Tai Chang Special Steel” ҳамда “Chust ay-nur ip" МЧЖ фаолияти билан танишди. Қорақалпоғистон Республикаси божхона бошқармаси бошлиғи ўринбосари О.Қодиров жойлардаги объектларга чиққан ҳолда қуёш панеллари ўрнатилиш ҳолатини ўрганди.

Buxoro viloyati bojxona boshqarmasi boshligʻi B. Muratovning navbatdagi sayyor uchrashuv manzili MTO texnologiyasiga asoslangan gaz-kimyo majmuasi boʻldi. Sayyor oʻrganishlar avvalida katta hajmdagi rezervuarlar hamda metall quvur ishlab chiqarish "Enter Steel Karakul" zavodda ketayotgan ish jarayoni bilan tanishish asnosida, korxona vakillari “Bojxona hududida qayta ishlash” bojxona rejimi orqali ishlab chiqaruvchilarga yaratilgan imtiyozlar birma-bir tanishtirildi. 2 500 nafar fuqaroni doimiy ish bilan taʼminlashi kutilayotgan korxona negizida barpo etiladigan oʻnlab ishlab chiqarish zavodlari faoliyati boshlanishi arafasida boʻlgan MTO texnologiyasiga asoslangan gaz-kimyo majmuasining masʼullari bilan loyiha istiqbollari yuzasidan fikr almashildi. Tabiiyki, loyihaning oʻz vaqtida ishga tushirilishi bojxona organlari bilan uzviy hamkorlikni taqozo etadi. Uchrashuvda xorijdan keltirilayotgan ehtiyot qismlar va texnologik asbob-uskunalarining bojxona nazorati va rasmiylashtiruvini tezkorlik bilan yakuniga yetkazishda har tomonlama amaliy yordam koʻrsatilishi taʼkidlandi.

Hududlarda bojxona to'lovlari tushumini qo'shimcha manbalar hisobiga yanada oshirish choralari o'rganildi Joriy yilning 19-21-iyun kunlari Bojxona qo'mitasi Bojxona auditi boshqarmasi xodimlari tomonidan Bojxona qo'mitasining Navoiy va Buxoro viloyatlari bo'yicha boshqarmalariga tashrif buyurildi. Tashrif davomida, aniqlangan qo'shimcha bojxona to'lovlarini undirish ahvoli, hududlardagi bojxona to'lovlari manbalari, bojxona to'lovlaridan berilayotgan imtiyoz va preferensiyalar dinamikasi, amaliyotda uchrayotgan muammolar hududiy boshqarmalarning tegishli bo'limlari va bojxona postlari ishtirokida tahlil qilindi. Xususan, mazkur kunlarda hududiy boshqarmalar bilan hamkorlikda 1,1 mlrd so'm qo'shimcha bojxona to'lovlari undirilishiga erishildi. Shuningdek, tadbirkorlik subyektlari bilan uchrashlar chog'ida bojxona qonunchiligidagi yangiliklar, faoliyatni kengaytirish va eksportni oshirish yo'llari, "bojxona hududida qayta ishlash" bojxona rejimining afzalliklari hamda tadbirkorlik subyektining soliq organlaridagi QQSning hisobga olinishi natijasida shakllangan pul mablag'laridan bojxona to'lovlarini to'lashda foydalanish imkoniyatlari tushuntirilib, fikr-mulohazalar almashinildi. Bu kabi amaliy tashriflar davom ettirilmoqda.

🎞📺Bojxona organi mas'ullari tadbirkorlik subyektida sayyor uchrashuvda bòlishdi.