EDU TIME | learning centre

Assalomu alaykum, hurmatli ota-onalar quyidagilarga e'tibor bering. ✅ Prezident maktabiga tayyorlov sohasi Respublikadagi eng yuqori raqobat mavjud bo'lgan soha. Ixtiyoriy o'quvchining PMga kira olmaslik ehtimoli 99% va undan yuqori. Shu sababli kutuvni faqat natijaga bog’lab qo’yish to’g’ri emas. ✅ Ammo, o'quvchi tayyorlanish jarayonida ko'p foydali bilimlarga ega bo'lishi deyarli kafolatlanadi. ✅ Prezident, Al-Xorazmiy va boshqa ixtisoslashtirilgan maktablarga kirish farzandingiz uchun sifatli ta’lim va katta imkoniyatlar eshigini ochadi. ✅ Prezident maktablari, Al-Xorazmiy, ixtisoslashtirilgan maktablar va shunga o’xshash maxsus ta’lim muassasalariga kirgan o’quvchilar uchun juda katta imkoniyatlar eshigi ochiladi. Kuchli ta’lim muhiti, tajribali ustozlar, xalqaro tanlov va olimpiadalarga tayyorgarlik, nufuzli oliygohlarga yo’l ochilishi shular jumlasidandir. ✅ Yana bir muhim jihati shundaki, bola erta yoshdan o’zini shunday imtihonlarda sinab ko’radi, oldiga maqsad qo’yishni va shu maqsad sari harakat qilishni o’rganadi. Bu esa unda intizom, mas’uliyat, mehnatsevarlik va mustaqil fikrlashni shakllantiradi. ✅ Hatto o’quvchi Prezident maktabiga kira olmagan taqdirda ham, tayyorgarlik davomida o’zi kabi maqsadli, harakat qiladigan bolalar orasida bo’ladi. Bu muhit bolaning dunyoqarashi, odob-axloqi, fikrlashi va bilim olishga bo’lgan munosabatini ijobiy tomonga o’zgartiradi. ✅ Buni ota-onalar ham qisqa vaqt ichida sezishni boshlaydi. Farzandingiz tengdoshlari orasida bilimga chanqoqligi, intizomi, fikrlashi va harakatlari bilan ajralib turadigan bo’lib boradi. Shuning uchun tayyorgarlik jarayoniga faqat “Prezident maktabiga kirish” deb emas, balki farzandingizning kelajagi uchun qo’yilgan mustahkam poydevor sifatida qarashingizni tavsiya qilamiz.