معلومات طبية مهمة Important medical information

🔲 من الحالات التي لا تنسى في العيادة.. مريض ذكر يبلغ من العمر 55 سنة ، بصحة جيدة ، ما شاءالله كأنه في الثلاثين من عمره ولا يزال يمارس مهنته في ميكانيكا السيارات. لا يعاني من أي أمراض مزمنة. حضر للعيادة وهو يشكو من ضعف عام في الجسم، شعور دائم بالارهاق غير مبرر منذ عدة سنوات ، رغم تغذيته الجيدة. 🟢 يا دكتور أنا عندي إرهاق مزمن، عملت عشرات الفحوصات، كلها طبيعيه الا نقص بسيط في الهيموغلوبين الدكاترة ما لقو ليهو سبب غير دا. بعد أخذ تاريخ مرضي مختصر وفحص سريري موجه مريت بسرعة على ملف الفحوصات الذي يحمله: ▪️ حوالي 10 تحاليل للدم الكامل (CBC ) : الهيموغلوبين حوالي 10.8 يزيد أحيانا. حجم الخلايا طبيعي في صورة الدم الطرفية. ▪️فحص الحديد وفيتامين B12 والفوليك كله طبيعي ▪️ عدة فحوصات للبول و البراز : سليمة ▪️فحص الغدة الدرقية: طبيعي ▪️فحص السكر الصيامي و التراكمي: طبيعي ▪️فحص وظائف الكلى والكبد والاملاح: طبيعي ▪️فحوصات الأجسام المناعية: طبيعيه ▪️مجموعة من صور الموجات الصوتيه للبطن: طبيعيه ▪️مناظير معدة وقولون مرتين: طبيعي بيني وبين نفسي: الله ،، طيب الأنيميا دي جاية من وين؟ المريض: يا دكتور موضوع الدم دا أنا قفلت بابه، ، لحدي نخاع العظم شالو مني عينة ومالقو سبب. كدي أديني فتامين يقويني شوية ، ركز لي على الأرهاق ده. ⭕طبعا الحاجات دي مربوطه مع بعض ، وأهلك العرب قالو مافي دخان بدون نار. ⭕ هل تعاني من أي ضغوط نفسية؟ 🟢 (والله يا دكتور أنا زول فرايحي، مبسوط ماديا الحمدلله، بنوم مرتاح وبقوم مرتاح، وغير الضحك ما عندي شي). ⭕ هل سبق رقدت مستشفى لأي سبب ؟ 🟢 ما حصل في حياتي الا مرة واحدة قبل 3 سنوات ، حصل كسر في يدي اليسرى؟ ⭕ شنو كان سبب الكسر؟ 🟢 تتخيل سبب بسيط جدا ، كنت بغيظ في صاحبي بعد هزيمة نكراء في قيم كتشينة، وانا طبعا لساني مر في الحاجات دي 😄 اشتبكنا بالأيدي ، مشيت البيت أصبحت يدي متورمة ، عملت أشعة لقيت في كسر. أصحابي مستغربين، لكن بيني وبينك صاحبي دا يدو تقول فيها شيطان، ياخي دا مافي ريموت تلفزيون ما خسرو، ياخي دا ست الشاي بقت تديهو في كباية ورق لانه كاسر ليها خمسة كبايات 😁 ⭕كيف طبيعة العلاقة الحميمية مع زوجتك؟ إلتفت يمنة ويسرة ثم انحنى علي بصوت هامس ( والله يا دكتور لمست الجرح. مافي رغبة، برود شديد وضعف تام مع انه زوجتى لسه عمرها 36 سنة ). أسند ظهره للكرسي وخلف رجله ورسم ابتسامة ماكرة : (تصدق مرة زوجتي بدون مناسبة قالت لي : تاكل أكل السوسة والعافية مدسوسة😄) ⭕ طيب أمشي أعمل لي الفحص دا . 🟢 الفحص دا شنو يا دكتور ،، أنا تعبت من الفحوصات. ⭕ دا فحص هرمون التستوستيرون Serum free testosterone ولازم يكون الصباح بدري قبل العاشرة صباحا. اليوم التالي طلع فحص التستوستيرون ناقص، طلع 125 ( الطبيعي أكثر من 300 نانوجرام) .. عدناه تاني برضو ناقص. ⭕ طيب المرحلة التانيه نعرف سبب النقصان، هل أولي ناتج عن ضعف الإنتاج من الخصيتين أم ثانوي بسبب نقص هرمون التحفيز LH. فحصنا LH طلع عالي، معناها السبب أولي، ، مشينا على الخصيتين الكشف السريري والتصويري كل شي طبيعي. 🔹طيب السبب شنو في نقص الهرمون مع انه المصنع سليم ظاهريا؟ في دراسات منشورة وضحت انه التعرض للحرارة المباشرة لفترات طويلة قد تؤدي إلى خلل وظيفي في خلايا ليدج المنتجة للهرمون ، وبالنظر لوظيفة صاحبنا فهو بيكون جالس أغلب يومه تحت العربية ظهره للأرض الحارة وبطنه لعادم العربية أو المكينة خاصة مع ضعف ثقافة ال safety في بيئتنا. دا قد يكون سبب مرجح بعد استبعاد الاسباب الأخرى الشائعة. 🟢طيب يا دكتور العلاقة شنو بين نقص الهرمون دا والانيميا والتعب بتاعي دا؟ ⭕ الهرمون دا من العوامل المهمة المساعدة في انتاج كريات الدم الحمراء ، بينشط نخاع العظم اللي هو مصنع الدم .. مش كدا وبس ،، كمان نقصانه بيعمل هشاشه في العظام وبالتالي دا هو السبب في الكسر الحصل ليك ويد صاحبك بريئة تماما من الشيطان😄 تم إعطاء المريض حقن التستوستيرون ، 100 ملجم بالعضل كل أسبوع. قبل نعطي علاج التستوستيرون لازم نستبعد زيادة لزوجة الدم و أي أورام خاصة البروستات والثدي. نفحص الهيماتوكريت و PSA. بعد 3 أشهر استوقفني رجل أنيق في سوق الخضار بصوت جهوري: يا دكتور يوسف، ، يا دكتور يوسف.. عرفتني؟ ،، أنا الزول بتاع حقن الهرمون. أبشرك الدم بقى 95% والحمد لله باقي الأمور كها ظبطت، بقيت زي الحصان. الله ينصر دينك يا دكتور، مع بوسة في الرأس و (علي الطلاق تشرب حاجة باردة).. و كلمات أخرى جانبية ليست للنشر 😄

﴿إِنَّ اللهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾. «اللَّهُمَّ صَلِّ وَسَلِّمْ عَلَى مُحَمَّدٍ وَعَلَى آلِ مُحَمَّدٍ».

استبدال الصمام aortic valve بعض مشاكل الصمامات مثل تضيق الصمام او الارتجاع تحتاج الى عملية وضع صمام صناعي عن طريق القسطرة كما موضح بالفيديو

🔥 معلومات حلوة عن شنو هو الغسيل الكلوي 🔥 https://t.me/hemodialysis1/76

مؤشرات الجفاف

تناول الطعام الحار، يجعل جسم الإنسان يُفرز الإندروفينات التي تجعله يشعر بشعور جيد من الراحة والتحسن النفسي. لهذا يستمتع العديد من البشر بالطعام الحار.