Infoteck.dox

አንድ የተቀዳደደ ልብስ የለበሰ ምስኪን የኔቢጤ ደሃ መሳይ ሰው ወደ ባንክ ጎራ ይላል። የያዘውን የባንክ ደብተርም ለአንድ የባንኩ ገንዘብ ከፋይ ይሰጥና “5,000 ብር ማውጣት እፈልጋለሁ” ይለዋል፡፡ የባንኩ ሰራተኛም ይህን ሰው “ከ 10,000 ብር በታች የሆነ ገንዘብ ለማውጣት እባክዎን ኤቲኤም ይጠቀሙ” ይለዋል ፡፡ ሰውየውም “ለምን?” ሲል ጠየቀ ፡፡  ገንዘብ ከፋዩም በቁጣና በንቀት “ይህ የባንካችን ህግ ነው፡፡  ሌላ ጉዳይ ከሌለህ እባክህ ውጣ።  ከኋላህ ወረፋ የሚጠብቁ በርካታ ሰዎች አሉ፡፡ ”  ብሎ የባንክ ደብተሩን ሳይመለከት ለሰውዬው  መለሰ፡፡ ሰውዬው ግን በትህትና  የባንክ ደብተሩን ለገንዘብ ከፋዩ እየሰጠ “እባክህ በአካውንቴ ውስጥ ያለኝን ገንዘብ በሙሉ እንድወስድ እርዳኝ” አለው፡፡ በዚህ ወቅት ገንዘብ ከፋዩ የአካውንት ቁጥሩን በማንበብ የሰውዬውን ቀሪ ሂሳብ ሲፈትሽ እጅግ ተገረመ ፡፡  ሰውዬውን ባሳየው ያልተገባ ባህሪ ተፀፅቶ እንዲህ ሲል መለሰ:- “ይቅርታ አድርጉልኝ ጌታዬ በሂሳብዎ ውስጥ 3.5 ቢሊዮን ብር አለዎት እናም ባንኩ በአሁኑ ወቅት ያን ያህል ገንዘብ የለውም። ቀጠሮ መያዝ እና ነገ እንደገና መምጣት ይችላሉ? ሰውዬውም “አሁን ምን ያህል ማውጣት እችላለሁ?” ሲል ጠየቀ። ገንዘብ ከፋዩም “ማንኛውም መጠን እስከ 300,000 ብር ድረስ” አለው። ይህ ሰው ከዛም 300,000 ሂሳቡን ከራሱ ሂሳብ ማውጣት እንደሚፈልግ ለገንዘብ ከፋዩ ነገረው። ከፋዩም በፍጥነት ይህን አደረገ እናም  ለዚህ ምስኪን ደሃ መሳይ ግን ባለሃብት ሰው በአክብሮት ሰጠው። ሰውዬውም  5,000 በቦርሳው ውስጥ አስቀመጠና የባንኩን ሰራተኛ ቀሪውን 295,000 ብር ወደ አካውንቱ እንዲያስገባለት ጠየቀ ፡፡ ገንዘብ ከፋዩም ይህ እንግዳ ሰው ባሳየው ያልተገባ መስተንግዶ እንደተደናገጠ የተባለውን አደረገ። ከዚህ ታሪክ ምን መማር እንችላለን ሃሳባችሁን comment በማድረግ አጋሩን።