يوميات مأذون ♥️🌸

لو كنتِ منتظر الزواج على إنه الحل لكل وِحدة أو كسر بتحس بيهم.. وإنه بعد ما ييجي الشخص دة كل مشكلاتك دي هتتحل، وهتلاقيه في كل وقت= ف أنا بقولك من دلوقت إنه دة مش هيحصل للأسف بالصورة اللي أنتِ متوقعاها أو منتظراها.. (طبعا العلاقة دي لو كانوا أطرافها أسوياء فـ هي بتهون عليهم كتير من قسوة الحياة، وبيوفروا شعور السكن لبعض، وآه كل واحد فيهم بيكون ملجأ للتاني.. ومعاني تانية جميلة جدًا، والزواج بحد ذاته كـ علاقة فهو سبحان الله آية من آيات الله عزّ وجلّ! كالسماء والأرض.. ) لكن لازم هيتبقى كسر جواك.. كسر لا يجبره إلا أنسك باللّه عزّ وجل، لازم هتحصل مواقف قد تُشعرك بخزلان من الطرف التاني، في حين إنه مكانش خزلان منه ولا شئ.. وهي في الحقيقة بس مواقف بتربيك، وبتعلمك أنه(لا ملجأ من الله إلا إليه..)،، مواقف هتلتمس فيها ضعف البشر.."طينٌ يأوي إلى طين" ، وعجزهم عن تقديم أي مساعدة ليك وقتها،، حتى لا يتعلق قلبك سوى بالله، وحتى تلجأي لله عز وجل الحي .. القيوم.. الذي لا تأخذه سنة ولا نوم.. :" إنما البشر؟ البشر يتعب ويفقد طاقته لدرجة مش هيقدر يدي لغيره .. البشر يتعب وينهكه التعب فـ ينام.. ولن تجديه وقتها..ليكن لجؤك وقتها للحي الذي لا ينام:")) [لا تأخذه سنةٌ ولا نَوم] ! تفطن لـ المعنى دة من الآن.. وعلق قلبك بالله، وتحصن بالإيمان.. وتقبل ضعف الطرف الثاني، وبشريته،، وأنه هو الآخر محتاج ليك تتفقديه وتخففي عنه دوما.. وكلاكما محتاج لجبر الله، وبدون عون الله فـ أنتم عاجزين عن تقديم أي دعم لبعض :") اجعل لجؤك أولًا لله عزّ وجل، ومتخليش تعلقك بحد يوصلك لغفلة عنه سبحانه وتعالى.. من الآخر: هو كسر مش هيجبره غير الجنة_بفضل الله وبرحمته_ ⁦♥️⁩ -- إن في القلب شعث : لا يلمه إلا الإقبال على الله، وعليه وحشة: لا يزيلها إلا الأنس به في خلوته، وفيه حزن : لا يذهبه إلا السرور بمعرفته وصدق معاملته، وفيه قلق: لا يسكنه إلا الاجتماع عليه والفرار منه إليه، وفيه نيران حسرات : لا يطفئها إلا الرضا بأمره ونهيه وقضائه ومعانقة الصبر على ذلك إلى وقت لقائه ، وفيه طلب شديد: لا يقف دون أن يكون هو وحده المطلوب ، وفيه فاقة: لا يسدها الا محبته ودوام ذكره والاخلاص له، ولو أعطى الدنيا وما فيها لم تسد تلك الفاقة أبداً[ابن القيم..] لقائله