Хамидуллох қори

#кахф_сураси Қурон истаган калблар учун 🍃 Хамидуллох қори

АБРАҲА ҲАБАШИЙЯ Нажоший ходималаридан бири бўлиб, бу хизматкор аёл Умму Ҳабибани Набий саллоллоҳи алайҳи ва салламга никоҳланган вақтда олдида бўлган. Роқидий ҳам бу аёлни зикр этиб ўтган. Ибн Саъд Умму Ҳабибанинг таржимаи ҳолини келтирганда бу хизматкор аёл қиссасини ҳам баён этиб ўтган. Бу таржимаи ҳол Абдуллоҳ ибн Амр ибн Зуҳайрдан, у Исмойил ибн Амр ибн Саъиддан, у эса Умму Ҳабибадан ривоят қилинган (Исоба 220-бет). Айнан Абраҳа Ҳабашийя Умму Ҳабибага Расулуллоҳ саллолоҳу алайҳи ва саллам совчи қўйганлик хушхабарини ектазган. Шунда Умму Ҳабиба бу муждадан қаттиқ хурсанд бўлиб, уни етказгани учун унга икки билакузуги, оёғидан тақинчоқни вак кумуш узукларини ечиб беради. Умму Ҳабиба маҳрини олгач, бу ходима аёлга яна эллик мисқол олтин ҳадя этади. Шунда Абраҳа подшоҳ менга сен ундан ҳеч нарса олмагин, деббуюрди дея олганларини тўлиқ ўзига қайтариб беради. Абраҳа яна: “Шахсан мен подшоҳнинг кийим-кечаги, зеб-зийнатлари ва атир-упаларига масъулман. Дарҳақиқат, мен Расулуллоҳ саллолоҳу алайҳи ва саллам келтирган динга эргашдим ва Оллоҳга иймон келтирдим. Дарвоқе, подшоҳ барча аёлларига сиз учун ўзларидан бўлган барча хушбўй-атирларни совға қилиш учун буюрди”, деб қўшиб қўйди. Саййида Умму Ҳабиб шундай дейди: Эртаси Абраҳа менга увд, варас, анбар ва кўпгина совға-саломларни келтирди. Мен ҳузурларига борганимда ҳаммасини Расулуллоҳга кўрсатдим. У зот ўша совғаларни менинг эгнимда ва ҳузуримда кўрардилар, лекин менга эътироз билдирмасдилар. Яъни, ёқтирмаганларини изҳор этмасдилар. Мен йўлга чиқаётиб Абраҳа шундай деб тайинлади: “Менинг сиздан бирдан-бир ўтинчим шуки, аввало мендан Расулуллоҳга салом айтасиз ва менинг у зотнинг динига эргашганимни билдириб қўясиз”. Умму Ҳабиба шундай дейди: “Айнан шу аёл мени келинликка тайёрлаган эди. У ҳар гал менинг олдимга кирганида, сизга тайинлаган гапимни эсдан чиқарманг”, деб қайта-қайта менга тайинларди. Мен Расулуллоҳ алайҳиссаломнинг олдиларига келганимда, у зотга совчилик қандай бўлганини ва Абраҳа менга қандай илтифот кўрсатганларинини айтиб бердим. Шунда Расулуллоҳ саллолоҳу алайҳи ва саллам табассум қилдилар. Мен у зотга аёлнинг саломини етказдим. Шунда у зот: “Унга ҳам Оллоҳнинг саломи, раҳмати ва баракаси бўлсин”, дедилар. (Табақотул-Кубро, 98-бет, Сифатус-Сафъа 45/2 да ва “Мустадрак” да ҳам шундай келган).   Саҳобия аёллар ҳаёти қомуси" китобидан Яқинларингизга ҳам улашинг!

АХЛОҚ   “Ва, албатта, Сиз улкан хулқ узрадирсиз” (Қалам сураси, 4-оят).   “Мен гўзал хулқни мукаммал қилиш учун юборилганман”.   Уммат муштарак мақсаддаги инсонлардан таркиб топар экан, ўша инсонлар юксак ахлоқий фазилатлардан мосуво бўлса, у ҳолда инсон уммат учун моддий қийматга қандай эга бўлиши мумкин? Ҳа, фақат юксак ахлоқий фазилатларга эга инсонларгина умматга Ер юзидаги олтинлардан ҳам кўра қимматбаҳо кўрк ва бойлик бўла олади. Уммат учун фақат юксак ахлоқгина дунё ҳисоби билан ўлчаб бўлмайдиган бебаҳо бойлик бўла олади.   Исломий ахлоқ мутлақ яхшилик, омма учун салоҳиятдан иборат бўлиб, унинг асл манбаси муқаддас Ислом динидир. Унда бутун башарият учун фақат яхшилик ва салоҳият кафолатланган.   Унинг булоғидан ошкора ва махфий ҳолатда ҳам, фаровонлик ва машаққатда ҳам бир хил маромда қувватли ва нуфузли чашма отилиб чиқади. Зеро, унинг Нозири Аллоҳ азза ва жалладирки, Уни мудроқ ҳам, уйқу ҳам олмас. На ер юзида ва на осмонларда зарра миқдоридаги ундан кичикроқ ёки каттароқ нарса Ундан махфий бўла олмас.   Саодат асрининг йўлчи юлдузлари ва уларга эргашган улуғ зотлар Аллоҳ таолога ибодат қилдилар, тақвода намуна бўлдилар ва юксак ахлоқ соҳибига айландилар. Натижада Ислом таълимотларини тез фурсатда бутун дунёга ёйишга эришдилар.   Ахлоқ сашмасидан поклик, мусаффолик, иффат, ростгўйлик, саховат, хушмуомалалик ва вафо каби абадий сўнмас булоқ отилиб чиқадики, бу буюк инсоний одоблар Аллоҳ таолога ҳақиқий тақво қилиш, буйруқларига итоат этиш ва гуноҳлардан сақланишга асослангандир.   Улуғ саҳобийлар мана шу ахлоқ ила Исломий жамиятда жамландилар. Мана шу ахлоқ ила уларнинг байроқлари куррайи Заминнинг барча гўшаларида ҳилпиради. Чунончи, улар иззат ва жабарут Соҳиби – “Сиз буюк хулқ узрадурсиз”, деб сифатлаган жаноб Расули акрам мактабларидан сабоқ олган эдилар. Яқинларингизга ҳам улашинг!