TADQIQOT va TAHLIL

📌 Tadqiqotchilarga eslatma! Ilmiy faoliyatda kichik ko‘ringan xatolar keyinchalik katta muammolarga sabab bo‘lishi mumkin. Quyidagi 3 ta qoidaga amal qilishni odat qiling: 1️⃣ Ism va familiyangizni doim bir xil yozing. Ingliz tilidagi barcha maqolalarda ism-familiyangiz bir xil shaklda bo‘lsin. Masalan, bir maqolada Bakhtiniso Khasanova, boshqasida Bakhtiniso Xasanova yoki Bakhtinisa Khasanova deb yozish maqolalaringizning turli muallif profillariga ajralib ketishiga olib keladi. Eng to‘g‘ri yo‘l — pasportdagi transliteratsiyaga amal qilish. 2️⃣ Professional elektron pochtadan foydalaning. Imkon bo‘lsa, universitet yoki tashkilotingizning korporativ elektron pochtasidan foydalaning. Agar bunday imkoniyat bo‘lmasa, ism va familiyangiz asosida ochilgan manzilni tanlang. Masalan: bakhtiniso.khasanova@gmail.com. ❌ tulip777@gmail.com yoki bestteacher@mail.ru kabi manzillar ilmiy muhit uchun unchalik mos emas. 3️⃣ ORCID profilingizni tekshirib chiqing. ORCID - tadqiqotchining xalqaro ilmiy identifikatori. Undagi ism-familiya maqolalaringizdagi yozilish bilan aynan bir xil bo‘lishi kerak. Aks holda ilmiy ishlaringiz to‘g‘ri bog‘lanmasligi mumkin. ✅ Unutmang: Maqola + elektron pochta + ORCID - barchasida ism va familiyangiz bir xil bo‘lsin. Bu oddiy qoida maqolalaringizning Scopus, Web of Science, Crossref, Google Scholar va boshqa xalqaro bazalarda to‘g‘ri indekslanishi hamda barcha ilmiy ishlaringiz bitta muallif profilida jamlanishiga xizmat qiladi.     👉Murojaat: @tadqiqot_tahlil 👉🔰Kanal: https://t.me/sup_port_science