O‘zLiDeP Андижон вилоят Кенгаши

МАҲАЛЛАНИНГ  ИБРАТЛИ ТАДБИРКОРИ O’zLiDeP  Хонобод шаҳар  Кенгаши   томонидан шаҳарнинг “Кампирравот”  МФЙда  “Ишбилармон аёл” кўрик-танловининг маҳалла босқичи ўтказилди.  Унда партия шаҳар Кенгаши аппарат раҳбари М.Мусаев, шаҳар оила ва хотин-қизлар бўлими бошлиғи Ў. Хамдамова ва маҳалла фаоллари   ҳудудда фаолият олиб бораётган якка тартибдаги  тадбиркор Гулсанамхон Алимованинг хонадонида бўлиб, тадбиркорлик  фаолияти  ўрганилди. Гулсанамхон ўз хонадонидаги  ҳовузда балиқ,  иссиқхонада  помидор, бодринг ва малина  экинлари  парваришлаш, шунингдек,   ҳунармандчилик  билан ҳам шуғулланиб,  хорижлик  меҳмонлар ва қизиқувчилар учун турли  эсдалик буюмларини ҳам  ясаб, бозорга чиқармоқда. Туризм шаҳри бўлган – Хонободнинг  янада обод, мафтункор ва фаровон гўшага айланишида Гулсанамхон сингари тадбиркор аёлларнинг ҳам ўз ҳиссалари бор. https://t.me/uzlidepandijon

ЧЕВАР АЁЛЛАРНИНГ  МИЖОЗЛАРИ  КЎПАЙМОҚДА O’zLiDeP   Пахтаобод  туман  Кенгаши “Аёллар қаноти”  томонидан “Юқори” МФЙда “Ишбилармон аёл” кўрик-танловининг маҳалла босқичи ўтказилди. Тадбир доирасида маҳалла ўрамидаги  якка тартибдаги тадбиркор Ферузахон Ҳайдарованинг иш фаолияти ўрганилди. Ферузахон ёшлигидан чеварлик сирларини  онасидан ўрганиб, бугун ўзи  уста чевар сифатида фаолиятини йўлга қўйган. Олти дона янги, замонавий  тикув машинаси сотиб олиб, ўз маҳалласидаги олти нафар  аёлни иш билан бандлигини таъминлаган. Уларга касб сир-асрорларини маҳорат билан  ўргатиб, ишни самарали ташкил этиб келмоқда.  Моҳир чеварлар пешма-пеш   буюртмалар  олиб,  турли  кийим-кечак ва либослар тикиб, ҳам яхши даромад, ҳам мижозлари кўнглини олишмоқда.