LIDERLAR

Albatta vaqt topib ko’ring!!!

Aziz kanalimiz kuzatuvchilari, barchalaringizga bayram muborak bo‘lsin! Bizdan bayramga katta tuhfa — “Fonus” loyihasi doirasida tasvirga olingan “Chegara” qisqa metrajli film premyerasini taqdim etamiz. Biror tarixiy voqelikni fakt bilan tushuntirib berish mumkin, ammo shu jarayon ortida turgan fojealar inson iztiroblari bilan ko‘rsatib berilsa-chi? “Chegara”da ayni shunday qilinadi – taqdir sabab qo‘shni davlatga palaxmon toshidek otilgan ayolning ilojsizligi, ota-onaning siyosiy vaziyat sabab yo‘l qarash bilan o‘tayotgan umri… Dunyodagi eng katta fojia bu – erksizlik, u qanday ko‘rinishda bo‘lmasin, qanday atalmasin, og‘riq beradi… Biz chegaralar huddi doim ochiq bo‘lgandek, hayot hozirgi maromida oqgandek anglaymiz. Lekin uzoq bo‘lmagan kunlarga qarasak, bugun inson hayotida o‘zgarishlar katta, qadrlar baland. Filmni bu yerda tomosha qilishingiz mumkin: https://youtu.be/266e3iOmfRs Aytgancha, bayramga yana bir tuhfa loyihaning bosh filmi “Fonus” Iordaniyada o‘tkazilgan xalqaro festival mukofotini qo‘lga kiritdi. @otabek_khasanov

Aziz yurtdoshlar! 🇺🇿 Eng ulug‘, eng aziz bayram — jonajon Vatanimiz mustaqilligining 35 yilligi barchamizga muborak bo'lsin! Aslida mustaqillik — taqvimdagi bir sana emas. Mustaqillik — bir kun nishonlanadigan bayram ham emas. Mustaqillik — har kuni his qilib, har kuni asrab, har kuni yaratib yashaydigan buyuk qadriyat! Bugun xalqimizning ongi o‘zgarmoqda. Ertangi kunga ishonchi kuchaymoqda. Dunyoqarashi kengaymoqda. Bugungi o‘zbek xalqi — kechagi o‘zbek xalqi emas! Bugun biz o‘z tarixidan faxrlanadigan, bugungi kunini qadrlaydigan, ertangi kuniga ishonch bilan qaraydigan, farzandining ta’limi va kelajagiga sarmoya kiritayotgan xalqmiz! Bugun har bir oiladagi ezgu niyat, har bir yoshning orzusi, har bir tadbirkorning tashabbusi, har bir mehnatkashning halol mehnati — yurtimiz taraqqiyotiga qo‘shilayotgan ulkan hissadir. Islohotlarning eng katta natijasi esa binolar yoki raqamlarda emas. Eng katta natija — insonning o‘z kuchiga ishona boshlaganida! Azizlar, farzandlarimizga mustaqillikning mazmun-mohiyatini tushuntiraylik. Ularga Vatan ozodligi, yurt tinchligi — tayyor berilgan ne’mat emas, balki ajdodlar orzusi va avlodlar mas’uliyati ekanini anglataylik. Zero, Mustaqillikka munosib yashash — yurtimiz kelajagini o‘z qo‘limiz bilan qurish demakdir. Yurtimiz tinch, xalqimiz farovon, farzandlarimiz baxtli va kelajagimiz buyuk bo‘lsin!

🇺🇿 Bayramga munosib tuhfa: “Birlashib, buyuk tarix yaratamiz!” 📚 Respublika Ma’naviyat va ma’rifat markazi, Ijtimoiy-ma'naviy tadqiqotlar instituti tomonidan bir guruh olimlar bilan hamkorlikda ulug‘ ayyom arafasida muhim ma’naviy-ma’rifiy nashr tayyorlandi. “Birlashib, buyuk tarix yaratamiz!” nomli kitobda Prezidentimiz Shavkat Mirziyoyevning O‘zbekiston Respublikasi davlat mustaqilligining 35 yilligiga bag‘ishlangan tantanali marosimdagi nutqi mazmunan keng va chuqur sharhlangan.

Kitobning bosh g‘oyasi bir jumlada mujassam: “Vatanimizning oltin davrini, yangi buyuk tarixini albatta barchamiz birgalikda yaratamiz!” Bu shunchaki da’vat emas. Bu — birlikka chaqiriq. Bu — tarixiy mas’uliyat. Bu — kelajakka ishonch. Bu — har bir yurtdoshimizni Vatan taraqqiyotiga daxldor bo‘lishga undaydigan ezgu maqsad!

Kitobda Prezidentimiz nutqida ilgari surilgan tarixiy haqiqatlar, strategik maqsadlar, ustuvor vazifalar, muhim raqamlar va istiqbolli rejalar izchillik bilan tahlil qilingan. Yana bir muhim jihat: nashr infografikalar bilan boyitilgan. Ular orqali tarixiy taraqqiyot bosqichlari, Yangi O‘zbekistonda amalga oshirilayotgan islohotlar natijalari, ustuvor strategik yo‘nalishlar hamda milliy maqsadlar ko‘rgazmali va ixcham shaklda ifodalangan.

Mazkur qo‘llanma ayniqsa yosh avlodning mamlakatimizda kechayotgan keng ko‘lamli o‘zgarishlarni anglashi, ularning mohiyati va ahamiyatini to‘g‘ri idrok etishida muhim manba bo‘lib xizmat qiladi. Zero, bugungi yoshlar — tarixni faqat o‘rganuvchi emas, balki Yangi O‘zbekistonning yangi tarixini yaratadigan bunyodkorlardir.

Shu nuqtai nazardan, “Birlashib, buyuk tarix yaratamiz!” kitobi Mustaqillik soatlari, ma’naviy-ma’rifiy tadbirlar, davra suhbatlari, ochiq muloqotlar va yoshlar bilan ishlash jarayonlarida foydalanish uchun samarali qo‘llanma bo‘la oladi. KITOBning ELEKTRON SHAKLI Rasmiy sahifalarimiz👇 Veb-sayt |Telegram | Facebook |YouTube | Instagram

🇺🇿 VATAN QOLSIN! Oʻzining alohidaligi bilan barchaning qalbidan chuqur joy egallagan va barchani qiziqtirib qoʻygan she’riy konsertimizni taqdim etamiz! 📜 Millatimizning 3 ming yillik tarixiga nazar tashlashga tayyormisiz? ⏰ Bugun 19:30 da 📺 Madaniyat va ma’rifat telekanalida Soʻz loyihasining Mustaqilligimizning 35 yilligiga atalgan “Vatan qolsin!” she’riy konsertini tomosha qiling! Rasmiy sahifalarimiz👇 Telegram | Instagram | Facebook | YouTube

#Studiya_tok_shou24 | 29.08.2026 Mustaqilligimizning 35 yilligi: Yagona Vatan, yagona xalq bo‘lib, yangi hayot va kelajak yaratamiz! mtrk.uz| Instagram | Youtube | Facebook | Telegram |X (twitter)

O‘zbekiston Respublikasi davlat mustaqilligining 35 yilligiga bag‘ishlangan bayram tantanasini quyidagi havolalar orqali tomosha qiling: — Смотрите празднование 35-й годовщины государственной независимости Республики Узбекистан по следующим ссылкам: Telegram Youtube Facebook Prezident.uz|Facebook|Instagram|YouTube|X

#33_son Hurmatli davlat xizmatchilari, siyosiy ma'rifat soatining navbatdagi sonini taqdim etmoqdamiz. Unda siyosiy-ijtimoiy xabarlar, qonunchilikdagi yangiliklar, davlat xizmatchisining ma’naviy-ma’rifiy dunyoqarashini boyitishga xizmat qiladigan ma’lumotlar o‘rin olgan. #uzb35 #mustaqillik35 🌍Biz bilan kuzatib boring! 🕊Telegram | 📸Instagram

#35yil_35mahalla_35mingkitob “Kitob karvoni” yo‘lga chiqdi

Mustaqilligimizning 35 yilligi munosabati bilan “Kitob karvoni” ma’rifiy aksiyasiga start berildi. Mazkur loyiha O‘zbekiston mahallalari uyushmasi,Respublika Ma’naviyat va ma’rifat markazi, Alisher Navoiy nomidagi O‘zbekiston Milliy kutubxonasi, Yoshlar ishlari agentligi hamda Markaziy bank hamkorligida tashkil etildi.

Aksiya doirasida “Yangi O‘zbekiston qiyofasidagi” 35 ta namunali mahallaga 35 ming nusxa kitob topshiriladi.

Tashabbusning asosiy maqsadi: - mahallalarda kitobxonlik muhitini rivojlantirish; - yoshlarni mutolaaga keng jalb etish; - aholining sifatli adabiyotlardan bepul foydalanish imkoniyatini kengaytirish; - mahallalarda ma’naviy-ma’rifiy muhitni yanada mustahkamlash.

Rasmiy sahifalarimiz👇 Veb-sayt |Telegram | Facebook |YouTube | Instagram

Prezident Shavkat Mirziyoyev ishtirokida mamlakatimiz mustaqilligining 35 yilligi munosabati bilan davlat mukofotlarini topshirish marosimi bo‘lib o‘tmoqda. Tadbirda davlatimiz rahbari yig‘ilganlarni O‘zbekiston Respublikasi davlat mustaqilligining 35 yilligi bilan samimiy tabrikladi.

– 35 yil – tarix uchun juda qisqa davr. Lekin ortda qolayotgan yillar o‘zining ko‘lami, yutuq va natijalari bilan asrga tatigulik davr bo‘ldi, desak, aslo mubolag‘a bo‘lmaydi,

– dedi Prezident. Ushbu o‘zgarishlarning haqiqiy muallifi mehnatkash va olijanob xalqimiz ekani ta’kidlandi. Davlatimiz rahbari mustaqillikning qadr-qimmati qishloqda rizq-ro‘z yaratayotgan fermer va dehqonlar, farzandlarga ta’lim-tarbiya berayotgan ustoz va murabbiylar, inson hayotini asrayotgan shifokorlar mehnatida namoyon bo‘lishini qayd etdi. Shuningdek, ilm-fan taraqqiyotiga yangi g‘oya va kashfiyotlar olib kirayotgan olimlar, zamonaviy korxonalar barpo etayotgan sanoatchi va tadbirkorlar, shahar va qishloqlarni obod qilayotgan quruvchi hamda arxitektorlarning hissasiga alohida to‘xtaldi.

"Ким ўқишдан (илм олишдан) тўхтаса қарийди, - хоҳ у 20 ёки 80 ёш бўлсин, - ким мунтазам ўқишни (илм олишни) давом eттирса ёш-навқирон бўлиб қолавeради. Ҳаётда энг асосийси - мияни ёш-навқирон ҳолатда сақлашдир. ✍️Гeнри Форд. "Форд Моторс" компанияси асосчиси

#ziyolilar_forumi Mustaqillik — bu shunchaki ozodlik emas, balki o‘zligini anglash, milliy g‘urur va ma’naviy kuch bilan yashash demakdir.

Zero, ma’naviyati yuksak xalqning ruhi ham, irodasi ham, kelajagi ham buyuk bo‘ladi.

Biz chinakam mustaqillikka qachon erishamiz? Qachonki ongimiz begona qarashlardan, qalbimiz qaramlik ruhidan xalos bo‘lib, o‘z qadriyatlarimiz, tariximiz va milliy g‘ururimizga tayangan holda mustaqil fikrlay olsak!

Ma’naviy mustaqillik — millatning ko‘rinmas, ammo eng qudratli qalqonidir. Uni hech qanday kuch zabt eta olmaydi. Chunki o‘zligini anglagan xalqni hech kim yenga olmaydi!

Mustaqillikni asrash — faqat sarhadlarni emas, avvalo qalblarimizni, ongimizni va ma’naviyatimizni asrashdir. Rasmiy sahifalarimiz👇 Veb-sayt |Telegram | Facebook |YouTube | Instagram

Liderlik odatlar xaqida

✍️Otabek Xasanov

O'zingizni anglash — hech qanday motivator berolmaydigan yagona kuch!

#tafakkur_qiling

Bugungi kunda shunday ma’naviy ozuqa oladigan qo’shiq va ma’noli klpilar kamayib ketayapti. Saqlab qo’ying va yo’lda, dam olayotganizda yoki biror ish qilayotganizda albatta qo’yib qo’ying va mazza qilib qalb xotirjamligini his qilasiz.