Advokat Abdullayev

Одил судлов: судья маслаҳатгўйлик қилишга ҳаққи йўқ Амалиётда айрим судьялар (ҳаттоки Олий суд судьялари ҳам) муайян жиноят ишлари доирасида ўша ишига дахлдор тезкор вакиллар ва терговчилар билан алоқага киришиб, ўз маслаҳатларини ва ҳатто кўрсатмалар бермоқдалар. Судья бирор бир иш бўйича маслаҳат беришга ҳақлими? Ўзбекистон Республикаси Олий суди Пленуми ва Ўзбекистон Республикаси Олий хўжалик суди Пленумининг 1996 йил 20 декабрдаги 1/60-сонли “Суд ҳокимияти тўғрисида”ги қўшма қарорининг 8-бандига кўра, судьянинг тарафлар вакиллари, шунингдек, бошқа шахслар билан ишларни муҳокама қилиши унинг беғаразлигини шубҳа остига қўяди ва шунинг учун бунга йўл қўйилмайди. Судья фақат маслаҳатхонада ишни муҳокамасида қатнашганда уни мазмунан ҳал қилишга доир фикрини билдиради. Судья, шунингдек, муайян ишни ҳал қилиш бўйича бирор бир кишига маслаҳат беришга ва ўз фикрини билдиришга ҳақли эмас, чунки келгусида бу иш унинг ҳал этиш доирасида бўлиб қолиши мумкин. 👉@Advokat_Abdullayev

Одиллик Баҳорнинг илк майсалари шаҳаншоҳлар саройининг олтин қуббаларида эмас, ғариб кулбасининг лойсувоқ томида кўкаради. Тўнғич чучмўмалар бойваччалар гулшанида эмас, ўксик қабрлар устида очилади... Адолатни табиатдан ўрганиш керак... ©️Ўткир Ҳошимов 👉@Advokat_Abdullayev

Битта экспертизада фош бўлган сохта “қорадори иши” Сирдарёлик адвокат Шерали Набиев ҳикоя қилади: – 2012 йилмиди ё 2014 ми, аниғи ёдимда йўқ – МХХ ва божхоначилар “тадбир”ида гиёҳванд модда билан қўлга тушган уч кишининг оқланишига эришганман. Кўп адвокатлар, орган ходимлари яхши эсласалар керак, чунки бу иш ўша вақтда каттагина шов-шув бўлган. Тафсилоти қуйидагича. Айтганимдек, 16 ходимдан иборат гуруҳ Янгиер шаҳрида уч кишини гиёҳванд модда билан ушлайди. Уларни мен ҳимоя қилдим. Сўрасам, биттаси ҳам тан олмади, “ёнимизга ташлаб қўйилган” дейишди. Қонунга кўра, иш жиноят содир бўлган ҳудудда тергов қилиниши керак, лекин тергов Жиззахда бўлди. Терговни Янгиерга кўчириш ҳақидаги илтимосномам қаноатлантирилмади. Мен Олий суд, Бош прокуратура ва бошқа юқори идораларга ёза-ёза суд жараёни Сирдарёга кўчирилишига муваффақ бўлдим. Вилоят судига тайинланди.

Шундан сўнг гиёҳванд модда таркиби бўйича экспертиза тайинлашни сўраб илтимоснома киритдим. Нима ҳожати бор, деб сўрашди. Мен айтдимки, модда таркибига шубҳам бор, балки айбланувчилар кўпроқ пулга сотиш учун унинг таркибига бошқа бегона нарсаларни қўшишгандир, героин миқдори аниқ қанчалигини билишимиз керак. Чунки айбловнинг оғир-енгиллиги гиёҳванд модда миқдорига боғлиқ бўлади-да.

Суд рози бўлди... Дарвоқе, ўша судья раҳматли бошлиғимиз Иброҳим ака эди (Адвокатлар палатаси Сирдарё вилояти ҳудудий бошқармасининг собиқ бошлиғи, марҳум Иброҳим Ҳабибуллаев назарда тутилмоқда – Таҳр.). Экспертиза тайинланди. Бир куни қўнғироқ қилиб чақиришди. Бордим. Мени табриклашди. Нима гап, деб сўрадим. Қарангки, ушланган нарса умуман гиёҳванд модда эмас экан! Хинедин ва шунга ўхшаган тиббий дорилар аралашмаси бўлиб чиқди! Ҳимоямдаги уч шахсга нисбатан оқлов ҳукми ўқилди! Бу иш ортидан ҳалиги гуруҳ – хавфсизлик, божхона ходимлари ва экспертдан иборат 16 нафар маъмурий ходим жавобгарликка тортилиб кетди! Мен ҳимоя қилган уч киши уларнинг устидан очилган жиноят иши бўйича судда жабрланувчи сифатида қатнашди... Манба: AdvokatNews 👉@Advokat_Abdullayev

Телеграм тармоғида турли блоглар жуда кўп, аммо сараланган блогларни ҳамма ҳам осонгина топа олмайди. Шу сабабли биз сизнинг мушкулингизни осон қилиш учун энг фаол блогерларни блогини битта рўйхатда жамладик. Биз ўзимизга ёққанларини сизга ҳам илиндик. Ушбу ҳавола орқали ўзингизга ёққан бир ёки бир нечта блогларга аъзо бўлишингиз мумкин. — Хўш, ўртоқлар, қани марҳамат 👉 Аъзо бўлиш 👈

2024 йил июнь ойидаги фойдали постлар 👉Ҳимоя позицияси: Нимага ишонишимиз муҳим эмас, муҳими нимани исботлай олишимизда 👉Тадбиркорлик: Жиноят иши қўзғатиш ва тафтиш 👉Фуқаро ўз уй-жойи ҳудудидан ташқарига эккан дарахтни рухсатсиз кесиши мумкинми? 👉Ҳимоя: 10 та муҳим стандарт 👉Дастлабки тергов: "Сунъий кечиктириш" усули 👉Судьялар тоифаси 👉Диний таъқиб: маросимми, ёки ибодат? 👉Адвокат ишни ютқазиб қўйса, унга тўланган пулни қайтариб олиш мумкинми? 👉Дастлабки тергов: терговчими ёки айбловчи 👉Одил судлов: суд ҳимояни синдиришга уринмоқчими 👉Оздирувчи моддалар тақиқланганми? 👉Кейс макон билан боғлиқ бўлса, аввал маконни ўрганинг! 👉"Навбатчи адвокатлар" 👉@Advokat_Abdullayev

Очиқ мулоқот: “Адвокатларга давлат хизматларидан фойдаланиш текин бўлиши керак” Президент билан очиқ мулоқот олдидан ташкил этилган учрашувда адвокат Даврон Аҳмедов соҳа вакилларининг муаммоларидан бири - адвокатларнинг давлат хизматларидан фойдаланиши пулли бўлгани ҳақида гапирди. “Давлат хизматларидан хизмат олиш адвокатларга илгари текин эди. Охирги 4-5 йилда қонунчилик ўзгариб, пуллик бўлиб қолди. Терговчи билан суд битта ажримда хат билан хоҳлаган нарсасини олади, адвокат эса сўров юборади, пулини тўлайди. Маълумот олиш ҳам пуллик бизга”, — дейди у. 👉@Advokat_Abdullayev

"Ўзбек иши" Осмон баравар режани бердилар. - Бажарасан! - дедилар. - Бажаролмайман, - деди. - Бажарасан!! - дедилар. -Бажармайман!! - деди. - Қамаласан!!! - дедилар. Бажарди... Бола-чақаси кўп эди... Орден бердилар... Режани ошириб бажаргани учун... Кейин... қамадилар... Қўшиб ёзгани учун... Бола-чақаси кўп эди... ©️Ўткир Ҳошимов 👉@Advokat_Abdullayev

СОАТ Ота ўлимидан олдин фарзандини чақириб, қўлига бир соат тутқазди. — Бу соат 200 йил олдин ясалган. Бизга бобонгнинг боболаридан мерос қолган. Сен буни маҳалла бошидаги соатсозга олиб бориб, сотмоқчи эканингни айт ва унинг жавобини менга келтир, — деди. Ўғил бориб, соатсоздан: — Бунинг эски экан, беш доллар бераман, деган жавобни олиб келди. — Энди буни антиквар-ноёб нарсалар сотиладиган дўконга олиб боргин, — деди ота. У ерга борган ўғил дўкондорнинг "беш минг доллар бераман" деган жавоби билан қайтди. Ота яна ўғлини юбора туриб: — Энди буни давлат музейига олиб бориб, сотмоқчи эканингни айт, - деди. Музейга бориб, отаси ёнига жуда ҳайратланган ҳолда қайтган ўғил: — Музейдагилар бир мутахассисни чақиртириб, уни яхшилаб текширганларидан сўнг шу бир парчагина темирни бир миллион доллар деб баҳолашди-я, — деди. Шунда ота: — Болам, сенга ўргатмоқчи бўлганим, сенинг жойинг қадрингни тўғри билишадиган жойда. Ўзингни нотўғри ерга қўйиб, қадрингга етмасалар, хафа бўлиб юрма. Қадрингни билган қадрингга ҳам етади. Ўзингга нолойиқ бўлган ерда ҳаргиз қолма! — дея насиҳат қилган бўлди. Манба 👉@Advokat_Abdullayev

"Навбатчи адвокатлар" 👍 TELEGRAM. 👍INSTAGRAM

Давлат ҳисобидан адвокат тайинлаш: аҳвол “аввалгидан бадтар бўлгандек” “Давлат ҳисобидан бепул юридик ёрдам тўғрисида”ги қонун кучга кирганига 9 ойдан ошди, лекин амалда ҳеч нарса ўзгаргани йўқ. Қайтага, айрим фикрларга кўра, аввалгидан ёмонроқ вазият вужудга келган. Умид БЎТАБОЕВ, АП Фарғона вилояти ҳудудий бошқармаси бошлиғи: – Қонунда давлат ҳисобидан қатнашишни хоҳловчи адвокат адлия бошқармаси билан шартнома тузиши, инсон омили аралашувисиз, яъни электрон тизим танлаган адвокат иштирок этиши кўрсатилган. Бироқ мазкур тизим ҳалигача ишга туширилмади. Адлия бошқармаси билан шартнома тузган адвокатлар рўйхати сўралган органга берилиб, рўйхатда бор исталган адвокатни чақиравер, мазмунида ишлаб келинмоқда. Ушбу тартиб жорий этилаётганида терговчи ўзига “маъқул” адвокатни чақириши барҳам топади, деб ўйланганди. Бироқ, афсуски, тизим ишламагани учун аҳвол ўзгармади, ҳатто аввалгидан бадтар бўлгандек туюлмоқда. Чунки терговчи барибир ўзи истаган адвокатни чақиришда давом этяпти. Бошқа томондан, тайинлов бўйича ишларда қатнашган адвокатларнинг ўз меҳнат ҳақини олиши дахмазага айланди. Чунки амалиётда терговчининг қарори, суднинг ажрими билан, адвокат томонидан кўрсатилган ҳуқуқий ёрдам ҳақини олиш учун адлия бўлимларининг сўровномаси талаб қилинмоқда, яъни адвокатларнинг адлия органига тобелиги ортиб, оворагарчиликлар кўпайди. Тоҳир ҚОДИРОВ, АП Самарқанд вилояти ҳудудий бошқармаси бошлиғи: – Эски ҳаммом, эски тос... Қонун кучга кирганига сентябрда бир йил тўлади, лекин эски тизимдан фойдаланишга мажбур бўляпмиз. Адлия масъул қилиб белгиланган электрон тизим ишлагани йўқ. Ҳалигача тергов органларига, судга навбатчилар рўйхатини берамиз. Ҳалигача бу идоралар бизга қўнғироқ қилиб, навбатчи адвокатни юборишни сўрайди ёки хат билан чиқади. Тизим техник жиҳатдан тайёр эмаслиги устига, давлат ҳисобидан бепул юридик ёрдам кўрсатувчи адвокатларнинг қоғоз шаклидаги рўйхати ҳам шакллантирилмаган... Бошида бир неча марта адвокат сўраган идораларга адлияга мурожаат қилишни айтдик, қонун кучга кирди, энди бу ишга адлия органи масъул, дедик. Йўқ, адлия қайтадан бизга ҳавола қилди. Яна ўзимизга қолди... Майли, адвокат билан таъминлашдан бўйин товламаймиз. Лекин, тизим техник жиҳатдан ишлатмаганда ҳам, лоақал адвокат меҳнати учун тузукроқ ҳақ белгиланмаса бўлмайди. Чунки айни тартибда яхши адвокатларни бепул юридик ёрдам тизимига жалб қила олмаймиз, демак, қонуннинг мақсади амалга ошмайди. Ҳақ камлиги учун яхши адвокатлар давлат ҳисобидан қатнашишни хоҳлашмаяпти, натижада терговчилар ишга яна “таниш” адвокатларни чақиришяпти... Илёс ЮСУПОВ, АП Тошкент вилояти ҳудудий бошқармаси бошлиғи: – “E-Advokat” тизимида навбатчилик рўйхати бор экан, лекин бу рўйхат шунақа тузилганки, ундан кўра эски “қўлбола” усул минг марта яхши. Электрон рўйхатда ҳудудий қулайлик деган нарса умуман ҳисобга олинмаган: масалан, у адвокатни яшайдиган жойидан 70-80 километр наридаги туманга юбориши мумкин. Бир тузилганича янгиланмаган шекилли, навбатчилик рўйхатидан аллақачон ўтиб кетган марҳум адвокатларнинг фамилиялари чиқиб келяпти... Манба: AdvokatNews 👉@Advokat_Abdullayev