BELTEI International School

គ្មានក្តីសប្បាយណា សប្បាយដូចជោគជ័យដែលបានមកពីសមត្ថភាពរបស់ខ្លួនឯង ………………………………… កម្មវិធីប្រកួតជជែកដេញដោល រដូវកាលទី៥ ឆ្នាំ២០២៦ សម្រាប់សិស្សចំណេះទូទៅថ្នាក់ទី១០ នៃសាលា ប៊ែលធី អន្តរជាតិ វគ្គជម្រុះ ៨ក្រុម (Top 8) =================== សូមអបអរសាទរ និងកោតសរសើរចំពោះសិស្សានុសិស្សចំណេះទូទៅ ដែលជាប់វគ្គជម្រុះ ៨ក្រុម តំណាងឱ្យសិស្សចំណេះទូទៅថ្នាក់ទី១០ នៃសាលា ប៊ែលធី អន្តរជាតិ ដែលបានចូលរួមប្រកួតយ៉ាងស្វិតស្វាញ និងបានខិតខំសិក្សាស្រាវជ្រាវលើប្រធានបទនីមួយៗបានយ៉ាងល្អ សម្រាប់ចូលរួមប្រកួតក្នុងកម្មវិធីប្រកួតជជែកដេញដោល រដូវកាលទី៥ ឆ្នាំ២០២៦ វគ្គជម្រុះ ៨ក្រុម នាថ្ងៃទី២៣ ខែមិថុនា ឆ្នាំ២០២៦ នៅសាលសហសិក្សានៃសាលា ប៊ែលធី អន្តរជាតិទី៩ (សាខាស្ទឹងមានជ័យ)។ កម្មវិធីនេះធ្វើឡើងក្នុងគោលបំណង៖ ១-ពង្រឹងសមត្ថភាព និងជំនាញនៃការត្រិះរិះពិចារណា ការគិតវិភាគ និងការដោះស្រាយបញ្ហា តាមរយៈការជជែកដេញដោលលើប្រធានបទផ្សេងៗ ២-កសាងសមត្ថភាពសិស្សានុសិស្សឱ្យមានភាពក្លាហាន ភាពឈ្លាសវៃ និងទំនុកចិត្តក្នុងការបញ្ចេញមតិជាសាធារណៈ ៣-បណ្តុះសមត្ថភាពក្នុងការស្រាវជ្រាវ ការរៀបចំគំនិត ការប្រើប្រាស់ហេតុផល និងការបង្ហាញអំណះអំណាងប្រកបភាពប្រាកដប្រជា ៤-បង្កើនសមត្ថភាពសិស្សានុសិស្សក្នុងការស្តាប់ គោរព និងទទួលយកមតិយោបល់ពីអ្នកដទៃ។ ៥-ពង្រឹងស្មារតីធ្វើការជាក្រុម ភាពជាអ្នកដឹកនាំ និងការទទួលខុសត្រូវក្នុងការបំពេញតួនាទីរបស់ខ្លួន ៦-ផ្តល់ឱកាសដល់សិស្សានុសិស្ស ក្នុងការបង្ហាញសមត្ថភាព ទេពកោសល្យ និងសក្តានុពលរបស់ខ្លួនជាសាធារណៈ។ https://www.facebook.com/share/p/14e7EuE7mLN/