ግጥም በኢትዮጵያ

እናትኮ አለም ናት ሁሉንም የቻለች ስንቱን ተሸክማ የምትኖር ሳትሰለች እናት ለምን ትሙት ትኑር ለዘላለም እርሷ የሌለችበት መራራ ናት አለም ስለያት ከጎኗ ካጠገቧ ስርቅ ሳቋ ብቻ ሳይሆን ቁጣዋ 'ሚናፍቅ ብበላ ብጠጣ አይደርስም ካንጀቴ ከጎኔ ከሌለች ገራገሯ እናቴ ፍቅሯ ወደር አልባ ቢነሳ ቢወደስ ፈገግታዋ ብቻ ከህመም የሚፈውስ                       ✍  𝕟𝕒𝕙𝕠𝕞 @topazionnn @ethiopia_poem

ብሔርና ክልል - ዘር ቀለም አልመርጥም፣ ሁሉም የሰው ልጅ ነው - አላበላልጥም፣ በፍቅር ጎዳና  - ካገኘኋት ጓዴን እድሌን ልሞክር - ልጀምር መንገዴን። ✍️𝕟𝕒𝕙𝕠𝕞 @topazionnn @ethiopia_poem

እሽሙርም የለብኝ ቅኔም እልተካንኩ ብዕሬም አልተባ ፣ በይ ቸሩን ያጋጥምሽ ደጋግ እና የዋህ ቅን ቅን ቤትሽ ይግባ :: ✍✍ሥፍራዬ ጥላዬ @topazionnn @ethiopia_poem

ገንፎ ሀገሬስ ገንፎ ናት በስልጣን ማንኪያቸው የሚቆራርሷት ቂቤ ወሬያቸውን በርበሬ ስራቸው ጨመር አርገውባት እሷ ያዝኩት ስትል የስጧትን ሁሉ አጣቅሰው አላውሰው በዛ ስልጣን ማንኪያ በህብረት አብረው ያውም ክብ ሰርተው እንደ ጉድ ሚበሏት የሚጎራረሷት ሀገሬ ለእነርሱ ገንፎ ብቻ እኮ ናት @topazionnn @ethiopia_poem

👮‍♂የአንድ ወቶአደር ሲቃ እናት ሀገር እናትዬ ፣ ላንቺ መድማት ፡ ላንቺ ብቆስል ይሁን ብዬ ፣ ካሳደገኝ ከእናቴ እቅፍ ፡ ከአባት ኩራት ተነጥዬ ፣ ከአያቶቼ የጀብድ ታሪክ ፡ ........ከዚያች ሸጋ ፡ የአፍላ ፍቅሬን አንጠልጥዬ፣ ወጣሁልሽ ፡ ስለ ሀገሬ አሜን ብዬ ...................ስለ እምዬ ። በዱር ባድር ፡ ከእቶን ስር በበርሃ ፣ ድካም በዝቶ ስንገላታ ፡ እጎነጨው አጥቼ ውሃ ። አፈር ምድሩን ፡ ባሩድ ሽታ እያወደ ፣ በውሽንፍር በጥይቱ ፡ አካላቴ እየራደ ። ደግሞም ጥሎ ዶፍ መአቱ ፡ የበረዶው ቅዝቃዜ ፣ ከጭቃው ጋር ሲመሳሰል ፡ የልጅነት መልኬ ወዜ ፣ ተጫጭኖኝ ፡ ዐቢይ ድካም ወትካዜ ። ከምሽግ ስር እንደወደኩ ፡ ቢያልፉ ቀናት፣ ሰላም ለኪ ብዬ ፡ አዛኝቱን ስማፀናት ፣ ልቤ ሲርድ ፡ ደም መርጨቱን እንዳቆመ እያስመሰለ ፣ ያ ጎልያድ ከበፊቴ ፡ እየፎከረ እየሸለለ ። ፍርሃት ወርሶኝ ፡ አካላቴ እያለቀ ፣ አዳኝ ጌታ እስኪመስለኝ፡ ከኔ የራቀ ። አበቃለት ሞተ ዛሬ ፡ ሲሉኝ ንቀው ፣ እውነቴን ነው ፡ ይህን ሁሉ ታግሻለው ፣ በምወደው ፡ በሰንደቅሽ እምላላው ። አምኖን ዛሬም ፡ ወንድምነቱን ዘንግቶ ፣ ክብርሽን ሊያጎድፍ ። ወስልቶ ፣ ድንግል አፈር መሬትሽን ፡ ቋምጦ ሽቶ ። ክፋት ወርሶት ፡ ጎኔን ሲወጋኝ ፣ ሳምነው ክዶ ፡ ቃየል ጨካኝ ሲሆንብኝ። እስራትሽን ልፈታልሽ ፡ ያንን አውሬ ስፋለመው ፣ ለካስ ያለው ጠላት ፡ ከጎኔ ነው ፣ በአላማ እንደወንድም ፡ አምኘው ፣ ሙሉ ልቤን ክፍት አድርጌ ፡ ባስጎበኘው ። ይሁዳ ነበረ ፡ ባንዳነት ያለበት ፣ በደካማው ጎኔ ፡ ጥይት ሰደደበት ። ላንቺ መድማት ፡ ላንቺ ብቆስል ይሁን ብዬ ፣ እናት አለም ፡ እናት ሀገር ፡ እናትዬ ። ከአያቶቼ የጀብድ ታሪክ ፡ .....ከዚያች ሸጋ ፡ የአፍላ ፍቅሬን ሳላጣጥም ፣ .....ስለክብርሽ ፡ ትግል ስገጥም ። አለፍኩልሽ ፡ በእስትንፋሴ ፣ እስትንፋስሽን ፡ አስቀጥዬ ። ✍ Yibeltal Belay Zeleke @topazionnn @ethiopia_poem

ገጣሚ ✍️ዘዉድ አክሊል @topazionnn @ethiopia_poem

ትኩረት የገጣሚያንን ሞራልና ድካማቸውን እየገደለ የሚገኝ አንድ ልጅ አለ። የሰው ግጥምን እራሴ ነኝ የፃፍኩት ማለት እና የሌሎች ገጣሚያንን ስራ በመውሰድ ስሙን ብቻ እየቀየረ የሚያጭበረብር ልጅ ተገኝቷል። ቻናሉን እየገባችሁ REPORT በማድረግ እናዘጋዋለን👍 https://t.me/eyobzemariyam https://t.me/eyobzemariyam በሰው ስራ ለመክበር መጣር ነውር ነው።

..... እሱ እኮ.. እያሉ ባሞገሱህ ቁጥር፤ አንተን እያነሱ ባወደሱህ ቁጥር፤ ልብህን አይሙቀዉ ፍፁም ደስ አይበልህ፤ ቀን የከፋ ለታ......... ቁልቁል ይጥሉሃል....... እላይ የሰቀሉህ። ...................................... በዔደን ታደሰ @topazionnn @ethiopia_poem

እዉነት እንዳይመስልሽ . . ዛሬ ......ምን ብትደምቂ፤ ከቆነጃጅቱ እጅጉን ብትልቂ፤ ኑሮ ተመችቶሽ ያ.... ፊትሽ ቢወዛ፤ ወደድኩሽ የሚለዉ አፍቃሪሽ ቢበዛ ፤ ሴትነትሽ ማለት... መልክ ከመሰለሽ፤ ፍፁም አትመኪ እዉነት እንዳይመስልሽ፤ አንቺን ሳያማክር........ የጠቆረዉ ፀጉርሽ.. በሽበት ይተካል፤ ጸአዳዉም መልክሽ በፍጥነት ይረግፋል፤ ሴትነትሽ ማለት መልክ ከመሰለሽ፤ ፍፁም አትመኪ እዉነት እንዳይመስልሽ። .......................................... በዔደን ታደሰ @topazionnn @ethiopia_poem

ይድረስልኝ ላንቺ ቀንሽ ለጨለመ፤ ልብሽ ለሚያነባ ዉስጥሽ ለታመመ፤ የመኖርሽ ዉሉ የህይወትሽ 'ጣሙ፤ መሪር ለሆነብሽ ሳይገባሽ ትርጉሙ፤ ይድረስልኝ ላንቺ ተስፋን ለቆረጥሽዉ፤ ከራስሽ ተጣልተሸ ሞት ለተመኘሽዉ፤ ይድረስልኝ ላንቺ......... ምን ድቅድቅ ቢዉጥሽ ፤ ምን ፅልመት ቢከብሽ፤ ሌቱም ይገፍና ደግሞ ይነጋጋል፤ አሮጌዉ ያልፍና 'ባዲስ ቀን ይተካል። ............................................. በዔደን ታደሰ @topazionnn @ethiopia_poem