Tech Xtream

في باحث أمني اكتشف 4 ثغرات من نوع Zero-Day في الآيفون وبلغهم لشركة آبل.. الباحث امبارح نشر تقرير إفصاح عن الثغرات دي بعد تعامل سيء جدا من جانب المسئولين عن برنامج المكافآت في آبل. الباحث أعلن إن 3 من 4 ثغرات بلغ عنهم لم يتم إصلاحهم بالرغم من مرور أكثر من 3 شهور على الإبلاغ، ده غير إن الثغرات دي موجودة في أحدث نسخة من نظام الآيفون iOS 15. كمان الثغرة الوحيدة اللي تم علاجها السيكيورتي تيم لم يفصح عنها في تقرير الأمني اللي بيتم إصداره. ثغرات Zero-Day من أخطر أنواع الثغرات لأن وقت اكتشاف الشركة للثغرة في الغالب بيكون تم استغلالها والشركة بيكون عندها 0 يوم لإصلاحها. برنامج مكافآت الثغرات الخاص بآبل يمكن هو أسوء برنامج بيتعامل مع الباحثين الأمنيين وليهم مواقف سيئة كتير قبل كدة.. والناس المحترفة لما بتكتشف ثغرات خطيرة زي دي بتروح تبيعها برة بدل ما تبلغ عنها للشركة. المهم صاحبنا نشر الثغرات وإثبات استغلالها على Github.. وربنا يستر عليهم بقى.

في عام 2013 نشرت جريدة "الواشنطن بوست" تقريرا عن الرئيس الأمريكي السابق باراك أوباما وكيف نجح في استغلال إحدى التقنيات المستحدثة لتحقيق الفوز برئاسة الولايات المتحدة في جولتين متتاليتين، وكذلك استغل ترامب نفس التقنية وإن كان بشكل غير أخلاقي. هل تبحث عن منتج معين في جوجل ثم تفاجئ بإعلانات له في كل مكان تزروه على الإنترنت؟ هل تشعر بأن هاتفك يعرف تحديدا فيم تفكر وكيف يعرض لك المحتوى الذي يناسب اهتماماتك على فيسبوك ويوتيوب وغيرها من المواقع 🤔 إجابة ما سبق تتلخص في كلمتين "البيانات الضخمة". الكثير لا يعرف ما فائدة البيانات التي يشاركها بسهولة مع أي موقع أو تطبيق دون إدراك لقيمتها التي حولت الشبكة العنكبوتية إلى ساحة حرب بين الشركات لجمع أكبر قدر من بيانات المستخدمين. ربما سمعت بهذا المصطلح من قبل لكن لا تعرف ماهيته أو فائدته أو كيف يستخدم؟ في هذا المقال سنتعرف بشكل مبسط على مفهوم البيانات الضخمة وكيف أصبح يؤثر في كل جزء من حياتنا أو يتحكم بها 👇 https://bit.ly/2BxMG2N

🙂🙂🙂🙂🙂🙂

موقع البتكوين الرسمي اتعرض للاختراق والهاكرز عرضوا الرسالة دي على الموقع إن أي شخص هيبعت بتكوين للعنوان ده هيتم رد ضعف المبلغ اللي بعته.. وإن العرض محدود على أول 10 آلاف شخص.. وبالفعل قدر في الفترة القصيرة اللي اخترقوا فيها الموقع يجمعوا أكتر من 17 ألف دولار !!

الاتحاد الأوروبي حاليا بيجهز لمشروع قانون بيجبر الشركات المصنّعة للهواتف على توحيد منفذ الشحن في أجهزتها واستخدام منفذ USB-C. هدف القانون ده هو تقليل حجم النفايات الإلكترونية من خلال جعل الشاحن الواحد يمكن استخدامه على أجهزة متعددة. القانون ده لو تم تمريره هيتطبق على الموبايل، التابلت، اللابتوب، السماعة، الكاميرات وغيرها من الأجهزة اللي بتحتاج شاحن. خلال العشر سنين الماضية تم تقليل عدد منافذ الشحن من 20 منفذ إلى 3 فقط.. لكن ما زال وجود 3 منافذ مختلفة بيسبب وجود عدد أكبر من الشواحن بدون داعي. شركة آبل أكتر شركة معارضة للقانون ده لأنه معناه إلغاء منفذ الشاحن الخاص بيها Lightning Port المستخدم حاليا في أجهزتها خصوصا الآيفون.. وطبعا هيكون شيء مؤلم بالنسبالها التخلي عن تقنية بعد الإنفاق عليها وتطويرها لسنوات. حجم النفايات الإلكترونية في أوروبا من الشواحن فقط بيوصل 12 ألف طن سنويا، وبيتم إنفاق 2.8 مليار دولار لشراء الشواحن كل عام.

الكلمات والأسماء دي كانت مرتبطة بـFunctions داخل نظام الموبايل بحيث يتم حجب أي محتوى موجود فيه الكلمات دي بدون علم المستخدم. التقرير بردو ذكر إن الموضوع ده بيكون غير مفعل في الموبايلات اللي بيتم إرسالها إلى أوروبا.. لكنهم وجدوا إن الشركة عندها القدرة تفعل وضع المراقبة وحجب المحتوى ده عن بعد في أو وقت بدون علم المستخدم !! ➖➖➖➖➖➖➖➖➖➖➖➖➖➖➖➖➖ الحاجة التانية اللي اتكلم التقرير عنها إن المستخدم أول ما يبدأ يستخدم خدمة التخزين السحابي الموبايل بيبعت رسالة مشفرة بشكل تلقائي لخوادم تابعة للشركة.. المحللين لم يتمكنوا من معرفة محتوى الرسالة.. لكنهم اكتشفوا إن بعد إرسال الرسالة دي الموبايل بيعملها إخفاء !! التقرير بردو ذكر إنهم وجدوا إن الموبايل بيجمع أكتر من 60 نوع مختلف من البيانات من جهاز المستخدم عبر متصفح الشركة Mi Browser ويبعتها لخوادم في الصين !! وزارة الدفاع الليتوانية نصحت المواطنين بعدم شراء أي هواتف صينية وإتلاف أي موبايلات صينية بيمتلكوها فورا. ➖➖➖➖➖➖➖➖➖➖➖➖➖➖➖➖➖ موضوع تجسس شاومي على المستخدمين ده مش جديد وأنا نشرت أكتر من بوست حاجات زي دي قبل كدة زي تجسسها على مستخدمي متصفحها حتى في الوضع الخفي. زي ما قولت قبل كدة وبقول.. ابعد عن أي حاجة صيني سواء أجهزة أو تطبيقات أو مواقع.

❌❌ "لا تشتروا الهواتف الصينية وتخلصوا من أي هواتف صينية تمتلكونها" ❌❌ وزارة الدفاع الليتوانية نشرت تحذير لمواطنيها ومواطني الاتحاد الأوروبي بتجنب شراء الهواتف الصينية بعد عمل تدقيق لموبايلات من 3 شركات صينية: ▪️ OnePlus 8T 5G ▪️ Huawei P40 5G ▪️ Xiaomi Mi 10T 5G محللي وزارة الدفاع لم يجدوا شيء ضار يذكر على موبايل وان بلس.. وبالنسبة لموبايل هواوي كان فيه مشكلة خطيرة بخصوص التطبيقات وإن المستخدم لما يبحث عن تطبيق كان متجر هواوي بيحوله لمتاجر تطبيقات خارجية تطبيقاتها بتكون ملوثة بفيروسات وبرمجيات خبيثة. ➖➖➖➖➖➖➖➖➖➖➖➖➖➖➖➖➖➖ موبايل شاومي تحديدا كان تركيز التقرير الأكبر عليه لأنه كان بيحتوي على كوارث أمنية. تقرير وزارة الدفاع ذكر إنهم وجدوا ملف على موبايل شاومي بيضم 449 كلمة؛ منها أسماء لجماعات دينية، مصطلحات سياسية زي: ▪️ حرية التبت Free Tibet ▪️ صوت أمريكا Voice of America ▪️ الحركة الديموقراطية Democratic Movement ▪️ الحنين إلى استقلال تايوان Longing Taiwan Independence

القوات المسلحة البريطانية أقرت "الأمن السيبراني" كبُعد خامس للحرب بعد الأرض، البحر، الجو، الفضاء. الأمن السيبراني Cybersecurity هو مصطلح بيعبر عن أمن الأنظمة والشبكات وحمايتها من الاختراق عبر الهجمات الإلكترونية. بالرغم من امتلاكها لقدرات هائلة في المجال من خلال الأجهزة الأمنية وجهاز مخابراتها MI6.. بريطانيا بتخطط لإنفاق استثمارات ضخمة لتطوير فرع "الأمن السيبراني" في القوات المسلحة استجابة للتطور المخيف لقدرة الهجمات الإلكترونية على تحقيق دمار يوازي دمار الأسلحة التقليدية. الهجمات الإلكترونية ممكن تسبب دمار لمنشأة نووية زي ما حصل في إيران https://bit.ly/3vnIjOG، وممكن يتم استخدامها لضرب البنى التحتية والمنشآت الحساسة في الدول زي شبكات الطاقة وإمدادات المياه وشبكات الاتصالات والأنظمة البنكية لشل أي دولة في دقائق زي عملية "Nitro Zeus" اللي اتكلمت عنها قبل كدة.

في عام 2018 اكتشف العالم فضيحة شركة Cambridge Analytica وتجسسها على مستخدمي فيسبوك وجمع بياناتهم لاستخدامها في التلاعب ببعض القضايا السياسية أبرزها التلاعب في الانتخابات الأمريكية عام 2016 لمساعدة دونالد ترامب على الفوز.. وإن شركة فيسبوك كان عندها علم بالموضوع ده من 2016 ومعملتش أي حاجة حسب تقرير للجارديان البريطانية. بعدها بسنة لجنة التجارة الفيدرالية غرمت شركة فيسبوك 5 مليار دولار بسبب فشلها في حماية بيانات المستخدمين.. ودي أكبر غرامة على الإطلاق يتم توقيعها على شركة بسبب انتهاك خصوصية المستخدمين. النهاردة تم الإعلان عن زيادة مبلغ الغرامة إلى 9.9 مليار دولار.. بعد موافقة شركة فيسبوك على دفع 4.9 مليار دولار إضافية لحماية مديرها التنفيذي "مارك زوكربيرج" وإعفاءه من أي مسئولية عن فضيحة Cambridge Analytica وعدم ذكر اسمه في شكوى لجنة التجارة الفيدرالية أو طلب خضوعه للشهادة. الخطوة دي تمت بعد تسريبات إن لجنة التجارة الفيدرالية كانت بتتجه لمقاضاة مارك بشكل منفرد وتحميله لمسئولية فضيحة كامبريدج أناليتيكا.. وده أكيد كان هيأثر بشكل كبير على الشركة لكونه المدير التنفيذي وأكثر شخص بيمتلك أسهم للشركة.

من كام يوم انتهت تحقيقات أمريكية بخصوص شركة اسمها DarkMatter.. الشركة دي مقرها في الإمارات وبتصف نفسها على أنها شركة متخصصة في الأمن السيبراني (الأمن الإلكتروني). التحقيقات الأمريكية كانت بسبب إن في 3 عملاء من وكالة الأمن الوطني الأمريكية NSA اشتغلوا مع الشركة وتحديدا كان جزء من مشروع اسمه "Project Raven". المشروع ده كان هدفه هو التجسس على أهداف حكومية زي النشطاء والمعارضين وبعض الأهداف السياسية.. وعملاء وكالة الأمن الوطني ساعدوا في اختراق والتجسس على أهداف في دول من ضمنها أمريكا، والعملاء الثلاثة تم إدانتهم بانتهاك القانون الفدرالي فيما يتعلق باختراق أجهزة وأنظمة أمريكية. واحد من العملاء الثلاثة اللي تم كشف اسمائهم اسمه Daniel Gericke حاليا بيعمل في منصب مدير تكنولوجيا المعلومات CIO في شركة ExpressVPN ! الموضوع ده عمل قلق كبير بشأن خصوصية المستخدمين.. خصوصا بعد اعتراف الشركة إنها كانت عارفة علاقة دانيال بشركة DarkMatter قبل ما يتم توظيفه. حاليا نشطاء كتير في مجال الخصوصية أبرزهم العميل المنشق "إدوارد سنودن" نصحوا بعدم استخدام ExpressVPN بسبب العلاقة المشبوهة وتوظيفهم لشخص سيء السمعة تم استخدامه للتجسس على أفراد وشركات مدنية. ➖➖➖➖➖➖➖➖➖➖➖➖➖➖➖➖➖➖ لو انت شخص مش بتهتم بالخصوصية وكل اللي بتحتاجه من خدمات الفي بي إن هو تجاوز حجب المواقع فباقي البوست ده مش هيكون مهم ليك. لو انت شخص مهتم بخصوصيتك ومحتاج خدمة تحمي نشاطك أونلاين فاستخدام شبكة تور TOR هو حاليا أفضل أداة بتوفر لك الخصوصية والأمان. بالنسبة للبرامج فانا عن نفسي وقفت استخدم ExpressVPN من سنة ونصف تقريبا وبعتمد على VPN بعمله بنفسي من خلال امتلاك سيرفر واستخدام خدمة Outline.. وبستخدمها لما بكون مش محتاج أكبر قدر من الخصوصية. كنت شرحت طريقة عمل VPN بالطريقة دي قبل كدة.. هتلاقوا هنا https://youtu.be/HlnxiGjzX_0. لو عايز حاجة جاهزة بعيدا عن تجهيز السيرفرات فبصراحة مفيش خدمة ممكن أرشحها باستثناء خدمة DoubleVPN ودي وكالة الشرطة الأوروبية قفلتها لأنها كانت آمنة جدا وده كانت مشكلة كبيرة ليهم. بخلاف DoubleVPN مش شايف أي خدمة ممكن أرشحها إلا ProtonVPN بالرغم من مشكلتهم الأخيرة.

في سنة 2016 تم اغتيال السفير الروسي "أندريه كارلوف" في تركيا على يد ضابط أمن تركي اسمه "مولود الطنطاش". السلطات التركية وهي بتحقق في العملية وبتحاول تبحث عن أي أشخاص ساهموا في تنفيذ الهجوم وجدوا إن "مولود" كان بيستخدم خدمة VPN اسمها ExpressVPN للوصول إلى حساباته عشان اتصالاته تكون مشفرة. وقتها الشرطة التركية عملت غارة على مقر الشركة وعملت مصادرة للسيرفرات عشان تقدر تجمع أي معلومات متوفرة عن نشاط مولود.. لكن النتيجة إنهم لم يجدوا أي شيء لأن السيرفرات بالفعل كانت بتطبق سياسة No Logs واللي معناها إن السيرفرات مش بتحتفظ بأي سجلات عن نشاط العملاء. القصة دي كانت واحدة من الأسباب اللي جعلت ExpressVPN الخدمة المفضلة عندي وكمان كنت كتبت عنها مقال وعملت عنها فيديو.

كنت قرأت تحليل إن رئيس الحزب الشيوعي وحاكم الصين "شي جين بينج" ممكن يكون ليه دور في الأزمة الحالية للشركة؛ وإن عنده هوس وخوف من التكتلات العملاقة وإنه بيحاول السيطرة عليها بكل وسيلة.. وده يبدو إنه صحيح لو شوفنا إيه اللي حصل خلال التسع شهور الماضية مع شركات زي علي بابا - Tecent - Pinduoduo واللي بسبب القرارت الحكومية الموجهة لكبح جماحها خسرت الشركات دي أكتر من 1.2 ترليون دولار من قيمتها السوقية. المشكة حاليا إن شركة Evergrande مطلوب منها تسديد فوائد سنداتها يوم الخميس وفي الغالب مش هتقدر تسدد. شركة Evergrande معاها أموال من مشترين لعقارات لم تنفذ حتى الآن وشركات متعاقدة معاها، ده غير ديون لأكتر من 170 بنك و121 شركة.. وتخلف الشركة عن سداد مديونيتها ممكن يؤدي إلى إفلاس بنوك وشركات دائنة، ده غير إنه هيسبب "أزمة ائتمان" وده معناه انخفاض قدرة الشركات على الحصول على قروض وبالتالي اتجاهها أيضا للإفلاس. انهيار شركة Evergrande هيكون ليه تداعيات كارثية على الاقتصاد الصيني ثاني أقوى اقتصاد في العالم وعلى الاقتصادي العالمي.

أزمة اقتصادية وشيكة ⬇️⬇️ امبارح حصل هبوط حاد في سوق العملات الرقمية اللي خسر أكتر من 250 مليار دولار من قيمته السوقية في الحقيقة الهبوط ده مش حصل نوع من التصحيح أو بسبب حدوث مشكلة في سوق الكريبتو.. لأن البورصات العالمية في لندن ونيويورك وهونج كونج وغيرها من البورصات حصل فيها هبوط كذلك، ده غير هبوط أكبر المؤشرات الاقتصادية زي مؤشر Hang Seng Property، ومؤشر Stoxx 600 وغيرهم. عملية الهبوط في الاقتصاد العالمي سببها شركة "إيفرجراند" أكبر مطور للعقارات واللي حاليا غارقة في التزامات مالية وديون تخطت 300 مليار دولار. في عدة أسباب للمشكلة دي أولها انخفاض الطلب على العقارات بسبب أزمة الVيـروس العالمية وبعد كدة تشريعات حكومية جديدة قلصت من قدرة الشركة على الاقتراض بسبب حجم مديونيتها.. كل ده أثر على أداء الشركة وأدى إلى انهيار أسعار أسهمها بنسبة 85% خلال العام الحالي فقط.

هبوط جماعي حاد في سوق العملات الرقمية ↘️↘️↘️

امبارح هبطت بعثة Inspiration 4 ‏الفضائية وعلى متنها طاقم مكون من 4 مدنيين بعد رحلة استمرت 3 أيام. البعثة اللي نظمتها شركة SpaceX تعد أول رحلة فضائية بطاقم مدني بالكامل بدون رواد فضاء تم تدريبهم. الرحلة السياحية تمت باستخدام الكبسولة الفضائية Crew Dragon واستقرت على ارتفاع 585 كيلومتر من سطح الأرض (أعلى بـ185 كيلومتر من مقر المحطة الفضائية الدولية). الرحلة دي ليها أهمية خاصّة لعدة اعتبارات.. أولا أول رحلة بطقم مدني بالكامل. ثانيا الوصول إلى أعلى نقطة منذ نهاية برنامج استكشاف القمر أبولو عام 1972م. ثالثا استمرت لمدة 71 ساعة.. وده وقت طويل جدا مقارنة بالرحلات السياحية اللي عملها الملياردير البريطاني ريتشارد برانسون والملياردير الأمريكي جيف بيزوس واللي استمرت لدقائق قليلة وكانت على ارتفاع 85 كم / 107 كم على التوالي. خلال السنين الجاية ممكن نشوف طفرة في مجال الرحلات السياحية الفضائية بحيث تصبح تكلفتها أقل بكتير من التكلفة الحالية من خلال إعادة استخدام المركبات الفضائية وظهور شركات جديدة منافسة في المجال.

شركة مادوف كانت بتاخد أموال المستثمرين الجدد وتدفعها للمستثمرين الأقدم بحيث يظهر إن الشركة بتحقق أرباح وده بيشجع ناس أكتر تدخل. وفضل الموضوع هكذا لغاية ما قدر مكتب التحقيقات الفدرالية الأمريكي إنه يكتشف الكارثة وقبض على مادوف اللي اتحكم عليه في 2009م بأقصى عقوبة للتهم الموجهة ليه وكانت السجن 150 عام.. لكنه اتوفى في أبريل 2021. الحكومة بعد القبض عليه تحفظت على أمواله وبدأت تعمل تسويات مع المنصوب عليهم.. وامبارح أصدرت دفعة جديدة قيمتها 568 مليون دولار هيتم توزيعها على 31 ألف مستثمر.. عشان يوصل إجمالي التسويات اللي تم دفعها حتى الآن 3.7 مليار دولار. ➖➖➖➖➖➖➖➖➖➖➖➖➖➖➖➖➖ المهم أنا كاتب البوست ده عشان أنوه على طريقة النصب دي لأنها منتشرة بشكل كبير في الوطن العربي ودايما ناس بتسألني عن مواقع بتشتغل بنفس الطريقة دي. وللأسف بردو بشوف قنوات عربية على اليوتيوب أصحابهم معدومي الضمير.. بينزلوا فيديوهات عن المواقع دي في بداية ما تفتح وبيعملوا فيها إيداع عشان يظهر للشخص اللي بيتفرج إن الموقع موثوق وكمان بيعرض له إثبات السحب.. وللأسف الناس الساذجة بتصدق إن في موقع هيدفعله عائد 140% ولا 200% في شهر ولا 50 يوم.. وطبعا أول ما يبدأ الموقع يلاقي إن الاستثمارات الجديدة أقل من العوائد اللي المفروض يدفعها للحسابات القديمة بيقفل.. واليوتيوبرز اللي كانوا بيروجوا للموقع بيكونوا جمعوا رأس مالهم والأرباح وكمان العمولات على الناس اللي سجلت من خلالهم.. وصاحبنا الغلبان اللي دخل في الآخر اتنصب عليه. يا ريت الناس تاخد بالها من حيل النصب دي لأن مفيش حد هينفعك وقتها ولا هتعرف تاخد فلوسك تاني.

اللي في الصورة ده "برنارد مادوف" أكبر محتال عرفه العالم.. واللي قدر ينصب على 140 ألف شخص ويسرق منهم 65 مليار دولار 😯 مادوف كان بيمتلك شركة استثمار صغيرة بتضارب في البورصة وفي الستينيات لما حصل الانهيار الشهير للبورصة الأمريكية خسر أموال المستثمرين زي معظم الشركات وقتها. مادوف بدل ما يواجه المستثمرين بالحقيقة قرر إنه يقترض من البنوك ويدفع للمستثمرين ويوهمهم إنه حقق أرباح (في الوقت اللي باقي شركات الاستثمار فلست) وده طبعا نجح إنه يحقق له صيت وشهرة كبيرة جعلته واحد من أكبر عتاولة الوول ستريت. بسبب الشهرة دي نجح مادوف إنه يجمع استثمارات بقيمة 65 مليار دولار من 140 ألف مستثمر في 125 دولة حول العالم. بينما الجميع كان مفكر إن مادوف بيضارب في البورصة فعلا كل اللي كان بيعمله إنه كان مخطط بونزي Bonzi Scheme وده مصطلح بيطلق على عمليات النصب الهرمية نسبة إلى "تشارلز بونزي" أول من ابتكر عملية النصب دي.

الصين في آخر 30 يوم: ▪️ حظر عام على الأشخاص أقل من 18 سنة من ممارسة ألعاب الفيديو لمدة أطول من 3 ساعات في الأسبوع. ▪️ مسحت كل حاجة من الإنترنت الصيني عن أشهر ممثلة في الصين بدعوى إنها مثال سيء للمشاهير. ▪️ حظرت ظهور "المخنثين" على التلفزيون، وخصصت يوم الخميس من كل أسبوع للترويج للثقافة والأخلاق التقليدية. ▪️ موقع WeChat بأمر من الحكومة بدأ يحذف كل الحسابات اللي بيدرها أشخاص منتمين إلى المثليين والمتحولين ومزدوجي التوجه الجنسي LGBT. ▪️ أمرت شركات الألعاب بحظر المثليين أو المخنثين "Sissy Men" من الظهور في بث مباشر لأنه بيحض على الفُحش وانتشار ثقافة التخنث.

في عام 1859م حدث ما يُعرف باسم "Carrington Event" وهي أكبر عاصفة مغناطيسية أرضية على الإطلاق؛ حتى أنه في ذلك الوقت اضطربت إبر البوصلات وتحولت عن اتجاهتها. في عام 1989م حدثت عاصفة شمسية متوسطة الشدة تسببت في تدمير شبكة الطاقة الكهربائية في محطة الطاقة الكندية Hydro-Québec وانقطاع في الطاقة. ➖➖➖➖➖➖➖➖➖➖➖➖➖➖➖ تأثير هذه العواصف لن يؤثر على البنى التحتية المحلية للشبكات، ولا على كابلات الألياف الضوئية التي لا تتأثر بمثل هذه العواصف.. ولكن الكارثة أنها تؤثر على الكابلات البحرية طويلة المدى التي تربط القارات ببعضها.. لأن هذه الكابلات تستخدم أجهزة لتضخيم أو تعزيز الإشارات الضوئية Repeaters، وتلك الأجهزة تتأثر بالتيارات المغناطيسية الأرضية.. وهذا قد يعني قطع مصدر الإنترنت الأساسي عن الشبكات المحلية لعدة أسابيع أو حتى لشهور. النبأ السارّ هو أن أعلى نسبة تقديرية لحدوث مثل هذه العواصف تصل إلى 12% كل 10 سنوات.. لكن يظل هناك إمكانية لحدوثها 😥

كوكب الأرض قد يفقد الاتصال بالإنترنت لعدة شهور 😯 في مؤتمر اتصالات البياناتSIGCOMM 2021 قدم الباحث في جامعة كاليفورنيا "Sangeetha Abdu Jyothi" ورقة بحثية بعنوان: Solar Superstorms: Planning for an Internet Apocalypse هذه الورقة تضمنت تحذيرا من عاصفة شمسية قادمة قد تضرب الأرض وتتسبب في انقطاع الإنترنت لعدة أسابيع أو شهور. ➖➖➖➖➖➖➖➖➖➖➖➖➖➖➖ بشكل طبيعي تقوم الشمس بشكل مستمر بغمر الأرض بضباب من الجسيمات الممغنطة المعروفة باسم "الرياح الشمسية"، لكن الدرع المغناطيسي لكوكب الأرض يمنع الجزء الأكبر من هذه الجسيمات، من إحداث أي ضرر حقيقي للأرض أو سكانها، وبدلًا من ذلك ترسل تلك الجسيمات نحو القطبين. في بعض الأحيان تتصاعد هذه الرياح وتتحول إلى عاصفة شمسية كاملة، يحدث ذلك تقريبا كل 100 عام أو أكثر، ونتائج مثل هذا الطقس الفضائي المتطرف يمكن أن تكون كارثية.