Huquqshunos yordami

HAYFSAN OLGAN XODIMGA BAYRAM PULI BERILADIMI? Savol: 2 kun oldin hayfsan olgan xodim 2 kundan so‘ng premiya olish xuquqiga egami hayfsan nechchi kundan so‘ng yechiladi? Javob: Xodimga 2 kun oldin hayfsan (intizomiy jazo) berilgan bo‘lsa, u 2 kundan so‘ng premiyaga haqli emas. Chunki Mehnat kodeksining 299-moddasiga muvofiq, intizomiy jazoning amal qilish muddati davomida xodimga nisbatan rag‘batlantirish choralari, jumladan mukofot (premiya) qo‘llanilmaydi. Mehnat kodeksining 315-moddasiga ko‘ra, intizomiy jazoning amal qilish muddati 1 yil bo‘lib, u faqat ish beruvchining buyrug‘i bilan muddatidan oldin olib tashlangan taqdirda bekor qilinadi. Hayfsan olib tashlanmaguncha xodim rag‘batlantirishga, shu jumladan premiyaga haqli emas.      @Huquqshunos_yordami       Savol yuborish uchun 👇👇      @Online_maslaxatchii

🎤Vakant (bo‘sh) o‘rinlar bo‘yicha eng ko‘p so‘ralgan savollarga javoblar ❓Kimlar hujjat topshira oladi?  

Kirish imtihonlarida ishtirok etgan va minimal 56,7 va undan yuqori ball toʻplagan, lekin oʻqishga kira olmagan abitiruyentlar va qabulning tanlov bosqichida OTM va yoʻnalish tanlamagan abituriyentlar bo’sh o’rinlar uchun hujjat topshirishi mumkin.

❓Nechtagacha yoʻnalish tanlash mumkin?

Fanlar majmuangizga mos keladigan yoʻnalishlarda boʻsh oʻrin boʻlsa, 5 tagacha yoʻnalish, oliy ta’lim muassasasi va istalgan ta’lim shakli – kunduzgi, kechki va masofaviydan birini tanlashi mumkin. ❓

Boʻsh oʻrin uchun qayerdan ariza qoldiraman?

Bilimni baholash agentligining my.uzbmb.uz saytidagi shaxsiy kabinetingiz orqali “vakant oʻrinlar uchun ariza berish” boʻlimida ariza topshiriladi.   ❓

Balim yetsa, grantga kiramanmi yoki kontrakt?

Ro‘yxatdan o‘tgan abituriyentlar vakant o‘rinlarga to‘plagan ballari ketma-ketligiga qat’iy rioya qilingan holda, bazaviy to‘lov-kontrakt asosida talabalikka tavsiya qilinadi.   ❓

Qabul qachongacha davom etadi?

Vakant oʻrinlar uchun arizalar 22-avgustdan 28-avgustgacha davom etadi. Mandat qabul yakunlangach bir hafta ichida e’lon qilinadi. ❓

Nega men tanlagan yoʻnalishda boʻsh oʻrin chiqmayapti?

Chunki ayrim yoʻnalishlarda kvota toʻlib boʻlgan va bunday holatda qoʻshimcha oʻringa qabul boʻlmaydi. Faqatgina toʻlmay qolgan oʻrinlar uchun hujjat topshirish mumkin.

@Huquqshunos_yordami Savol yuborish uchun 👇👇 @Online_maslaxatchii

DARS SOATLARI QANDAY TAQSIMLANADI Savol: Men maktabda ozbek tili(davlat tili) fani oqituvchisiman. Hozirda mutaxassisligim boyicha 4 kurs sirtqi talimda tahsil olyabman. Menda B darajali milliy sertifikatim bor. Lekin yonimdagi hamkasblarimda sertifikati ham oliy toifasi ham yoq. Ulardan 2 tasi malaka oshirish kursini tamomlagan. Dars taqsimoti boyicha ular bilan teng dars olish huquqiga egamanmi? Javob: Oʻzbekiston Respublikasi Xalq taʼlimi vazirligi, Moliya vazirligi, Sogʻliqni saqlash vazirligining 2020-yil 20-iyundagi 8-mh, 28, 124/1-son qaroriga ILOVA sifatida tasdiqlangan Umumtaʼlim muassasalarida sinflarni komplektlash hamda tarifikatsiya roʻyxatlarini shakllantirish tartibi toʻgʻrisidagi Nizomning 15-bandi Umumtaʼlim muassasalari tomonidan shakllantirilgan dars soatlari setkasi umumtaʼlim muassasasining pedagogik kengashi tomonidan ikki ish kuni ichida koʻrib chiqilib, har yili 15-sentabrga qadar oʻqituvchilarga dars soatlari quyidagi koʻrsatkichlarning ustuvor ketma-ketligi asosida taqsimlanadi:

oliy malaka toifasiga ega oʻqituvchilar (pedagog kadrning attestatsiyadan oʻtganligi toʻgʻrisidagi sertifikatning amal qilish muddatiga koʻra);

dars beradigan fanidan pedagog xodimlarga ustama belgilashda qoʻllaniladigan milliy yoki xalqaro tan olingan sertifikatga ega oʻqituvchilar (sertifikatning belgilangan darajasi va amal qilish muddatiga koʻra);

birinchi malaka toifasiga ega oʻqituvchilar (pedagog kadrning attestatsiyadan oʻtganligi toʻgʻrisidagi sertifikatning amal qilish muddatiga koʻra);

ikkinchi malaka toifasiga ega oʻqituvchilar (pedagog kadrning attestatsiyadan oʻtganligi toʻgʻrisidagi sertifikatning amal qilish muddatiga koʻra);

oliy maʼlumotli toifasiz oʻqituvchilar;

qayta tayyorlash boʻyicha diplomga ega oʻqituvchilar (oʻqituvchida qayta tayyorlash mutaxassisligi boʻyicha mazkur bandning ikkinchi — oltinchi xatboshilarida nazarda tutilgan koʻrsatkichlardan biri yoki bir nechtasi mavjud boʻlganda taalluqliligiga koʻra tegishli koʻrsatkichlar mavjud boʻlgan oʻqituvchilar bilan teng ustuvorlikka ega boʻladi);

oʻrindoshlik asosida ishlayotgan oliy maʼlumotli oʻqituvchilar;

oliy taʼlim muassasalarining pedagogika yoʻnalishi boʻyicha uchinchi va undan yuqori kurs talabalari;

oliy maʼlumotli oʻqituvchilar bilan taʼminlanguniga qadar oʻrta maxsus, professional maʼlumotga ega oʻqituvchilar (faqat boshlangʻich sinflarda dars beruvchi oʻqituvchilar uchun);

oliy maʼlumotli oʻqituvchilar bilan taʼminlanguniga qadar umumtaʼlim muassasasining tegishli mutaxassisligi boʻyicha rahbar xodimlari.

Yuqoridagi ketma ketlikda qayta tayyorlashda o’qigan pedagoglar, oliy ta’lim muassasalarinining 3 va 4 bosqich talabalaridan yuqorida ko’rsatilgan, Biroq, Sizni B darajadagi milliy sertifikatingiz borligi va talaba ekanligiz sababli yarim stavka dars olish huquqiga egasiz. @Huquqshunos_yordami Savol yuborish uchun 👇👇 @Online_maslaxatchii

Savol: Davlat tashkilotida ishlayman, xizmat safariga borsak, tasdiqlovchi hujjatlar (cheklar) taqdim etsak kundalik xarajatlarimizga faqat 103 ming so’m to’lab berishyapti, aslida 144 ming 200 so’m berilishi shart emasmi❓   Javob: Mehnat kodeksining 287-moddasiga ko’ra, xizmat safariga yuborilgan taqdirda ish beruvchi xodimga quyidagilarni qoplashi SHART: yoʻlkira xarajatlari; turar joy ijarasi xarajatlari; doimiy yashash joyidan tashqarida yashash bilan bogʻliq qoʻshimcha xarajatlar (sutkalik); xodim tomonidan ish beruvchining ruxsati yoki roziligi bilan qilingan boshqa xarajatlar.   Bunda xarajatlar oʻrnini qoplash miqdori budjetdan moliyalashtiriladigan tashkilotlar uchun Oʻzbekiston Respublikasi Vazirlar Mahkamasi tomonidan belgilangan miqdorlardan kam boʻlishi mumkin emas.   Vazirlar Mahkamasining 2022-yil 2-avgustdagi 424-son qaroriga ilova “Oʻzbekiston Respublikasi hududida xizmat safarlari toʻgʻrisida”gi Nizom tashkilotlarning xodimlarini Oʻzbekiston Respublikasi hududida xizmat safarlariga yuborish, xizmat safari bilan bogʻliq xarajatlarni qoplab berish, xizmat safariga ketayotgan va xizmat safaridan qaytayotgan shaxslarni roʻyxatga olish boʻyicha maxsus elektron jurnallarni yuritish hamda xizmat safariga yuborilgan shaxslarning huquqlari va qonuniy manfaatlarini taʼminlash tartibini belgilaydi.   Nizomning 16-bandiga ko’ra, kundalik xarajatlar uchun haq jamoa shartnomalari, jamoa kelishuvlari va mehnat shartnomalarida koʻzda tutilgan miqdorlarda, lekin quyidagi miqdorlardan kam boʻlmagan holda belgilanadi (bazaviy hisoblash miqdoriga nisbatan koeffitsiyentlarda), jami 0,35 gacha: xodimning xizmat safari davrida ovqatlanish (alkogol va tamaki mahsulotlari bundan mustasno) xarajatlarini tasdiqlovchi hujjatlar (cheklar) taqdim etilganda — 0,25 gacha; boshqa xarajatlari uchun — 0,1. Bunda umumiy ovqatlanish obyektlarida xaridni amalga oshirganligini tasdiqlovchi hujjatlarni (cheklarni) xizmat safari uchun ishlab chiqilgan maxsus mobil ilovada xarid chekining fiskal belgisini matritsali shtrix kod (QR-kod) yordamida skanerlash orqali roʻyxatdan oʻtkazish imkoniyati mavjud boʻlmaganda, ushbu hujjatlarni (cheklarni) taqdim etishga ruxsat etiladi. Umumiy ovqatlanish obyektlarida xarid amalga oshirilganligini tasdiqlovchi hujjatlar (cheklar) xizmat safari davrining har bir kuni uchun alohida-alohida rasmiylashtiriladi.   ❌ Lekin amaliyotda ayrim tashkilot buxgalterlari tasdiqlovchi hujjatlar (cheklar) taqdim etilganda faqat BHM 0,25 koeffitsiyentini ya’ni 103 ming so’m to’lashmoqda ekan. BHM 0,1 koeffitsiyentini ya’ni 41 ming 200 so’mni to’lashamayapti ekan. Bu noqonuniy. BHM 0,25 koeffitsiyentini to'lash uchun tasdiqlovchi hujjatlar (cheklar) bo’lishi shart! BHM 0.1 koeffitsiyenti esa hech qanday tasdiqlovchi hujjatlar (cheklar)siz majburiy tartibda to’lanishi shart❗️   Ya’ni BHM 0,1 koeffitsiyenti ya’ni 41 ming 200 so’m xodim xarajatlarini tasdiqlovchi hujjatlar (cheklar)ni taqdim qilgan yoki qilmaganligidan qat’i nazar to’lab berilishi shart! Gapni indallosi, agar xizmat safariga borgan xodim tasdiqlovchi hujjatlar (cheklar) taqdim etsa kundalik xarajatlar uchun 103 ming so’m emas, kamida 144 ming 200 so’m to'lab berilishi shart❗️ ©️Mehnat huquqi @Huquqshunos_yordami Savol yuborish uchun 👇👇 @Online_maslaxatchii

❔“Super-kontrakt” haqida eng koʻp soʻralgan savollarga javoblar (2-qism) ❓Oʻqishga kirganlar ham birinchi yoʻnalishga super-kontrakt qila oladimi? Oʻtgan yili abituriyent oʻzi tanlagan birinchi yoʻnalishga kira olmagan, lekin 2, 3, 4 yoki 5-yoʻnalishlardan biriga oʻqishga kirgan boʻlsa, istisno tariqasida faqat birinchi tanlagan yoʻnalishiga super-kontrakt qilishga ruxsat berilgan edi. Lekin bu 2, 3 yoki 4-yoʻnalishga taalluqli emas. Yaʼni, 5-tanlagan yoʻnalishiga oʻqishga kirgan abituriyent 2 yoki 3-yoʻnalishida super-kontraktda oʻqiy olmasdi, faqat birinchiga ruxsat berilgandi. ✔️ Joriy yilda super-kontrakt boʻyicha hali aniq tartib belgilanganmadi. Oʻzgarish boʻlsa, qoʻshimcha xabar beriladi. ❓Oʻqishga kira olmaganlar istalgan beshta yoʻnalish boʻyicha super-kontrakt qila olishadimi? Ushbu masala ham hozircha ochiq turibdi. Lekin oʻtgan yilgi beshta yoʻnalishga ham oʻqishga kira olmagan abituriyentlar istalgan beshta yoʻnalishdan birini tanlab, super-kontraktda oʻqishiga ruxsat berilgan edi. ❓Super-kontrakt uchun taʼlim krediti beriladimi? Super-kontrakt uchun taʼlim krediti berilmaydi. Ammo ayrim banklar tijoriy shartlarda oddiy kredit taklif qilishi mumkin. Ammo super-kontraktga kirganlar 2-kursdan oddiy kontrakt toʻlashga oʻtadi, shu sababli 2-kursdan taʼlim krediti olishi mumkin. Taʼlim krediti faqat kunduzgi taʼlim shakliga beriladi. ❓Super-kontraktni boʻlib toʻlasa boʻladimi? Toʻlovni yil davomida 2 qismga yoki oyma-oy qilib toʻlash mumkin. Lekin super kontraktda oʻqish uchun dastlab kontraktning 50 foizi toʻlanadi, keyin qolgan qismini 4 ga boʻlib, 1-yanvar, 1-mart va 1-maygacha qadar boʻlib toʻlashga ruxsat beriladi. @Huquqshunos_yordami Savol yuborish uchun 👇👇 @Online_maslaxatchii

❔“Super-kontrakt” haqida eng koʻp soʻralgan savollarga javoblar O‘qishga kira olmagan ko‘plab abituriyentlarda super-kontrakt bilan bog‘liq savollar paydo bo‘lmoqda. Ushbu postda super-kontrakt haqida batafsil ma’lumot beramiz. 🎓 2026-2027 o‘quv yili uchun super-kontrakt narxi va tartiblari hozircha tasdiqlangani yo‘q. Tasdiqlangach, bu haqda qo‘shimcha xabar beramiz. 📌Super-kontraktning 4 ballgacha shkalasi quyidagicha: – o‘tish baliga 1,05 ballgacha yetmagan abituriyentlar uchun – bazaviy to‘lov-kontrakt miqdorining 1,5 barobari; (masalan, kontrakt 10 mln so’m bo’lsa, 1 ballgacha yetmaganlar 15 mln so’m to’laydi);

– 1,06 balldan 2,05 ballgacha — 2 barobari;

– 2,06 balldan 3,05 ballgacha — 2,5 barobari;

– 3,06 balldan 4,05 ballgacha — 3 barobari.

❗️Eslatma: 4,05 ballgacha deb yozilganiga ko‘pchilik chalg‘imoqda va buni 4,5 ball deb o‘ylayapti. 4,05 (to‘rt-u yuzdan nol besh) ball bilan 4,5 (to‘rt yarim) ballning farqi katta. Kirish chizig‘iga 4,1 (to‘rt-u bir) balldan ko‘p yetmagan abituriyentlar yuqoridagi 4 ballik shkalaga tushmaydi. ✔️4,06 va undan koʻproq ball yetmagan, lekin minimal oʻtish ballidan yuqori ball toʻplagan abituriyentlar uchun tabaqalashtirilgan toʻlov-kontrakt miqdorlari Oliy taʼlim muassasalari rektorlari tomonidan mustaqil belgilanadi. ❓Super-kontrakt bilan bir qatorda oddiy kontrakt ham qo‘shib to‘lanadimi? Birinchi yili faqat super-kontrakt summasi to‘lanadi. Ikkinchi yildan boshlab esa faqat oddiy kontrakt to‘lanadi, super-kontrakt to‘lanmaydi. ❓Super-kontrakda o‘qishni xohlaganlar qaysi muddatgacha ariza berishi kerak? Hali super-kontrakt uchun arizalar qabuli boshlangani yo'q. Sentyabr oyida o‘qish boshlangach, onlayn ariza beriladi. ❓Ariza berish uchun OTMga borish kerakmi? 3 yildan buyon super-kontrakt uchun arizalar onlayn qabul qilinadi. Siz uyingizdan chiqmagan holda internet orqali ariza yuborasiz. Buning uchun OTMga kelish shartmas. Ariza qabul qilinadigan sayt ishga tushgach, qo‘shimcha xabar qilinadi. @Huquqshunos_yordami Savol yuborish uchun 👇👇 @Online_maslaxatchii

☄️ Rasman! 1-kurs talabalaridan ham yotoqxonalarga ariza qabuli boshlandi 🏢 Talabalar turar joyiga joylashish uchun ariza berish xizmati1-bosqich talabalari uchun ham ishga tushirildi. 📆 Bugun, 18-avgustidan boshlab 2026/2027-o‘quv yilida 1-bosqichga tavsiya etilgan abituriyentlar my.gov.uz portali orqali talabalar turar joyiga joylashish uchun ariza topshirishlari mumkin. 🎓 Talabalar turar joylariga joylashtirish belgilangan tartib va mavjud bo‘sh o‘rinlardan kelib chiqqan holda amalga oshiriladi.

❗️ Eslatma: Reglamentga muvofiq, dastlab imtiyoz va ustuvorliklarga ega talabgorlar talabalar turar joylariga qabul qilinadi. Shundan so‘ng, umumiy ro‘yxatdagi talabalar uchun yotoqxonada ortib qolgan o‘rinlar soniga nisbatan navbat asosida joy ajratiladi. Jumladan, 1-kurs talabalari uchun umumiy o‘rinlarning 55–65 foizigacha qismi ajratilishi ko‘zda tutilgan.

▶️ https://youtu.be/_WnzdoPhGZI?si=IR13uhkss2CJ-O5B @Huquqshunos_yordami Savol yuborish uchun 👇👇 @Online_maslaxatchii

BARCHA FARZANDLARGA MEROS TENG TAQSIMLANADIMI ❓ SAVOL: Men yashayotgan uy qaynonamni nomida, qaynona vafot qilgan holda meros qanday taqsimlanadi? 4 ta farzandi bor qaynonamni. Javob uchun oldindan rahmat. ✅Javob: Fuqarolik kodeksining 1118-moddasi Merosxoʻrlar haqida. Unga ko‘ra:         Meros ochilgan paytda hayot boʻlgan fuqarolar, shuningdek meros qoldiruvchining hayotlik paytida homila holida boʻlgan va meros ochilgandan keyin tirik tugʻilgan bolalari vasiyat va qonun boʻyicha merosxoʻr boʻlishlari mumkin.          Yuqoridagi qoidaga asosan, qaynonangizni 4 nafar farzandi teng merosxo‘r bo‘lishadi yaʼni har bir farzandiga 25 foizdan ulush ajratiladi.      @Huquqshunos_yordami        Savol yuborish uchun 👇👇       @Online_maslaxatchii

❓Talabalikka qabul qilinganlar OTMga qanday hujjatlar berishi kerak? 📑Oliy ta’lim muassasalariga o‘qishga qabul qilingan birinchi kurs talabalaridan ta’lim muassasasiga quyidagi hujjatlarni topshirishi talab qilinadi.

1. Rektor nomiga ariza;

2. Pasport nusxasi (asli ko‘rsatilgan holda);

3. Diplom yoki attestat (ilovasi bilan birga) asl nusxasi;

4. Til bilish darajasini tasdiqlovchi sertifikat asli; (agar bo‘lsa)

5. 3,5×4,5 foto 12 ta;

6. Hujjatlar yig‘ma jildi (papka skorosshivatel);

7. Konvert A5 formatida;

8. Talabalar turar joyi (sharoiti og‘ir va kam ta’minlanganligini tasdiqlovchi hujjati bor talabalar) uchun ariza (kerak bo‘lsa);

9. Imtiyoz asosida talabalikka tavsiya etilganlar uchun imtiyoz beruvchi hujjatning asli (agar bo‘lsa).

@Huquqshunos_yordami Savol yuborish uchun 👇👇 @Online_maslaxatchii

❓1-kursga qabul qilinganlar yotoqxonaga qachondan ariza topshirishi mumkin? 📃Davlat oliy ta’lim tashkilotlarida talabalar turar joyiga joylashish tartibi Vazirlar Mahkamasining 2023-yil 14-avgustdagi 376-son qarori bilan belgilangan. Unga ko‘ra, talabalar turar joyiga joylashish uchun arizalar har yili 1-avgustdan o‘quv yili yakuniga qadar qabul qilinadi. Birinchi kurs talabalari esa talabalikka tavsiya etilganidan keyin yotoqxonaga ariza topshirishi mumkin. ✈️Arizalar my.gov.uz orqali yoki Davlat xizmatlari markazlarida elektron shaklda topshiriladi. 🔍 Shu bilan birga, mandat natijalari e’lon qilinganidan keyin birinchi kursga tavsiya etilgan talabalar haqidagi ma’lumotlarni tegishli axborot tizimlariga yuklash jarayoni amalga oshiriladi. Shu sababli ayrim talabalar hozircha my.gov.uz orqali ariza topshirishda “foydalanuvchi ma’lumotlar bazasida mavjud emas” mazmunidagi xabarga duch kelishi mumkin. 📌Agar abituriyent talabalikka tavsiya etilgan bo‘lsa-yu, biroq yotoqxonaga ariza topshirishda uning ma’lumotlari chiqmasa, bu ma’lumotlar tizimga hali to‘liq yuklanmagan bo‘lishi mumkin. Bunday holatda ma’lumotlar tizimda aks etishini kutib, keyin qayta urinib ko‘rish mumkin. Ya’ni, bir-ikki kunda ariza berishingiz mumkin. @Huquqshunos_yordami Savol yuborish uchun 👇👇 @Online_maslaxatchii

❓Masofaviy taʼlim shaklida oʻqish tartibi qanday? Hukumatning 2022-yil 3-oktyabrdagi 559-son qaroriga ko‘ra, oliy ta’limda masofaviy ta’lim shakli joriy etilgan. Mazkur shakl bo‘yicha o‘qitish va bilim baholash jarayonlari to‘liq raqamli platformalar orqali olib boriladi. 📌Masofaviy ta’lim faqat kunduzgi ta’lim shaklida mavjud bo‘lgan bakalavriat ta’lim yo‘nalishlari va magistratura mutaxassisliklari asosida tashkil etiladi. Bunda bir yo‘nalishga qabul qilinadigan talabalar soni bakalavriat uchun 300 nafardan, magistratura uchun 30 nafardan oshmasligi kerak. ✔️2026/2027-o‘quv yilida oliy ta’lim muassasalari bakalavriatining masofaviy ta’lim shakliga umumiy qabul parametrlarining ta’lim yo‘nalishlari va o‘qitish tillari bo‘yicha taqsimoti tasdiqlangan. 🗓 Masofaviy ta’lim bo‘yicha o‘qish davomiyligi kunduzgi ta’lim shakli bilan bir xil davomiylikda olib boriladi. Masofaviy ta’limda o‘quv mashg‘ulotlari sinxron (real vaqt rejimida) va asinxron (oldindan yozib olingan) shakllarda olib boriladi. ❗️Yakuniy nazorat turlari, davlat attestatsiyasi va bitiruv malakaviy ishi himoyasi esa an’anaviy, ya’ni yuzma-yuz shaklda o‘tkaziladi. @Huquqshunos_yordami Savol yuborish uchun 👇👇 @Online_maslaxatchii

QANDAY HOLLARDA XAYDOVCHILARGA MA’MURIY OGOHLANTIRISH BERILADI? Javob: Haydovchiga ma’muriy ogohlantirish, agar u Qonunda aniq ko‘rsatilgan bir qator yo‘l harakati sohasidagi huquqbuzarliklarni sodir etib, qilmishidan chin ko‘ngildan pushaymon bo‘lsa, qo‘llanilishi mumkin. 🚫 Bu ogohlantirish 1-yil davomida 1 martadan ortiq qo‘llanilishi mumkin emas. ⚖️ Huquqiy asos: Ma’muriy javobgarlik to‘g‘risidagi kodeks 24.1-moddasi ✅ Ma’muriy ogohlantirish belgilangan huquqbuzarlikni sodir etgan shaxs o‘z qilmishidan chin ko‘ngildan pushaymon bo‘lganda qo‘llaniladi. 📜 Ogohlantirish qo‘llanilishi mumkin bo‘lgan holatlar: ▪️ 125-modda 1-qism — xavfsizlik kamari yoki motoshlemdan foydalanmaslik; ▪️ 125-modda 2-qism — ro‘yxatdan o‘tmagan, texnik ko‘rikdan o‘tmagan yoki nosoz transport vositasini boshqarish, shuningdek  jihozlar (o‘t o‘chirgich, tibbiyot qutichasi va boshqalar) yetishmasligi; ▪️ 128.1-modda — boshqarish vaqtida telefondan foydalanish; ▪️ 128.2-modda — boshqarish vaqtida tele-, videodasturlarni tomosha qilish maqsadida monitordan foydalanish; ▪️ 128.6-modda — to‘xtash yoki to‘xtab turish qoidalarini buzish; ▪️ 135.1-modda — sug‘urta polisida ko‘rsatilmagan davrda yoki ko‘rsatilmagan haydovchi tomonidan transport vositasini boshqarish. 💡 Amalda nima qilish kerak? Agar yuqoridagi huquqbuzarliklardan biri sodir etilgan bo‘lsa, haydovchi qilmishidan chin ko‘ngildan pushaymonligini bildirishi mumkin — bu ogohlantirish olish imkoniyatini oshiradi. Ammo esda tuting: ogohlantirish faqat 1-yilda 1 marta qo‘llanadi, shuningdek, agar boshqa huquqbuzarlik alomatlari bo‘lmasa. @Huquqshunos_yordami Savol yuborish uchun 👇👇 @Online_maslaxatchii

⁉️ Savol: Haydovchi tezlikni oshirib yuborsa, unga qancha jarima bali qo‘llaniladi?

📖 Javob: Vazirlar Mahkamasining 2025-yil 6-maydagi 296-son qaroriga asosan: 🚘 Transport vositalari haydovchilarining belgilangan harakat tezligini oshirib yuborishi quyidagi miqdorlarda jarima ballari qo‘llashga asos bo‘ladi: ▪️ soatiga 20 kilometrdan ko‘p bo‘lmagan kattalikda oshirib yuborish - 0,5 ball; ▪️ soatiga 20 kilometrdan ortiq, lekin 40 kilometrdan ko‘p bo‘lmagan kattalikda oshirib yuborish - 1 ball; ▪️ soatiga 40 kilometrdan ortiq, lekin 60 kilometrdan ko‘p bo‘lmagan kattalikda oshirib yuborish - 1,5 ball ▪️ soatiga 60 kilometrdan ortiq kattalikda oshirib yuborish - 2 ball.

📌 Eslatma: Jarima ballari miqdori 12 balldan oshgan taqdirda haydovchi sud tomonidan 6 oydan kam bo‘lmagan muddatga transport vositasini boshqarish huquqidan mahrum qilinishi mumkin. @Huquqshunos_yordami Savol yuborish uchun 👇👇 @Online_maslaxatchii

Mustaqillik bayramida o‘zbekistonliklar necha kun dam oladi? Prezident farmoniga ko‘ra, 31-avgust – dushanba kuni ish haftasining turidan qat’iy nazar barcha xodimlar uchun qo‘shimcha dam olish kuni deb belgilangan. Shunga muvofiq, haftasiga 5 kun ishlovchilar Mustaqillik bayramida ketma-ket to‘rt kun (29-avgust – 1-sentabr), 6 kun ishlovchilar esa ketma-ket uch kun (30-avgust – 1-sentabr) dam oladi. 🟡 29-avgust, shanba – odatiy ish yoki dam olish kuni 🔴 30-avgust, yakshanba – odatiy dam olish kuni 🔴 31-avgust, dushanba – barcha uchun qo‘shimcha dam olish kuni 🔴 1-sentabr, seshanba – Mustaqillik bayrami kuni 2-sentabr, chorshanba – barcha uchun odatiy ish kuni. @Huquqshunos_yordami Savol yuborish uchun 👇👇 @Online_maslaxatchii

🇺🇿🇺🇿 ✅ 5 daqiqa vaqt ajratib, pensiyangiz uchun muhim ma’lumotlarni tekshirib qo‘ying! 👨‍💻 Pensiya yoshiga yetganda kutilmagan muammolar va ortiqcha ovoragarchiliklarga duch kelmaslik uchun ma’lumotlarni hozirning o‘zida tekshirib qo‘yish lozim. 👉 my.gov.uz orqali uydan chiqmasdan quyidagilarni tekshirib olishingiz mumkin: ✍️ Mehnat stajingiz to‘g‘ri hisoblanganmi? ✍️ Elektron mehnat daftarchadagi yozuvlarda xatolik yo‘qmi? ✍️ Ish haqingiz va undan ajratilgan pensiya badallari to‘liq aks etganmi?

❓ Nima uchun bu muhim?

Bugun aniqlangan xatolikni tuzatish juda oson. Ertaga, oradan yillar o‘tib hujjat yig‘ish esa ancha murakkab kechib, mehnat talab qiladi.

🗄 Jamg‘armalaringiz va stajingiz haqida bugun qayg‘uring! 💻 my.gov.uz - oson, tez va qulay! @Huquqshunos_yordami Savol yuborish uchun 👇👇 @Online_maslaxatchii

DARS TAQSIMLASH TARTIBI QANDAY?              ✳️ Savol: O‘rta ta’lim maktablarida darslarni o‘qituvchilar o‘rtasida taqsimlanish tartibi qanday?              ✅ Javob: “Umumta’lim muassasalarida sinflarni komplektlash hamda tarifikatsiya ro‘yxatlarini shakllantirish tartibi to‘g‘risida”gi Nizomning 15-bandiga asosan o‘rta ta’lim maktablarida darslar taqsimlanadi. Umumta’lim muassasalari tomonidan shakllantirilgan dars soatlari setkasi umumta’lim muassasasining pedagogik kengashi tomonidan ikki ish kuni ichida ko‘rib chiqilib, har yili 15-sentyabrga qadar o‘qituvchilarga dars soatlari quyidagi ko‘rsatkichlarning ustuvor ketma-ketligi asosida taqsimlanadi:              👉xalqaro olimpiadalar g‘oliblarini tayyorlagan o‘qituvchilar;              👉o‘qituvchi bo‘lib faoliyat yuritayotgan xalqaro olimpiadalar g‘oliblari;              👉chet tili va STEAM fanlaridan mutaxassisligi bo‘yicha xalqaro sertifikatlarga ega o‘qituvchilar (TESOL Level 5, CEFR B2, IELTS 6 va undan yuqori, shuningdek, O‘zbekiston Respublikasi Xalq ta’limi vazirligi tomonidan belgilanadigan boshqa sertifikatlar);              👉TOP-1000 universitetlar reytingiga kiradigan dunyoning yetakchi universitetlarini bitirgan o‘qituvchilar;              👉asosiy olimpiadalarning respublika bosqichi g‘oliblarini tayyorlagan o‘qituvchilar;              👉o‘qituvchi bo‘lib faoliyat yuritayotgan asosiy olimpiadalarning respublika bosqichi g‘oliblari;              👉respublika bosqichidagi ko‘rik tanlovlarda (yil o‘qituvchisi) sovrinli o‘rinlarga ega bo‘lgan o‘qituvchilar;              👉oliy malaka toifasiga ega o‘qituvchilar;              👉birinchi malaka toifasiga ega o‘qituvchilar;              👉asosiy olimpiadalarning viloyat va tuman bosqichi g‘oliblarining o‘qituvchilari;              👉ikkinchi malaka toifaga ega o‘qituvchilar;              👉pedagogik yo‘nalish bo‘yicha magistr darajasiga ega o‘qituvchilar;              👉belgilangan tartibda o‘z fanidan o‘tkazilgan nazariy va amaliy sinovlar natijasi bo‘yicha a’lo baholarga ega o‘qituvchilar;              👉oliy ma’lumotli toifasiz o‘qituvchilar;              👉qayta tayyorlash bo‘yicha diplomga ega o‘qituvchilar;              👉oliy ta’lim muassasalarining pedagogik yo‘nalish bo‘yicha bitiruvchi bosqich talabalari;              👉pedagogik yo‘nalish bo‘yicha xorijiy davlatlarning oliygohlarini bitirgan, biroq diplomi tan olinmagan o‘qituvchilar;              👉oliy ma’lumotli o‘qituvchilar bilan ta’minlanguniga qadar o‘rta maxsus, professional ma’lumotga ega o‘qituvchilar;              👉oliy ma’lumotli o‘qituvchilar bilan ta’minlanguniga qadar umumta’lim muassasasining tegishli mutaxassisligi bo‘yicha rahbar xodimlari.              Umumta’lim muassasasining pedagogik kengashi tomonidan dars soatlari qayta taqsimlanishi mumkin.      @Huquqshunos_yordami      Savol yuborish uchun 👇👇      @Online_maslaxatchii

Ikkinchi mutaxassislikka hujjat topshirish yakunlanishiga ikki kun qoldi 2026/2027-oʻquv yilida ikkinchi va undan keyingi oliy taʼlim olish istagida boʻlgan fuqarolar uchun onlayn ariza topshirish jarayoni yakunlanishiga ikki kun qoldi. Nomzodlar 10-avgust kuniga qadar (shu kuni ham) my.edu.uz platformasi orqali hujjat topshirishlari mumkin.   Nomzodlar my.edu.uz platformasida:  

— pasport va JSHSHIR maʼlumotlarini kiritadi;

— diplom va uning ilovasining elektron nusxasini yuklaydi;

— oʻqish istagidagi oliy taʼlim muassasasi va taʼlim yoʻnalishini tanlaydi.

  Bunda ikkinchi va undan keyingi oliy taʼlim toʻliq toʻlov-kontrakt asosida amalga oshiriladi.   Maʼlumot uchun, ikkinchi mutaxassislik boʻyicha qabul kvotalari (parametrlari) OTMning ilmiy-pedagogik salohiyati va moddiy-texnik bazasidan kelib chiqib, oliy taʼlim muassasasining oʻz Kengashi tomonidan mustaqil belgilanadi.   Ikkinchi va undan keyingi oliy taʼlimga qabul natijalari oliy taʼlim muassasalari tomonidan 30-avgustga qadar eʼlon qilinadi. @Huquqshunos_yordami Savol yuborish uchun 👇👇 @Online_maslaxatchii

❗️Dars soatlarini taqsimlashda qoʻllanadigan ustuvor oʻqituvchilarning ketma-ketligiga oʻzgartirishlar kiritildi Maktabgacha va maktab ta’limi vazirligi, Iqtisodiyot va moliya vazirligi hamda Sog‘liqni saqlash vazirligining “Umumtaʼlim muassasalarida sinflarni komplektlash hamda tarifikatsiya roʻyxatlarini shakllantirish tartibi toʻgʻrisidagi nizomga oʻzgartirishlar kiritish haqida"gi qarori (Adliya vazirligidan 2025-yil 28-oktyabr kuni 3271-1-raqam bilan roʻyxatdan oʻtkazilgan) qabul qilindi. Umumta’lim muassasalari tomonidan shakllantirilgan dars soatlari setkasi umumta’lim muassasasining pedagogik kengashi tomonidan ikki ish kuni ichida ko‘rib chiqilib, har yili 15-sentabrga qadar o‘qituvchilarga dars soatlari quyidagi ko‘rsatkichlarning ustuvor ketma-ketligi asosida taqsimlanadi: ➖oliy malaka toifasiga ega oʻqituvchilar (attestatsiyadan oʻtganligi toʻgʻrisidagi sertifikatning amal qilish muddatiga koʻra); ➖dars beradigan fanidan pedagog xodimlarga ustama belgilashda qoʻllaniladigan milliy yoki xalqaro tan olingan sertifikatga ega oʻqituvchilar (sertifikatning belgilangan darajasi va amal qilish muddatiga koʻra); ➖birinchi malaka toifasiga ega oʻqituvchilar (attestatsiyadan oʻtganligi toʻgʻrisidagi sertifikatning amal qilish muddatiga koʻra); ➖ikkinchi malaka toifasiga ega oʻqituvchilar (attestatsiyadan oʻtganligi toʻgʻrisidagi sertifikatning amal qilish muddatiga koʻra); ➖oliy maʼlumotli toifasiz oʻqituvchilar; ➖qayta tayyorlash boʻyicha diplomga ega oʻqituvchilar (o‘qituvchida qayta tayyorlash mutaxassisligi boʻyicha mazkur bandning ikkinchi – oltinchi xatboshilarida nazarda tutilgan ko‘rsatkichlardan biri yoki bir nechtasi mavjud bo‘lganda taalluqliligiga koʻra tegishli ko‘rsatkichlar mavjud bo‘lgan oʻqituvchilar bilan teng ustuvorlikka ega bo‘ladi); ➖oʻrindoshlik asosida ishlayotgan oliy maʼlumotli oʻqituvchilar; ➖oliy taʼlim muassasalarining pedagogika yoʻnalishi boʻyicha uchinchi va undan yuqori kurs talabalari; ➖oliy maʼlumotli oʻqituvchilar bilan taʼminlanguniga qadar oʻrta maxsus, professional maʼlumotga ega oʻqituvchilar (faqat boshlangʻich sinflarda dars beruvchi oʻqituvchilar uchun); ➖oliy maʼlumotli oʻqituvchilar bilan taʼminlanguniga qadar umumtaʼlim muassasasining tegishli mutaxassisligi boʻyicha rahbar xodimlari. ➖Boshlangʻich sinflarda oʻqitiladigan fanlar boʻyicha dars soatlarini taqsimlashda oʻqituvchilarning boshlangʻich taʼlim mutaxassisligiga egaligi yoki tegishincha ushbu fanni boshlangʻich sinflarda oʻqitish metodikasi bo‘yicha ta’lim olganligi inobatga olinadi. ➖Umumtaʼlim muassasasining pedagogik kengashi tomonidan dars soatlari qayta taqsimlanishi mumkin.     @Huquqshunos_yordami       Savol yuborish uchun 👇👇      @Online_maslaxatchii

❗️Nodavlat OTMlarga o‘qishni ko‘chirish muddati uzaytirilib, talablar yengillashtirildi ➡️Ma'lum qilinishicha, Transfer.edu.uz platformasida Respublikadagi nodavlat oliygohlarga talabalar oʻqishini koʻchirish uchun so‘ralayotgan uzrli sabablar ro‘yxatiga ‘‘Boshqa sababga ko‘ra’’ nomli yangi sabab turi ham qo‘shildi. ✈️Oliy ta’lim, fan va innovatsiyalar vazirligi bir nodavlat oliygohi doirasida oʻqishni koʻchirish hamda oʻqishni qayta tiklash boʻyicha arizalarni qabul qilish muddati 10-avgustga qadar uzaytirilganini ma'lum qildi. Eslatib oʻtamiz, respublikadagi davlat va nodavlat oliygohlaridan o‘qishni ko‘chirish va qayta tiklash  transfer.edu.uz platformasi orqali; Xorijiy oliygohlardan oʻqishni koʻchirish my.uzbmb.uz platformasi orqali amalga oshiriladi.   ✈️2026/2027 o‘quv yili uchun arizalar 2026-yil 10-avgustga qadar (shu kuni ham) qabul qilinadi. Belgilangan muddatdan keyin taqdim etilgan arizalar koʻrib chiqilmaydi. @Huquqshunos_yordami Savol yuborish uchun 👇👇 @Online_maslaxatchii