فيديوهات وأغاني بدون موسيقى 💙⚡

كل عام وانتم بخير تقبل الله منا ومنكم صالح الاعمال 💙 لا تنسوني من صالح دعائكم 💙

خلاص ف شهر سبعه بقي نتقابل🫣

الناس اللي هتصوم في ذي الحجة، يا ترى لما بتيجي تنوي الصيام بتنوي بكام نية؟؟ فيه غيرنا بينوي يجي ٢٠ نية لليوم الواحد وطبعا كل ما النوايا بتزيد كل ما الأجر بيضاعف.. فيه ملحوظة مهمة أن النية محلها القلب ♥️ يعني مش بنتلفظ بيها خالص، انت هتقعد مع نفسك كل ليلة وانت بتنوي الصيام من جواك تفكر انت بتصوم ليه وتبص على الأحاديث دي وتدعى ربنا يكتبلك الثواب.. - عشان الصيام لله وهو اللي هيجزيني بيه (في الحديث القدسي : الصوم لي وأنا أجزي به) - عشان ربنا يديني أجر كبير بصبري (إنما يوفى الصابرون أجرهم بغير حساب) - عشان أفوز بمحبة ربنا .. قال ﷺ : (ما تقرب إلي عبدي بشيء أحَب إلي مما افترضته عليه) - عشان أفرح هنا في الدنيا وفي الآخرة لما أقابل ربنا .. قال ﷺ : (للصائم فرحتان إذا افطر فرح بفطره واذا لقي ربه فرح بصومه) - عشان ريحة فمي عند ربنا أحلى من ريحة المسك .. قال ﷺ : (والذي نفس محمد بيده لخلوف فم الصائم اطيب عند الله من ريح المسك) - عشان ربنا يباعد بيني وبين النـار سبعين سنة : قال ﷺ : (من صام يوما في سبيل الله بعد الله وجهه عن النـار سبعين خريفا) - عشان أدخل الجنة من باب الريان .. قال ﷺ : (في الجنة ثمانية ابواب فيها باب يسمي الريان لا يدخله الا الصائمون) - عشان الصيام جُنّة .. قال رسول الله ﷺ : (الصيام جُنّة) يعني وقاية من الذنوب وحماية من الوقوع في المعاصي، وستر - عشان ربنا يحميني من الفِتَن اللي ممكن تفسد قلبي .. قال رسول الله ﷺ: (فتنة الرجل في اهله وماله ونفسه وولده وجاره يكفرها الصيام والصلاة والصدقة والامر بالمعروف والنهي عن المنكر) - عشان اعمل بوصية النبي ﷺ .. (عليك بالصوم فانه لا مثل له) - عشان أكون مِمن ذكرهم الله في كتابه .. (والصائمين والصائمات) - عشان الصيام يشفعلي يوم القيامة .. قال رسول الله ﷺ : (الصيام والقراءان يشفعان للعبد) - عشان أكون مُستجاب الدعوة .. يقول ﷺ : (ثلاثة لا ترد دعوتهم) منهم (والصائم حتى يفطر) ؛ يعني طول فترة الصيام في أول النهار أو وسطه أو آخره، ويتأكد الأمر في الدعاء قبل الإفطار فقط ثبت في سنن ابن ماجة قوله ﷺ : (للصائم عند فطرة دعوة لا تُرد) - عشان أكون من الابرار .. قال ﷺ : (جعل الله عليكم صلاة قوم ابرار يقومون الليل ويصومون النهار) تقبّل الله منّا ومنكم. ♥️

إن لم تصم فذكر غيرك

لا بأس يوم عرفه قادم

💙.

جاي ليك عشر أيام يخلّوك تنوّر بعبادتك من أول وجديد تاني. د/حازم شومان

يارب كلنا ندخل الجنه🥹💙

في الجنة ترىٰ الله ترىٰ الذي لطالما آنس وحشتك ترىٰ الذي طالما فك كربتك ترىٰ من طالما آمن روعك ودبر حياتك ترىٰ الذي آواك عندما جافوك ترىٰ الذي شفاك وأطعمك وسقاك من غير حول منك ولا قوة. -الشيخ محمد خيري.

💙

أكيد كلكم قرأ سورة البقرة قبل كدا، فهل عدِّت عليكم قبل كدا القصة دي؟ في الصفحة الـ40 من سورة البقرة بدأت حكاية بني إسرائـيل بعد موت سيدنا موسى. ربنا بعت لهم نبيّ فراحوا قالوا له "ابعث لنا ملكا نقاتل في سبيل الله". كانوا عاوزين ينتقموا لديارهم اللي سُلبت منهم وأبناءهم اللي ماتوا أيام فرعون ما كان بيقتّـل فيهم. النبيّ حذرهم وقال لهم ما ممكن لما يتكتب عليكم القتال ماتقاتلوش! راحوا ردوا عليه بكل حزم:"وما لنا ألا نقاتل في سبيل الله وقد أخرجنا من ديارنا وأبنائنا"! يعني ازاي مش هنقاتـل واحنا عاوزين نقتصّ ونسترجع أراضينا! فلما ربنا كتب عليهم القتـال كلهم جَبنوا وتخلَّفوا عن القتال إلا قليلا فقط. ربنا بعدها بعث لهم الملك "طالوت" واللي كانوا مستهزئين بيه علشان مش من أشراف قومهم. واتحركوا الجنود ومعاهم "طالوت"، وهنا جاء الاختبار التاني، بعد كل الطريق والتعب دا وخلاص جُم عند النهر وهيمـوتوا من العطش، راح "طالوت" قال: "إنّ الله مبتليكم بنهر فمن شرب منه فليس مني ومن لم يطعمه فإنه مني إلا من اغترف غرفة بيده". يعني لو كنتم مؤمنين بجد ماتشربوش من النهر، إلا شوية صغيرين في إيديكم بس. ايه اللي حصل بقى؟ طبعا ظهر المؤمن من المنافق، وشرب أغلبهم إلا شوية صغيرين متمسكين بدينهم. يعني الجنود عمّالين بيقلّوا لحد ما بقوا مايعدّوش الـ100 وفي مواجهة جيش بالآلاف! أول ما شافوا الجيش على الجهة التانية منهم قالوا لملكهم "طالوت" ماعندناش طاقة النهاردة إننا نغلبـهم، احنا كدا رايحين ننــتحر!! راحت فئة قليلة منهم قالت:"كم من فئة قليلة غلبت فئة كثيرة بإذن الله والله مع الصابرين". وبمجرّد ما دعوا ربّهم يثبت أقدامهم وينصرهم جات المعجزة هنا، واللي هي سيدنا داوُود عليه السلام واللي كان من بني إسرائيل من سلالة سيدنا "يعقوب" وكان فتى صغير لا هو بالغ ولا هو صبيّ، فنقدر نقول إنه 15 سنة تقريبا في الوقت دا. بصخرة صغيرة حدفها على جالوت فارتدّ قتيـلًا! وطبعا في الحـروب بمجرد ما الملك يموت يبقى الجيش اتهزم علشان مالهمش قائد يوجههم، زي القطيع اللي فقد راعيه. ربنا أنزل القصة دي علشان يبرد على قلبنا، وازاي ممكن بعد كل الاحتمالات الخاسرة تطلع معجزة تتفوق على كل المستحيلات بأمر من الله. وفتى صغيّر أخد نصف المُلك (دا حسب الإسرائيليات) أما في القرآن فربنا ذكر "وآتاه الله المُلك والحكمة". فتخيل مَصير فتى اتغيّر في يوم وليلة، فقط علشان آمن بربُّه وماستجابش للمُلهيات، ولا تخلَّف عن القتال، ولا شكّ حتى بمقدار صغير في حُكم ربنا واتبع "طالوت". فقد ايه احنا بكل الرفاهية اللي بنملكها دلوقتي ولسة طامعانين تاني لأكتر من كدا! واللي قادر يخلي مصير فتى يتغيَّر ويبقى ليه شأن وربنا جعله نبيّ، يقدر يغيّر حالك في ثانية.. ـ "إن الله مع الصابرين".

💙🥹

💙.

يا رب دبّر لي أمري، وكن لي خير وكيل"

يارب

❤️‍🩹

الأشهر الحُرم هي: " ذو القعدة، ذو الحجة، محرم" متتاليات بالإضافة إلى "رجب" مفرد. ﴿ فَلَا تَظْلِمُوا فِيهِنَّ أَنفُسكم ﴾ ‏ وهي أشهر يستحبّ فيها الإكثار من العمل الصالح لأن الحسنات تضاعف، والسيئات تكون أعظم إثمًا، ومع أن ارتكاب المعاصي مُحرّم ولكن في هذه الأشهر أشدّ تحريماً وتعظيمًا فلا تظلم نفسك. ‏ومن قصرت همّته عن الازدياد من العمل الصالح في الأشهر الحرم -ذو القعدة وذو الحجة والمحرم ورجب- فليرحم نفسه بالكف عن المعاصي.. اللهم أعنا على ذكرك وشكرك وحسن عبادتك.