رسائـِل لـم تُرسَـل.."

"فاكرة اللي قالك مش هسيبك؟! وإنه أبوكي ومش حبيبك، وإنه وصفك لما قال أنتي آية من الجمال، وإن أي واحدة غيرك تبقى صفر على الشمال! كان ممثل درجة أولى.. وأنتِ صدقتي بسهولة، حسسك إنك أميرة.. أنتي أول كل حاجة، وأنتي هتكوني الأخيرة! مرة واحدة الكدب بان.. فجأة قلبك عادي هان، فجأة سابك فجأة خان.. فجأة بطلك كان جبان..! اللي قالك وعد مني.. تبقي جزء وحتة مني، راح وسابك ناقصة حتة! واللي قالك وعد نفضل روحتي سكة، وراح في سكة! فوقي سابك.. فوقي خفي من اكتئابك، هو بايع تبكي ليه؟! ليه ضعفتي قصاد عينيه؟! ليه صحابك بيروحوا له.. ويقولوا له ارجع حس بيها؟ ليه حقوقك تشحتيها؟! هو سابك هو غار.. هو بكرة يدوق مرار، مهما يندم قولي لأ.. مهما قدّم في اعتذار! هو خدعك لما قال.. إنه بيكي هيبقى عال، مرة واحدة الكدب بان.. فجأة قلبك عادي هان، فجأة سابك فجأة خان.. فجأة بطلك كان جبان.. !🖤 - الشاعر يوسف حنفي 🖤✒️