🇺🇿Банкир кундалиги

🏦 Асакабанк балансидаги ишлаб-чиқариш ва саноатга мўлжалланган мол-мулкларини сотувга чиқарди Асакабанк Ўзбекистон бўйлаб балансидаги мол-мулкларини сотувга чиқармоқда. Қуйида завод, фабрика ва ускуналардан иборат мол-мулкларнинг рўйхати, нархлари ва тўлов шакли билан танишиш мумкин: ▪️Тошкент вилояти, Бўстонлиқ туманида жойлашган Мармар ва гранит маҳсулотларини ишлаб чиқариш мажмуаси 11 млрд 680 млн сўм. Тўлов шакли: 30% аванс - 5 йил муддатга (батафсил). ▪️Тошкент вилояти, Нурафшон шаҳрида жойлашган Ип-йигирув фабрикаси 86 млрд 521 млн сўм. Тўлов шакли: тўлиқ тўлов (батафсил). ▪️Сирдарё вилояти, Боёвут туманида жойлашган ғишт ишлаб чиқариш заводи 16 млрд 424 млн сўм. Тўлов шакли: 15% аванс - 10 йил муддатга (батафсил). ▪️Жиззах вилояти, Мирзачўл туманида жойлашган дон ва дуккакли маҳсулотларни тозалаш, саралаш, калибровкалаш, қадоқлаш, пластмасса қути ва шарбат ишлаб чиқариш ускуналари 12 млрд 407 млн сўм. Тўлов шакли: 15% аванс - 5 йил муддатга (батафсил). ▪️Андижон вилояти, Асака туманида жойлашган қолипли ғишт, брусчатка ва черепица ишлаб чиқариш бино-иншоотлари 324 млн сўм. Тўлов шакли: тўлиқ тўлов (батафсил). ▪️Фарғона вилояти, Фарғона шаҳрида жойлашган текстиль фабрикаси 68 млрд 22 млн сўм. Тўлов шакли: тўлиқ тўлов (батафсил). ▪️Наманган вилояти, Наманган шаҳрида жойлашган тикув ва тўқув дастгоҳлари 8 млрд 305 млн сўм. Тўлов шакли: 25% аванс - 7 йил муддатга (батафсил). Асакабанк балансидаги сотувга қўйилган бошқа мол-мулклар ҳақида ушбу ҳавола орқали маълумот олиш мумкин. 👉 @bankirkundaligi 👈

ПРЕЗИДЕНТ ФАРҒОНАГА ЕТИБ КЕЛДИ Аввал хабар берилганидек, Президент Шавкат Мирзиёев аҳоли ҳаёти, ҳудудлар ривожи билан яқиндан танишиш мақсадида 11 июль куни Фарғона вилоятига келди. Жорий йил март ойида Қўқон аэропорти янгидан очилган эди. Бугун Ўзбекистон Президентининг самолёти илк бор бу ерга қўнди. Мазкур аэропорт 1977 йилда қурилган бўлиб, яқин йўналишларга парвозлар амалга оширилган. Кейинчалик фақат ҳарбий ҳаво кучлари томонидан фойдаланилган. Модернизация натижасида ушбу аэропорт орқали яна фуқаро авиацияси парвозлари йўлга қўйилди. Давлатимиз раҳбари бу ердаги бунёдкорлик ишлари билан танишди. Аэропортда 100 нафар йўловчига мўлжалланган янги терминал қурилган, учиш-қўниш йўлаги қопламаси таъмирланган. Замонавий аэронавигация ускуналари ўрнатилган. Бу ишлар натижасида аэропорт А 320-200 ва ATR 72-600 русумли самолётларни қабул қилиш имкониятига эга бўлди. Президентимиз энди бу аэропорт халқимизга манфаат келтириши кераклигини таъкидлади. Бунинг учун нарх ва хизматларни одамларга қулай қилиб, парвозларни кўпайтириш бўйича кўрсатмалар берилди. P.S.: Демак, айрим вилоятларда ҳали 1 та аэропорт йўқлик пайтида Фарғонада 2 та аэропорт бор! Ташрифнинг илк объекти зўр танланибди. 👉 @bankirkundaligi 👈

UZTELECOM biznesingiz uchun aqlli yechim taklif etadi! Yangi “Video kuzatuv” xizmati quyidagi imkoniyatlarni taqdim etadi: ✅ Avtomatik ravishda Kompaniyangiz hududiga tashrif buyurgan odamlar sonini qayd etadi, bu esa mijozlar oqimini batafsil tahlil qilish imkonini beradi; ✅Avtomobillarning davlat raqamlarini aniqlaydi va ularni avtomatik ravishda ma'lumotlar bazasidan tekshirib, Kompaniyangiz hududiga kirishning tez va ishonchli nazoratini ta'minlaydi; ✅ Shaxsni aniqlash texnologiyasi xodimlar va tashrif buyuruvchilarni aniq identifikatsiyalashni ta'minlaydi ✅ Vandalizmdan himoya qilish, yong‘inning oldini olish va h.k. Hoziroq 1155 qisqa raqami yoki sayt orqali ariza qoldirishingiz mumkin. 👉 @bankirkundaligi 👈

⚡️ФАРҒОНАДА ТАШРИФ Президент Шавкат Мирзиёев бугун Фарғона вилоятига ташриф буюради. Ташриф давомида ҳудуд саноати ва инфратузилмасининг ривожланиши, маҳаллаларда олиб борилаётган бунёдкорлик ишлари билан танишиш, янги йирик лойиҳаларга старт бериш кўзда тутилган. Шунингдек, вилоятни ижтимоий-иқтисодий ривожлантиришнинг устувор вазифалари юзасидан йиғилиш ўтказилиши режалаштирилган.    👉 @bankirkundaligi 👈

ДХХ: жойларда коррупция билан боғлиқ ноқонуний ҳолатлар аниқланди Навоий вилояти ИИБ Тезкор қидирув хизматининг Киберхавфсизлик бўлинмаси катта тезкор ходими Кармана туманида яшовчи фуқаронинг пластик картасидан 62 млн. сўм пул маблағини ноқонуний ечиб олган шахсларни аниқлаб бериш эвазига 600 АҚШ доллари талаб қилади. Бундай ҳолатларни фош этиш катта тезкор ходимнинг бевосита хизмат вазифасига кирсада, у жабрланувчидан сўралган пул маблағини олган вақтида ДХХ ва Департамент ходимлари томонидан ушланди. Сирдарё вилоятида кузатилган ҳолатда, Янгиер шаҳар ИИБ Жамоат хавфсизлиги хизмати пробация гуруҳи катта инспектори пробация назоратида турган, жорий йилнинг февраль ойида суд ҳукмига асосан ЖКнинг 168-моддаси 3-қисми “б” банди билан айбли деб топилиб, ахлоқ тузатиш ишлари жазоси тайинланган шахсни жазони Янгиер шаҳрида ўтамаслик, Тошкент шаҳрида эркин тадбиркорлик фаолиятини олиб бориши учун ёрдам бериш, яшаш манзилини текширмаслик ҳамда чора кўрмаслик эвазига Янгиер шаҳридан 2 хонали уйни сотиб олиб, унинг номига расмийлаштириб беришини ҳамда 500 АҚШ доллари миқдорида пул маблағи беришини талаб қилади. ДХХ ходимлари томонидан прокуратура ва ички ишлар органлари билан ҳамкорликда ўтказилган тезкор тадбирда катта инспектор 400 АҚШ доллари ҳамда 1 млн. 260 минг сўмни ўз хизмат хонасида олган вақтида ушланди. Ҳозирда мазкур шахсларга нисбатан Жиноят Кодексининг тегишли моддалари билан жиноят ишлари қўзғатилиб, қамоқ эҳтиёт чораси қўлланилган. 👉 @bankirkundaligi 👈

ДИҚҚАТ, ЯНГИ ФИРИБГАРЛИК Марказий банк, энди пластик картангизда пул бўлмаса ҳам картангиз маълумотлари ва бир марталик SMS-кодни бегона шахсларга айтмаслик ҳақида огоҳлантиради. ▪️Фирибгарлар сизнинг номингизга кредит расмийлаштиришга уринишади. ☝️🏻Буни қандай уддалашмоқда? Ушбу видеода кўринг. 👉 @bankirkundaligi 👈

Микрокредитбанк ISO 37001:2016 халқаро стандартига мувофиқлик сертификатини қўлга киритди «Микрокредитбанк» АТБнинг коррупцияга қарши бошқарув тизими ИСО 37001:2016 халқаро стандарти талабларига мувофиқлиги тасдиқланди. 2021 йил 6 июлдаги «Коррупцияга қарши курашиш фаолиятини самарали ташкил этишга доир қўшимча чора-тадбирлар тўғрисида»ги Президент қарорига асосан банк тизимида Коррупцияга қарши назорат департаменти ташкил этилган. Коррупцияга қарши курашиш агентлиги кўмаги ва тавсияси асосида банкда коррупциянинг олдини олиш ва уни бартараф этиш бўйича қатор ички идоравий ҳужжатлар ишлаб чиқилган. Агентлик томонидан, шунингдек, банк тизимида коррупцияга қарши ички назорат тузилмаси фаолиятини самарали ташкил этиш борасида ҳам амалий кўмак кўрсатиб келинмоқда. Маълумот ўрнида: 2023 йил натижаларига кўра, давлат идораларининг коррупцияга қарши курашишдаги фаолияти самарадорлиги рейтингида «Микрокредитбанк» АТБ юқори натижа қайд этиб, «яхши» тоифадан жой олган. Эслатма! Агарда сиз коррупцияга оид ҳуқуқбузарлик ҳолатларига дуч келсангиз Коррупцияга қарши курашиш агентлигининг Call-markazi – 1253 ёки https://eanticor.uz электрон платформаси орқали мурожаат қилинг. 👉 @bankirkundaligi 👈

“IPOTEKABANK” АТИБГА НИСБАТАН ИШ ҚЎЗҒАТИЛДИ Рақобат қўмитаси томонидан ўз ваколатлари доирасида жойлаштирилаётган реклама ахборотларининг қонун ҳужжатлари талабларига мослиги юзасидан олиб борилган ўрганиш ва таҳлил ишлари давомида “Instagram” ижтимоий тармоғидаги “IPOTEKABANK” АТИБ саҳифасида банк томонидан жорий қилинган “Super” номли омонат тури бўйича йиллик фоиз ставкаси 26 фоиздан эканлиги баён этилган. Ушбу ахборотга банкнинг интернетдаги расмий саҳифаси жойлаштирилган маълумотлар асосида аниқлик киритилишича, “Super” номли омонат тури шартларига мувофиқ мижозлардан касса орқали депозитга қабул қилинган нақд пул маблағлари бўйича дастлабки 3 ой учун 26 фоиздан ва кейинги уч ой учун 14 фоиздан ҳисобланиши, худди шунингдек, онлайн қабул қилинган депозит пул маблағлари бўйича эса мос равишда 26,09 ва 14 фоиздан ҳисобланиши маълум бўлди. ☝🏻Бунда, “Super” номли омонат тури бўйича фақатгина дастлабки 3 ой учун 26 фоиздан пул маблағлари берилса-да, ижтимоий тармоқдаги реклама ахборотида омонатнинг муҳим шартлари очиб берилмаган. Рекламани бундай кўринишда бўлиши рекламадан фойдаланувчиларни чалғитувчи ёки чалғитишга олиб келувчи ҳолатни ифодалаши мумкин. ☑️Юқоридагиларни инобатга олиб, Ўзбекистон Республикасининг “Реклама тўғрисида”ги Қонунининг 16-моддаси, 43-моддаси ва Ўзбекистон Республикасининг “Истеъмолчиларнинг ҳуқуқларини ҳимоя қилиш тўғрисида”ги Қонунининг 6-моддаси талаблари бузилиши аломатлари юзасидан “IPOTEKABANK” АТИБга нисбатан иш қўзғатилди. 👉 @bankirkundaligi 👈

БАНК ХОДИМЛАРИ АРАЛАШГАН ДХХ томонидан Тошкент шаҳрида бир гуруҳ бўлиб 370 млрд сўмни банк ҳисобрақамлардан ўғирлаб, оффшор ҳудудларга чиқариб юборишга уриниш бартараф этилган. Ачинарлиси, собиқ банк ходими ҳозирги кунда амалдаги банк ходимидан банк дастурий таъминоти ва ҳисобрақамларига кириш имкониятини берувчи кодларни 6500 АҚШ долларига сотиб олган. Агар уларнинг жиноятлари амалга ошганида, гўёки банк дастурига чет элдан хакерлик ҳужуми уюуштирилгани ҳақида ёлғон хабар тарқатишларини режалаштирилган. Ҳозир улар қўлга олиниб, қамоқ эҳтиёт чораси қўлланилган. 👉 @bankirkundaligi 👈

ҚАРЗ ОЛУВЧИ ВАФОТ ЭТГАНИДАН КЕЙИН ҚАРЗНИ КИМ ТЎЛАЙДИ? Ўлимдан кейин кредит ташкилотлари олдидаги барча мажбуриятлар марҳумнинг кўчмас мулкини, автомашиналарини ва бошқа мол-мулкини олган шахсга ўтади, яъни унинг ота-онаси, эри ёки хотини, болалари ва бошқа меросхўрлар (агар васиятнома бўлмаса). Фақат ҳуқуқларни олиб, мажбуриятлардан воз кечиш мумкин эмас. Бошқа одамларнинг қарзларини тўлашдан қочишнинг ягона йўли - меросни қабул қилмаслик ва рад этишни нотариал тасдиқлашдир. ☝️🏻Меросхўрлар ҳар бирига ўтказилган мол-мулк қиймати миқдорида қарздорлар сифатида жавобгар бўладилар. Кредиторлар меросхўрларга ўз талабларини фақатгина вафот этган шахсдан ўтган мол-мулк қиймати доирасида, яъни ундан ортиқ бўлмаган миқдорда тақдим этишга ҳақлидирлар. ☑️Меросхўрлар кредиторлар олдида ўз мол-мулки билан жавобгар эмаслар - қарзларни тўлаш фақат қабул қилинган мерос миқдори доирасида амалга оширилади. ▪️Мисол учун, агар ота ўз мол-мулкининг учдан икки қисмини қизига ва фақат учдан бир қисмини ўғлига васият қилган бўлса, улар отанинг банк олдидаги қарзларини тегишли улушларда тўлашлари керак. ▪️Яна бир ҳолатга мисол қилиб келтириш мумкинки, марҳумнинг қонуний меросхўрлари тенг улушларда турмуш ўртоғи, ўғли ва қизи ҳисобланади. Қизи марҳумнинг хотини фойдасига меросдан ўз улушини рад этди - бу ҳолда мероснинг учдан икки қисмига хотини, учдан бир қисмига эса ўғли эга ва улар қарзларни ҳам тегишли улушларда тўлашлари керак бўлади. 👉 @bankirkundaligi 👈