Safe house

ست سنين شغال؟ ست سنين؟ السد هييجي بخير.. السد هييجي بخير.. فينه الخير ياحراجي؟ بُعدك خير؟ خوفك ومرارك في الغربه خير؟ بَعتِيرتِى وشندلة المركب بيا وبولادك خير؟ بكفاية ست سنين. جينا الدنيا غلابه يا أبو ولادي و هنرحل برضه فقارى ومساكين. بتفرّق عمرك على مين ياحراجي؟ على مين ؟ الوارثين فى الدنيا هيفضلوا وارثين واللى أتولدوا تحت سراية العز هيفضلوا مادين الإيد. صدق فاطنة وتعال لو كانوا هيدوك كانوا أدولك. هما ماعايزينش منك يا حراجي غير حِيلك.

إرجع ياحراجي. إرجع والمرّه دي لا بقولها خوف ولا شوق. إرجع.. إتدفى في بيتك وعيالك. لا السد لابوك ولا كانت جْبال أسوان جْبالك راح نفضل طيلة العمر نبيع العمر ونُقْبُض قول.

جواباتك مليانه شوق لكن مش طايلاك يا حراجي البُعد خانقني زي الطوق

ولا حيله للمحتاج إلا إنه يقعد مستني يا تنفك الضيقه يايموت وتموت حوجته معاه وانا محتاجه تعود محتاجه تعود يا حراجي !! محتاجه تاني امشي في ضل محبة ناس الجبلايه ليك الغيبه زي مايكون خلتني ضيفه في جبلاية الفار انت اللي كنت متقّل رجلينا فيها