Халыма Долгуннара. Среднеколымский улус

*БИЛЛЭРИИ* От ыйын 1 уонна 2 күннэригэр Дьокуускай куоракка общественнай түмсүүлэр уонна общественниктар (Ефремов В.Н., Гладкина П.В., Адамов Г.И. уо.д.а.) көҕүлээһиннэринэн бүгүҥҥү тыа сирин кыһалҕаларын кэлимник дьүүллэһэр аналлаах «Тыа сирэ – омук дьылҕата» диэн общественнай форум тэриллэр. Форумҥа тыа хаһаайыстыбатыгар үлэлии-хамсыы сылдьар дьон, тыа сирин үөрэҕириитин уонна култууратын үлэһиттэрэ, общественниктар, депутаттар, туһааннаах министерстволар специалистара уо.д.а. кыттыыны ылыахтара. *ФОРУМ СЕКЦИЯЛАРА:* 1 секция. Олох усулуобуйатын тупсарыы (Саха гимназията). 2 секция. Оҥорон таһаарыыны сайыннарыы (Курашов уул., 28, Тыа хаһаайыстыбатын министерствотын (ТХМ) аактабай саалата). 3 секция. Нэһилиэк өйө-санаата. (П. Алексеев уул., 49, Саха гимназиятын аактабай саалата, үһүс этээс). 4 секция. Саха Гимназията. *ФОРУМ ПРОГРАММАТА:* *ИККИС КҮН* *От ыйын 2 күнэ, оптуорунньук* 09.00 - 13.00 Секцияларынан мунньах. 14.30 - 18.00 Түмүктүүр пленарнай мунньах. Сыһыарыы. *СЕКЦИЯЛАР ТИЭМЭЛЭРЭ:* *1 секция.* Олох усулуобуйатын тупсарыы. Нэһилиэк олохтоохторугар, специалистарыгар, эдэр ыалларыгар толору хааччыллыылаах дьиэни тутуу боппуруоһугар туох экономическай, социальнай, хаһаайыстыбаннай механизмнар баар буолуохтарын сөбүй? Оскуола, детсад, суол тутуута, кииннэммит ититии, газ линиятын тардыы, баанньыгынан хааччыллыы. Нэһилиэк Сүбэтэ бу хайысхаҕа тугу үлэлиэн сөбүй? *2 секция.* Оҥорон таһаарыыны сайыннарыы. Сүөһү, сылгы, сир оҥоһуутун субсидиялааһын механизмнарын дьүүллэһии. Нэһилиэккэ эти, үүтү уо.д.а. переработкалааһыны сайыннарыы, оҥорон таһаарыы атын көрүҥнэрин киллэрии. Нэһилиэккэ тыа хаһаайыстыбатын үлэтин тэрийии правовой боппуруостара. Кооперациялааһын уустуктара. Нэһилиэк Сүбэтэ бу хайысхаҕа хайдах үлэлиэн сөбүй? *3 секция.* Нэһилиэк өйө-санаата. Нэһилиэк оҕото, ыччата, олохтооҕо төрөөбүт нэһилиэгэр тардыһыылаах, төрөөбүт дойдутун историятынан киэн туттар дойдумсах буоларын иитии үлэтэ. Нэһилиэк былыргы уонна аныгы историятын, чулуу дьонун олоҕун бар дьон билиитигэр таһаарыы. Кулууп үлэтин күүһүрдүү, ыал элбииригэр үлэ ыытыы. Оскуола, детсад үлэтин хаачыстыбатын таһымнаах оҥоруу. Нэһилиэк Сүбэтэ хайдах тэриллиэҕин сөбүн уонна үлэтин ис хоһоонун арыйыы. *4 секция.* Нэһилиэк тутула. Олохтоох бэйэни салайыныыны көмүскээһин боппуруостара. Арктическай улуустар проблемаларын дьүүллэһии. Кырыы нэһилиэктэри подушевой үбүлээһинтэн хайдах төлөрүтэбит? Тыа сирин учууталынан, эмчитинэн, култуура үлэһитинэн хааччыйар наадатыгар орто уонна үрдүк үөрэх кыһаларыгар аадырыстаах целевой миэстэлэри киллэрии кыаллыа дуо? Куораттан, улуус кииниттэн дьону көһөрөн таһаарыы суолларын тобулуу. Нэһилиэк сирин туһаныы туох бириинсиптэргэ олоҕуруохтааҕый? Нэһилиэк Сүбэтэ бу хайысхаҕа тугу үлэлиэн сөбүй?