Norin tuman hokimligi | rasmiy kanali

🌤 ☀️ Наманганда 3 июль куни 36 даража иссиқ бўлади   ▫️Республика Гидрометеорология маркази июль, чоршанба куни кузатиладиган об-ҳаво ҳақида маълумот берди. ▫️Наманган вилоятида ҳаво бироз булутли бўлади, ёғингарчилик кутилмайди. Шамол шарқдан 7-12 м/с тезликда эсади. Ҳарорат кечаси 18-23°, кундузи 31-36° бўлади. ▫️Республикамизнинг тоғли туманларида ҳаво бироз булутли, баъзи жойларда ўзгарувчан бўлади, ёғингарчилик кутилмайди. Шамол шарқдан 7-12 м/с тезликда эсади, баъзи жойларда 13-18 м/с гача кучайиши мумкин. Ҳарорат кечаси 12-17°, кундузи 20-25° бўлади.

Норин туманида “Кибермаданиятни юксалтириш ойлиги - “Cyber-month” доирасида Халқ банки ходимлари билан учрашув бўлиб ўтди. Халқ банки Норин тумани филиали мажлислар залида бўлиб ўтган мулоқотда туман ИИБ ҳузуридаги Тергов бўлими бошлиғи Х.Абдурахимов ҳамда жиноят қидирув бўлими бошлиғи Ф.Дадажонов билан биргаликда тарғибот тадбирлари ўтказилди. Тадбирда интернет ва телефон қурилмаларидан хавфсиз фойдаланиш ва кибер жиноят жабрланувчиси бўлиб қолмаслик ва кибертаҳдидлардан ҳимояланиш борасида маънавиятини шакллантириш лозимлиги бўйича тушунтиришлар берилди. Суҳбат сўнгида мавзу юзасидан “кибер жиноятлар”- ҳужумдан сақланишга оид тарқатма материаллар берилди.

ОГОХЛИК! Интернет фирибгарларидан эхтиёт бўлинг! «Орзу ва ҳаёт» ижтимоий лойиҳаси.

🔰 “Кибермаданиятни юксалтириш ойлиги — “Cyber-month” доирасида семинар ташкил этилди ▫️Янги Наманган туманининг “Гўзал” маҳалласида жойлашган Республика Шошилинч тиббий ёрдам илмий маркази Наманган вилояти филиалида бўлиб ўтган семинарда кибермаданиятни юксалтиришнинг долзарб аҳамияти, мазкур ойликдан кўзланган мақсад ва моҳият ҳақида сўз борди. Семинар давомида ҳозирги ривожланиб бораётган ахборот технологиялари асрида ҳаётнинг барча жабҳаларида компьютер ва рақамлаштирилган турли хил техникалар оммалашаётгани, афсуски, бундан ғараз мақсадда фойдаланувчилар ҳам ортиб бораётгани, натижада содир этилаётган жиноятлар орасида интернет ва компьютер технологиялари билан боғлиқ ҳолатлар нисбати кескин ошиб кетаётгани таъкидлаб ўтилди. Шу сабабли “Фуқароларнинг кибержиноятлар қурбонига айланишининг олдини олиш ҳамда кибержиноятларга қарши курашишда фуқароларда “кибергигиена”ни шакллантириш” зарурлиги ва бу борада ҳамкорликда иш олиб боришлик тушунтирилди.

🔵 Норин тумани 3-сектор раҳбарининг навбатдаги сайёр қабули Шохидон маҳалласида бўлиб ўтди. 🔷 Норин тумани 3-сектор раҳбари Умиджон Бойхоновнинг Шохидон маҳалласи фуқароларининг муаммоларини ўрганиш, уларни тизимли ҳал этиш мақсадида сайёр қабули бўлиб ўтди. ✔️ Қабул давомида фуқаролар ўзларининг яшаш хонадонларига тортилган электр тармоқларини таъмирлаш, майиший газ олиш,имтиёзли кредит олиш ва бошқа масалалардаги мурожаатларини баён қилдилар. Мазкур мурожаатлар белгиланган тартибда ҳал этиш учун мутасаддиларга бириктирилиб ижроси назоратга олинди.

O‘zbekiston Respublikasi Prezidentining “O‘zbek tilini davlat tili sifatida nufuzi va mavqeini tubdan oshirish chora-tadbirlari to‘g‘risida”gi 2019-yil 21-oktyabrdagi PF-5850-son Farmoni hamda “Mamlakatda o‘zbek tilini yanada rivojlantirish va til siyosatini takomillashtirish chora-tadbirlari to‘g‘risida”gi 2020-yil 20-oktyabrdagi PF-6084-son Farmonlari, Vazirlar Mahkamasining “Lotin yozuviga asoslangan o‘zbek alifbosiga bosqichma-bosqich to‘liq o‘tishni ta’minlash chora-tadbirlari to‘g‘risida”gi 2021-yil 10 fevraldagi 61-sonli qarorlari ijrosini tashkil etish holatini o‘rganish va amaliy ko‘maklashish yuzasidan Tegirmonboshi mahalla fuqarolar yig‘inida o‘rganish ishlari olib borildi.

#сайёр_қабул 📌Бугун Норин тумани ҳокими Жўрабек Нурматов иштирокида фуқаролар билан тўғридан тўғри мулоқот қилиш, уларни қийнаб келаётган муаммоларни аниқлаш ва ҳал этиш мақсадида фуқаролар учун сайёр қабул ўтказилди. 🖇Дўстлик маҳалласида яшовчи фуқароларга  бўлиб ўтган сайёр қабулда, масъул ташкилот ва муассасалар раҳбарлари ҳам иштирок этиб, фуқароларнинг мавжуд муаммолари ва таклифлари ўрганилди. ▪️Сайёр қабулда билдирилган мавжуд масалалар шу жойнинг ўзида масъул ташкилот раҳбарларига йўналтирилди. Уларни тегишли тартиб ва имтиёзлар бўйича ижобий ҳал этиш юзасидан кўрсатмалар берилиб, ижроси назоратга олинди. ✍️Норин тумани ҳокимлиги Ахборот хизмати