Engineering infinite Data

أنا كنت ناوي أكتب البوست ليكم كمرجع وخلاص ، وكتوثيق للي اتعلمته بجد من خلال تجاربي السنه دي بما اني كل سنه بحاول ألخص حاجه مهمه ، وبما ان انهارده أخر يوم ان شاء الله في السنه الأولى من العقد الرابع لي معكم على هذا الكوكب ( أقصد يعني اني كده تميت 31 سنه الحمد لله في ستر وصحه وعافيه ونجاح وكرم من ربنا،فربنا يديمهم ويحفظهم من الزوال ) . المهم يعني ، وأنا بكتب قولت طب ماأبدأ السنه بحاجه جديده محترمه ، فقررت واستشارت واستخارت ( ووقفت كتابه طبعا لما الفكره جاتلي ورجعت أكمل 😅) ، ووصلت لاننا باذن الله هنعمل ( ثوره علميه معرفيه تقنيه تغير حياتنا وبالاخص حياة ولادنا باذن الله ). فنركز كده بقى دلوقتي اللي هيستفاد من ده شخص من 3 أشخاص، لأننا هنعمل 3 مفاجات 💥💥💥 أولا : شخص عاوز يتعلم ويتطور في استخدام ال ai صح سواء علشان البيزنس بتاعه يكبر ، أو هو نفسه عاوز يتخصص علشان يحسن دخله أو ما الى ذلك ، وده هنعمله ويبنار 3 ساعات كاملين باذن الله. السيشن دي بيتدفع فيها حاليا 10000 ج أو بشكل أدق بيقولوا 200 $ ( بس احنا هناخدها بشكل مجاني تماما ) .... بس مش هقدر أستوعب أكثر من 1000 شخص ✅طيب علشان أخدها أعمل ايه ؟! 1.. هتشير البوست ده علشان ال 101 نصيحه دوول يلفوا ، واستحضر نية انك بتحمي أطفال ، وعائلات والله ، ونية انك بتساعد في نشر العلم فتؤجر باذن الله . 2.. هتسيب كومنت تكتب فيه: ( انا عاوز أحضر السيشن دي ... ويارب أكون مبسوط معاكم 😂) بس كده ، بعدها حد هيتواصل معاك باذن الله يبعتلك علشان السيشن ( قبل موعدها ، يعني مش لازم التواصل انهارده ولا بكره ولا الشهر ده ، بس قبل موعدها باذن الله ). __ ثانيا : شخص عاوز يعلم ابنه . وهنا قررنا اننا نعمل مبارده لكل طفل يدخل باذن الله 3ساعات هو كمان بشكل مجاني تماما ، وبعدهم ممكن يكون فيه برنامج تدريبي متكامل لمدة سنه كامله للأطفال اللي هيظهر في ال 3 ساعات دوول انهم فعلا لو دخلوا البرنامج التدريبي ده انهم ممكن يبقوا حاجه مختلفه . السيشنات بتاعت الاطفال دي اللي هيقدمها مبرمجين من الفريق باذن الله ، مش انا اللي هقدمها ( مش هنقدر نستوعب أكثر من 500 طفل ) ... شرط مهم جدا يكونوا من 6 الى 16 سنه حد أقصى . ✅طيب أعمل ايه علشان ابني يدخل المنحه دي ؟ 1.. هتشير البوست ده علشان ال 101 نصيحه دوول يلفوا ، واستحضر نية انك بتحمي أطفال ، وعائلات والله ، ونية انك بتساعد في نشر العلم فتؤجر باذن الله . 2.. هتسيب كومنت تكتب فيه ( ابني + سن ابن حضرتك ) بس كده ، بعدها حد هيتواصل معاك باذن الله علشان نملى فورم خاصه بالاطفال لحضور السيشن . ____ ثالثا وأخيرا : أي صاحب مؤسسه تعليميه سواء مركز كورسات ، أو مدرسه أو خلافه ، وعاوز ينشر ده في مؤسسته ، وقادر على عمل event يجلب 100 ولي امر حد أدنى فيه يتواصل مع السكرتاريه على الرقم ده علشان ترتب موعد meeting باذن الله ونبحث سبل التعاون معا : 01036919408 ____ (منشن بقى لصاحبك اللي الـ FOMO تعبه، ولصاحبتك اللي عاوزه تعلم ولادها، وللرجل اللي نفسه شركته تطور، ولصاحب المدرسه اللي عاوزها تكون مميزه بجد ، وبتطلع قاده ومنتجين للتكنولوجيا ). ____ الصوره من أكبر هاكثون في مصر ، كان تحت تنظيم مجموعة مطوري GOOGLE GDG Delta واللي كان فيهم عباقره في مختلف الاعمار ، واكثر من 100 مشروع تقني معمولين في 3 أيام فقط ك MODELS واتعرضوا على حكام والناس كسبت جوائز في المسابقه 200 ألف ج ، وهيتم عرضهم على مجموعة مستثمرين باذن الله لتبني أفكار الفائزين وتطويرها ، ده كله كان تحت اشراف وتنظيم العبقري م.أكرم زياده . #استراتيجي_النمو_المتكامل 2 #وليد_الحنبلي #مفاهيم #بفكرني #نفسية_النجاح #مستقبل_العمل #تكنولوجيا #Business_Growth #AI_Strategy #الدليل_الشامل_لاستخدام_أدوات_الذكاء_الاصطناعي ____ تعديل 1. ان شاء الله هتكون السيشن يوم 15 أغسطس الساعه 8:30 م الى 11:30م https://www.facebook.com/share/p/1ETCYBYtxf/

(الاحتراق الوظيفي) ممكن يتحل لو الـ AI شال عنك (الأعمال الروتينية)، أنت فاهم يعني ايه ؟! فاهم انك ممكن طول الوقت تبقى محفز وعاوز تشتغل ، وعندك أفكار ، ومحافظ على صحتك النفسيه لو استخدمته صح . أرجوك استخدمه ، بس أرجوك استخدمه صح ، لو هتستخدمه غلط ماتستخدموش . الـ AI بيعمل (Simulation) لقراراتك قبل ما تخسر فيها فلوس حقيقية، فارسم السيناريو ، وروح قوله أنا عملت كذا كذا كذا على أساس انك عملته خلاص ، وخلليه يساعدك ، وامشي معاه لغاية ماتغرق في مصيبه معينه، وابدأ فكر فيها لحلول ، وفي الاخر هتلاقي نفسك وصلت لخطة عمرك في حياتك ماكنت هتعرف توصلها لوحدك . الـ AI بيسهل (الوصول للمعلومات) بس بيصعب (الوصول للحقيقة). في السوشيال ميديا: الـ AI بيعرف (التريند) قبل ما يطلع بـ 24 ساعة. الـ AI بيساعد في (تصميم المنتجات) بناءً على رغبات الناس الحقيقية مش التوقعات، ودي حاجه لو اتعملت صح ، فباذن الله البيزنس مقدر ليه النجاح بنسبه كبيره جدا جدا جدا . الأطفال محتاجين يتعلموا (الأخلاقيات) قبل ما يتعلموا الـ Coding. الـ AI بيخلي (صناعة المحتوى) مهنة لكل الناس، بس (التميز) بيبقى للأذكى، واللي عنده عقليه صح بناها صح. الـ AI هو (المساعد القانوني) اللي بيراجع العقود ويطلع الثغرات. حقيقة: الـ AI بيستهلك كهرباء ومية مرعبة؛ الوعي البيئي جزء من استخدامه. الـ AI بيساعدك تلاقي (شريك حياتك) (في تطبيقات المواعدة) بناءً على توافق الشخصيات، دي حاجه مبادئي ومعتقداتي بتقولك لو سمحت اوعى تعمل كده ، تكلفة ده أقسملك بالله غير هينه اطلاقا . الـ AI ممكن يكتب (شعر)، بس مش هيحس بـ (الوجع) اللي ورا الكلمات .. لو فهمت النقطه دي هتفهم فعلا ازاي تنجح نجاح كاسر في عصر ال ai الـ AI بيسهل (التنمر الإلكتروني) لازم نحمي ولادنا ونراقبهم. الـ AI هو (المؤلف الموسيقي) اللي ممكن يعملك نغمة براندك الخاصة، من غير ماتروح لفريق يدفعك 1000$ أقل حاجه في انتاج حاجه زي دي . الـ AI بيقلل (Cost of Creation) للصفر تقريباً، بس لازم تكون مبدع في استخدامه هو بقى ، ماتستريحش في البرومت ، اسأله تسأله ازاي ، قوله محتاج ايه علشان تقدر توصلني للهدف اللي أنا عاوزه بطريقه مبدعه ومختلفه . الـ AI بيساعد في (البحث العلمي) لدرجة إننا هنلاقي علاجات لأمراض مستعصية قريب جداً. الـ AI بيحول (الأفكار المعقدة)لرسومات بسيطة (Visual Thinking) ، فلو عندك فكره ومش عارف تصيغها استخدمه ، لو ابنك مش بيعرف يعبر أوي خلليه يستخدمه ، لو أنت حتى عندك كلام متلخبط جواك عاوز تقوله لحد ومش عارف استخدمه . نفسياً: الـ AI ممكن يزود العزلة لو مستخدمناهوش كوسيلة للتواصل الإنساني. الـ AI بيساعدك تكتشف التحيزات اللي عندك وأنت مش واخد بالك، والتحيزات دي هي أكثر حد موديانا في داهيه ( خصوصا الاذكياء مننا ) ، وهنا لازم تقرأ كتاب اسمه ( فخ الذكاء ) ، وكذلك كتاب ( الحماقات التي يرويها غرورك ) . في اللوجستيات: الـ AI بيختار (أقصر طريق) عشان المنتج يوصلك بسرعة، فكر في ده في راحتك ، بس فكر فيها في ال user experience كمان في شغلك ازاي تطوره بالنقطه دي . الـ AI بيخلي (التعليم الذاتي ) هو المصدر الأساسي للقوة، من زمان والتعليم الذاتي مصدر قوه ، بس دلوقتي أصبح المصدر الاساسي ، واللي عنده ال self learning دلوقتي عالي ، هو أكثر حد هيكسب ونجمه هيلمع . الـ AI ممكن يقلد (صوتك)، حافظ على بصمتك الحيوية. الـ AI بيساعد في (ترجمة الثقافات) مش بس الكلمات، ودي حاجه كسرت حواجز ووفرت سنين ياصديقي والله، أرجوك بلاش تستخدمه في التافاهات ، واستغل ده في البيزنس ، في التربيه أو الدعوه . الـ AI هو (المستشار الاستراتيجي) اللي بيفكر في (السيناريو الأسوأ) ، ودي حاجه مهمه جدا ، وأكبر الشركات في العالم زي تيوتا كانت بتعملها ، فأنت محتاج انك تعرف تعملها أنت كمان ، وتشوف السيناريو ده ، وتحطله بلان هتتصرف معاه ازاي ، علشان تكون مطمن،وعلشان تدخل الطرق الجديده وأنت فاهم . الـ AI بيخلي (العمل عن بعد) أكتر كفاءة بمليون مرة، سواء في الانتاجيه ـ أو التتبع ، أو التكلفه أو أي حاجه ، فكر فيها هتلاقي نفسك أنت الكسبان . الأطفال اللي بيستخدموا الـ AI في الرسم بيطوروا (خيال) بصري جبار، وده خللاني انا شخصيا في واحده من شركاتي معايه أطفال 13 سنه فري لانسرز وشايفهم وهم بيطلعوا شغل جرافيك ديزاين خرافي . الـ AI بيساعدك تلخص كتاب في صفحة، بس متعة القراءة ملهاش بديل، وهتفضل متأخر 100 سنه عن اللي بيقرأ الكتاب كامل وبيتشرب الفكره كامله بطريقه واتنين وتلاته ، والقارئ هيفضل هو السابق . الـ AI هو (الثورة الصناعية الرابعة)، واللي هيرفضها هيكون زي اللي رفض الكهرباء زمان. الخلاصة: الـ AI (مرآة) لو أنت شاطر هيبين شطارتك، ولو أنت ضايع هيتوهك أكتر، وهيضيعك أنت وعيالك .. الخيار ليك! __________

خليك اصيل وماتنساش ادميتك واحده واحده ، يعني ماتخليش الـ AI يختار لك "ذوقك" في المزيكا أو الكتب. نصيحة من خبير: ابدأ بـ Task واحدة بس في يومك وخلي الـ AI يساعدك فيها.. متغرقش نفسك. الـ AI ممكن يساعدك تكتشف "مواهب مخفية" فيك عن طريق تحليل كتاباتك ، فاكتب واتكلم معاه ، وخلليه يتعامل كمتخصص و career coach وشوف ممكن تستفاد ازاي بعبقريه من ده . في التجارة الإلكترونية: الـ AI بيتوقع العميل هيشتري إيه قبل ما هو نفسه يعرف، بس علشان تعمل tool تعملك ده صح ، وتقودها صح لازم تكون دارس ال consumer behaviour صح ، فلو سمحت ادرسه . نظرية الـ FOMO بتخليك تشتري (Subscriptions) لأدوات مش هتستخدمها؛ ده استنزاف مالي، واستنزاف لأعصابك ، لأنك هتبقى مضغوط وعاوز تستخدمها ، واستنزاف لطاقتك لأنك هتحس طول الوقت انك مش راضي عن نفسك ( واحده واحده ) ، ودايما قول لنفسك ( فيه بكره ) . الـ AI هو "المترجم الفوري" اللي هيخليك تفتح أسواق في الصين وأنت في قريه في مصر عادي .... اتعامل في ده في البيزنس بتاعك . الأطفال اللي بيلعبوا مع (شات بوتس) محتاجين توضيح إن دي #آلة مش (صديق) حقيقي، والا ماترجعش تزعل لما ابنك يبقى عنده توحد ، أو بنتك تسيبلك البيت وتمشي علشان عاوز يرتبط ببوت وأنت مش راضي !! الـ AI بيعمل (Personalization) للمحتوى لدرجة إن كل واحد فينا بقى عايش في (قوقعة) معلوماتية، ومع ذلك حاجات منه بتبقى غلط ، ومش دي مشكلتي ، مشكلتي في القوقعه اللي بنبقى فيها ، وفي كمية النظريات اللي بنعيش جواها ، ومش بننفذ فيها حاجه ، لأن دماغنا بقت أكبر من عضلاتنا . لو عايز تزيد 30 ألف فولوور: استخدم الـ AI عشان تعرف (أكتر وقت) جمهورك متفاعل فيه ونوع المحتوى اللي بيحبه، وشكله وخلافه ... بس برضه خد بالك ، هو ممكن يزودهم ويجيبلك ناس بتدور عالمعلومه مش بتشتري . في الاستشارات: الـ AI بيطلع لك "الداتا"، وأنت بتطلع "الحكمة"، لو سيبته يطلعلك الحكمه لوحده او ال action واعتمتده من غير عقليه ناقده ، أقسملك بالله أنت بتحكم على نفسك بالموت البطيئ وخلال وقت قليل . علمياً: كثرة التنقل بين أدوات الـ AI بيقلل الـ Focus Span (مدة التركيز) عندك، وفي الاخر انت اللي خسران ، وبدل ماتخليها تساعدك هتخليها تشتتك ، وزي ماتفقنا مهما كنت ذكي لازم تعرف ان ( أهل التركيز سبقوا أهل الذكاء). الـ AI بيحول الصوت لنص، والنص لصور، والصورلفيديو.. إحنا في عصر (السيولة الرقمية). فأنت مش محتاج كل يوم تجيب معلومات جديده ، أنت ممكن تعمل حاجه اسمها recycling للمحتوى بتاعك ، وتعمل من نفس القطعه 100 قطعه ، بس أرجوك خلليها قطعه أصليه ، وبتاعتك انت ومبنيه على تجاربك الشخصيه . رائد الأعمال الناجح هو اللي بيعرف ي Delegate المهام للـ AI ، مش لازم عدد الادوات ولا نوعها ولا كثرها ، هي أداه في الاخر سوقها ماتخلليهاش تسوقك . الـ AI مبيعرفش يحلم، دي ميزة البشر الوحيدة اللي فاضلة، وأنا مش هشرح دي ، بس أرجوك اقف عالنقطه دي شويه وسيب لنفسك الخيال فيها واسرح وحاول تفهم قصدي منها ايه . الـ AI بيساعد في (كتابة الإيميلات) الاحترافية اللي بتفتح أبواب الشغل المغلقه ، فده سلاح ذو حدين ، انك ممكن تعرف توصل لأماكن بايميل احترافي ماكنتش تعرف تكتبه لوحدك ، بس هتتفضح لو روحت ولقيت نفسك مش قد المكان ، فلو سمحت ماتلبسش عبايه مش عبايتك . الـ AI بيقدر يعمل (هندسة عكسية) لنجاح المنافسين بتوعك ، فروح شوف حد ناجح ، وخلليه يحلله ويجيبلك من الالف للياء عمل ايه ، ويعلمك تعمل زيه ازاي ، بس هوه هيقولك هو عمل ايه ، مش هيقولك المناسب ليك أنت ايه من اللي المنافس عمله ( لأن مش كل اللي عمله مناسب ليك ) ، فخد بالك من الحته دي . في البيزنس: الـ AI بيخلي الشركات الصغيرة تنافس الشركات العملاقة بنفس الجودة، بس خد بالك من النقاط الحرجه ، ومن النقاط اللي زي الميزانيه ، يعني ماتروحش تعمل اعلان زي بتاع شركه عملاقه ، وأنت كل همك الفلوس لأنك لسه في الاول ، وتنسى ان الشركه المنافسه دي عملت الاعلان ده أصلا علشان عندها أهداف زي جائزة أحسن اعلان ، وارضاء مجلس الاداره وخلافه . الـ AI بيقلل (الأخطاء البشرية) في الحسابات والبيانات المعقدة، لو سمحت ده استخدامه الامقل ، فمارتوحش تستخدمه في انك تعمل محتوى ، وتيجي في استخدامه الصح ، وتتكاسل انك تتعلم تستخدمه في دي ازاي ، أو تخاف تستخدمه فيها . قاعدة ذهبية: لو الـ AI عملك الشغل بنسبة 80%، الـ 20% الباقيين بتوعك هما اللي فيهم (المكسب) ... وجي واحده من ضمن أهم القواعد ال 101 . الـ AI ممكن يساعدك تتعلم لغة جديدة في شهور بدل سنين، من غير فلوس كثير ، ولا تعب كبير ، وفي أي وقت ، فاعمل كده ، أنت مش فاهم حجم دخلك ممكن يوصل لفين لو عملت كده .

الـ AI ممكن يساعدك تبني عادات صحية بمتابعة لحظية، وبخطوات عمليه على فكره ، بس اطلبها منه ، وقوله امكانياتك ايه ، وقوله انك مش عاوز نظريات كثير قد ماأنت عاوز خطة عمليه ( واقعيه ) تمشي عليها ، وطريقة تقيس بيها نجاحك ، وان الخطه دي مش عاوزها تكون براقه قد ماعاوزها قابله للتطبيق مع شخص بيزهق بسرعه زي حضرتك مثلا !! في صناعة المحتوى: الـ AI بيكتب السكريبت، بس (روحك) هي اللي بتجيب الـ Share. الـ AI بيقدر يحلل (مشاعر) العملاء من الكومنتات، ودي منجم ذهب للمسوقين... فلو سمحت طالما عرفت معلومه زي دي سيبك من أي حاجه تانيه ، وروح اشتغل عليها وركز فيها ، وطلع منها أحسن حاجه ، واتخصص فيها يااخي لو ماعندكش بيزنس ، ولو عندك بيزنس شوف الحته دي بس مثلا لوحدها ممكن تفيد البيزنس بتاعك ازاي . إدمان المتابعة اللحظية لكل أداة بتنزل بيقلل "الدوبامين" الطبيعي في مخك، وهتجيبلك اكتئاب ومهما جريت هتفضل حاسس انك فاشل . الفرق بين (المنصة) و(الأداة) :المنصة (زي Gemini) هي العقل، الأداة هي (تطبيق) واخد جزء من العقل ده لمهمة واحدة... ودي حاجه لازم تبقى واخد بالك منها بس ، علشان أنت كبني ءادم محتاج نتتعامل بنفس المفهوم ده في الحاجات اللي بتتعلمها . الناس اللي بتستخدم الـ AI في (الغش) الأكاديمي بتبني بيوت من رمال؛ الأساس هش، والسوق بيفضح ، وأخرتهم وحشه . الـ AI هو أول تكنولوجيا في التاريخ (بتفكر)معانا، مش بس "بتنفذ" أوامرنا (Cognitive Tools)... بس لو سمحت ركز ، أنا بقول بتفكر ( معانا ) ، مش بتفكر (بدلنا )، وخد بالك برضه أنت لو ماوجهتهاش صح ، هتنفذ أوامرك وهتطبلك وخلاص ، فأنت لازم تطلب من الاداه اللي بتتعامل معاها انها تنقذ تفكيرك وتفكر معاك مش تنفذ الاوامر وخلاص . صحتك النفسية أهم من إنك تكون عارف آخر تحديث لـ Midjourney. لأنك لو ماحافظتش عليها لا هتستخدم التحديث الاخير ولا اللي قبله ، ولا اللي بعده ، ولا هيفرقلك أصلا حاجه . (أهل التركيز سبقوا أهل الذكاء ) فيه دراسة من MIT أثبتت إن الـ AI بيسد الفجوة بين الموظف "الشاطر" والموظف "المتوسط"، فلو سمحت أنت لو موظف متسوط قدامك فرصه عبقريه انك تكون شاطر من غير ماتستنى سنين ركز .ركز .ركز . لو أنت صاحب بيزنس، الـ AI هو "المحلل المالي" اللي هيقولك فلوسك بتضيع فين، وعن تجربه شخصيه أكثر استفاده أنا كوليد استفادتها على الاطلاق من ال ai هو التحليل المالي ، وبعد كده يجي الحاجات الباقيه . الأطفال بيتعرضوا لمحتوى AI ممكن يغير مفاهيمهم عن "الحقيقة"؛ لازم رقابة واعية، والا بعد كده ماتستناش من ابنك انه يكون بني ءادم طبيعي ! (الإنهاك الرقمي) سببه إننا بنحاول نسابق سرعة المعالجات (Processors) بمخ بيولوجي، ودي حاجه ضد فطرة ربنا سبحانه وتعالى ، فانسى ، أنت حرفيا عامل زي التعبير القراني اللي بيقول " حَتَّىٰ یَلِجَ ٱلۡجَمَلُ فِی سَمِّ ٱلۡخِیَاطِۚ" استخدم الـ AI كـ (مراية) لأفكارك؛ خليه ينقد خطتك قبل ما تنفذها... لازم في البرومت بتاعك تقوله يبطل يطبلك ، وتطلب منه ان الحاجه اللي انت شايفها عبقريه دي هو يدورلك فيها ويطلعلك القطط الفطسانه اللي فيها حرفيا . الـ AI بيعرف يقرأ (لغة الجسد) في الفيديوهات ويقولك العميل كان مرتاح ولا لأ... دي حاجه عبقريه صح ؟! قبل ماتتهبل وتجري عليها اسأل نفسك سؤال : أقدر أستفيد من ده ازاي ؟! من أكثر الحاجات اللي تزود عندك المهاره دي كتاب اسمه ( غير أسألتك تتغير حياتك ) . في الـ Copywriting: الـ AI بيألف (عناوين)، بس أنت اللي بتكتب (الوجع) بتاع العميل... ولو عاوزه يكتبلك الوجع ، يبقى تخلليه يعملك ده الاول ، وتشوف فعلا بيلائم العميل بتاعك ولا لا ، وبعد كده تخلليه يكتبلك المحتوى . مهارة القرن الـ 21 هي الـ Critical Thinking عشان تعرف الـ AI بيHallucination إمتى... ففيه كتاب اسمه التفكير النقدي لازم تقرأه علشان ماتبقاش بتمشي ورى أي حاجه وخلاص ، وعلشان تعرف تطلع محتوى ماحدش غيرك عارف يطلعه. الـ AI بيسهل "النصب الإلكتروني"؛ لازم وعي مضاعف بالروابط والرسائل، ياريت تعلم أي حد كبير من اللي حواليك ومهم عندك المعلومه دي ، وتعلمه كمان يكتشف ازاي اذا كان اللي بيتعامل معاه ده حقيقه ولا نصب! التربية في عصر الـ AI محتاجة "ذكاء عاطفي" أكتر من "ذكاء عقلي"، واللي ماعندوش ذكاء عاطفي كفايه هيتم استغلاله ، وهيتم النصب عليه ، وهيتم القضاء على صحته النفسيه ، لو سمحتوا اتعلموا وعلموا أولادكم كتاب الذكاء الوجداني لدانيال جولمان ، ولو بتقرأ انجيليزي ياريت نقرأه النسخه الاصليه أصلا انجيليزيه . الـ AI ممكن يعملك "خطة تسويقية" في دقيقة، بس "النزول للشارع" وفهم الناس مهارة بشرية صرفة. الـ AI بيساعد في "تشخيص الأمراض" بدقة مذهلة، بس "لمسة الحنان" من الطبيب هي نص العلاج في كثير من الأمراض ، ولو فيه مره ال ai شخصك غلط هتبقى مصيبه سوداء فلو سمحت ماتعتمدش عليه الأقل دلوقتي في ده ... استنى شويه .

طبعا ChatGPT ممتاز في المنطق والبرمجة، Claude أستاذ في الكتابة الإبداعية واللمسة الإنسانية، Gemini عبقري في الربط ببيانات جوجل الحية. اللي بيصحى تعبان ومرهق رغم إنه متابع كل جديد، ده مصاب بـ Information Overload؛ عقلك محتاج (ديتوكس) تقني، اهدى علشان كده هنبقى زي اللي ربنا قال عليهم " كَمَثَلِ ٱلۡحِمَارِ یَحۡمِلُ أَسۡفَارَۢاۚ بِئۡسَ مَثَلُ ٱلۡقَوۡمِ" . في البيزنس: الـ AI بيوفرلك (تكلفة التشغيل) مش (قيمة التفكير)... فأرجوك أرجوك أرجوك بلاش تخلليه يفكرلك وتلغي عقلك تماما ، والله العظيم بعد شويه مش هتعرف تفكر ، وهتتشل ، وهتبقى بطيئ وتعبان ومُرهق بطريقه مرعبه . لو هتستخدمه في انك تعمل content محتاج ت market بيه فخليك فاهم كويس أوي ان التسويق بالـ AI من غير "استراتيجية" هو مجرد (Noise) مبيبعش بمليم، اطلاقا ، وهيصه في الفاضي ، انما العائد اللي بجد بيجي لما يكون عندك عقليه قويه زي ماتفقنا في حتتك ، وكل واحد وليه حتته ... فلو سمحت ادرس marketing و بعدين ادرس content marketing وبعدين ابدأ استخدمه ، أنت مش هتبقى مصدق اللي بيحصل في الشغل بتاعك لو عملت ده . الـ AI أداة (تنفيذية)، انما (Vision) لازم تكون منك كخبير أو رائد أعمال، هو مش هيقولك تروح فين وتيجي منين ، ولو سيبت نفسك لده تبقى مصيبه ، وتبقى مشكلتك أكبر بكثير أوي من اللي بنتكلم فيه ده ، أنت هنا محتاج تسمع كورس ال life balance وتعرف أنت مين أصلا وجاي منين ورايح فين ، واتخلقت ليه وتظبط كل ده ازاي . لو بتستخدم الـ AI عشان (تخلص) شغلك بسرعة وتنام، فأنت بتضيع فرصة إنك تكون (تنين) في مجالك، احنا في أكبر فرصه اتعمات في التاريخ لأي حد انه يكون بعد 10 سنين عنده ثروه ضخمه جدا من دلوقتي ، لو استثمر في تعلمه ال ai واستثمر في ال ai نفسه بقى لو هو يعني في الوقت الحالي معاه كثير . نظرية الـ FOMO في الـ AI بتستهدف منطقة الخوف في المخ (Amygdala)؛ الحل إنك تختار 3 أدوات فقط تتقنهم، وتشتغل عليهم وتعمل بيهم ، وتتخصص فيهم ، وممكن تعمل فيهم كورسات كمان للشركات ، وده مطلوب جدا بالمناسبه ، وأنا شخصيا بيتطلب مني ده باستمرار ولولا ضيق الوقت والله العظيم كنت عملته جدا . البنات اللي في البيت من سن 18 لـ 40: الـ AI ممكن يخلص لك شغل البيت (الإداري) وتخطيط الوجبات وتنسيق المواعيد في ثواني. الرجال من 18 لـ 50: الـ AI هو (مدير العمليات) اللي مبيطلبش مرتب ولا إجازات. صدمة (الذكاء المفاجئ) خلت الناس تفقد الثقة في عقلها؛ افتكر إن الـ AI بيتعلم من (داتا) إحنا اللي عملناها.افتكر إن الـ AI بيتعلم من (داتا) إحنا اللي عملناها.افتكر إن الـ AI بيتعلم من "داتا" إحنا اللي عملناها! الـ generative ai ملوش (وعي)، هو عبارة عن (توقعات إحصائية) للكلمة اللي جاية؛ يعني (بغبغان عبقري). لو بتعمل personal branding محتواك شبه الـ AI، الناس هتعملك Unfollow؛ السر في البصمة الشخصية ، في طريقة تفكيرك ، في الحاجه اللي أنت بتضيفها كشخص وعلشانها الناس بتسمعلك وبتقرألك وبتجيلك. التعليم بالـ AI هو المستقبل، بس لازم نعلم ولادنا (ازاي يسألوا) (Art of Prompting) مش (إزاي ينقلوا). الأهم بقى من انك تعلمهم ازاي يسألوا ، فدلوقتي فيه أماكن بتعلمهم ازاي أصلا يكزنزا منتجين للتكنولوجيا قبل مايكونوا مستهلكين ليها ... يعني مش بيعلموهم prompt ، الأماكن دي بتعلمهم التكنولوجيا اللي عملت أصلا المنصات ، والروبوتات ، يعني بتعلمهم الهندسه نفسها ، بتعلمهم (يخترعوا في ال ai ) ، مش بس مجرد ازاي يستخدموه ... من ضمن الأماكن دي مكان مخللي أطفال ومصريين والله عادي ياخدوا مراكز على مستوى العالم كله في مسابقات اتعلمت فيها ناس من اليابان وأمريكا وأروبا وكل حته في العالم اسمهم Tekatech خد بالك تعليم طفلك الذكاء الاصطناعي والبرمجه من دلوقتي ده مش هيخلليه يجي عالمدرسه بتاعته زي ماانت متخيل ، أنت مش متخيل ده هيعللي ازاي من أدائه اصلا نتيجة ان تفكيره بيتطور بشكل مرعب . الاستشارات اللي بتعتمد على الـ AI فقط هي استشارات (معلبة)؛ الخبرة الحقيقية هي الربط بين الواقع والأداة... فاياك تعتمد عليه اعتماد كلي كخبير من الالف للياء ، لازم تكون قارئ وعارف وفاهم في مجالك ، وهو يساعدك في حته ، أو يعلمك محتاج تتعلم ايه . الـ AI بيقلل (الوقت الضايع) في الـ Research بنسبة 70% (حسب تقارير McKinsey)... فاستخدمه في البحث كويس ، بس ابقى اسأله مصادره ايه . الخوف من (فقدان الوظيفة) حله الوحيد هو (إعادة التأهيل) ارفع مهاراتك ، ومش هقولك كل يوم اتعلم حاجه جديده ، بس هقولك كل سوم اتعلم ، وماتبطلش تتعلم وطبق عاللي بتتعلمه .

الساعه دلوقتي 9 أنا بكتب في البوست ده من الساعه 5:06 بالظبط ، يعني حرفيا بقالي أربع ساعات بكتب فيه ، وده في اخر يوم ليا في السنه رقم 31 من عمري ( يعني يوم مهم وكنت مرتب فيه حاجات كده ). بس ده في حد ذاته خلاني أعمل بوست أي حد هيقرأه هيفضل ممتن طول عمره ... ده غير ال 3 قنابل اللي قررت وأنا بكتب البوست اني أعملهم وسيبتهم في اخر البوست . ______ ال ai تأثيره عالناس بقى صعب بطريقه مرعبه ! وفيه كثير أوي تاه بسببه اكثر ماساعده ، وأنا بشوف السبب في ده عدم وجود mindset صح تساعدنا في تطويع الأدوات بالشكل الصح ، فده بيخللينا للأسف ننساق ورى أي شيئ ، وندخل في ال fomo effect وفيه ناس بيجيلها اكتئاب، وفيه ناس كانت أكثر تركيزا وانتاجيه للأسف قبل ظهوره ، ولما ظهر شتتهم وتوهم ، وتعبهم ( وده أنا بتكلم فيه كشخص جامع بين الهندسه والبيزنس والعلاج المعرفي السلوكي، شخص خبرته بفضل الله 7شركات ،و مئات الموظفين ) ! وفي نفس الوقت فيه ناس والله العظيم ممكن يعملوا في يومهم الواحد أسبوع كامل ، فشغلك اللي بيخلصك في 7 شهور تخلصه في شهر واحد ، بس مش فاهمه ومش عارفه ، وخايفه تبدأ . من المنطلق ده وده أنا عملت الدليل الشامل ده ( 101 نقطه ) عباره عن لفتات تنبه ، وتشاور ، وتساعد ، في استخدام الذكاء الاصطناعي وأثره على حيواتنا .. فيه نقاط كثيره هتلاقيها في حاجات بيزنس، وأفكار هتبسطك ، ونقاط في التربيه ، ونقاط في النفسيه ، وهتلاقيني مرشحلك في وسط الكلام أسماء كتب تساعدك ، ولينكات فيديوهات هتغير تفكيرك تماما . ياريت ماتبخلش على نفسك بربع ساعه ممكن تهديك ، وتهندلك ، وتغيرك حياتك لو فهمت اللي فيها صح ، ومش لازم كل النقاط تكون تخصك ، بس ممكن في البوست ده أشاورك على نقطه واحده من وسط ال 100 نقطه وتبقى فارقه معاك بجد . وياريت نخللي أولادنا كمان يقرأوا البوست ده . _______ 101 حقيقة ومبدأ للتعامل مع "جنون" الذكاء الاصطناعي (عشان تسوقه مش يسوقك) مبدأيا ده كورس ( مجاني ) عملته من 3 سنين على أكاديمية اعمل بيزنس ، مدته أقل من 90 دقيقه علشان تفهم وتعرف أساسيات ال ai أو ال generative ai ، وتفهم هو بيشتغل ازاي أصلا ، ويعني ايه llm وده للمبتدأين بس : https://www.e3melbusiness.com/courses/Introduction-to-AI الـ AI مش بديل للبشر، هو (مضاعف قوة) للي فاهم هو بيعمل إيه... يعني قوته لوحده صفر ، وتزيد أضعاف وأضعاف كل مالعقليه اللي بتستخدمه كانت أقوى . اللي هياخد مكانك مش الـ AI، انما اللي هياخد مكانك هو بني آدم زيك بس اتعلم (يسوق) الأدوات دي قبلك. (من ثبت نبت ) فلو سمحت اعرف اللي محتاجه بس وتمرس عليه ، وبعد كده شوف الجديد. التوتر اللي بتحسه لما تشوف أداة جديدة اسمه AI-FOMO، وعلاجه إنك تعرف إنك مش محتاج (كل) الأدوات، أنت محتاج (النظام) الصح... ومحتاج تعرف عاوز ايه علشان تستخدمه في ايه ، والا هتوزع مجهودك غلط ، أنت محتاج تتعلم القياده أكثر ، وتتعلم ازاي تصيغ أوامرك . لو مش مبدع، خليك قائد؛ الـ AI هو جندي مبدع في جيشك، وأنت اللي بتديله الأوامر ، يعني الأجانب بيقولوا عليها (The Commander Mindset)...فأنت محتاج تتعلم ازاي تخرج من المبدعين اللي في جيشك أفضل مافيهم بحيث توصل لأفضل أداء ليك من خلال استخدام الادوات دي . اياك تسيب دماغك تعفن ، لو فضلت تستخدمه غلط بعد شويه مش هيبقالك مكان ، وقيمتك في السوق مش هتساوي أكثر من قيمة أداه بندفعلها اشتراك شهري ( أنا كوليد استبدلت موظفين عندي ودمجت شغلهم بسبب ده )، فاستخدام الـ AI عشان يكتبلك "بوستات" وخلاص بيوقف مخك؛ استخدمه عشان يفتح آفاق تفكيرك، والحته دي اتكتب فيها كثير ـ ابحث عن حاجه اسمها (Augmented Intelligence). الأدوات اللي بتعمل Deepfake معمولة للسينما، اللي بيستخدمها في محتوى تضليلي ده تدمير لمصداقيته للأبد، وثمار ده هيجنيها بعد مش كثير ، والسوق بيفلتر . مخنا كبشر لسه متبرمج على"التطور البطيء، الطفرة دي عاملة صدمة عصبية لجيل كامل... فواحده واحده ، اتعلم حاجه ، اهضمها كويس ، طبقها ، حقق نجاح ، ومش هقولك شوف اللي بعدها لأنك احتمال ماتبقاش محتاج اللي بعدها فشوف انت أصلا محتاج اللي بعدها ولا لا . زيادة معدل ال adhd ملحوظ بسبب استخدام الذكاء الاصطناعي على فكره عند الاطفال ياريت ناخد بالنا ، لأن التأثير النفسي على الأطفال مرعب؛ الطفل اللي بيتعود إن كل حاجة بتخلص بـ (Prompt) بيفقد مهارة "الصبر والمثابرة" الـ AI ممكن يخلي ابنك (عبقري) لو استخدمه كـ Mentor، وممكن يخليه )اتكالي) لو استخدمه كـ (شغالة) بتعمل الواجب. دراسة من جامعة ستانفورد بتقول إن الإنتاجية بتزيد 40% مع الـ AI، بس الإبداع (الأصلي) بيقل لو اعتمدت عليه كلياً. الفرق بين ChatGPT وClaude وGemini زي الفرق بين العربية المرسيدس والـ BMW والـ Audi؛ كل واحدة ليها "سواقة" وطريق.

Internal Career Portal ARise: https://careers.aristongroup.com/job-invite/9821/?isInternalUser=true External Ariston Group Career Page: https://careers.aristongroup.com/job-invite/9821/ Ariston Group LinkedIn Page: https://www.linkedin.com/jobs/view/4456466980/ أريستون طالبه مهندسين فريش

Introduction to AI https://ibrahimsobh.github.io/introduction-to-ai/