Башҡорт донъяһы

"Башҡорт ҡышының иң йылы күренештәренең береһе - тибенлектәге йылҡы. Уларға ҡарап, йылмаймай булдыра алмайым",

- ти Башҡортостан Республикаһы Башлығы Радий Хәбиров. Республика етәксеһе юлдарҙа һаҡ булығыҙ һәм ял көндәрен яҡшы үткәрегеҙ, тип теләгән. Беҙ ҙә уның хаҡ һүҙҙәренә ҡушылабыҙ! ❤️

Өфөлә ҡамсат бүрек кейгән башҡортто осратыу ихтималлығы түбән, әммә нулгә тигеҙ түгел.

Ильмира Хәбибуллина исемле һылыу төшөрөп алған. Йәштәр был күренештән һоҡланыуын белдереп, авторы яҙмаһына бик күп комментарийҙар яҙған. Шәп бит?! 🔥

📌 Торатауға донъя кимәлендә билдәле йондоҙҙар "килеп төшкән" һәм стилләштерелгән башҡорт кейемдәрен кейеп "сыҡҡан" ти бит әле. 🤭

Матур ял минуттары теләйбеҙ, дуҫтар❤️

Видео: Айгизә Оморҙаҡова.

📌 Радий Хәбиров ил Президенты Владимир Путинға рәхмәтен белдерҙе. Бөгөн Рәсәй Президенты Владимир Путин менән Йыл йомғаҡтары 4,5 сәғәт тиерлек барҙы. Ул халыҡтың төрлө һорауҙарына яуап бирҙе - күбеһе Махсус хәрби операция темаһына ҡағылышлы булды, шулай уҡ иҡтисади һәм социаль мәсьәләләр ҙә ҡаралды, ғаиләләргә ярҙам, мәғариф өлкәһендәге һорауҙар һәм хатта йөҙ йылдан һуң киләсәк быуынға яҙып ҡалдырыр һүҙҙәр тураһында ла һоранылар. ⚡Башҡортостандан барған журналистарҙан Ләйсән Закирова һорауын яңғырата алды: ул Рәсәй-Тажикстан индустриаль паркын төҙөүҙә Башҡортостандың роле һәм киләсәктә тағы ниндәй проекттарҙа ҡатнашыу мөмкинлеге хаҡында булды. ❗Владимир Путин "Башҡортостан алдына ҡуйған маҡсаттарына ирешәсәгенә ышанам", - тип яуап бирҙе һәм Хөкүмәттән Башҡортостанға кәрәк булған осраҡта ярҙам күрһәтеүҙәрен һораны.

"Эшебеҙҙе һәм Башҡортостандың мөмкинлектәрен юғары баһалағаны өсөн Владимир Владимировичҡа рәхмәтемде белдерәм. Сәнәғәт кооперацияһы үҫешенә, сит ил партнерҙары менән бергә проекттарҙы тормошҡа ашырыуға ҙур иғтибар бүләбеҙ, был тышҡы иҡтисади эшмәкәрлегебеҙҙең мөһим йүнәлеше. Рәсәй-Тажикстан индустриаль паркын булдырыу буйынса доклад яһайым. Проектты тормошҡа ашырыу менән беҙҙең Үҫеш корпорацияһы шөғөлләнә, коллегалар федераль бюджет иҫәбенә производство майҙандарын төҙөкләндерә һәм яңыртасаҡ",

- тип яҙҙы был хаҡта республика етәксеһе Радий Хәбиров сәхифәһендә. Был индустриаль парк эшмәкәрлеге еңел һәм металлургия сәнәғәтен, станоктар төҙөүҙе үҫтереүгә, медицина ҡорамалдарын етештереүгә йүнәлтеләсәк.

"Эште дауам итәбеҙ. Иғтибары һәм ярҙамы өсөн Президентыбыҙға тағы бер ҡат рәхмәт!"

- ти Башҡортостан Республикаһы Башлығы Радий Хәбиров.

🔥2022 йылғы "Башҡорт йыры" телевизион конкурсының Гран-приһын яулаған йырсы Ринат Сәлихйәнов быйыл тамашасыларын сығышы менән һөйөндөрҙө.

📌 Президент күп милләтле илебеҙҙә дәүләт тарафынан һәр халыҡтың мәҙәниәтенә, теленә маҡсатлы ярҙам күрһәтеү сәйәсәте алып барылыуы тураһында әйтте. Владимир Путин Рәсәй халҡын уртаҡ ҡиммәттәр берләштерә, тип белдерҙе.

Президент «Геройҙар ваҡыты» программаһы тураһында һорауға яуап бирҙе: Белеме, тәжрибәһе һәм теләге булғандарға дәүләт бындай мөмкинлектәр булдырыу өсөн барыһын да эшләргә тейеш. Әлбиттә, уларҙы тупларға, ярҙам итергә һәм алға әйҙәргә кәрәк. Ил яҙмышын ундайҙар ҡулына тапшырыу ҡурҡыныс түгел. 📍Рәсәй Федерацияһы Президенты Владимир Путин менән Йыл йомғаҡтары бара. Ике аҙна эсендә Президентҡа 3 миллионға яҡын һорау килгән.

❓Ил етәксеһенә һорау биреү бәхете кемгә йылмайыр?

Бер нисә минуттан Рәсәй Президенты Владимир Путин менән Йыл йомғаҡтары башланырға тора. Унда Башҡортостан журналистары ла ҡатнаша. Көтәбеҙ.

❓ Яныбай Хамматовты Әбйәлил районы менән нимә бәйләй? Баҡтиһәң, бәйләнештәр бик күп икән. 🔹Яратҡан яҙыусыбыҙ заманында Әбйәлил районы Советының башҡарма комитеты рәйесе булып эшләй. Әле хатта Өфөлә лә электр уты үткәрелеп бөтмәгән осорҙа (1960-1963 йылдар) алыҫ Әбйәлил ауылдарына яҡтылыҡ һуҙыуға өлгәшә ул. 🔹Әйткәндәй, яҙыусының ҡыҙы Гүзәл беренсе класҡа Әбйәлил районы Асҡар ауылы мәктәбенә уҡырға бара. 📍Әбйәлилдәр яҙыусыға ниндәй бүләк биреүе тураһында Башҡортостан Милли музейында ҡуйылған күргәҙмә авторы Айгөл Вәлиева һөйләй.

📌Башҡортостанда Махсус хәрби операцияла ҡатнашыусыларға һәм уларҙың ғаиләләренә ярҙам йылына йомғаҡ яһалды. 📍 Республикала 54 төр ярҙам сараһы күрһәтелә, шуларҙың 11-е быйыл булдырылған һәм яугирҙар тураһында һәр яҡлап хәстәрлек күрергә ярҙам итә. Төп йүнәлештәр - медицина реабилитацияһы, социалләштереү һәм эшкә урынлаштырыу. Был маҡсаттарға бүленгән аҡса былтырғы йылдан ике тапҡырға арттырылған һәм 30,8 миллиард һум тәшкил иткән.

"Комплекслы консультация һәм ғәмәлдә ярҙам күрһәтеү өсөн беҙ бөтә район-ҡалаларҙа ла МХО-ла ҡатнашыусыларға һәм уларҙың ғаиләләренә ярҙам итеү үҙәктәрен асабыҙ. Уларҙа бер урында власть, "Ватанды һаҡлаусылар" фондының социаль координаторҙары, МХО ветерандары ассоциацияһы вәкилдәре һәм башҡа йәмәғәт ойошмаларының тырышлығы берләшә. Бөгөн урындарҙа шундай барлыҡ талаптарға яуап биргән 20 үҙәк уңышлы эшләп килә һәм беҙ был йүнәлештә дауам итәсәкбеҙ",

- тине тантаналы сарала сығыш яһап, Башҡортостан Республикаһы Башлығы Радий Хәбиров. Йыл тамамланһа ла, был йүнәлештәге эш һис туҡтатылмай, тип белдерҙе республика етәксеһе. Был системаны бер тәртипкә һалып алырға кәрәк, ул һөҙөмтәле булырға тейеш. 📍 Әйткәндәй, Өфөлә лә "Ватанды һаҡлаусылар" дәүләт фондының филиалы асылды! Ул Совет майҙаны эргәһендә урынлашҡан.

Йома мөбәрәк булһын! 😇 Бөгөн Халыҡ-ара мохтаждарға ярҙам итеү көнө икән. Юҡҡа ғына йомаға тура килмәгәндер - изге ғәмәлдәргә бер сәбәп булһын. Фото: Земфира Ғиләжеваның ҡул эше. "Зөһрә" тип атала. "Башҡорт донъяһы" төркөмө өсөн төшөрөп алынды.

❓БЕРЕНСЕ БАШҠОРТ СЕРИАЛЫ ҡасан төшөрөлгәне тураһында беләһегеҙме, дуҫтар?

Белмәһәгеҙ, 1979 йылда төшөргәндәр уны.

🔥"Бөртөкләп йыйыла алтын" күп сериалы художестволы фильмы билдәле башҡорт яҙыусыһы Яныбай Хамматовтың романы буйынса төшөрөлә. 🔸Был телеспектакль (ул саҡта тап шулай тип йөрөтөлә) 6 сериянан тора. 🔹Сценарий авторы - Фуат Бейешев; 🔹 Режиссеры - Әмир Абдраза­ҡов; 🔹 Ҡуйыусы операторы - Рафаэль Биккинин. 📍 Сериал һәм Яныбай Хамматовтың ижады, тормош юлынан ҡыҙыҡлы мәғлүмәттәр менән БР Милли музейында ойошторолған бай йөкмәткеле күргәҙмәлә таныша алаһығыҙ. 🎁Ә беҙҙән һеҙгә "бүләк" - фотолағы QR-код буйынса үтеп, ҡарарға мөмкин.🔥 ❗Был һылтанма күргәҙмә тамамланғанға тиклем эшләй.

Мәңге йәшә, башҡорт теле! ❤️ Видео: талантлы йәш йырсы Гәлсәр Байғусҡарова 🔥

📌Башҡорт телен һаҡлауҙа һәм киләһе быуындарға тапшырыуҙа төп бурыс кем иңдәрендә? Был хаҡта һәм Башҡорт теле көнө айҡанлы ойошторолған мәҙәни саралар тураһында Вәлитов-TV сығарылышында.

Телеңдең яҙмышын ҡайғыртһаң - өйөңдә һөйләш!

📌Башҡорт телен һаҡлауҙа һәм киләһе быуындарға тапшырыуҙа төп бурыс кем иңдәрендә? Был хаҡта һәм Башҡорт теле көнө айҡанлы ойошторолған мәҙәни саралар тураһында Вәлитов-TV сығарылышында.

"Егеттәребеҙ өр-яңы тарих яҙа, журналист бурысы шуны дөрөҫ яҙып алыу һәм киләсәк быуындарға еткереү",

- ти Махсус хәрби операция биләмәһендә бурысын үтәгән журналисыбыҙ Рафиҡ Әхмәтшин. 💯Ошо көндәрҙә Рафиҡ Әхмәтшин яу ҡырында төшөрөлгән репортаждары өсөн Башҡортостан Республикаһы Башлығының журналистика өлкәһендәге "Дөрөҫлөк. Яуаплылыҡ. Ҡаһарманлыҡ" премияһына лайыҡ булды.

"Фронттан әҙерләнгән яҙмалар яугирҙарыбыҙҙың ҡыйыулығы һәм батырлығы тураһында. Конкурстың баһалама комиссияһына, коллегаларыма ҙур рәхмәт! "Башҡортостан" полкы яугирҙары ҡурҡыу белмәҫ, эшһөйәр һәм тыйнаҡ. Бөгөн күптәре герой булыуы хаҡында уйламай. Шуның менән хеҙмәтебеҙ ҡиммәтле лә. Улар тураһында яҙыу, һөйләү бик мөһим. Сөнки уларҙың һәр береһе - тарихтың бер өлөшө",

- тип яҙған Рафиҡ Үзбәк улы үҙенең ТГ-каналында һәм Башҡортостан Башлығы йөҙөндә барлыҡ республика халҡына яугирҙарға ярҙам күрһәткәндәре өсөн рәхмәтен белдергән.

ҠЫШ❄️ Ерҙең өҫтө ап-аҡ, ап-аҡ, Эй, ҡар яуған да яуған. Яландар, ҡырҙар, урмандар Шул ҡар аҫтында ҡалған. Эштән арып ятҡан кеүек, Тынғандар инде ҡырҙар. Мамыҡ юрғанға төрөнөп. Хәл йыя төҫлө улар. Ҡояш та ялда шикелле, Йылытмай ерҙең өҫтөн. Сығып ҡырҙарҙы ҡарай ҙа Тиҙ генә ята төҫлө. Ә елдәр йөрөй маһайып, Ыжғыра ла һыҙғыра. Ер өшөһөн тигән кеүек, Ҡырҙарҙы пыр туҙҙыра. Яланғас ҡала ер йөҙө, Һалҡындан китә туңып. Ә ҡояш хәлһеҙ шикелле, Йылыта алмай уны... Назар НӘЖМИ. 📍Фото: Күгәрсен районы, Мораҙым тарлауығы.

Ҙур ырыуҙан икәнһең, өлгөрлөк кәрәк 👍

Ә һеҙҙең ырыуығыҙға бәйле берәй әйберегеҙ бармы?

📌 Өфөлә һырғалаҡтар асылды - конькиҙарығыҙҙы сығарығыҙ! Өфө халҡы һәм ҡунаҡтары өсөн конькиҙа йөрөү өсөн махсус майҙансыҡтар эшләй башланы. Ҡала хакимиәте башлығы Ратмир Мәүлиев уларҙың исемлеген килтерә: һәр районда һырғалаҡ бар. Иң күбе Октябрь районында - 9, унан Киров районы берәүгә генә ҡалыша. ❗Иҫкәртәбеҙ: әле йылға-күлдәрҙә боҙ ҡатмаған, шуға махсус ойошторолған майҙансыҡтарҙа ғына конькиҙа йөрөгөҙ. Күптәр ошо көндәрҙә Бөрө районында бер көтөү һарыҡ боҙ аҫтына китеп, әрәм булыуы тураһында ишеткәндер.

Үҙегеҙҙе һәм балаларығыҙҙы хәүефтән аралағыҙ.

Күңелле ҡышҡы уйындар мәле етте - бәхетһеҙлеккә урын булмаһын! 😇