Jahongir ZIYAYEV

🌙 ҚАДРДОНЛАРИМ, Қурбон Ҳайити муборак бўлсин!

❗️Бугун Арафа куни Барча ватандошларимни бугунги Арафа куни, эртанги Қурбон ҳайити байрами билан табриклайман. Сабр-қаноат, шукроналик, руҳий покланиш, меҳр ва оқибат, инсонпарварлик байрами муборак бўлсин! Халқимиз фаровонлиги, Ватанимиз тинчлиги, оиламиз тотувлиги бардавом бўлсин. Юртимиздан файзу барака аримасин! @deputat_ziyayev

❗️Коррупцион бир нормадан воз кечиляпти Шаҳарсозлик нормаларини бузганларга солинадиган маъмурий жарималар ягона қилиб белгиланибди. Бу инспекция ёки судларда содир этилиши мумкин бўлган коррупцион ҳолатлар олдини оларкан. Олий Мажлис Қонунчилик палатаси бу ҳақдаги қонун лойиҳасини тасдиқлабди.  Сихни ҳам, кабобни ҳам куйдирмайдиган бундай нормалардан воз кечиш лозимлиги ҳақида 2022 йилда ёзгандик. Бу қонунчиликдаги порахўрлик, коррупцияга етакловчи энг яхши “бўшлиқ” эди. Содда қилиб айтганда, айбдор албатта энг кам жарима белгиланишини, жарима белгиловчилар эса энг юқорисини хоҳлайди. Якунда икки ўртада хуфёна келишув бўлади. Афсус, бундай ҳолатлар ҳамон давом этяпти.

Бундай ҳолатларни тўхтатиш бўйича илк қадам ташлангани яхши. Энди бошқа қонунлардаги “...бараваридан ...бараваригача” деган жарималарни ҳам бир хил қилиб, бунда фуқароларга энг ками, мансабдорларга энг кўпи белгиланиши лозим.

@deputat_ziyayev

Президент Шавкат Мирзиёев “Муборак Қурбон ҳайитини нишонлаш тўғрисида”ги қарорни имзолади Қарорга кўра, 2024 йилда Қурбон ҳайитининг биринчи куни 16 июнь – якшанбага тўғри келиши муносабати билан юртимизда 16 июнь Қурбон ҳайити байрами сифатида нишонланади. Қурбон ҳайитининг биринчи куни дам олиш кунига тўғри келиши муносабати билан ушбу дам олиш куни 17 июнь – душанба кунига кўчирилади, 18 июнь – сешанба куни барча ходимлар учун қўшимча дам олиш куни бўлади. Маҳаллий давлат ҳокимияти органлари, масъул вазирлик ва идораларга муборак Қурбон ҳайитини халқимизнинг миллий анъана ва урф-одатларига уйғун ҳолда ўтказиш учун тегишли чора-тадбирларни амалга ошириш, юртдошларимиз учун муборак Қурбон ҳайити кунларида мўътабар зиёратгоҳлар ва тарихий қадамжоларга зиёратларни ташкил этиш мақсадида қулай шароит ва имкониятлар яратиш топширилди.

#Тафаккур Айб эмасми? Бева, камбағал бир аёл уйида сарёғ тайёрлаб бир дўкончига олиб бориб сотар эди. Баққол аёл олиб келган сарёғни ҳеч тортиб кўрмас эди. Бир куни негадир унинг кўнглига шубҳа тушди. Навбатдаги олиб келинган сарёғни тортиб текшириб кўрди. Бир килоли сарёғ 900 грамм чиқди. Сотувчи жуда хафа бўлди. Эртаси куни келган аёлга бундай деди: "Энди мен сендан сарёғ олмайман". Аёл деди: "Нега энди? Бир хатолик ўтдими мендан?" Сотувчи: "Сен бир кило деб берадиган сарёғинг роппа роса 900 грам экан. Айб эмасми? Шунда аёл деди: "Тақсир, менинг уйимда тарозу йўқ. Мен сиздан олган бир кило шакарни тош ўрнида ишлатаман..." Сотувчи нима дейишни билмай дудуқлана бошлади...

❗️Болаларга энергетик сотиш тақиқланади Афсуски, бу Ўзбекистонда эмас, Қозоғистонда Энди қўшниларимизда 21 ёшгача бўлганларга энергетик ичимликлар сотиш тақиқланади. Депутатлар тегишли қонун лойиҳасини қабул қилишган. Қозоғистонда электрон сигареталар тақиқланганига анча бўлди. Бизда эса ҳамон бу масала ортга суриляпти. Энди қўшнимиз энергетик ичимликларни ҳам тақиқламоқчи. Бундай ичимликларнинг турган-битгани зарарлигини билсакда, биз фақат акциз солиғини жорий қилиш билан чекландик, холос. Қўшниларимиздан ортда қоляпмиз... @deputat_ziyayev

#ибрат ❗️Хато қилган инсонни африкача жазолаш Африка қабилаларидан бирида шундай одат бор экан: агар кимдир ёмон иш қилиб қўйса, уни майдон ўртасига олиб чиқиб, бутун қабила аҳли ўраб оларкан ва икки кун давомида "айбдор"нинг яхшиликларини эслашар, бунинг учун унга миннатдорлик билдиришаркан. Бу ибратли одатдан хулоса шундай эканки, ҳар бир инсон яхши яшашга, бахтли бўлишга ҳаракат қилади. Аммо бу йўлда хато қилиб қўйиши ҳам мумкин.

Хато қилган инсонларни "ер билан битта қилмай", аксинча, уни қилган яхшиликларини эслатиш билан "жазолаш" керак.

P.S. афсуски, бизда хато қилган инсонни сазойи қилиб, "самосуд" қилишни яхши кўрадиганлар кўп. @deputat_ziyayev

❗️Бугун – Болаларни ҳимоя қилиш куни Барчамизнинг энг гўзал ва бетакрор хотираларимиз шубҳасиз болалик билан боғлиқ. Боғча, мактаб, беғубор табассум, меҳр-муҳаббат, ўйин-кулгу... Уларни ҳеч нарса билан алмаштириб, қиёслаб бўлмайди. Афсуски, болаликдан жуда тез узоқлашганимизни катта бўлганда англарканмиз. Энди уларни фарзандларимизда кўриб таскин топамиз, холос.

Болалик хотиралармиз ҳеч биримизни тарк этмасин. Ҳаётимиз болажонларимиз билан бутун, бахтимиз улар билан тўкис бўлсин. Дунёни болалар табассуми қутқаради.

Байрамингиз муборак бўлсин, азиз болажонлар! Барча яхшиликлар, эзгу тилаклар сизларга бўлсин! @deputat_ziyayev

#ибрат ҚОЧОҚ Яманлик бир оила Германияга қочоқ бўлиб борди ва у ердан бошпана топди. Оила бошлиғи айтади: - 2015 йилда Германияга етиб борганимизда ҳукумат бизни уй-жой, электр, сув ва газ билан бир йил текинга таъминлади. Бир йилдан кейин бу тўловларни тўлашни бошлар эканмиз. Бир йил ўтиб тўловни бошлаганимизда пул топа олмай тўловни бир ой кечиктириб қўйдик. Электр ширкатидан 200 евро қарз бўлиб қолдик. Ширкат бизга электр беришни тўхтатди. Биз учун бу кўп қийинчилик туғдирмади. Зеро Яманда электр узилишига кўникиб кетган эдик. Дарров дўконга бориб шам олиб келдим. Шам атрофида ўтириб олиб ватанимиз Яманда юз бераётган мусибатлар ҳақида фарзандларим билан суҳбатлашиб ўтирдик. Қўшнилар бизнинг уйимизда электр йўқлигини билиб қолишибди. Бироздан сўнг Германиялик қўшнилар уйимиз олдида жамланишди. Мендан нега уйда электр йўқлигини сўрашди. Мен қарз бўлиб қолганимизни, келаси ҳафта маошни олсам тўлашимизни айтдим. Улар: "Нима, бир ҳафта болаларинг билан электрсиз ўтирмоқчимисан?!", дейишди. Мен: "Ҳечқиси йўқ. Биз умуман электр йўқлигига ҳам ўрганиб қолганмиз. Яманда бизнинг халқимиз электрсиз яшашади", дедим. Улар бизга кичкина генератор сотиб олиб беришди. Сўнгра ўзлари қайсидир телеканалга боғланишди. У телеканалдагилар мен билан учрашиш учун келишди. Менинг муаммойим "электрсиз оила" номи билан Германияда йил муаммосига айланди. Электр ширкати бизга қўшимча бир йиллик бепул электр ва 1000 евро пул берди. Биздан узр сўради. Чунки мен уларга музлатгичдаги гўшт ва товуқлар айниб қолиб уларни ахлатга ташлаганимни айтган эдим. Сўнгра озиқ-овқат олишим учун ичида 1500 евро бўлган карточка беришди. Шайх Али Саллобий саҳифасидан Абдулқодир Полвон таржимаси P.S. Мана, инсон қадри қандай ҳимоя қилиниши керак @deputat_ziyayev