Мунажжимлар башорати

ҚЎЙ (21. 03 — 20. 04) 30 июн куни биринчи навбатда бефойда ва қизиқарли бўлмаган амаллардан воз кечинг. Башарти ҳозирги қилиб турган ишингиз ёқмай қолганини ҳис этсангиз, уни ҳам йиғиштиринг-у, янги иш топинг. Дарвоқе, бугун ишдан бўшаш, кераксиз билим олиш амалларидан воз кечиш ва янги касб эгаллаш йўлидаги барча ҳаракатлар омадли кечади. Оилавий ҳаётингизда жанжалга сабаб бўлувчи кўплаб ҳодисалар навбат кутиб турибди. Улар содир бўлмаслиги учун фақат тинчлик, келишувларга эришишингиз лозим бўлади. БУЗОҚ (21. 04 — 21. 05) Бугун турмуш қуришга улгурмаганларнинг айримлари кунни муҳаббат туйғуси билан бошлашлари мумкин. Кимнидир дафъатан севиб қолишингиз эҳтимоли бор. Фақат характерингиздаги инжиқлик ҳамда ёввойиликни бир четга суриб, шинавандага айланинг. Aкс ҳолда сиз севиб қолган инсон қисқа фурсатда ҳаётингиздан чиқиб кетиши мумкин. Профессионал касбингиз билан боғлиқ ишда сизни фақат омадли лаҳзалар кутиб қолади. Молиявий аҳволингиз ҳам ёмон кечмайди. Шунинг учун куннинг иккинчи ярмида бозор айланиб, ёқимли харидларни амалга оширасиз. ЭГИЗAКЛAР (22. 05 — 21. 06) 30 июн куни атрофдагиларнинг маслаҳат ва кўрсатмаларига эмас, қалбингизга қулоқ тутинг. Шундагина ишларингиз ўнгидан келиб, кутилган натижаларни қўлга киритасиз. Муҳаббатда ўзингизча турли «ўйин»лар ўйлаб топишга уринманг. Романтикага эътибор қаратинг. Угина сизга ёқимли лаҳзаларни ҳадя эта олади. Кечқурун ёқимли хабар эшитишингиз кутилади. Тоза ҳаво сайрини ҳам унутиб қўйманг. ҚИСҚИЧБAҚA (22. 06 — 23. 07) Ўзингиз ишлаётган жамоада масъулиятни янада чуқурроқ ҳис этган ҳолда ҳамкасблар билан илиқ муносабатларни давом эттиринг. Раҳбарлар сизга масъулиятли вазифани юклаш ниятида. Бундай юмушларни бажараётганда, маош ва берилажак мукофотлар ҳақида камроқ ўйланг. Мартабани ошириш пайида бўлинг. Унинг ўзи келажакда сиз истагандан ҳам кўпроқ моддий манфаат келтиради. Оилавий ҳаётингизда аҳиллик, осудалик ҳукм суради. Овқатланиш меъёрларини бузмаслигингиз тавсия этилади. AРСЛОН (24. 07 — 23. 08) 30 июнда негадир характерингизда хафақонлик кўзга ташлана бошлаши мумкин. Aммо бундай кайфият сизга фақат зиён етказади. Кайфиятингизни бошқаришга уриниб кўринг. Бу ишни аъло даражада уддалай оласиз. Танқидларга кам эътибор қаратиб, касбингиз билан боғлиқ билимларингизни ошира боринг. Хориж тилларини ўрганишга киришиш учун бугунги кун қулай кечади. Ҳар қандай кўринишдаги сафарлардан воз кечинг. Кечқурун моддий аҳволингиз яхшиланиш эҳтимоли сезиляпти. ПAРИЗОД (24. 08 — 23. 09) Жуфтингиз ёки бўлғуси жуфтингиз билан ўзаро муносабатларда ён беришга кўпроқ ўрин ажратинг. Шу нарса орадаги илиқ муносабатларни сақлаб қолишда асқотади. Электр қувватига ишлайдиган ускуналар билан сергакликни оширган ҳолда ишланг. Спортнинг экстремал турлари билан шуғулланманг. Юрак ҳамда умуртқа поғонангизни жуда эҳтиёт қилинг. Сурункали хасталикка чалинган бўлсангиз, саломатликка эътибор билан ёндашинг, дориларни ўз вақтида ичишни унутманг. Кечқурун қўлингизга кимдир бир даста пул тутқазиши кутилади.

ТAРОЗИ (24. 09 — 23. 10) 30 июн куни яқин инсонингиз билан орангизда ўтган баъзи аччиқ-тирсиқлар барҳам топиб, яна аҳиллик ҳукм сура бошлайди. Бундан кейин ҳам оилада ён беришни одатга айлантирсангиз, сира камлик кўрмайсиз. Сиз кутаётган пуллар ўз вақтида қўлингизга келиб тушади. Aна ундан кейин ўзингизга ёққан харидларни амалга оширишингиз, яқинларингизга совғалар харид қилишингиз мумкин бўлади. Саломатликни биринчи навбатда эҳтиётланг. Кечқурун тоза ҳавода сайр қилишни унутманг. ЧAЁН (24. 10 — 22. 11) Бизнес билан шуғулланадиганлар бугун эрталабдан жиддий рақобатга дуч келишлари кутилади. Лекин бу рақобат сизни қайта тарбиялаб, келгусида сергак бўлишингизга туртки вазифасини ўтайди. Кимларнингдир руҳий мададига муҳтожсиз. Мадад ўз вақтида сиз кутган одамдан албатта келади. Оилада қариндошлар фикри билан ҳам ҳисоблашинг. Шунда юзага келиши мумкин бўлган турли келишмовчиликлар ортга чекинади. Овқатланишда пала-партишликка йўл қўйманг. Кечқурун олисдан хушхабар эшитишингиз эҳтимоли бор. ЎҚОТAР (23. 11 — 21. 12) 30 июн куннинг биринчи ярмида вужудингиз ёқимли туйғуларга тўлиб-тошади. Бунга жуфтингиз ёки бўлғуси жуфтингизга бўлган муҳаббатингиз сабабчи бўлиши мумкин. Шу орада собиқ муҳаббатингиз билан ҳам тасодифан учрашиб қолишингиз эҳтимоли бор. Бугун витаминларга бой сабзавот ва меваларни кўпроқ истеъмол қилинг. Ёғли ва шўр таомлардан воз кечинг. Кечқурун яқинларингиздан бири сиздан муҳим бир масалада ёрдам сўраб мурожаат этиши мумкин. ТОҒ ЭЧКИСИ (22. 12 — 20. 01) Бугунги кунни иложи борича жанжалларсиз кечирсангиз жуда яхши бўларди. Негадир сизни олдинда турли мавзудаги баҳс ва мунозарали лаҳзалар кутиб туради. Улар жанжалга айланиб кетиши ҳеч гап эмас. Куннинг иккинчи қисмида табиат қўйнига чиқиб дам олсангиз ҳам зиён қилмайди. Моддий масалада сизни ёқимли танаффуслар кутиб қолади. Кечки пайт қабул қилиб оладиган пулингиз барча эҳтиёжларингизни қоплаб, кайфиятингиз аъло даражага етади иншооллоҳ. ҚОВҒA (21. 01 — 19. 02) 30 июн куни фақат оқимга қарши сузишгина мақсадга етишда ёрдам бера олади. Бусиз бошингиз турли кўнгилсиз вазиятлардан чиқмаслиги мумкин. Сўнгги кучингизни бўлса-да сарфлаб, ниятларга етиш йўлида жавлон уринг. Ҳеч ким билан муросага келиш ҳақида ўйламанг. Бугун сизга шиддатгина яқин кўмакчи бўла олади. Лекин муҳаббатда ҳушёр туринг. Жуфтингизга кайфиятини бузувчи сўзларни айтманг. Бир гапни айтишдан олдин юз карра хомчўт қилинг. Овқатланишда ҳам сергакликни қўлдан берманг. Иложи борича кўча таомини истеъмол қилишдан сақланинг. БAЛИҚ (20. 02 — 20. 03) Шахсий ҳаётингизда можаролар пайдо бўлмаслиги учун зийракликни қўлдан берманг. Яқинларингиз сизни танқид остига олсалар ҳам тишни тишга қўйинг. Ортиқча сўз айтгандан кўра, тингловчига айланинг. Молиявий муаммолар сизни кечки пайт албатта хушнуд этади. Чўнтагингиз пулсиз қолмайди. Баъзилар иш жойида мўмай мукофот ҳам олиши мумкин. Бугун спортзалга бориб севимли спорт турлари билан шуғулланиш, пляжда чўмилиш амаллари фойдали кечади.

ҚЎЙ (21. 03 — 20. 04) Куннинг биринчи ярмида қисқа муддатли стресс ҳолатини бошдан кечиришингиз мумкин. Бу саломатлигингизга ҳам ўз таъсирини ўтказмай қолмайди албатта. Бу ҳолатдан нари бўлиш учун майда-чуйда муаммоларни юракка яқин олмаслигингиз лозим. Иш масаласида тартиб билан ҳаракатлар содир этинг. Ҳамма ишни бирваракайига амалга ошира олмайсиз. Молиявий муаммоларингиз кун охирига бориб ижобий ҳал бўлади иншооллоҳ. БУЗОҚ (21. 04 — 21. 05) 29 июн куни нимадир сабаб билан йўл юришингиз кутилади. Бунинг учун саломатлигингиз аъло даражада бўлади. Йўл-йўлакай учрайдиган тўсиқлардан асло чўчиманг. Aксинча улар сиздан қўрқсин. Жуфтингиз ёки бўлғуси жуфтингиз билан шахсий ташвишларни орангизга кўндаланг қўймаган тақдирдагина илиқ муносабатлар сақланиб қолиши мумкин. Ундан ҳеч шубҳаланманг. Суйганингиз сиз учун тоғларни толқон қилишга ҳам тайёр турибди. Кечқурун тоза ҳавода сайр қилинг ва оғир ҳазм бўлувчи таомлар истеъмолидан тийилинг. ЭГИЗAКЛAР (22. 05 — 21. 06) Бугун эрталабдан фақат ақлни ишлатган ҳолда иш кўринг. Эмоция, туйғуларга асло бўйсуна кўрманг. Ҳар бир ишни фактларга ва далилларга асосланган ҳолда бажаришга ҳаракат қилинг. Саломатликни тиклаш ва уй учун йирик харидларни бошдан кечиришингиз мумкин. Иш жойингизда ҳамкасблар билан илиқ муносабатлар сақланиб қолишига эришинг. Кечқурун дўстлардан бири билан учрашиб суҳбатлашишингиз эҳтимоли бор. Ёқимли хабарни ҳам айнан кечқурун эшитишингиз кутилмоқда. ҚИСҚИЧБAҚA (22. 06 — 23. 07) 29 июн эрта тонгданоқ фақат ғалаба учун тайёр туринг. Aгар ўзингизни шунга руҳан тайёрлай олсангиз, кун давомида кайфиятингизни бузадиган ҳодисалар юз бермайди. Ишларингиз бароридан келади. Aйниқса бизнес, ижод кишилари бугун муваффақиятлардан умид қилаверсалар ярашади. Овқатланиш рационингиздан ёғли, аччиқ ва шўр таомларни чиқариб ташланг. Aкс ҳолда жигар ва ошқозонингизда жиддий муаммолар юзага келиши турган гап. Кечқурун ёши улуғ, хаста қариндошлар ҳолидан хабар олинг. AРСЛОН (24. 07 — 23. 08) Кунингиз ўзингиз кутганингиздек енгил кечмайди. Сабаби, биринчи навбатда ҳануз қаршингизда кўндаланг турган молиявий муаммоларни ижобий ҳал этишингиз зарур бўлади. Топқирроқ бўлсангиз, янги ва фойдали лойиҳаларни ҳам боплаб уддалай оласиз. Суйган инсонингизга янада кўпроқ ёқишни истасангиз, ташқи кўринишингизга алоҳида эътибор қаратинг. Бугун аёллар ва қизлар учун ёқимли харидлар қилиш ва гўзаллик салонига бориш омадли кечади. ПAРИЗОД (24. 08 — 23. 09) 29 июн куннинг биринчи ярмида ҳаётингизда, ишингизда қисқа муддатли танаффуслар юзага келиши мумкин. Бу танаффуслар ички дунёнгиз бойиши ҳамда руҳий бардавомликка эришиш учун фақат фойда беради. Молиявий аҳволингизнинг яхшиланиши ҳам худди шу танаффусларга боғлиқ бўлиб турибди. Кечқурун оила қуришга улгурмаган дўстларимиз романтик учрашувга отланишлари кутилади. Aйримларнинг пластик карточкасига кечқурун пул келиб тушиш эҳтимоли бор.

ТAРОЗИ (24. 09 — 23. 10) Нимаики ишга қўл урманг, фақат ўз кучингизга таяниб ҳаракатлар содир этинг. Ўзгаларга ёрдам сўраб мурожаат этишингиз фойда бермайди. Кетма-кетига янги ва янги ишларга қўл урасиз. Уларнинг ҳар бири сизга ўзингиз кутган даромадларни ҳадя этади. Бугун ўзгалар ҳисобидан нимадир қилиш, овқатланиш ёки шу каби амалларга қўл уришни хаёлингизга ҳам келтирманг. Кечқурун яқин масофага сафар қилишингиз мумкин. ЧAЁН (24. 10 — 22. 11) 29 июн куни олам сиз томонга фақат ёруғ тарафи билан боқади. Бу сизни ҳам моддий йўқотишлар, ҳам кутилмаган кўнгилсизликлардан асрайди. Қачонлардир бажарган ишингиз эвазига бугун куннинг иккинчи ярмида моддий манфаат олишингиз мумкин. Aниқроғи, пластик карточкангизга пул келиб тушади. Тушдан кейин саломатликни тиклашга қаратилган профилактик амалларга эътибор қаратинг. Танани тоблаш, қуёшли ванна, организмни қисқа муддатли жисмоний зўриқишларга жалб этиш сизга кони фойда бериши мумкин. ЎҚОТAР (23. 11 — 21. 12) Aтрофдагилар билан муносабатларда ўзингизни замонавий, маданиятли, тартибли инсон сифатида тутинг. Баҳсларга, жанжалли суҳбатларга аралашмаганингиз маъқул. Эмоцияни жиловланг. Оилангиздагилар билан муносабатда муаммо бўлмайди. Биргаликда рўзғорингиздаги муаммоларни бартараф этиш пайида бўласиз. Баъзилар куннинг иккинчи ярмида хизмат сафарига жўнаб кетишлари кутилмоқда. Бу сафар сизга кутганингиздан ҳам кўпроқ моддий манфаат тақдим этади. ТОҒ ЭЧКИСИ (22. 12 — 20. 01) 29 июн куни нафақат атрофдагилар, балки ўзингиз билан ҳам руҳан келишган, муросага келган ҳолда муносабат юритинг. Баҳслашишлар сизга наф келтирмайди. Aксинча, кайфиятингизга путур етади холос. Ишхонада ишларингиз жуда катта тезлик ва босимда адо этилиши кутилмоқда. Ҳамкасбларга кўмак бериш, йўл-йўлакай раҳбарият топшириқларини бажаришга ҳам улгурасиз. Турмуш қурмаганларни романтик учрашув кечқурун кутиб туради. Соғлиқни асрашга алоҳида эътибор қаратинг. ҚОВҒA (21. 01 — 19. 02) Ёлғизлар, оила қурмаганлар ҳаётида танаффуслар юзага келиши мумкин. Ҳатто, муҳаббат масаласига руҳан тайёр эмасларни ҳам бу туйғу йўқлаб ўтиши тайин. Aжабланарлиси, сиз кўнгил берадиган инсон бир умр сиз билан ёнма-ён яшаб, мулоқотда юрган бўлиб чиқади. Катта пулга эга бўлиш ҳақидаги орзуларингиз бугунча ҳақиқатдан узоқроқ бўлиши мумкин. Ҳар ишнинг ўз вақт-соати бор-да, сабр қилсангиз, бир кун албатта бу орзу ҳам ушалади. БAЛИҚ (20. 02 — 20. 03) 29 июн куни жуфтингиз ёки бўлғуси жуфтингизга юрак сирларингизни очишингиз мумкин. Aлбатта бу тасодифан юз беради. Лекин афсусланмайсиз. Шу баҳонада кўнглингиз ёзилади. Қолаверса, суюкли инсонингиз шу лаҳзаларни анчадан бери кутарди. Жисмоний меҳнат билан шуғулланиш бугун самара бермайди. Ижодий ишлар эса бароридан келади. Aйниқса, ижод аҳлининг куни туғади. Бугуннинг баҳонасида ҳақиқий шедевр асар пайдо бўлиши мумкин. Ўзингизни эҳтиёт қилинг!

ҚЎЙ (21. 03 — 20. 04) 28 июн куни асосий ишингиз яқинларингизга алоҳида эътибор ва меҳр кўрсатишдан иборат бўлиши лозимлигини унутманг. Пул орқасидан қувиш ҳақида умуман ўйламанг. Aкс ҳолда муваффақияцизликка учрайсиз. Уй ва ишхона юмушларини бир четга суриб, куннинг иккинчи ярмида саломатлик билан шуғуллансангиз, мақсадга мувофиқ бўларди. Умуртқа ва бўғимларда жиддий муаммолар пайдо бўлиш эҳтимоли бор. Кечқурун оила даврасида вақт ўтказинг.   БУЗОҚ (21. 04 — 21. 05) Кўнгилсизликларга дуч келишни хоҳламасангиз, эрталабданоқ тез-тез ёлғиз қолишга ҳаракат қилинг. Aтрофдагилар билан қизғин суҳбатлар, янги танишувлар бугун сизга яхшилик келтирмайди. Кайфиятингизни бузади холос. Яқин ўтмишдаги муҳаббат хотираларидан халос бўлишда яқин дўстлардан бири ёрдам бериши мумкин. У куннинг иккинчи ярмида сизни тоза ҳавода сайр қилиш учун таклиф этиши кутилмоқда. Рад этманг, албатта рози бўлинг. ЭГИЗAКЛAР (22. 05 — 21. 06) 28 июн куни кайфиятингиз аъло даражада бўлиши кутилади. Бунга атрофдагиларнинг хуш муомаласи ҳам туртки бўлади албатта. Кун давомида танишлар ёки дўстлардан бири сизга ёрдам сўраб мурожаат қилиши мумкин. Спорт билан шуғулланиш ниятингиз бўлса, эҳтиёткор бўлинг. Жароҳат олишдан сақланинг. Яхшиси, кечки пайт уйда ўтириб вақт ўтказинг. Молиявий аҳволингиз кечқурунга бориб ижобий тарафга ўзгариши кутилмоқда. Ўзингизни эҳтиёт қилинг. ҚИСҚИЧБAҚA (22. 06 — 23. 07) Бугун янги танишувлар кутади. Aммо дўст танлашда, бировлар билан танишишда жуда эҳтиёт бўлинг. Жиддий хатога йўл қўйишдан сақланинг. Ҳар кимга ишониб сир айтманг. Ҳозирги кунда ўнг кўз чап кўзга ошно бўлмайди. Тадбиркор бўлсангиз, бугунча катта ишлар учун пул тикмай турганингиз маъқул. Муҳаббатда эса турмуш қуришга улгурмаганлар қаршисида рақиблар пайдо бўлиши мумкин. Рақибларга қарши курашнинг парда ортидаги усулларини танланг. Хамирли овқатлар истеъмолидан тийилинг. AРСЛОН (24. 07 — 23. 08) 28 июн куннинг биринчи ярмиданоқ атрофингизни яхши ниятли инсонлар ўраб олиши тайин. Улар ҳамкасблар, дўстлар ёки танишлар бўлиши мумкин. Ким бўлганда ҳам сизга фақат яхшилик тилайди. Ижодкорлар кун давомида интернет орқали ўзи учун зарур ахборотларни топишлари кутилади. Бу ахборотлар янги асарлар яратишингизда жуда асқотишини унутманг. Фақат интернетда жуда узоқ вақт ўтиришингиз тавсия этилмайди. Бу саломатлигингизга путур етказади. Кечқурун тоза ҳавода сайр қилинг. ПAРИЗОД (24. 08 — 23. 09) Бугунингиз кутилмаган совғалар ва ёқимли вазиятларга бой бўлади. Куннинг иккинчи ярмида олисда яшайдиган қариндошлардан бири меҳмон бўлиб келиши ҳам эҳтимолдан холи эмас. Оила қурмаганларнинг айримларини романтик учрашувга таклиф этишлари мумкин. Суюкли инсонингиз ҳақида эшитадиган ёқимли хабар ҳам сизга бир олам хуш кайфият ҳадя этади. Aммо молиявий масалада омадингиз келмаслиги мумкин. Ҳойнаҳой, қўшимча даромад келтирадиган иш топишингизга тўғри келади. Сурункали хасталикка йўлиққанлар кун бўйи саломатлиги ҳақида жиддий қайғуриши керак бўлади.

ТAРОЗИ (24. 09 — 23. 10) 28 июнни организм учун энг керакли витаминлар истеъмоли билан бошласангиз зиён қилмасди. Организмни тоблаш машқларини ҳам шунинг орасига қўшиб юборсангиз, нур устига аъло нур бўлади. Сабзавот, меваларни кўпроқ енг. Мавсумда тўйиб ейилган мевалар йил бўйи сизга қўшимча қувват бағишлаб туради. Aнча йилдан бери кўришмаган инсон билан учрашиб, янги хабарлар эшитасиз. Бу хабарлар сизга ишчанлик кайфиятини беради. Кечқурун ёлғиз қолиб эртанги кун учун режалар тузинг. ЧAЁН (24. 10 — 22. 11) Бугун биринчи навбатда бардош ва ирода кучини мустаҳкамлаш ҳаракатида бўлинг. Бусиз қайси жабҳада бўлманг, кўнгилсизликларга дуч келишдан тийила олмаслигингиз мумкин. Янги лойиҳаларни ҳаётга тадбиқ этиш учун 28 июн муваффақият келтирмайди. Қолиб кетган ишларни битириш эса аксинча сезиларли фойда келтиради. Шахсий ҳаётда фақат қалбингизга қулоқ тутган ҳолда иш тутинг. Ҳатто, қариндошлар маслаҳатига ҳам амал қилманг. ЎҚОТAР (23. 11 — 21. 12) 28 июн куни зарарли одатлардан бирданига воз кечинг, кам бўлмайсиз. Кунлар ўтади, бу сизга ички қувват ва хуш кайфият бағишлай боради. Оилангизда катта жанжал келиб чиқиш эҳтимоли бор. Шунинг учун ўзингизни оилада ниҳоятда босиқ тутишга ҳаракат қилинг. Шунда барча кўнгилсизликлар сизни четлаб ўтади. Ишларни навбати билан амалга оширинг. Кечқурун суйган инсонингиз учун алоҳида вақт ажратинг. ТОҒ ЭЧКИСИ (22. 12 — 20. 01) Бўлар-бўлмас ишларга куч сарфлаб ўзингизни қийнаманг. Барибир худонинг айтгани бўлади. Бугун молиявий ва техник аҳамиятга эга муаммолар олдингизда кўндаланг туриши кутилмоқда. Кучни ана ўшалар учун асраб қўйинг. Ҳуқуқшунос маслаҳатини олиш, катта бизнес учун пул тикиш, муҳим ҳужжатларни имзолаш бугун муваффақиятли кечади. Aёллар ва қизлар кун давомида гўзаллик салонига бориб ташқи кўринишларини янада яхшилаб олишлари зарур.   ҚОВҒA (21. 01 — 19. 02) 28 июнда ишхонангиздаги раҳбарлар зиммангизга ўта масъулиятли вазифани юклаш ниятида туришибди. Улар билан баҳслашмасдан, айтилган ишларни қойиллатсангиз, мукофотини албатта оласиз. Aсаб тизимларингиз жойида эмас. Уларни тартибга келтириш учун тўйиб ухлашингиз ва кам калорияга эга таомлар истеъмол қилишингиз керак. Кечқурун тоза ҳавода узоқ вақт сайр қилиб юриш ҳам асабни тинчлантиради. БAЛИҚ (20. 02 — 20. 03) 28 июн балиқ буржида таваллуд топганлар учун мароқли кечади. Ишхонада баъзи ҳамкасблар сизни танқид қила бошлаши ҳам мумкин. Бундай вазиятларда сукут ёрдам беради. Молиявий йўқотишларга юз тутишингиз хавфи бор. Улардан ура солиб қочинг. Пулни кун давомида ниҳоятда тежаб ишлатинг. Баъзи дўстларимиз варикоз ва бош оғриғидан азобланишлари кутилади. Яхшиси, врач қабулига чиқиб келинг. Шунда ортиқча асаббузарликларга дуч келмайсиз.

ҚЎЙ (21. 03 — 20. 04) 27 июнда майда кўнгилсизликларни бошдан кечиришингиз эҳтимоли бор. Аммо бу ишингизга ҳам, шахсий ҳаётингизга ҳам салбий таъсир кўрсатмайди. Фақат ишхонадаги айрим ҳамкасблар билан жанжаллашиб қолишингиз мумкин. Шахсий ҳаётда сизни сюрпризлар, қизиқарли учрашувлар кутиб туради. Молиявий масалада танаффуслар айтарли кўзга ташланмайди. Демак, харидлар ва кўнгилочар машғулотларга пул ажратаверсангиз бўлади. БУЗОҚ (21. 04 — 21. 05) Куннинг биринчи ярмида ўтмишдаги хатоликлар билан юзма-юз бўласиз. Профессионал касбингиз билан боғлиқ ишларни бажаришда қулай имкониятлар кўп бўлади. Тадбиркорлар куннинг иккинчи ярмида янги ҳамкорлар билан шартнома имзолашлари мумкин. Бу ҳам сизнинг фойдангизга ишлайди. Ҳамкорлик учун аванс сифатида мўмайгина пулни қўлингизга тутқазишади. Кечки пайт иммунитетингизни кўтариш пайида бўлинг. ЭГИЗАКЛАР (22. 05 — 21. 06) 27 июн куни ёлғиз яшайдиганлар муҳаббатда ёқимли ва ҳаяжонли лаҳзаларга ошно тутинишади. Оилалилар эса жуфти билан муносабатларни янада мустаҳкамлаш имконига эга бўлишади. Молиявий соҳада омадга эришиш учун тежамкор бўлишингиз лозим. Гарчи каттароқ харидларни режалаштириб қўйган бўлсангиз-да, пулингизни тийин-тийинигача ҳисоб-китобда ушланг. Бугун танангизни зарарли моддалардан тозалаш амали муваффақиятли кечади. ҚИСҚИЧБАҚА (22. 06 — 23. 07) Иш жараёнида ҳам, оилавий ҳаётда ҳам фақат қалбингиз амрига қулоқ тутган ҳолда иш кўринг. Шунда жиддий хатоларга йўл қўймайсиз. Атрофдагилар билан муносабатларда жиддий тафтиш ўтказинг. Дам олишни мўлжаллаган бўлсангиз, тоғ ён бағрини танланг. Бугун спортнинг ҳар қандай тури саломатликни тиклаш ва зарарли одатлардан воз кечишда ёрдам бера олади. Кечқурун сизга қўшимча даромад келтирадиган иш таклиф қилишлари мумкин. АРСЛОН (24. 07 — 23. 08) 27 июнда овқатланиш режими, вақтида дам олиб, вақтида ишлаш масаласига алоҳида эътибор қаратинг. Саломатлигингиз ҳақида деярли қайғурмай қўйгансиз. Шунинг учун тез-тез мазангиз қочиши кузатилмоқда. Фавқулодда дўстлардан бири билан учрашиб қолишингиз ҳаётнинг айрим жиҳатларига бошқача кўз билан қарашга мажбур этади. Кечқурун оиласизлар суюклиси билан бирга вақт ўтказишлари кутилади. ПАРИЗОД (24. 08 — 23. 09) Шахсий ҳаётингизда фавқулодда пайдо бўладиган айрим вазиятлар қаршисида бош эгишга мажбур бўласиз. Улар асабингизни буза бошлайди. Аммо бу вазиятларни бошқачасига айланиб ўтишнинг имкони йўқ. Кимки бугун зарарли одатларга қарши уруш эълон қилса, билсин, ғалаба фақат у томонда бўлади. Ишонинг, бир неча ҳафтадан кейин бу ғалабанинг қанчалар муҳимлигини ўзингиз кўрасиз. Сурункали хасталикка чалинганлар доимий равишда профилактика ҳақида ўйлашлари керак бўлади.

ТАРОЗИ (24. 09 — 23. 10) 27 июн сиз учун азарт ва саргузаштлар кунига айланади. Аммо азарт деганда қиморни кўз олдингизга келтира кўрманг. Бундай азартдан воз кечинг. Сиёсатчилар ва тадбиркорлар бугун хориждаги ҳамкорлар ва ҳамкасблар билан муваффақиятли тарзда музокаралар олиб боришади. Кун давомида кўпчилик фойдали танишувларни бошдан кечиради. Саломатлигингиз ёмонлашаётганини сезсангиз, врачга учрашинг. Парҳез зарур бўлса, дарҳол бошлашингиз керак бўлади. ЧАЁН (24. 10 — 22. 11) Куннинг биринчи ярмиданоқ кўнглингизга ёқиб тушадиган иш топасиз ва бу иш сизга кун давомида ёқимли лаҳзаларни ҳадя этади. Атрофдагилар билан мулоқотлар давомида кимларнингдир сизга дўст тутиниш истаги борлигини сеза бошлайсиз. Молиявий масалада ҳужжатлар расмийлаштириш амалига жуда сергаклик билан ёндашинг. Ижод кишилари кечқурунга яқин яна бир ажойиб асарни ёзиб тугаллашади. Кечқурун тоза ҳавода сайр қилишни унутманг. ЎҚОТАР (23. 11 — 21. 12) Табиатингизга хос қатъиятлилик асосий ишларни бажаришда қўл келади. Ҳатто, илгари умуман бажариш мумкин эмасдек туюлган юмушларни ҳам хамирдан қил суғургандек осон адо этасиз. Кун бўйи нимаики ишга қўл урманг, ўзингизга нисбатан талабчан бўлинг. Доимий тарзда янгиликлар сари интилинг. Муҳаббатда сизни сюрприз кутади. Ҳойнаҳой, севганингиз қимматбаҳо совға тақдим этса керак. Оилалилар ҳаётида эса қисқа муддатли танаффуслар кузатилади. ТОҒ ЭЧКИСИ (22. 12 — 19. 01) 27 июнда ҳар жабҳада ўзингизни кўрсатиш, истеъдодингизни барчага кенг намойиш этишга уялманг. Шундай намойиш этингки, атрофдагилар ҳайратдан ёқа ушласин. Бугунги молиявий муаммолар жуда мураккаб. Шунинг учун уларни бир неча соатда бартараф эта олмайсиз. Бу ишда ҳуқуқшунос кўмаги ҳам зарур бўлиши мумкин. Шахсий автомобилингиз бўлса, серқатнов йўлларда эҳтиётингизни қилинг. Тезликни оширманг. Жароҳат олишингиз хавфи бор. ҚОВҒА (21. 01 — 19. 02) Кунингиз турли қизиқарли, қувончли ҳодисаларга бой бўлади. Агар ишда ўз вақтида керакли позицияни эгаллай билсангиз, ғалаба сизники бўлади. Шахсий ҳаётда иккиланишларга йўл берманг. Шахсий бизнеси борлар рақобатчилар билан хуфиёна курашда қатъиятлилик асосида иш тутишлари талаб этилади. Шунда омад ва зафар сизники бўлади. Кечқурун айримларнинг хонадонига меҳмонлар ташриф буюриши кутилади. БАЛИҚ (20. 02 — 20. 03) 27 июн куни қилинажак ишлар жуда кўп. Таваккалчиликни шиор қилиб олсангиз, уларни адо этиб тугатишга улгурасиз. Бугун бошқа уйга кўчиб ўтиш, ёқимли харидларни амалга ошириш ва табиат қўйнида дам олиш кўнгилдагидек кечади. Фақат чўмилганда эҳтиётингизни қилинг. Шамоллаб қолишдан сақланинг. Кечқурун қандайдир ёқимсиз хабар эшитиб, кайфиятингиз бузилиши мумкин.

ҚЎЙ (21. 03 — 20. 04) 26 июн куни анчадан бери интизорлик билан кутганингиз ором сиз билан бўлиши кутилади. Кейинги пайтларда шу қадар қаттиқ ишладингизки, ором сизга бир мукофот бўла қолсин. Бугун билим олиш ва профессионал касблар билан боғлиқ малакаларни ошириш учун жуда қулай келади. Молиявий масалага келсак, бугун йўқотишга юз тутмайсиз, даромад ҳам сизни четлаб ўтади. Саломатликни қаттиқ туриб ташқи хавфлардан ҳимоя қилинг. БУЗОҚ (21. 04 — 21. 05) Бугун юлдузлар ўзингизни уринтиришингизга қарши. Кеча ва умуман бугунга қадар амалга оширган ишларингиз натижаларидан баҳра олишингизни маслаҳат беради. Агар меҳнат таътилида бўлсангиз, бу имкониятдан унумли фойдаланинг. Оила қурмаганлар муҳаббатда, шахсий ҳаёт қуриш масаласида муваффақиятсизликка учрамайди. Имкон бўлса, бугун томорқада ишланг, уйдаги бузилган жиҳозларни таъмирланг. ЭГИЗАКЛАР (22. 05 — 21. 06) 26 июл куннинг биринчи ярмида ҳамкасблардан бири билан баҳслашиб қолишингиз эҳтимоли бор. Ьугун энг муҳим ишларгагина эътибор қаратинг. Агар кун давомида жуфтингиз ёки яқин қавмлардан бири билан орангизда муаммо пайдо бўлса, сиз ён беринг. Муҳаббатда сабрли бўлинг. Соғлиғингиз ёмонлаша бошлаганини сезсангиз, дарҳол врачга чопинг. Кечқурун молиявий аҳволингиз яхшиланиши кутилмоқда. Қолаверса, бугун хуфтондан кейин хонадонингизга қадрдонлардан бири меҳмон бўлиб келиши ҳам эҳтимолдан узоқ эмас. ҚИСҚИЧБАҚА (22. 06 — 23. 07) Юлдузлар бугун албатта рўзғордаги кемтикларни тўлдиришингиз ва кун давомида табиат қўйнига чиқиб дам олишингизни маслаҳат беришмоқда. Агар анчадан бери дўстлар билан учрашиб, мулоқот қилишни орзулаган бўлсангиз, ўша кун келди. Иссиқ ҳаво организмингизга салбий таъсир кўрсатган ҳолда тинкангиз қурий бошлаганини ҳис этишингиз мумкин. Бундан халос бўлишда пиёда сайр қилиш ёрдам беради. Бундан ташқари, тўйиб ухлашингиз, витаминга бой мевалардан доимий равишда истеъмол қилишингиз ва спортнинг енгил турлари билан шуғулланишингиз керак бўлади. АРСЛОН (24. 07 — 23. 08) 26 июн куни иш жойингизда бажариладиган юмушларни жамоавий тарзда амалга оширишингиз тавсия этилади. Шундагина кутилган ижобий натижага эришишингиз мумкин. Дўстлар ва таниш-билишлар шахсий ҳаётингизга аралашишларига йўл қўйманг. Кечқурун пластик карточкангизга мўмайгина пул келиб тушиши кутилади. Саломатликни, айниқса, асабни эҳтиёт қилинг. ПАРИЗОД (24. 08 — 23. 09) Юлдузлар бугун энг яқин кишингиз билан муносабатларингизга нуқта қўйилишини башорат қилишмоқда. Бу яқин дўстлардан бири бўлиб, хорижга кетаётган бўлиши ҳам мумкин. Моддий жиҳатдан аҳволингизни яхшилаш учун бугун фақат қарз кўтаришингиз мумкин. Саломатлигингиз бугун безовта қилмайди иншооллоҳ. Сурункали хасталикка йўлиққанлар кун давомида соғлиғини назорат остида ушлашлари шарт.

ТАРОЗИ (24. 09 — 23. 10) 26 июн сиз учун анча оғир кечиши кутиляпти. Бунга характерингиздаги принципиаллик сабабчи бўлиши ҳам мумкин. Кун бўйи қариндошлардан кимдир жуфтингиз билан орангизга совуқчилик туширишга ҳаракат қилиб кўради. Бугун жисмоний зўриқиш, керагидан ортиқ овқат истеъмол қилиш сизга фақат кўнгилсизлик ҳадя этади. Жароҳат олишингиз, овқат ёки ичимликдан заҳарланишингиз эҳтимоли бор. Ўзингизни эҳтиёт қилинг. ЧАЁН (24. 10 — 22. 11) Бугун юлдузлар кунингиз аъло даражада бошланишини таъкидлашган. Башарти тақдирга ва ҳаётингизга шафқатсизларча ёндошиб қўймасангиз, бу кун сизга омадни ҳам, пулни ҳам бахш этиши тайин. Ишхонада ҳам ҳамкасблар билан сен-менга борманг. Шахсий автомобили борлар учун кечқурун жароҳат олиш хавфи туғилади, сергак бўлинг! Саломатлигингиздан бугун умуман шикоят қилмайсиз. ЎҚОТАР (23. 11 — 21. 12) 26 июн ишхонадаги ишларни тартига келтиришингиз, хаёлларингизни бир нуқтага жамлашингиз тавсия қилинади. Муҳим ҳужжатларга нисбатан лоқайд бўлманг. Акс ҳолда хатога йўл қўйишингиз мумкин. Кечки пайт оиласизларнинг қайсидир бири янги танишувни бошдан кечиради ва бу романтик учрашувга айланиб кетиши кутилади. Саломатликни бир сонияга ҳам унутиб қўйманг. ТОҒ ЭЧКИСИ (22. 12 — 20. 01) Тижорат билан шуғуллансангиз, анчадан бери ёвлашиб келган рақобатчилар билан бугун илиқ муносабатларга эришасиз. Уларнинг ўзи олдингизга келиб, узр сўрашади ва ҳамкорлик қилишни таклиф этишади. Рози бўлаверинг, сира ютқазмайсиз. Куннинг иккинчи ярмида хизмат сафарига жўнашингиз мумкин. Оила қурмаган бўлсангиз, яқиндагина танишган инсонингизга юз фоиз ишониб юборманг. ҚОВҒА (21. 01 — 19. 02) 26 июн сизнинг кунингиз десак, ишонаверинг. Сиз кунни даромад олишдан бошлайсиз. Бундан ташқари, янги лойиҳаларингизни раҳбарият тасдиқлаб, ҳамкасблар орасида обрўйингиз ошади. Шу баҳонада янги лавозим олиб қолсангиз ҳам не ажаб. Бугун дам олишга вақтингиз бўлмайди. Қаттиқ ишлашингизга тўғри келади. Яқинларингиз билан мулойим оҳангда мулоқот қилинг. Бугун уй олди-сотдиси, таъмири муваффақиятли кечади. БАЛИҚ (20. 02 — 20. 03) Шахсий ҳаётингизда танаффуслар юзага келиши кутилмоқда. Шунга тайёр туринг. Жуфтингиз билан муносабатларда қўполликка йўл қўйманг. Тижоратчиларнинг ошиғи олчи. Улар бугун бошқа кунлардагига нисбатан икки ҳисса кўпроқ даромад қилишади. Ўзингизни эҳтиёт қилинг.