Mutolaa sehri

​Ahadquli Xolmuhammad O‘g‘li: "Savdogarlar Ustozi" asari Mehribon va rahmli Alloh nomi bilan boshlayman.Bizni yo‘qdan bor qilgan,vujudimizga ruh kiritgan Robbimizga O‘zining buyukligi qadar hamd va suyuklilarning suyuklisi,musulmonlar shafoatchisi-rasulimiz Muhammad Mustafo sollallohu alayhi vasallamga mukammal salovatlar bo‘lsin. Dunyoda insonlar bo'lganki,bugun ular haqidagi rivoyatlar,hikoyalar ertakdek tuyuladi.Bugungi kunlarda ulardek buyuklar qayta tug‘ulmaydi, deb ishoniladi, ishontiraladi -deydi asar muallifi. Darhaqiqat aytishim joizki huddi shunday. O'sha buyuk, tarixda nominiyu, izini to qiyomatga qadar insonlar qalbiga o‘yib yozib ketgan bobomiz ABDULLOH IBN MUBORAK Rahmatullohi alayh. "Savdogarlar Ustozi" asarida ham aynan ularning hayot yo'llari, mashaqqatlari yoritib berilgan. Dunyo hayotining ziynati bo'lmish boylik, mol-dunyodan parxez qilishdan ham ulug‘roq zohidlik bormi? Dinimiz musulmon kishining moli nisobga yetsa, zakotini ado etgandan so'ng sadaqa qilishga undaydi.Ibn Muborak ham mollarini muhtojlarga infoq-ehson qilar edi.Hususan ,fozil kishilar, tolibi ilmlar va ulamo birodarlariga biror bahona bilan molini shunchaki berib yuborardi. O'ng qo'li qilgan sadaqani chap qo'li bilmas ,taqvodorligini va parxezkorligini pinhona qiladigan zohid edi. Otasining "savdogarlikni obro‘yingni saqlash,sahiylik qilib ilm ahliga yordam berishing va faqirlar mushkulini oson qilishing uchun kasb qil" degan birgina nasihati sabab dunyoning boyiga aylanib,ilm ahlining haqiqiy homiysi bo'lib yetishgan bobomizning faoliyati qiyomatgacha savdogarlarga qo'llanma bo‘lib xizmat qiladi. Abdulloh ibn Muborak juda qo'li ochiq va sahiy inson edilar.Ulardan yordam so‘rab kelganlarni hech qachon norozi qilib jo‘natmaganlar. Buyuk bobomiz bizga har sohada o‘rnaklar desam mubolag'a bo'lmaydi. Ilmda, taqvoda, tijoratga.. va yana ko'plab sohalarda.Ularning hayotida bizga ibrat bor. Ibn Muborakni bejizga ham "Savdogarlar Ustozi" deb atashmagan. U zot bu nomdan ham ko‘prog‘iga loyiq edilar. Taqvoda yagona edilar.. Odobda tengi yo‘q edilar... Asarda ilgari surilgan g'oya "Kimning maqsadi bo'lmasa,maqsadi borlarga xizmat qiladi ". Ibn Muborakning maqsadi bor edi Alloh roziligini topish. Ibn Muborak abadiy tolibi ilm edi. Odamlar Abdulloh ibn Muborakdan qachongacha o‘qishi mumkinligini so'rashganda ul zot shunday javob  qilgan ekanlar - abadiy o'qiyman."Tolibi ilmga hatto suvdagi baliqlar ham istig‘for aytarkan.Suvdagi jonzotlarki ilm oladigan odamning gunohi kechirilishini Allohdan so‘rab tursa,men nima uchun o‘qishni, o‘rganishni to‘xtatishim kerak!?" Inson zoti o‘qiganini sari yuksala boradi.Shuni yodimizdan chiqarmasligimiz kerak.Buyuk bobomiz Ibn Muborakka o'xshashga harakat qilmog‘imiz darkor. Menga bu asar juda ham yoqdi. Shubhasiz barcha insonlarga o‘qishi lozim bo'lgan kitoblar orasiga kiritishi kerak ekanligini tavsiya qilgan bo'lardim. Agar orzu qilsam Abdulloh ibn Muborakning aqli va taqvosini orzu qilardim. "Darhaqiqat, ularning qissalarida aqli rasolar uchun ibrat bordir"" (Yusuf surasi 111-oyat) © Abdullaxo‘jayeva Robiya @mutolaa_sehri

3-iyun Franz Kafka(1883-1924 tavallud topgan kun. (#bugun #kuntarixi) Franz Kafka — XX asrning nemis tilida ijod qiluvchi asosiy yozuvchilaridan biri, uning ishlarining koʻp qismi oʻlimidan keyin chop etilgan. Ijodini 1909-yilda hikoyalar yozishdan boshlagan. 📖 Asarlari: 👀«Bir kurash tarixi» (1902-1903, birinchi asari), 👀«Qurilish» (1923, oxirgi asari), 👀«Amerika» (1911-1916, birinchi romani), 👀«Jarayon» (1915-1918, ikkinchi romani), 👀«Qo‘rg‘on» (1921-1922, oxirgi romani), 👀«Evrilish», 👀«Hukm», 👀«Jazo koloniyasida», 👀«Ochlik ustasi», 👀«Otamga xat» va boshqalar. ❓ Siz yozuvchining qaysi asarlarini o'qigansiz? 💬📹📹@mutolaa_sehri

​"Jannat vasfi" haqida Biz bu dunyoni yaxshi koʻramiz, chunki u dunyoni(yaʼni jannatni) mana shu dunyoda topamiz". (Hazrati Ali roziyallohu anhu) "Jannat vasfi" risolasi Imom Qurtubiy rohimahullohning "At-tazkiratu fiy ahvalil mavta va umuril axiro" (Jon berish holatlari va oxirat ishlaridan eslatma) kitobidan bir bobdir. Kitobda jannat tasviri, undagi Alloh taoloning behisob neʼmatlari, jannat haqidagi oyatlarning batafsil tafsirlari, sahih-hasan hadislar, sahobai kiromlar va boshqa ulugʻlarning vasflarini bayon qilingan. Risoladan jannat ahlining bu dunyodagi sifatlari qanday, jannatlarning bir-biridan afzalligi bormi, uning neʼmatlari qanday, jannat ahliga nimalar tayyorlab qoʻyilgan, jannatiylar nima kiyadilar, nima tanovvul qiladilar, necha yoshda boʻladilar, jannatga ilk kiruvchilar kimlar, uning darajalari qanaqa, jannatga ekin, daraxt ekish qanday boʻladi kabi goʻzal savollarga qalbni hayajonga solib yuboruvchi javoblarni olasiz, inshaa Alloh! Jannat vasfini oʻqir ekanman, qalbimda ajoyib hislar, unga nisbatan sogʻinch paydo boʻldi. Umidim kuchaydi. Shavqim toshdi. Ammo bir narsani unutmaslik kerak. Alloh taolo insonni yer yuziga inson sifatida yuborgan ekan, oʻz vazifasini uddalaganlar uchungina jannat hozirlab qoʻyilgan. Jannatni har qancha sogʻinmaylik, shuning oʻzi u yerga kirish uchun kifoya qilmaydi. Uning mahri bu dunyodir. Uning qiymati shu dunyoda toʻlanadi. Ibn Vahb Ibn Zayddan rivoyat qiladi: "Alloh taolo jannat ahlini bu dunyoda qoʻrquvchi, mahzun, koʻp yigʻlaydigan, mushfiq, shuning oqibatida oxiratda neʼmatlangan va shod boʻladilar", deb vasf etgan. Kitob Alloh taoloning jannatiga oshiq har bir moʻmin va moʻminalar uchun qimmatli manba boʻlishiga ishonaman. Alloh bizni adl jannatlariga loyiq qilsin, amiyn! © Ummatning qizi | @mutolaa_sehri

📖 Eng sara aforizmlar jamlangan kitob Kitobdan:(#100kitob)

✓ Baxtdan keyin baxtsizlik, baxtsizlik ketidan baxt keladi. Doim faqat baxtsizlik bo‘lmaydi, doim faqat baxt ham bo‘lmaydi. (Hind hikmati) ✓ Jinoyat foyda keltirishi uchun advokat bo‘lib ishlash zarur.(Uill Rojers) ✓ Yoshlarga quyidagi maslahatni bersa bo‘ladi: «Bajarish o‘zingga yoqadigan kandaydir bir ishni izlab top, shundan keyin unga haq to‘laydigan kishini ham top».(Ketrin Uaytxorn)

💬📹📹@komiljon_aslonov

Nega odamlardan qochib yurasiz, Suhbat ham qilmaysiz u yoq-bu yoqdan. Deydi, barmog‘ini qilgancha bigiz: – U yoqdan topshiriq ko‘p-da, u yoqdan. Hovli-joy quribsiz, yaxshi-ku, biroq Mo‘l-mo‘l ishlatibsiz qo‘ng‘ir bo‘yoqdan. Barmog‘in tepaga qadaydi shu choq: – U yoqdan topshiriq tushdi, u yoqdan. Bir kun so‘radilar: qararmi kelin, Mabodo xastalik chalsa oyoqdan? Sho‘rlik javob qildi shivirlab sekin: – Albatta topshiriq kelsa u yoqdan. Oxir tiriklikdan bo‘ldi u judo, Sabab boshdanmidi yoki tuyoqdan. Har holda, yotardi deganday go‘yo: – U yoqdan topshiriq bo‘ldi, u yoqdan. © Abdulla Oripov 💬📹📹@mutolaa_sehri

Tomas Pikett: “Capitalism and Ideology” haqida Tarixdagi har bir jamiyatda iqtisodiy va siyosiy notenglik har doim ma’lum bir idealogiya orqali normallashtirilgan. 20 asrgacha faqat bir ideologiya dominant bo’lgan: shaxsiy mulk daxlsizligining ilohiylashtirilishi. Bugungi kundagi davlat sistemasi va qonunchilik faqat bir maqsad uchun hizmat qiladi; shaxsiy mulkni umumiy mulkdan ajratish va asrash. Demak shaxsiy mulk bor joyda notenglik oddiy holat. 1917 yilda bu ideologiyaga qarshi yangi ideologiya paydo bo’ldi; shaxsiy mulk umumiy mulk manfaati uchun fido qilinishi kerak. Mulkning umumiylashuvi ayniqsa Stalin davrida daxshatli natijalarga olib keldi. Lekin bu bilan notenglik yo’qolmadi, balki u monetar ko’rinishdan siyosiy imtiyozlar ko’rinishiga o’tdi. Ya’ni Soviet odami kambag’al emas edi, balki unda partiya a’zolaridek hech qanday iqtisodiy va siyosiy imtiyoz yo’q edi. Qiziq, bizning iqtisodiy tuzim endi qanday ideologiyaga qurilayotgan ekan? © Bekzod Zakirov | 📹💬 @mutolaa_sehri

https://www.instagram.com/reel/C8havSkoajb/ 📥 @allsaverbot

​Xalis Karabenli: "Zamonga yengilma" "O'zimning dardimga o'zim darmon bo'lishdan charchadim. O'tinaman, meni bu dardi bedavodan qutqar!" Shunaqa "chiroyli gaplar"ga "umumiy ma'no-mazmun" yo'l bergan asarlarga duch kelsam, hamma aybni tarjimon yelkasiga yuklayman. Ehtimol, asardan ko'zlangan maqsad tarjima jarayonida yo'q qilingandir degan xayolga boraman. Ehtimol, u avval-boshdan-asar yaratilganidayoq bo'lmagandir. Shunaqa asarlarni tarjima qilib, ovora bo'lib o'quvchiga yetkazishda nelarni ko'zlashgankin?! Xo'sh, asar nima haqida so'zlaydi? Ayriliq tufayli g'irt depressiyaga tushgan inson o'y-xayollarini... Ruhiy holatlar yaxshigina beriliiiib tasvirlangan-u, lekin ayriliq sabablari ochib berilmagan. Asarni butunlay yomon deyishdan yiroqman. Balki, asar uchun vaqtni noto'g'ri tanlagandirman. Balki, asar qahramoni bilan ruhiy holatimiz o'rtasida ancha farq bo'lgani uchun asar ichiga kirib bora olmagandirman. Balki ayni kunlarda "chalajon" hafsalamning asarni tushunishga qurbi yetmagandir. Ne bo'lganda ham, kitob men uchun sevimlilar qatoridan joy olmadi... Yoqimli mutolaa tilayman, qadrli kitobxon! 📖 Asardan iqtiboslar ▪️ Bilasanmi, inson bir marta tug'iladi, lekin ming marta o'lishi mumkin. ▪️ Hayot bu-kimlardir baxtli bo'lishi uchun xush ko'rmagan narsalarimizga toqat qilish san'atidir. ▪️ Bir insonning qalbi singan vaqti ko'nglining yana bir eshigi yopiladi. Ana shundan keyin tashqariga chiqishi yanada qiyinlashadi. ▪️ Men kuchsiz edim. Sen kuchsiz eding. Tinmay o'zimizga azob berardik. Ammo hech biri xato emasdi. Chunki men seni chindan sevardim. Balki ishqim benuqson bo'lmagandir, lekin adog'i yo'q edi... © "Library titan" | @mutolaa_sehri

"Hazillashish odobi" kitobida nimalar yozilgan? | @Komiljon_Aslonov

​​​#bismillah #taqriz "Qilayotgan ishingizga o’zingiz tog’ri baho bera olgan oningizdan boshlab bolaligingiz bilan vidolashasiz". "Alvido bolalik" | T. Malik Shu kungacha o'smirlar hayoti haqida o'qigan eng yaxshi kitobim – o'zbek shedevri - T. Malikning "Alvido bolalik"i bo'ldi. Asarda umrning ayni gulg'uncha – vujudda endigina qanotlar unayotgan, ruhiyada asliyat porlayotgan, yurakda inja tuyg'ular nur sochayotgan, ongda tafakkur shakllanayotgan gul davrning qaltis kechmish va kechinmalari yoritiladi. Dastlab bu asarni yozishdan oldin ijodkor, huddi shu davrida jiddiy muammolar bilan yuzlashgan bolakaylar bilan axloq tuzatish kaloniyalarida uchrashadi. Ularning fikrlari, ko'zlaridagi nafrati, qalbidagi g'azabi va qismatiga befarq nigohlari bilan to'qnashadi. Na bola, na katta odam sanaladigan bu nozik davrda atrofdagilar va muhit ta'siri juda muhim. Asosiy qahramonlardan biri Qamariddinning qismat satri bunga ochiq dalolat: "...odam jinoyatchi bŏlib tug’ilmaydi. Uni atrof - muhit jinoyatchi qilib tarbiyalaydi, mehribonlik Qamariddinning qonida bor, ammo u hayotdan zada bŏlib o’sgan. Ana sha zadalik uning ruhiyatiga hukmron. Uning baxti ham, baxtsizligi ham shu". Bu jumlalar bizga yana bir bor muhit juda muhimliligi eslatadi. Asar qahramonlari: • Asror – a'lo matematik, maktab faxri, oltin medal nomzodi, lek köngil kemtigi - oila e'tibori, namunali ota modulidan maxrum, jinoyatga sherikligi vijdoniga o’t solgan; • Qamariddin – nafrat qurboni, tuğiliboq achchiq sinovlar quchoğiga otilgan pahlavon; • Salim – yo'qchilikning zahri sabab egri yo'lning yo'lovchisi, adashuvlari marhumi; • Dilafruz – yetimlikning zalvorida evrilgan jussa, onasizlik azobidan bukilgan ruh; murğak qalbli, mehrga tashna, baxtli bo'lishga haqli baxtsiz qiyofalar! Yana kitobda jinoyat yöli bilan birga unga befarqlik ham qoralanadi: "Jamiyat uchun jinoyatchidan kŏra loqayd odam xavfliroq!" Rostdan jamiyat uchun e'tiqodsiz, befarq odam - eng xavfli odam. Agar bu illatni ŏzimizdan aritsak, atrofimizda istiqbolidan tashvishi yo'q - beg'am, rangsiz yohud baxtsizligi oldida ojiz, qalban va ruhan g’arib jinoyatchi kimsalar bo'lmasdi. Bir söz bilan asar – 🔝 top sujet! Albatta ŏqib kŏring, fikrlang, xulosa qiling! ✍ Mahbuba Ubaydullayeva 💬@mutolaa_sehri