CRPH Myanmar

(၆၂) နှစ်ပြည့် ဆဲဗင်းဂျူလိုင်နေ့ သဝဏ်လွှာ ၂၀၂၄ ခုနှစ်၊ ဇူလိုင်လ ၇ ရက် ၁။ ၁၉၆၂ ခုနှစ်၊ ဇူလိုင်လ (၇) ရက်နေ့တွင် အကြမ်းဖက်စစ်အာဏာရှင်များက ကျောင်းသားလူငယ်များအား လက်နက်အားကိုးဖြင့် ရက်စက်စွာ သတ်ဖြတ်ခဲ့သည့် ဝမ်းနည်းဖွယ်ဖြစ်ရပ်သည် မြန်မာနိုင်ငံ၏ ကျောင်းသားသမိုင်းတွင် မေ့ပျောက်၍မရနိုင်သော မှတ်တမ်းဝင် ပုံရိပ်ဆိုးတစ်ခုပင် ဖြစ်ပါသည်။ ၂။ ယနေ့တွင် ယင်းဖြစ်ရပ်ဆိုးသည် (၆၂) နှစ် ပြည့်မြောက်ခဲ့ပြီဖြစ်သော်လည်း ကျောင်းသားထုနှင့် ကျောင်းသားသမဂ္ဂတို့၏ ညီညွတ်မှု၊ စည်းလုံးမှု၊ ရဲစွမ်းသတ္တိပြည့်ဝမှု၊ ပူးပေါင်းပါဝင်မှုနှင့် တရားမျှတမှုအတွက် အသက်ခန္ဓာရင်းနှီးပေးဆပ်မှုတို့သည် လက်ရှိအချိန်အထိတိုင် အားလုံးသော ပြည်သူလူထု၏ ရင်ထဲတွင် ဂုဏ်ယူလေးစားစွာ ကျန်ရှိနေမည် ဖြစ်ပါသည်။ ရက်စက်ကြမ်းကြုတ်သော အကြမ်းဖက်စစ်အာဏာရှင်များက ကျောင်းသားသမဂ္ဂအဆောက်အအုံအား ဖြိုချခဲ့သော်လည်း ဆဲဗင်းဂျူလိုင်မှ ပေါက်ဖွားလာခဲ့သော ကျောင်းသားသမဂ္ဂစိတ်ဓာတ်ကို ဖြိုချ၍မရခဲ့ဘဲ ပိုမိုခိုင်မာလာခဲ့သည်မှာ ယနေ့နွေဦးတော်လှန်ရေးတွင် ပါဝင်နေသော ကျောင်းသားလူငယ်များက သက်သေပြလျက် ရှိနေပါသည်။ ၃။ ယနေ့ကျောင်းသားများသည် အနာဂတ်တွင် မြန်မာနိုင်ငံ၏ ခေါင်းဆောင်ကောင်းများအဖြစ် တိုင်းပြည်၏ တာဝန်များကို တစ်ထောင့်တစ်နေရာမှ ပါဝင်ဆောင်ရွက်သွားကြရမည့် အရေးပါသော ပုဂ္ဂိုလ်များဖြစ်ပါသည်။ ကျောင်းသားသမဂ္ဂများသည် မြန်မာ့နိုင်ငံရေးတွင် ခေါင်းဆောင်ခဲ့ကြသကဲ့သို့ နိုင်ငံရေးအချိုးအပြောင်းများတွင်လည်း ရှေ့တန်းမှ ရပ်တည်ခဲ့ကြသူများဖြစ်ပါသည်။ တက္ကသိုလ်ကျောင်းပရဝုဏ်သည် မြန်မာနိုင်ငံရှိ တော်လှန်ရေးလှုပ်ရှားမှုများ၏ အစပြုရာနေရာဟုလည်း ဆိုနိုင်ပါသည်။ ၄။ ကျောင်းသားလူငယ်များအနေဖြင့် တိုင်းရင်းသားလူမျိုးများ၏ စာပေနှင့် ယဉ်ကျေးမှု ဓလေ့ထုံးတမ်းများကို လေ့လာတန်ဖိုးထားခြင်း၊ ကျောင်းသားထုအခွင့်အရေးများအား ကာကွယ်ခြင်းနှင့် လိုအပ်ပါက ကျောင်းသားအရေးကိစ္စများသာမက တိုင်းပြည်အတွက် ပူးပေါင်းပါဝင်ဆောင်ရွက်သွားနိုင်ရေးဆိုသော ကျောင်းသားသမဂ္ဂစိတ်ဓာတ်ကို အစဉ်သဖြင့် ကိုင်စွဲထားရမည် ဖြစ်ပါသည်။ ရှေ့ဆက်လျှောက်လှမ်းရမည့် မြန်မာနိုင်ငံ၏ ဒီမိုကရေစီခရီးလမ်းတွင်လည်း တော်လှန်ရေးအင်အားစုများအားလုံးနှင့်အတူ လက်တွဲကာ ဘုံရန်သူဖြစ်သော အကြမ်းဖက် စစ်အာဏာရှင်များကို အပြီးသတ်ချေမှုန်းတိုက်ဖျက်ကြစေလိုကြောင်း လေးလေးနက်နက် တိုက်တွန်းလိုပါသည်။ ၅။ မိမိတို့ ပြည်ထောင်စုလွှတ်တော်ကိုယ်စားပြုကော်မတီအနေဖြင့်လည်း အနာဂတ် ဖက်ဒရယ်ဒီမိုကရေစီနိုင်ငံသစ်တွင် ကျောင်းသားလူငယ်များ၏ အခွင့်အရေးများ အပြည့်အဝရရှိစေရေးအတွက် အားလုံးသော တော်လှန်လူငယ်ထုနှင့်အတူ လက်တွဲညီစွာ ကြိုးပမ်းဆောင်ရွက်သွားမည်ဖြစ်ကြောင်း ကတိသစ္စာပြုအပ်ပါသည်။ ဒီမိုကရေစီအရေးတော်ပုံအဆက်ဆက်တွင် နိုင်ငံတော်အတွက် စွန့်လွှတ်ပေးဆပ်အနစ်နာခံခဲ့ကြရသော ကျောင်းသားလူငယ်များအား အစဉ်အမြဲ လေးစားတန်ဖိုးထားကာ ဦးညွှတ်အလေးပြုလျက် ဤသဝဏ်လွှာအား ထုတ်ပြန်အပ်ပါသည်။ ပြည်ထောင်စုလွှတ်တော်ကိုယ်စားပြုကော်မတီ

ပြည်ထောင်စုလွှတ်တော်ကိုယ်စားပြုကော်မတီ၏ သတင်းစဉ် အမှတ် (၃၄) ပြည်ထောင်စုလွှတ်တော်ကိုယ်စားပြုကော်မတီက ထုတ်ပြန်ခဲ့သော သတင်းစဉ်များကို အောက်ပါ CRPH ဝက်ဘ်ဆိုက်လင့်ခ်မှတစ်ဆင့် ရယူနိုင်ပါသည်။ https://crphmyanmar.org/publication/newsletter/ ပြည်ထောင်စုလွှတ်တော်ကိုယ်စားပြုကော်မတီ CRPH Website : https://crphmyanmar.org CRPH Facebook : https://www.facebook.com/crph.officia... CRPH Youtube : https://www.youtube.com/@crphmyanmar CRPH Twitter : https://x.com/CrphMyanmar CRPH Telegram : https://t.me/crphmyanmar

ပြည်ထောင်စုလွှတ်တော်ကိုယ်စားပြုကော်မတီနှင့် စစ်ကိုင်းဖက်ဒရယ်ယူနစ်အတွင်းရှိ အမျိုးသားလွှတ်တော်ကိုယ်စားလှယ်များ၊ ပြည်သူ့လွှတ်တော်ကိုယ်စားလှယ်များ၊ ဖက်ဒရယ်ယူနစ် လွှတ်တော်ကိုယ်စားလှယ်များ တွေ့ဆုံဆွေးနွေး ပြည်ထောင်စုလွှတ်တော်ကိုယ်စားပြုကော်မတီသည် စစ်ကိုင်းဖက်ဒရယ်ယူနစ်အတွင်းရှိ အမျိုးသားလွှတ်တော်ကိုယ်စားလှယ်များ၊ ပြည်သူ့လွှတ်တော်ကိုယ်စားလှယ်များ၊ ဖက်ဒရယ်ယူနစ်လွှတ်တော်ကိုယ်စားလှယ်များနှင့် ၂၀၂၄ ခုနှစ်၊ ဇွန်လ ၃၀ ရက်နေ့၊ ၀၉၀၀ နာရီအချိန်တွင် ဗီဒီယိုကွန်ဖရင့်မှတစ်ဆင့် တွေ့ဆုံဆွေးနွေးခဲ့ကြပါသည်။ တွေ့ဆုံဆွေးနွေးပွဲတွင် ပြည်ထောင်စုလွှတ်တော်ကိုယ်စားပြုကော်မတီ ဥက္ကဋ္ဌ ဦးအောင်ကြည်ညွန့်က နှုတ်ခွန်းဆက်စကားပြောကြားခဲ့ပြီး စစ်ကိုင်းဖက်ဒရယ်ယူနစ်မှ လွှတ်တော်ကိုယ်စားလှယ်များက စစ်ကိုင်းတိုင်းဒေသကြီးရှိ မြေပြင်အခြေအနေတွင် စစ်ကိုင်းဖက်ဒရယ်ယူနစ်လွှတ်တော်မှ ဆောင်ရွက်နေသော လုပ်ငန်းစဉ်များ၊ ကာကွယ်ရေးနှင့် အုပ်ချုပ်ရေးဆိုင်ရာ သုံးသပ်ချက်များ၊ သယံဇာတနှင့် ဘဏ္ဍာရေးဆိုင်ရာ သုံးသပ်ချက်များကို တင်ပြခဲ့ပြီး CRPH မှ တာဝန်ရှိသူများနှင့် အပြန်အလှန်ဆွေးနွေးညှိနှိုင်းခဲ့ကြကာ ၁၄၀၀ နာရီအချိန်တွင် အစည်းအဝေးအား အောင်မြင်စွာ ရုပ်သိမ်းခဲ့ပါသည်။ အဆိုပါတွေ့ဆုံဆွေးနွေးပွဲတွင် ပြည်ထောင်စုလွှတ်တော်ကိုယ်စားပြုကော်မတီ ဥက္ကဋ္ဌ ဦးအောင်ကြည်ညွန့်၊ အတွင်းရေးမှူးများနှင့် အဖွဲ့ဝင်များ၊ ရေးရာကော်မတီ (၄) ခုမှ ဥက္ကဋ္ဌနှင့် အတွင်းရေးမှူးများ၊ စစ်ကိုင်းဖက်ဒရယ်ယူနစ်မှ အမျိုးသားလွှတ်တော်ကိုယ်စားလှယ်များ၊ ပြည်သူ့လွှတ်တော်ကိုယ်စားလှယ်များနှင့် ဖက်ဒရယ်ယူနစ်လွှတ်တော်ကိုယ်စားလှယ်များ တက်ရောက်ခဲ့ကြပါသည်။ ပြည်ထောင်စုလွှတ်တော်ကိုယ်စားပြုကော်မတီ CRPH Website : https://crphmyanmar.org CRPH Facebook : https://www.facebook.com/crph.officia... CRPH Youtube : https://www.youtube.com/@crphmyanmar CRPH Twitter : https://x.com/CrphMyanmar CRPH Telegram : https://t.me/crphmyanmar

ပြည်ထောင်စုလွှတ်တော်ကိုယ်စားပြုကော်မတီ ပုံမှန်လုပ်ငန်းညှိနှိုင်းအစည်းအဝေးတွင် သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၏ လုပ်ငန်းဆောင်ရွက်ချက်များနှင့် ရှေ့လုပ်ငန်းစဥ်များအား ရှင်းလင်းတင်ပြ ၂၀၂၄ ခုနှစ်၊ ဇွန်လ ၂၁ ရက်နေ့တွင် ဗီဒီယိုကွန်ဖရင့်မှတစ်ဆင့် ကျင်းပခဲ့သော ပြည်ထောင်စုလွှတ်တော်ကိုယ်စားပြုကော်မတီ ပုံမှန်လုပ်ငန်းညှိနှိုင်းအစည်းအဝေး(၂၆/၂၀၂၄)တွင် အမျိုးသားညီညွတ်ရေးအစိုးရ၊ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနက လက်ရှိဆောင်ရွက်နေသော လုပ်ငန်းများနှင့် ရှေ့လုပ်ငန်းစဥ်များအား ရှင်းလင်းတင်ပြခဲ့သည်။ အစည်းအဝေးတွင် ပြည်ထောင်စုလွှတ်တော်ကိုယ်စားပြုကော်မတီ ဥက္ကဋ္ဌ ဦးအောင်ကြည်ညွန့်က အဖွင့်အမှာစကားပြောကြားပြီးနောက် သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနမှ တာဝန်ရှိသူများက ဝန်ကြီးဌာန၏ လုပ်ငန်းဆောင်ရွက်ချက်များနှင့်စပ်လျဥ်း၍ မျှော်မှန်းချက်(Vision)နှင့် ရည်ရွယ်ချက်များ(Missions)များနှင့်အညီ ဆောင်ရွက်နေသည့် အခြေအနေများ၊ မူဝါဒဆိုင်ရာ ဦးဆောင်အဖွဲ့များအနေဖြင့် ပြည်ထောင်စုအဆင့် သယံဇာတစီမံအုပ်ချုပ်မှုအဖွဲ့၊ စီမံခန့်ခွဲမှုကော်မတီနှင့် နည်းပညာအကြံပေးအဖွဲ့ (Technical Advisory Team – TAT)၊ ဖက်ဒရယ်သယံဇာတ မူဝါဒရေးဆွဲရေး လွတ်လပ်သောကော်မတီ (Independent Committee For Federalism Policy) တို့ ဖွဲ့စည်းထားရှိမှုများအား ရှင်းလင်းတင်ပြခဲ့သည်။ ဆက်လက်၍ ဝန်ကြီးဌာနအနေဖြင့် လက်ရှိတွင် ပြည်ထောင်စုဝန်ကြီးရုံးအပါအဝင် ဦးစီးဌာန (၄) ခုနှင့် မြန်မာ့သစ်လုပ်ငန်း၊ မြန်မာ့သတ္တုတွင်းလုပ်ငန်း၊ မြန်မာ့ ကျောက်မျက်နှင့်ပုလဲလုပ်ငန်းတို့ကို ဆောင်ရွက်နေမှုများ၊ ကြားကာလ သယံဇာတ စီမံအုပ်ချုပ်မှုဆိုင်ရာလုပ်ငန်းများတွင် (က) ကြားကာလနှင့် ရေရှည်ကာလ သယံဇာတနှင့်သဘာဝပတ်ဝန်းကျင်စီမံခန့်ခွဲခြင်း၊ (ခ) သယံဇာတနှင့် ပတ်ဝန်းကျင်ဆိုင်ရာကဏ္ဍတွင် နိုင်ငံတကာအဖွဲ့အစည်းများနှင့် ဆက်သွယ်ဆောင်ရွက်ခြင်း၊ (ဂ) သယံဇာတနှင့် သဘာဝပတ်ဝန်းကျင်ဆိုင်ရာအသိပညာမြှင့်တင်ခြင်း၊ (ဃ) CDM ဝန်ထမ်းများအား ငွေကြေးနှင့် အသက်မွေးဝမ်းကျောင်းသင်တန်းများ အထောက်အပံ့ပေးခြင်း၊ (င) ကြားကာလ သယံဇာတထိန်းသိမ်းစီမံအုပ်ချုပ်မှုနှင့်စပ်လျဥ်းသည့် ကြေညာချက်များ၊ လုပ်ထုံးလုပ်နည်းနှင့် အရေးပေါ်ညွှန်ကြားချက်များထုတ်ပြန်ခြင်းတို့ ဆောင်ရွက်လျက်ရှိပြီး သယံဇာတစီမံအုပ်ချုပ်မှု မြို့နယ်အဖွဲ့ (Township Administrative Body – Natural Resource, TAB – NR) များကို (၂၈) မြို့နယ်အတွက် ဖွဲ့စည်းထားရှိပြီးဖြစ်ကာ သယံဇာတစီမံအုပ်ချုပ်ခြင်းလုပ်ငန်းများကို လုပ်ဆောင်လျက်ရှိကြောင်းနှင့် ရှေ့လုပ်ငန်းစဉ်များကို ရှင်းလင်းပြောကြားခဲ့သည်။ ထို့နောက် တက်ရောက်လာသည့် ကော်မတီဝင်များက သိရှိလိုသည်များအား မေးမြန်းကာ အကြံပြု ဆွေးနွေးခဲ့ကြပြီး ဒုတိယဝန်ကြီး ခွန်စောဖူး က ပြန်လည်ရှင်းလင်း ဖြေကြားခဲ့သည်။ ၎င်းနောက် CRPH ရေးရာကော်မတီများ၏ လုပ်ငန်းများ ရှင်းလင်းတင်ပြခြင်းအစီအစဥ်အား ဆက်လက်ကျင်းပ၍ အစည်းအဝေးအား ရပ်နားခဲ့သည်။ အစည်းအဝေးသို့ ပြည်ထောင်စုလွှတ်တော်ကိုယ်စားပြုကော်မတီ ဥက္ကဋ္ဌ ဦးအောင်ကြည်ညွန့်နှင့် အဖွဲ့ဝင်များ၊ ရေးရာကော်မတီများမှ အဖွဲ့ဝင်များ၊ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ ဒုတိယဝန်ကြီး ခွန်စောဖူးနှင့် တာဝန်ရှိသူများ တက်ရောက်ခဲ့ကြသည်။ ပြည်ထောင်စုလွှတ်တော်ကိုယ်စားပြုကော်မတီ

(၁၄၉) နှစ်မြောက် ကရင်နီအမျိုးသားနေ့ သဝဏ်လွှာ ၂၀၂၄ ခုနှစ်၊ ဇွန်လ ၂၁ ရက် ပြည်ထောင်စုလွှတ်တော်ကိုယ်စားပြုကော်မတီ

နိုင်ငံတော်သံဃမဟာနာယက ပဲခူးမြို့၊ ဝင်းနိမ္မိတာရုံဆရာတော် ပျံလွန်တော်မူခြင်းနှင့်ပတ်သက်၍ ဝမ်းနည်းကြောင်းထုတ်ပြန်ချက် ၂၀၂၄ ခုနှစ်၊ ဇွန်လ ၂၁ ရက် ပြည်ထောင်စုလွှတ်တော်ကိုယ်စားပြုကော်မတီ

လူထုခေါင်းဆောင် ဒေါ်အောင်ဆန်းစုကြည်၏ (၇၉) နှစ်ပြည့် မွေးနေ့ပွဲအခမ်းအနားတွင် ပြည်ထောင်စုလွှတ်တော်ကိုယ်စားပြုကော်မတီ ဥက္ကဋ္ဌ ဦးအောင်ကြည်ညွန့် ပြောကြားခဲ့သည့်အမှတ်တရစကား ၂၀၂၄ ခုနှစ်၊ ဇွန်လ ၁၉ ရက် CRPH Website : https://crphmyanmar.org CRPH Facebook : https://www.facebook.com/crph.officia... CRPH Twitter : https://x.com/CrphMyanmar CRPH Telegram : https://t.me/crphmyanmar