Rustam MIRVOHID ijodi

#muxlis_fikri Xorazm viloyati Pahlavon Mahmud nomidagi jamoat fondi raisi Sherjonov Raimboy tomonidan "O'rtada begona yo'q" podkastining Pedagogika fanlari doktori, professor Muhammadjon Quronov ishtirokidagi "Farzand tarbiyasi" mavzusidagi soniga audio-munosabat. To’liq podkastni quyidagi havola orqali ko’rishingiz mumkin.👇 https://youtu.be/cLusX_ADIKo?si=rHd7zeTQNGyvraTL

Ijtimoiy tarmoqlardagi rasmiy sahifalarimiz.⬇️

📺 Jonli efir 📷 Instagram | 👥 Facebook 🔵 Telegram  | 🟥 YouTube

#muxlis_fikri Xorazm viloyati Pahlavon Mahmud nomidagi jamoat fondi raisi Sherjonov Raimboy tomonidan "O'rtada begona yo'q" podkastining Pedagogika fanlari doktori, professor Muhammadjon Quronov ishtirokidagi "Farzand tarbiyasi" mavzusidagi soniga audio-munosabat. To’liq podkastni quyidagi havola orqali ko’rishingiz mumkin.👇 https://youtu.be/cLusX_ADIKo?si=rHd7zeTQNGyvraTL

Ijtimoiy tarmoqlardagi rasmiy sahifalarimiz.⬇️

📺 Jonli efir 📷 Instagram | 👥 Facebook 🔵 Telegram  | 🟥 YouTube

"Ўртада бегона йўқ" подкастимизнинг жуғрофияси кенгаймоқда! Бугун подкастимиз меҳмони - "Германия ҳаёти" блоги асосчиси, машҳур инстаблогер, Германияда "Тарих" фани ўқитувчиси, шарқшунос, дўстим Беҳруз Бозоров бўлди.

Суҳбат мавзуси - Ўзбекистон ва Германия таълим тизимлари, ўзбек-олмон минталетити, қадриятлар ва тутумлар орасидаги тафовутлар.

 Кузатиб боринг! Тез кунда - "Маданият ва маърифат" каналида! @Rustam_MIRVOKHID

Болалар ҳам катта бўлмоқда... Ҳидлаб ол, лолалар ҳам катта бўлмоқда, эй дўст, Кўздаги жолалар ҳам катта бўлмоқда, эй дўст, Кун сайин нолалар ҳам катта бўлмоқда, эй дўст — Ўпиб қол, болалар ҳам катта бўлмоқда, эй дўст. Кеча сен бола эдинг, бугун чаккангда оқлар, Шўъла туширган ойнанг бу дам сени сўроқлар, Уйингда меҳмон бўлмас доимо “подишоҳлар” — Ўпиб қол, болалар ҳам катта бўлмоқда, эй дўст. Телефон деган қурғур сендан яқин уларга, Унда бор неки “ҳузур” — сендан яқин уларга, Ҳатто сунъий тафаккур сендан яқин уларга — Ўпиб қол, болалар ҳам катта бўлмоқда, эй дўст. Асл асар аслдир токи кўчирма бўлмай, Айни дам туйган гўзал... сўнгра кечирма бўлмай, Шарт бағрингга бос ҳозир... кейин “учирма” бўлмай — Ўпиб қол, болалар ҳам катта бўлмоқда, эй дўст... Ҳидлаб ол, лолалар ҳам катта бўлмоқда, эй дўст... 1. 06. 2026 й. @Rustam_MIRVOKHID

#подкаст Фарзанд тарбиясидаги энг катта хато — ўзимизни доим тўғри деб билишимиз эмасми? Биз болани тарбиялаяпмиз, деб ўйлаймиз. Аммо баъзан уни тингламаймиз, тушунмаймиз, ҳатто ўз орзуларимизни унга мажбурлаб сингдирамиз. Хўш, тарбия қаерда тугайди-ю, босим қаерда бошланади? Профессор Муҳаммаджон Қуронов билан ота-она масъулияти, фарзанд қалби ва жамият келажаги ҳақида очиқ суҳбат. Айрим ҳақиқатлар ёқимли эмас. Аммо уларни эшитиш шарт. 🎙 “Ўртада бегона йўқ” подкасти 📅 23-июль 🕘 21:45 📺 “Маданият ва маърифат” каналида томоша қилинг. @Rustam_MIRVOKHID

Сиз кутган суҳбат ниҳоят YouTubeда! 🎬 Ўзбекистонда кадрлар салоҳияти қай даражада? 🤔 Нега лавозимга эришган ҳар бир инсон мартабага эриша олмайди? Раҳбарни курсисида ушлаб турадиган нарса нима: ваколатми, профессионалликми ёки жамият ишончими? Социялоги фанлари доктори, профессор Мансур Бекмуродов билан бугунги замонавий раҳбарларга зарур бўлган фаросат илми, мартабага эришиш йўли, ижтимоий капитал, камтарлик ва бошқа жиҳатлар ҳақида очиқ гаплашдик. 💬 Бу суҳбатда тайёр жавоблардан кўра, ўйлашга мажбур қиладиган саволлар кўпроқ. 🧠 @Rustam_MIRVOKHID 🎥 Тўлиқ подкастни қуйидаги ҳавола орқали томоша қилинг 👇: https://youtu.be/nO7RFISprZo?si=JvzU478Pb6Ep48OG

Муҳаммаджон Қуронов:

"Ота ўғли билан дўст бўлиши керак. Бу жуда қийин. Лекин қийинчиликларни мардона енгиб дўст бўлиши керак. Чунки дўст бўлиш учун кўп "йўқ" дейиладиган жойда "хўп" дейиш керак бўлади... ".

"Маданият ва маърифат" каналида "Ўртада бегона йўқ" подкастининг навбатдаги сони тез кунда. @Rustam_MIRVOKHID

Шароф Рашидов, Эркин Воҳидов ва Абдулла Ориповлар билан боғлиқ бир шеър тарихи... @Rustam_MIRVOKHID

Kenjaev Tohir Turevich 333070320

ҲАМДАРДЛИК Тошкент давлат шарқшунослик университети ректори, профессор Рихсиева Гулчеҳра Шавкатовна волидалари Норпошша онанинг вафоти муносабати билан чуқур ҳамдардлик билдирамиз! Аллоҳ марҳумани ўз раҳматига олиб, яқинларига сабри жамил берсин! Кўнгил сўраб, таъзия билдирмоқчи бўлганларга қуйидаги манзил ҳавола этилади. Инна илайҳи ва инна илайҳи рожиъун. @Rustam_MIRVOKHID

Кангул Навоий килкидан тўкилган болдек, Санам оқ юзига ярашган холдек, Ташналаб саҳролар истар зилолдек – Бир шеър уммидида тентирар кангул. Саболар тўзғиган отларда ёлдек, Соҳилда айланган Мажнунга толдек, Парқу булутларни қучган ҳилолдек – Бир шеър уммидида тентирар кангул. Дайр остонида синган сополдек, Валийлар канглудан кечган хаёлдек, Ки Юсуф қизғонган ҳусну жамолдек – Бир шеър уммидида тентирар кангул. Топса гар симобдай қалтирар кангул, Ғуборли ойнадай артилар кангул, Нур билан чулғонар – ялтирар кангул, Валекин, кўўўп ҳали тентирар кангул, Ул ёруғ лаҳзага мўлтирар кангул... 2011 йил ✍ Рустам Мирвоҳид Кангул кетди — энди уни шеърларидан излаймиз... Аллоҳ устоз ижодкорни ўз раҳматига олсин! @Rustam_MIRVOKHID

Мансур Бекмуродов:

"Бизда 1920 йилгача мадрасаларда "Фаросат илми" ўргатилган...".

"Ўртада бегона йўқ" подкастининг ушбу сонини 10 июль 21:45 да "Маданият ва маърифат" каналида томоша қилинг. @Rustam_MIRVOKHID

"Сенингдирман" номли китобимизга ёзилган Сўзбошидан парча:

"... Рустам Мирвоҳид ўзи севган, севгиси эътиқодга айланган шоирлар, устозларига пок туйғуларда ва туйғулари билан доимий мурожаатида ва доимий ўгит умидида, бамисоли, шеър ёзганда, елкасидан Эркин Воҳид ё Бобур қараб тургандай. Ва шояд мурожаатлари ҳеч қачон зое кетмагай: Рустам: “Руҳ қамишдир. Пуфладинг – ул найланиб бормоқдадир, Дил узумдир. Эздинг – ул ҳам майланиб бормоқдадир” – деб ғазал бошласа, тасаввур қиламан Эркин Воҳид – ғазал наққоши зариф табассум қилиб қўйгай эрди. Рустам Мирвоҳиднинг бу тўпламга кирган шеърларини мароқланиб ўқиб ўтириб, ўйланиб қолдим: айниқса, кейинги вақтларда ёзган шеърлари жуда катта, изланишларида самарали шоирнинг қаламидан отилиб ўйнаб, тараққос бойлаб чиққандай тассурот қодиради. Ажиб сўз ўйинлари, ажиб товланган рақслар... ахир Нитше айтмоқчи, шеър буюк ўйин-ку! Бир қанча шундай улуғ нафас билан ёзилган шеърларга дуч келгач, баҳрим очилиб, бу шоир ўз изланишлари, ўз ўрганишлари, ўз машаққатларини қалбининг оташгоҳида олдиндан эритибди, тоблабди ва улар ёрқин самара берибди. Айни шу замоннинг шеъри бунёд бўлибди. Ахир XXI асрнинг хуррам ва беназир шеъри қачондир, ким томонидандир ёзилиши керак-ку! Эркин Воҳидов, Сирожиддин Саййиднинг илк шеърларини ўқиганда, айтган сўзимиз: “Ҳеч кимга ўхшамайди!” деб эдик завқимиз тошиб. Ўша ёшлик ҳиссиётлари Рустам Мирвоҳид шеърларини мутолаа қилганда яна такрорланди, беихтиёр ҳеч кимга ўхшамайди, деб юбордим. Алқисса, устозлар ўргатади-да!".

  Иброҳим Ғафуров, Ўзбекистон Қаҳрамони 20.06.2019 йил П/с: Бизга шундай ижодий "бўнак" берган устоз Иброҳим Ғафуровни Аллоҳ ўз раҳматига олсин 🙏! @Rustam_MIRVOKHID

Мансаб берилади. Мартаба қозонилади. Мансаб — лавозим. Мартаба — эътироф. Бири ҳужжат билан келади, иккинчиси одамларнинг ишончи билан. Таниқли олим Мансур Бекмуродов билан айнан шу икки тушунчанинг нозик фарқи ва ҳақиқий раҳбарлик компетенциялари ҳақида суҳбатлашдик. Тез орада - 10 июль 21:45 да "Ўртада бегона йўқ" подкастида. @Rustam_MIRVOKHID

Навоий музейи кўчирилмоқда... Димоғда талх йиғи кечирилмоқда, Мисли заққум бода ичирилмоқда, Юз йиллик хотира ўчирилмоқда - Навоий музейи кўчирилмоқда. Кирсанг... сирли нафас кезарди... афсус, Руҳинг бир сакинат сезарди... афсус, Навоий кўчасин безарди... афсус, Навоий музейи кўчирилмоқда. Бугун зиёлилар сабри безовта, Мумтоз адабиёт қадри безовта, Ҳамид Сулаймоннинг қабри безовта - Навоий музейи кўчирилмоқда. Эшитиб... "Ҳайрат ул аброр" йиғлармиш, Қўшилиб "Сабъаи саӣёр" йиғлармиш, Чингиз Аҳмар чизган девор йиғлариш - Навоий музейи кўчирилмоқда. Унда ҳеч ерда йўқ "Етти гўзал" бор, Ҳар бурчида илҳом... етук ғазал бор, Навоий армони... "Хажжи бадал" бор - Навоий музейи кўчирилмоқда. "Калта минор" асло четга кўчмайди, "Эйфель" минор асло четга кўчмайди, "Тожмаҳал" кўчмайди, "Макка" кўчмайди - Навоий музейи кўчирилмоқда. Ҳазрат ҳайкалининг мийиғда лаби, Бу наъв "ислоҳот"дан хирадир таъби, Ҳа, "Шарқ зиёкори" бузилган каби - Навоий музейи кўчирилмоқда. Асрлик анъана ўчирилмоқда... 7.07. 2026 й. ©️Рустам МИРВОҲИД @Rustam_MIRVOKHID

Маорифнинг "ташриф қоғози" Фейсбукнинг бошқа платформалардан фарқли бир жиҳати бор — у баъзан мудраган хотираларни уйғотиб юборади. Бугун лентада роппа-роса 8 йил аввалги суратлар чиқиб қолди. Ўзбекистон Ёзувчилар уюшмасида "Онажоним шеърият" тўгараги доирасида устоз Омонилла Мадаев билан бўлган унутилмас ижодий учрашув... Ўша кун ҳаммамиз учун ҳақиқий маънавий байрам эди. Минглаб филологлар, шоирлар ва носирларга устозлик қилган бу табаррук инсон билан суҳбатлашишнинг ўзи катта бахт эди. "Девону луғотит турк"дан тортиб "Сўз латофати"гача бўлган нодир асарлар ҳақидаги таҳлиллар, домланинг ўткир фикрлари ҳали-ҳамон ёдимда. Айниқса, бир гаплари ҳеч эсдан чиқмайди: «Ўзбек тили — бу ўзбекнинг ташриф қоғози». Орадан йиллар ўтди. Энди ўйлаб қарасам, Омонилла Мадаевдек фидойи, ҳақгўй ва теран олимларнинг ўзлари ҳам халқимиз маорифининг "ташриф қоғози" экан. Аллоҳ раҳмат қилсин. Охиратлари обод бўлсин. У зот барпо этган илм мактаби муносиб шогирдлари орқали яна узоқ йиллар бардавом бўлсин! @Rustam_MIRVOKHID