Ilm Halqasi

#qori_boʻling_bolajonim Farzandingiz jannatda toj kiydirishini istasangiz, unga Qurʼon oʻrgating!!! 📖 Alaq surasi 🌸 Ulashing ↘️ 👉 @ilm_xalqas1

​​​​ШАВВОЛ ОЙИ РЎЗАСИНИНГ ФАЗИЛАТИ Ҳижрий тақвим бўйича Рамазон ҳайити байрами билан бошланадиган шаввол ойидамиз. Бу ойнинг фазилати ҳақида, Пайғамбаримиз соллаллоҳу алайҳи васаллам шундай марҳамат қилганлар: «Рамазон ойи рўзасини тутиб, унга қўшимча тарзда шаввол ойида олти кун рўза тутган киши йил бўйи рўзадор бўлган кабидир». Муслим, Абу Довуд, Термизий ривояти. Ҳадиси шарифда берилган тавсияга ҳар йили амал қилган одам умр бўйи рўза тутганлик савобига эга бўлади. Рамазон рўзасидан кейин шавволда олти кун рўза тутган кишига бир йил давомида рўза тутганликнинг мукофоти берилиши, қилинган ибодат ва тоатларнинг савоби ўн мисл қилиб белгиланганлиги учундир. Чунки Аллоҳ таоло Қуръони каримда: «Кимки (бир) ҳасана (савобли иш) қилса, унга ўн баробар (кўпайтириб ёзилур)...» (Анъом сураси, 160-оят), деб марҳамат қилади. Шундай бўлгач, ўттиз кун рамазон рўзаси 10 ой, яъни, 300 кун ўрнига ўтади. Олти куннинг ўн баробари эса олтмиш кун, яъни, икки ой бўлади. Демак, уларни қўшиб ҳисоблаганда мусулмон киши бутун йилни рўза тутиш билан ўтказган бўлади. Рамазондан кейин шавволда тутиладиган рўзанинг мисоли фарз намозлар ортидан ўқилган суннат намози кабидир. Ушбу суннатлар фарздаги эҳтимолли камчиликларни бартараф қилиш учун бўлганидек, шаввол рўзаси рамазон рўзасида йўл қўйилган айрим хатоликларнинг ўрнини тўлдириш учундир. Яна бир томони, бу ўз моҳияти билан мусулмон кишининг рўзадан зерикмаганини ҳам ифода этади. Шаввол ойида олти кун рўза тутиш мустаҳаб амал бўлиб, Пайғамбаримиз соллаллоҳу алайҳи васаллам ўзлари рўза тутиб, бошқаларга ҳам шуни тавсия қилганлар. Бу рўзани байрамдан кейин пешма-пеш тутишда фазилат бисёр, шу билан бирга, ойнинг бошқа кунларида адо этиш ҳам мумкин. Қазо бўлган рўзаларни мазкур кунларда тутиш билан ҳам айни савобга эришилади. @ilm_xalqas1

#Эслатма Рамазондан ибодатлар-у солиҳ амаллар билан чиқаётган мўмин мусулмонлар учун эслатма! و عن وهب بن منبه أنه قال : قال عليه الصلاة والسلام 《ان ابليس عليه اللعنة يصيح في كل يوم عيد فيجتمع اهله عنده فيقول يا سيدنا من اغضبك انا نكسره ، فيقول لا شئ و لكن الله تعالي قد غفر لهذه الأمة في هذه اليوم فعليكم ان تشغلوهم باللذات ة الشهوات و شرب الخمر حتي يبغضهم الله ، فعلي العاقل ان يمنع نفسه في يوم العيد عن الشهوات و المناهي و يدوام علي الطاعات》 ، و لذا قال النبي صلي الله عليه و سلم 《اجتهدوا يوم الفطر في الصدقة و أعمال الخير و البر من الصلاة و الزكاة و التسبيح و التهليل، فإنه اليوم الذي يغفر الله تعالي فيه ذنوبكم و يستجيب دعاءكم و ينظر إليكم بارحمة 》 درة الواعظين Ваҳб ибн Мунаббаҳ ривоят қилади: - Пайғамбаримиз соллаллоҳу алайҳи ва саллам айтдилар: «Иблис алайҳил-лаънаҳ хар ийд (хайит) кунларида қичқиради шундан кейин шайтон аҳллари шайтоннинг атрофига тўпланиб айтишади: - Эй саййидим кимга ғазаб қилябсиз айтинг!? Биз уни синдирамиз, шунда шайтон айтади йўқ, ҳеч кимга, лекин Аллоҳ таъоло бу умматни шу кунда гуноҳини кечиради, шунинг учун сизларга уларни лаззату шаҳват билан ва хамир ичиш билан машғул қилмоқ лозим бўлади токи Аллоҳ таъоло уларга ғазаб қилсин - дейди. Бас оқил киши йид кунларда шаҳватдан ва қайтарилган нарсалардан ўзини тийишлик ва тоату-ибодатда бардавом бўлиши керак.» Шунинг учун Набийимиз соллаллоҳу алайҳи ва саллам айтдилар «Фитр кунида садақа беришга киришинглар ва яхши амалларни қилишликка ҳаракат қилинглар хох у яхшилик номозу закот, тасбеҳу таҳлилдан иборат бўлса ҳам. Чунки шу кунда Аллоҳ таъоло сизларни гуноҳларингизни кечиради ва дуъоларингизни қабул қилади ва сизларга рахмат назари билан назар қилади» Дурратул ваъизин китобидан. @ilm_xalqas1

#Qadr_kechasi_qaysi_kun Бир куни Умар розияллоҳу анҳу илмий мажлис қуриб, «Лайлатул қадр» кечаси ҳақида баҳс ва мунозара қилаётган саҳобалар мажлисига келиб қўшилдилар. Мажлисда бир саҳобий ўрнидан туриб, Қадр кечаси ҳақида билганини гапирди. Абдуллоҳ ибн Аббос эса одоб билан жим ўтирар эди. Умар розияллоҳу анҳу Абдуллоҳнинг индамай турганини кўриб, «Эй Аббоснинг ўғли, нега жим турибсан, уялмагин, ёшинг кичиклиги сени гапиришдан тўсиб қўймасин», дедилар. Абдуллоҳ ибн Аббос: «Эй мўминларнинг амири, Аллоҳ тоқ Зотдир, тоқликни яхши кўради. Дунё кунларини етти кун қилиб қўйди (яъни кунларни ҳафтадан иборат қилиб қўйди). Ризқларимизни етти (кун ёки соат ёки лаҳза)да яратиб қўйди. Устимиздаги осмонни етти қават қилиб қўйди. Остимиздаги ерни ҳам етти қават қилиб яратди. Етти оятдан иборат бўлган Фотиҳа сурасини нозил қилди. Қуръонда никоҳланиш мумкин бўлмаган қариндошларни етти тоифага бўлиб қўйди. Расулуллоҳ соллаллоҳу алайҳи васаллам Каъбатуллоҳни етти марта тавоф қилиб, Сафо ва Марва орасида ҳам етти марта саъй қилиб, Муздалифада шайтонга еттита тош отиб, умматларига кўрсатиб бердилар. Менимча, «Лайлатул қадр» кечаси Рамазоннинг охирги етти кунидан бирида бўлса керак, деб ўйлайман», деди. Умар розияллоҳу анҳу Ибн Аббоснинг бу жавобидан ҳайратланиб: «Қадр кечаси борасида фақат мана шу боланинг фикригина менинг фикримга тўғри келди», дедилар @ilm_xalqas1