هذا شعوري !

ليا ضاقت صدور العرب والفجوج وساع ‏على الهادي المهدي صلاتي وتسليمي

في عز ذروة ضياعه والله انه يادوب ‏شافك وكل الأماني لاحت بروقها 💙

سلامي على وجه الرضا والجناب الزين ‏وسلامي على اللي لا عطى العهد يوفي به

عسى المعسر اللي حاجته ردها الاحراج ‏مايصبح عليه الصبح وآيديه محتاجه

خل النوايا الطيّبه نصب عينك ‏من أخلص النيّه لربه توفّق .

تطمن تراك اللي بقى لي من الغالين ‏يا منصاي عن كل البشر لا بغيت انصى .

الخساير تعوّض والمواجع تطيب ‏والليالي فرجها يطمس احزانها .

ابلشونا ياهل العرف سودان القلوب ‏" يحسبون صدورنا كل شيٍ تقبله " .

حنا ليا شانت علينا المقادير ‏نرقى على راس الرجم وانتعدا .

من شاف نفسه فوق ماشفناه فوق ‏" حنا نحطه فوق .. ونحطه تحت ".

اطلق حجاجك وخلك على الدنيا صبور ‏واعلم ان ما بعد ضيق الظروف الا سعه .

أنا جرحت أهل الحكي بـ ابتسامه ‏وشلون لا طال الكلام وتكلمت .

تمر السنين وتاخذ العمر وتكمل ‏ولا عاد باقي شي اصدق من العزله .

لو انك بعيد الجد ولا بعييّد الدَار ‏على قلبّ من يغلي طوايفك ياقربك

فـي قفانا يرفـع الصوت ولسانـه طويل ‏وان حضرنا يقصر الصوت ويضيق نسمه .

التشـبّث بالحياة وبالأوادم ‏قل دين وقل عقل وقل هيبه

مستريح الضمير اللي يشوف ويطوّف ‏" ما يفتش صدور ولا يدوّر عيوب ".

احب نفسي لا عذرت اللي مهو وجه معذور ‏واحب نفسي لا تركت عرض العرب واسرارها

مروعني الوقت لو ياخذ طموحاتي ‏وتروعني الناس في صدمة مباديها ‏بارد ، ولا شي .. يلفت انتباهي ‏تمرني أشياء ما تمشي وامشيّها ‏" مسكر اذني .. و مقلل علاقاتي " ‏تتساقط الناس من عيني واخليها

والله مابيني وبين الأوادم تشابه ‏" مختلف ظاهر وباطن ومعنى ".