Afar Communication Bureau

ለምክር ቤቱ በእጩነት የቀረቡ ሚኒስትሮች (መስከረም 28/ 2019): የመደመር መንግሥት 7ኛው የሕዝብ ተወካዮች ምክር ቤት 1ኛ መደበኛ ስብሰባ መካሄድ ጀምሯል፡፡ ጠቅላይ ሚኒስትር ዐቢይ አሕመድ (ዶ/ር) የመደመር መንግሥት ካቢኔያቸውን ለሕዝብ ተወካዮች ምክር ቤት አቅርበዋል፡፡ በዚህም፡- 1.አቶ ተመስገን ጥሩነህ ምክትል ጠቅላይ ሚኒስትር 2.ጌዲዮን ጢሞቲዮስ (ዶ/ር) የውጭ ጉዳይ ሚኒስትር 3. አቶ አዲሱ አረጋ የግብርና ሚኒስትር 4. ፍጹም አሰፋ (ዶ/ር) የገንዘብ ሚኒስትር 5.አቶ መሐመድ እድሪስ የመከላከያ ሚኒስትር 6.ፍስሐ ይታገሱ (ዶ/ር) የኢንዱስትሪ ሚኒስትር 7.ፕሮፌሰር ብርሃኑ ነጋ የትምህርት ሚኒስትር 8.ወ/ሮ ሃና አርአያ ሥላሴ የፍትሕ ሚኒስትር 9.ወ/ሮ ዓይናለም ንጉሤ የገቢዎች ሚኒስትር 10. ዶ/ር መቅደስ ዳባ የጤና ሚኒስትር 11. ሀብታሙ ኢተፋ (ዶ/ር) የውኃ እና ኢነርጂ ሚኒስትር 12. ወ/ሮ ያስሚን ወሀብረቢ የንግድ እና ቀጣናዊ ትሥሥር ሚኒስትር 13.ዓለምፀሐይ ጳውሎስ የማዕድን ሚኒስትር 14. አቶ ሳዳት ነሻ የሎጂስቲክስ ሚኒስትር 15. አቶ በረከት ፍስሐፅዮን የብሔራዊ ስትራቴጂ ሚኒስትር 16. አቶ አወሉ አብዲ የሥራ እና ክህሎት ሚኒስትር 17. ፍሬሕይወት ታምሩ የኢኖቬሽን እና ቴክኖሎጂ ሚኒስትር 18. ኢንጂነር ሙሐመድ አብዱራህማን የከተማ እና መሠረተ ልማት ሚኒስትር 19.ወ/ሮ ሰላማዊት ካሳ የባሕልና ቱሪዝም ሚኒስትር 20.አክሊሉ ታደሰን የወጣቶችና ስፖርት ሚኒስትር 21. አቶ ሙሳ አደም የሰላም ሚኒስትር 22. ወ/ሮ ሸዊት ሻንካ የሴቶች እና ማኅበራዊ ጉዳይ ሚኒስትር 23. ሱልጣን ወሌ (ዶ/ር ኢንጂነር) የመስኖ እና ቆላማ አካባቢዎች ሚኒስትር ሆነው እንዲያገለግሉ ለምክር ቤቱ በእጩነት ቀርበዋል፡፡ #የመደመርመንግሥት #ትልቅሃገር #ትልቅህዝብ #ታላቅርዕይ

"ሹመት የምቾት ሳይሆን የፈተና እና የድካም ነው" ጠቅላይ ሚኒስትር ዐቢይ አሕመድ (ዶ/ር) ******* ጠቅላይ ሚኒስትር ዐቢይ አሕመድ (ዶ/ር) የመደመር መንግሥት ካቢኔያቸውን ሲያዋቅሩ ብቃትን፣ የህዝብን አደራ መሸከምን፣ ሙስናን መጸየፍን እንዲሁም ሁሉን አቀፍ ስብጥርን ዋነኛ መስፈርት ማድረጋቸውን አስታወቁ። ጠቅላይ ሚኒስትሩ ለካቢኔ አባላቱ "ሹመት የምቾት ሳይሆን የፈተና እና የድካም ነው" ሲሉ አሳስበዋል። ጠቅላይ ሚኒስትሩ እጩ የካቢኔ አባላቱን ለምክር ቤት ባቀረቡበት ወቅት ባደረጉት ንግግር፣ በቅርቡ በተካሄደው ምርጫ 54 ሚሊዮን ዜጎች በብዙ ፈተና ውስጥ ሆነው መንግሥትን ለማጽናት የጣሉትን ከፍተኛ አደራ መሸከም የሚችል "ትከሻ" ያላቸውን አመራሮች መምረጥ የግድ ማለቱን ገልጸዋል። በአዲሱ ካቢኔ ውቅር ውስጥ በዋነኛነት ትኩረት ከተደረገባቸው መስፈርቶች መካከል የህዝብ አገልጋይነት መንፈስ አንዱ ነው። አመራሮቹ ሙስናን የሚጸየፉ፣ ለመከላከል የሚተጉ እና ህዝብን ማገልገል እንደ ትልቅ ጸጋ የሚቆጥሩ መሆን እንዳለባቸው አበክረው አሳስበዋል። ሌላው የካቢኔው መረጣ አብይ መስፈርት ኢትዮጵያ እስከ 2050 የነደፈችውን "የመደመር ግራንድ ስትራቴጂ" በሚገባ የተረዱና የተገነዘቡ መሆናቸው ነው። በተለይም የኢትዮጵያ እድገት እያንዳንዱን ዜጋ ተጠቃሚ ማድረጉን ማረጋገጥ እንደሚገባቸው ገልጸው፣ በሂደት ወይም በውጤት መጠን ብቻ ሳይሆን በሚያመጡት ተጨባጭ ለውጥ) የሚለኩ አመራሮች መመረጣቸውን አስታውቀዋል። ለዚህም እንደ ማሳያ፣ መንገድ ሲሰራ ድሃው በእግሩ የሚሄድበትና ሳይክል የሚያሽከረክርበት መንገድ መኖሩን ማረጋገጥ አንዱ የዜጎችን ተጠቃሚነት የማረጋገጥ ስራ መሆኑን በምሳሌነት አንስተዋል። ከብቃትና ልምድ ባሻገር የካቢኔው ስብጥር የህብረ-ብሔራዊት ኢትዮጵያን ገጽታ እንዲያንጸባርቅ ከፍተኛ ጥረት መደረጉንም ጠቅላይ ሚኒስትሩ አብራርተዋል። በዚህም መሰረት የብሔር፣ የጾታ እና የእምነት ስብጥርን ሚዛን በጠበቀ መልኩ ካቢኔው መዋቀሩን አመልክተዋል። በመጨረሻም ጠቅላይ ሚኒስትር ዐቢይ አሕመድ ለተሿሚዎቹ የማንቂያ ደወል በመምታት፤ "ሹመት የምንዝናናበት፣ ብዙ እንቅልፍ እና ድሎት ያለው ሳይሆን ኢትዮጵያን ወደ ስልጣኔ ጉዞ ለማስኬድ የምንፈጋበት የሥራ መስክ ነው" በማለት ኃላፊነቱ ከባድና ታሪካዊ መሆኑን አስገንዝበዋል። #የመደመርመንግሥት #Ethiopia #EBC #Medemer #MedemerGovernment #StateBuilding

የካቢኔ ሹመት መመዘኛ መስፈርት - ጠቅላይ ሚኒስትር ዐቢይ አሕመድ(ዶ/ር) #መንግስቲ_መደመር #medemer #prosperity

የኢፌዴሪ 7ኛው የህዝብ ተወካዮች ምክር ቤት በ1ኛ ልዩ ስብሰባው በቀረበ ረቂቅ አዋጅ ላይ እየተወያየ ነው ***** 7ኛው የኢፌዴሪ የህዝብ ተወካዮች ምክር ቤት ዛሬ ባካሄደው 1ኛ ልዩ ስብሰባው በፌደራል መንግስት አስፈጻሚ አካላት ስያሜ፣ አደረጃጀት፣ ስልጣንና ተግባር ለመወሰን በቀረበው ረቂቅ አዋጅ ላይ እየመከረ ይገኛል። የምክር ቤት አባልና የመንግሥት ተወካይ የተከበሩ አቶ ፍቃዱ ከተማ በረቂቅ አዋጁ አስፈላጊነት ላይ አጭር ማብራሪያ አቅርበዋል። በቀረበው ማብራሪያም ከዚህ በፊት በነበሩት 22 አስፈፃሚ አካላት ላይ የቁጥር ልዩነት እንደሌለና ከቁጥር አንፃር ሚኒስቴር መስሪያ ቤቶች በነበሩበት 22 ሆነው እንደሚቀጥሉ ተገልጿል። ይህም ሆኖ በሁለት ሚኒስቴር መስሪያ ቤቶች ላይ ብቻ የስያሜ ለውጥ መደረጉንና ሁለት ሚኒስቴሮች አንደ አዲስ መቋቋማቸው ተብራርቷል። እንደ አዲስ የተቋቋሙት ሁለት ሚኒስቴር መ/ቤቶች ቀድሞ "የባህልና ስፖርት ሚኒስቴር" የነበረው በአዲሱ "የባሕልና ቱሪዝም ሚኒስቴር" በሚል እና ቀድሞ "የቱሪዝም ሚኒስቴር" የነበረው በአዲሱ "የባህልና ቱሪዝም ሚኒስቴር" በሚል መቋቋማቸው ተጠቁሟል። በተጨማሪም ቀድሞ "የፕላንና ልማት ሚኒስቴር" የነበረው "የብሔራዊ ስትራቴጂ ሚኒስቴር" በሚል እና ቀድሞ "የትራንስፖርትና ሎጂስቲክስ ሚኒስቴር" የነበረው "የሎጂስቲክስ ሚኒስቴር" በሚል ስያሜያቸው መቀየሩ ተገልጿል። በሚኒስቴር መ/ቤቶቹ ላይ ማሻሻያው ያስፈለገበት ምክንያት ይበልጥ ውጤታማ ለማድረግ እና ከተልዕኳቸው ጋር ለማጣጣም መሆኑም ተብራርቷል። በረቂቅ አዋጁ ላይ የፕላንና ልማት ሚኒስትር ክብርት ፍጹም አሰፋ (ዶ/ር) ለምክር ቤቱ ሰፋ ያለ ማብራሪያ እያቀረቡ እንደሚገኙ ከምክር ቤቱ ያገኘነው መረጃ ያመለክታል። እንደ አዲስ በተቋቋሙት ሁለቱ ሚኒስቴር መ/ቤቶችም ሆነ የስያሜ ለውጥ በተደረገባቸው ሁለቱ ሚኒስቴር መ/ቤቶች ዙሪያ በቀጣይ ሰፋ ያለ ትንታኔ ይዘን የምንቀርብ ይሆናል። #የመደመርመንግሥት #Ethiopia #EBC

የአፋር ሱልጣን አህመድ አሊሚራህ ለጠቅላይ ሚኒስትር ዶ/ር ዐቢይ አህመድ የእንኳን ደስ አለዎት መልዕክት አስተላለፉ የአፋር ሱልጣኔት ሱልጣን አህመድ አሊሚራህ ሀንፈሬ የኢፌዴሪ የህዝብ ተወካዮች ምክር ቤት ባካሄደው 7ኛው የምክር ቤት ዘመን 1ኛ የመንግሥት ምሥረታ ጉባኤ ላይ ዶክተር ዐቢይ አህመድ በድጋሚ የኢፌዴሪ ጠቅላይ ሚኒስትር ሆነው በመመረጣቸው የተሰማቸውን ደስታ ገልጸው የመልካም ምኞት እና የእንኳን ደስ አለዎት መልዕክት አስተላላፈዋል። ሱልጣኑ ባስተላለፉት መልዕክት፣ ጠቅላይ ሚኒስትሩ አገሪቱን ለቀጣይ አምስት ዓመታት ለመምራት ዕድል በማግኘታቸው ከፍተኛ ደስታ እንደተሰማቸው ገልጸዋል። አክለውም ጠቅላይ ሚኒስትሩ አዲሱን የሥራ ዘመን ሲጀምሩ ኢትዮጵያን እና ህዝቧን በታማኝነት ማገልገላቸውን እንደሚቀጥሉ ሙሉ ተስፋ እንዳላቸው ገልጸው፣ በመጪዎቹ ዓመታት ለአገሪቱ የተሻለ እድገት፣ ሰላም፣ ዘላቂ መረጋጋት እና የኢኮኖሚ ልማት እንዲመጣ መልካም ምኞታቸውን ገልጸዋል። ኢትዮጵያ በታሪኳም ሆነ በአህጉራዊ ሚናዋ በአፍሪካ ውስጥ ትልቅ ቦታ የምትይዝ አገር መሆኗን ያነሱት ሱልጣን አህመድ አሊሚራህ፣ በሁለተኛው የሥልጣን ዘመናቸው አገሪቱን ወደ ላቀ ደረጃ እንደሚያሸጋግሩ እና የህዝቦቿን ዘላቂ ሰላም እና መረጋጋት ለማረጋገጥ የሚደረገውን ጉዞ አጠናክረው እንደሚቀጥሉ ያላቸውን እምነት ገልጸዋል።

ችለን አሳይተናል-ጠቅላይ ሚኒስትር ዐቢይ አሕመድ (ዶ/ር) #pmabiyahemed Ethiopian Broadcasting Corporation

"በሌሎች እሳቤ ኢትዮጵያን ከመቀየር ይልቅ ለኢትዮጵያ ሲባል የሌሎችን እሳቤ አቃንቶ መቀበል ተገቢ አካሄድ ነው። ጠቅላይ ሚኒስትር ዐቢይ አሕመድ (ዶ/ር) #የመደመርመንግሥት #Ethiopia #EBC #PMAbiyAhmed

"ዛሬ ኢትዮጵያ የአፍሪካ ውብ አበባ ተብላ ብትጠራ እውነት እንጂ ባዶ ሙገሳ ተደርጎ አይወሰድም" ጠቅላይ ሚኒስትር ዐቢይ አሕመድ (ዶ/ር) #የመደመርመንግሥት #Ethiopia #EBC #PMAbiyAhmed

የሕዝብ ተወካዮች እና የፌዴሬሽን ምክር ቤቶች የጋራ ስብሰባ #የመደመር_መንግሥት፤ #ትልቅሀገር፤ #ትልቅ_ሕዝብ፤ #ታላቅርዕይ

ኢትዮጵያ ከእምርታ ወደ ልዕልና #የመደመር_መንግሥት #ትልቅሀገር፤#ትልቅ_ሕዝብ፤#ታላቅርዕይ ኢትዮጵያ ያጋጠሟትን ውስብስብ ፈተናዎች በፅናትና በስክነት በመሻገር፣አሁን ላይ አዲስ ብሔራዊ የዕድገት ምዕራፍ ላይ ትገኛለች። ሀገሪቱ ቀደም ሲል የነበረውን “አይቻልም” የሚል የተስፋ መቁረጥ ትርክትን በመስበር ሁለንተናዊ የማንሰራራትና የእምርታ ጉዞ እያደረገች ትገኛለች። ይህ ጉዞ የዜጎችን አስተሳሰብና የሥራ ባህል ከመቀየር ባለፈ፣ በፖለቲካ፣ በኢኮኖሚና በማኅበራዊ ዘርፎች የሚመጥናትን ታሪካዊ ከፍታ ለመያዝ ወደ ላቀ የሐሳብና የልማት ልዕልና የምታደርገውን ሽግግር የሚያመላክት ነው።ሀገሪቱ ባለፉት ዓመታት ያስመዘገበቻቸው ስኬቶች ለዚህ የልዕልና ምዕራፍ ጠንካራ መሠረት ጥለዋል። ታላቁ የኢትዮጵያ ሕዳሴ ግድብ ግንባታ ያለ ማንም የውጭ ዕርዳታ፣በሀገር ውስጥ ዕውቀትና ጥረት መገንባቱ የኢኮኖሚና የኃይል ሉዓላዊነትን ከማረጋገጡም በላይ ሀገሪቷን የቀጣናው የብርሃን ተስፋ አድርጓታል። በግብርናው ዘርፍ በስንዴ ልማት ከውጭ ገዥነት ወደ ላኪነት መሸጋገር መቻሉና የሌማት ትሩፋት ለተሟላ የምግብ ዋስትና መረጋገጥ እየተወጣ ያለው ወሳኝ ሚና፣ እንዲሁም በአዲስ አበባና በተለያዩ ከተሞች ተግባራዊ የሆነው የኮሪደር ልማት ፕሮጀክትና በአረንጓዴ አሻራ መርሐግብር የሀገሪቱ ገጽታ በአዲስ መልክ መታደሱ ከታዩት እመርታዎች በዋናነት የሚጠቀሱ ናቸው። ይህንን የሀገር ውስጥ አቅምና የተመዘገቡ ውጤቶችን አስመልክቶ፣ ፕሬዝዳንት ታዬ አጽቀ ሥላሴ ለሕዝብ ተወካዮች እና ለፌዴሬሽን ምክር ቤቶች የጋራ መክፈቻ ሥነ-ሥርዓት ዛሬ ባደረጉት ንግግር የሀገሪቱን ታላቅነት አረጋግጠዋል። ፕሬዝዳንቱ እንደገለጹት፣ ላለፉት ዓመታት የተከናወኑት የማክሮ-ኢኮኖሚ መዋቅራዊ ማሻሻያዎች የኢትዮጵያን የኢኮኖሚ ሉዓላዊነት በዘላቂነት ለማረጋገጥ የሚያግዙ ናቸው ናቸው። የፖለቲካ ልምምዱን ከነፍጥ አዙሪት በማውጣት በሰላም፣በውይይትና በመደማመጥ ላይ የተመሠረተ የሀሳብ ልዕልና የሰፈነበት ሥርዓት ለመገንባት ቅድሚያ መሰጠቱን ያነሱት ፕሬዝዳንቱ፣የሀገሪቱ የውጭ ግንኙነት ፖሊሲም ኢትዮጵያን በዓለም አቀፍ መድረክ ወደ ተፅዕኖ ፈጣሪነት እያሸጋገራት መሆኑን ገልጸዋል። መንግስት የተገኙ ስኬቶችን በማጽናት ይህንን ከእምርታ ወደ ልዕልና የሚደረገውን ሽግግር ይበልጥ ለማፋጠን በርካታ ብሔራዊ የትኩረት አቅጣጫዎችን አስቀምጧል። በዚህም በ2019 ዓ.ም በጀት ዓመት የ10.1 በመቶ ሁለንተናዊ የኢኮኖሚ ዕድገት ለማስመዝገብና የዋጋ ግሽበትን ወደ አንድ አሃዝ ለማውረድ ጥብቅ የፊስካል ሥርዓት ይተገበራል። ከዚህ በተጨማሪ የኤሌክትሪክ ኃይል ተደራሽነትን 65 በመቶ፣የማህበረሰብ አቀፍ የጤና መድህንን 85 በመቶ እንዲሁም በትምህርት ቤቶች የሚተገበረውን የምገባ መርሐ ግብር ሽፋን 70 በመቶ ለማድረስ ታቅዷል። የሀገሪቱን ብሔራዊ ጥቅም ለማስከበር አስተማማኝ የባህር በር የማግኘት ውጥንን በዲፕሎማሲያዊ መንገድ የማሳካት እና 32ኛውን የተባበሩት መንግስታት ድርጅት የአየር ንብረት ለውጥ ጉባኤን (COP32) በብቃት የማስተናገድ ራዕይ ኢትዮጵያ በቀጣይ ዓመታት የምታረጋግጠውን የልዕልና ከፍታ የሚያሳዩ የጉዞ ምዕራፎች ናቸው።

የሁለቱ ምክር ቤቶች የጋራ ስብሰባ በፕሬዝዳንቱ ተከፍቷል