Krumkachy

Разам зможам дапамагчы – на кубкавым матчы супраць «Дынама-Брэст» збіраем грошы для сына суддзі Дзмітрыя Маркава ❤️🖤   Сябры, сям’я футбольнага суддзі Дзмітрыя Маркава сутыкнулася з цяжкім выпрабаваннем. У іх трохгадовага сына Мацвея выявілі рэдкую злаякасную пухліну галаўнога мозгу. Хлопчык ужо перанёс складаную аперацыю, але наперадзе — працяглае і дарагое лячэнне.   Сёння сям’я збірае сродкі на лячэнне і рэабілітацыю за мяжой. Яго кошт можа дасягаць 250 тысяч еўра, і самастойна сабраць такую суму немагчыма. Просім усіх падтрымаць Дзмітрыя, Вольгу і маленькага Мацвея. Кожны ваш унёсак — гэта шанец дапамагчы дзіцяці працягнуць барацьбу за жыццё.   ❗️На матчы вы можаце пакінуць сваё добраахвотнае ахвяраванне наяўнымі грашыма ў спецыяльную скрыню ў нашым намёце з атрыбутыкай. Таксама мы накіруем сям’і грошы атрыманыя ад продажу праграмак на матч і частку грошай, атрыманых ад продажу квіткоў на гэты матч.   🌟 Для тых, хто не зможа прысутнічаць на матчы, але мае жаданне дапамагчы: па гэтай спасылцы вас чакае арганізаваны збор сродкаў для Мацвея.   🕙 19 ліпеня, 18:00 📍 Стадыён «Груганы» (Сярова, 18)   🎫 Набыць квіткі можна ў намёце з атрыбутыкай перад матчам: · Поўны кошт — 6 BYN; · Ільготны кошт (студэнты, пенсіянеры, інваліды III групы) — 5 BYN; · Дзеці да 18 гадоў, ветэраны ВАВ, інваліды I і II груп, ліквідатары ЧАЭС — бясплатна.