Алтынсарин академиясы

250-ге жуық білім қызметкерлері «Қашықтан оқытуды ұйымдастыруда цифрлық технологиялар мен ресурстарды тиімді пайдалану» семинарына қатысты Алтынсарин академиясы Ауыл мектептерін және шағын жинақты мектептерді дамыту орталығы Павлодар облысының білім беру басқармасының «Білім беруді дамытудың инновациялық орталығымен» бірлесіп, «Қашықтан оқытуды ұйымдастыруда цифрлық технологиялар мен ресурстарды тиімді пайдалану» тақырыбында республикалық семинар-кеңес өткізді. Семинарға облыстық білім басқармалары мен аудандық білім бөлімдерінің әдіскерлері, тірек және шағын жинақты мектеп директорлары, орынбасарлары мен педагогтер, жалпы саны 250-ге жуық тыңдаушы қатысты. Семинардың мақсаты – ауыл мектептері мен шағын жинақты мектептерде қашықтан оқыту форматын ұйымдастыруда педагогтердің жекелеген пәндерді оқытудың инновациялық тәсілдерді қолдануда іс-тәжірибелермен бөлісу. Аталған іс-шараны Павлодар облысы № 1 Чернорецк жалпы орта білім беретін мектептің «Математика» пәні мұғалімі, 28 жылдық еңбек өтілі бар, ауыл мектебінің «педагог-шебері» Владимир Середкин жүргізіп, «Joyteka» – білім беру платформасы, Canva – графикалық дизайн үшін онлайн-платформасы және Lumio – онлайн білім беру платформаларын сабақта тиімді қолдану бойынша өз іс-тәжірибесімен бөлісіп, педагогтерге цифрлы форматта жұмыс жасау бойынша әдістемелік кеңес берді.

Алтынсарин академиясы Ауыл мектептерін және шағын жинақты мектептерді дамыту орталығы Қазақстан Республикасы Оқу-ағарту министрлігі 2023 жылғы 25-желтоқсанда №388 бұйрығымен бекітілген «Ақмола, Қостанай, Павлодар, Солтүстік Қазақстан, Батыс Қазақстан облыстарының ауылдық тірек және шағын жинақты мектептерінде жекелеген пәндерді оқытудың инновациялық тәсілдерін енгізу» пилоттық жобасы аясында жүргізіліп жатқан сабақтарға қатысуда. Жоба аясында әдістемелік топ ретінде қалыптасқан 40 мектептің (тірек мектебі мен магнитті мектеп) педагогтері бірлесе сабақтың қысқа мерзімді жоспарын әзірлеп, сабақтардың мазмұнды, түсінікті және оқу бағдарламасының мақсаттарын орындауда білім алушылардың алған білімдерін өмірде дұрыс пайдалана білу мақсатында жұмыстар жүргізуде. Қашықтан оқыту форматында жүргізілетін сабақтар қызықты әрі мазмұнды болуы үшін сапалы контентпен қатар білім алушылармен белсенді қарым-қатынас орнату және оқытудың түрлі әдіс-тәсілдерін қолдану бойынша кеңестер берілуде. Академия тарапынан қашықтан оқытатын педагогтер үшін оқу-әдістемелік қолдау мен ғылыми-әдістемелік көмек көрсетілуде.

Алтынсарин академиясының қолдауымен және Астана қаласы әдістемелік орталығының ұйымдастыруымен Ы. Алтынсарин атындағы BINOM SCHOOL мектеп-лицейінде «Мектептегі музыка сабағында жаңа технологиялық әдіс-тәсілдерді қолдану үрдісі» атты республикалық ғылыми-практикалық семинар өтті. Семинар мақсаты – білім алушыларды кешенді дамытудағы өзекті мәселелерді шешуге және білім сапасын арттырудың ұтымды жолдарын айқындауға педагогтер әлеуетін бағыттау, озық инновациялық тәжірибені таратуға ықпал ету. Академияның Жалпы даму пәндері зертханасының ғылыми қызметкері Жұлдыз Смагулова орта білім беру жүйесіндегі музыканы оқытудың технологиялық әдіс-тәсілдерін қолдану үрдісі туралы сөз сөйледі. Сонымен қатар музыкалық білім беру педагогтері баяндама жасап, өздерінің іс-тәжірибелерімен бөлісіп, музыка сабағында цифрлық құзыреттіліктерді дамыту жолдарын да ұсынды. Республикалық ғылыми-практикалық семинарға өңірлердің «Музыка» пәнінің 50-ден астам спикері мен 140 педагог қатысты.

11 сәуірде, Ғылым күні қарсаңында Алтынсарин академиясының Педагогикалық квалиметрия орталығының ғылыми қызметкерлері «9 және 11-сыныптар білім алушыларын қорытынды аттестациялауды ұйымдастыру мен өткізу процесін зерттеу нәтижелері» атты воркшоп-презентациясын өткізді. Іс-шараға педагогтер, мектеп басшылары және өңірлердің әдістемелік орталықтар мамандары қатысты. Аталған іс-шараның мақсаты – жалпы білім беретін мектептерде қорытынды аттестаттауды іске асырудың тиімділігіне әсер ететін факторларды ұсыну. Онлайн-кездесу барысында қорытынды емтиханның негізгі кезеңдері, әдіснамасы, әдебиеттерге шолу, ЭЫДҰ және ТМД елдерінің халықаралық тәжірибесін талдау, сонымен қатар аталған емтиханды өткізудің ағымдағы рәсімін жетілдіру жөніндегі үрдістер мен ұсыныстарды қамтыған зерттеу нәтижелері таныстырылды. *** 11 апреля, в преддверии Дня науки, научными сотрудниками Центра педагогической квалиметрии Академии Алтынсарина проведена воркшоп-презентация «Результаты исследования процесса организации и проведения итоговой аттестации обучающихся 9-х и 11-х классов». В презентации приняли участие учителя, руководители школ и представители методических центров регионов страны. Цель мероприятия - представление выявленных факторов, оказывающих влияние на эффективность реализации итоговой аттестации в общеобразовательных школах. В ходе онлайн-встречи были представлены результаты исследования, включающего в себя основные этапы, методологию, обзор литературы, анализ международного опыта стран ОЭСР и СНГ, а также выявление тенденций и предложений по совершенствованию текущей процедуры проведения выпускных экзаменов.

Алтынсарин академиясы Ауыл мектептерін және шағын жинақты мектептерді дамыту орталығы 9-11-сәуір аралығында «Тірек мектептердің жағдайы мен оны жақсарту жолдары» атты тақырыпта республикалық семинар-кеңес өткізді. Семинардың мақсаты – өңірдегі тірек мектептердің жұмысымен танысу және тірек мектеп директорларының үздік іс-тәжірибелерімен бөлісу. Семинарға облыстық білім басқармалары және аудандық білім бөлімінің әдіскерлері, тірек және шағын жинақты мектептердің директорлары, орынбасарлары мен педагогтер, жалпы саны 1000-ға жуық адам қатысты. Үш күндік семинарда тірек мектептердің жұмысын жетілдіру жолдары, шағын жинақты мектеп білім алушыларын әлеуметтендіру және сапалы білімге қолжетімділікті қамтамасыз ету мәселелері қарастырылды. Қазіргі таңда Қазақстан Республикасында 196 тірек мектебі бар, оларға 655 шағын жинақты мектеп тіркелген. Шағын жинақты мектептердің 5930 білім алушысы тірек мектептеріндегі қысқа мерзімді сессиялық сабақтарға қатысады.