ادبیات سئونلر

✅✅✅سایین کانالداشلار ادبیات سئونلر کانالینین نشر ائتدیی کیتابلاری تبریزده حکیم نظامی گنجوی انتشاراتیندان الده ائده بیلرسینیز.

گیلگمیش داستان‌لاری ادبیات سئونلر کانالیندا 9اینجی بؤلوم زمان:  1402/10/4 ساعات: 21 ناغیلی حاضیرلاییب سویله‌ین: «ریضوان حاجی قاسیملی» جانای طراح:« تانیش» https://t.me/Adabiyyatsevanlar

قارین قولو اشرف واللاهی یئر کوره‌سی حتتا او بیری کوره‌لرده بیزیم کیمی اشرف مخلوقات نه گؤروب نه ده گؤره‌جک. قوربان بایرامی اولور دوشوروک حیواناتین جانینا. کس ها کس.  نه اولوب؟ ندن بو حیواناتی بئله قتل‌عام ائدیرسینیز؟ هئچ زاد! اشرف جناب‌لاری زیارته گئدییب. کریسمس، آخیر چهارشنبه، سیزده اولور دوشوروک آغاج‌لارین جانینا. کس ها کس. یاندیر ها یاندیر. نه اولوب؟ هئچ زاد. اشرف جناب‌لاری تؤره‌ن توتور. ایسته‌ییر کاباب میل ائله سین. اوددان آتیلسین... آمان بو... اشرفین الیندن.   گؤیده قوش، دنیزده بالیق قالمادی.  دونیانی اژداها کیمی چکیب دیشینه. واللاهی بو اشرفه تای یئر کوره‌سینده باشقا بیر موجود اولسایدی، همن بو اشرف کؤپک اوغلو  ایندی اونو یوز دفه تیکه پارچا ائله میشدی.... https://t.me/Adabiyyatsevanlar

               «میرحسین دلدار بناب» «بوگون، دوغما گونش!» یئنه بوران گلیر، کولک باشلاییر... بو یالقیز شهرده، نه‌لر اولاجاق؟! شاختا سالدیراجاق، چیلپاق ائولره شرفین، آغری‌دان گؤزو دولاجاق! بوگون، دوغما گونش، آچیلما سحر! بوگون، آتلار ایته، قوربان گئده‌جک! قارانلیق گئجه‌ده، یاراسا اوچوب بیر سورو سفیله، شاهلیق ائده‌جک! شهر اوتاناجاق، اولاجاقلاردان بوگون، شاختا یامان، آمان کسه‌جک سازاق سینسیده‌جک، قاری- قوجانی باغلی دوداقلاردا، یئللر اسه‌جک بوگون، دوغما گونش، آچیلما سحر! بوگون دوغسان آخی، تبریز قوجالار! ساعات قاباغیندا، باغ قاباغیندا کیتابلار اودلانار، دارلار اوجالار! بوگون، دوغدو گونش، اؤلومده دوغدو! آنالار قیشقیریب، ساچلارین یولدو بوگون تانری بیلیر، کیمین الی‌ایله بو قوجا شهرده، نه‌ ایشلر اولدو! ارنلر اؤلومه گل- گل دئدیلر یالتاقلار ال اؤپوب، یالان قوسدولار! شهرین هر یئری قانا بلشدی قوچاق آسلانلاری، دارا آسدیلار... «تاریخینی اونوتمایانلارا سونولور» https://t.me/Adabiyyatsevanlar

✍️:«توفان-قارا داغلی» بیر کوهنه  کروانسارایام یوز ایلیک  توز  قالیب منده گولله لنمیش   یانمیش قاپی داغیلمیش  کؤز  قالیب منده بولاغام، دورنا ایتیرمیش دومان سالخیم قان گتیرمیش قانادیم قیلینج بیتیرمیش بير یورقون ایز قالیب منده بولودام، کؤینه ییم قانلی گورشادام چوخ هيجانلی گؤزومده ياشلار سامانلی چایلاغیم دوز "duz" قالیب منده قاتار، قاتار دوه م یوخدی گوندوزومه، گئجه-م اوخدی قوجاغیم آخ، وای تولوخدی گئجلیگیم، تئز قالیب منده کؤکو چاتلامیش تَمل ام عَمل آلتیندا اؤلموشم قوللاری یوخ، ایکی اَلم لئشیم، یالقیز قالیب منده #توفانام من، فیرتینایام سورودن قالمیش دورنایام قاسیرقا توتموش سونایام یئللر، سس سیز قالیب  منده https://t.me/Adabiyyatsevanlar

✍🏻:«لیلی خیاوی» چیلله دیر، بَزه ییر ماسانین اوستون جان آتیر گؤرونه هامی دان اوستون چیخاردیر گؤزونو دوشمانین، دوستون یا رببیم! وئر شفا گؤرمه میش لره آل_الوان مئیوه نی، ژله نی دوزور اولمایان کیمسه نین باغرینی اوزور سانالدا پایلاشیب، آلقیشلار گَزیر یا رببیم! وئر شفا گؤرمه میش لره شکیلده قارپیزلا، قول_بویون اولور سانکی سئوینجینی میللت له بؤلور یوخسول بالاسینین گؤزلری دولور یا رببیم! وئر شفا گؤرمه میش لره اصیل کیمسه لرین عقده سی اولماز هر آن خوش گونوندن شکیل لر سالماز اوره یی، نخوت له، غرورلا دولماز یار رببیم! وئر شفا گؤرمه میش لره

چیلله موبارک اولسون

چیلله گیجه نیز قوتلو اپلسون عاشیق چنگیزمهدی پور