ادبیات سئونلر

دوکتور« محمدحریری اکبری» ادبیات سئونلر گوزگوسونده زمان سه شنبه: 1402/7/25 ساعات: 10 طراح:«تانیش» آپاریجی:«کریم قربانزاده» https://t.me/Adabiyyatsevanlar

. اولسون «مجید صباغ ایرانی» یالقیز . دیار جسم و جانیمدا یاخیندیر انقلاب اولسون چکیب ال ایشدن اعضا لر، بویوک بیر اعتصاب اولسون قوپور شورش وجودومدا، تشنج چوخدو داخلده حیات ایستیر سونا چاتسین، بوتون آرزیم سراب اولسون نه فرمانداریِ مغزیم، نه استانداریِ قلبیم هم آهنگ ایشله میرلر، چون نظروار اضطراب اولسون بیرعده آنلاماز سلول یاراتمیش قورخو جانیمدا قاتیرلار قانیما قندی، فشاریم بی حساب اولسون اورک آغریر، کوسورمعده م مرتب وورمورو قلبیم کی ایسترلر خراب حالیم، خراب اندر خراب اولسون کبابی وعده وئرمکدن بو زخم معده مه، آخیر یانار کن نار حسرتده، اوزو ایستیر کباب اولسون بو دونیام کی عذاب اولدو، ایلاهی سن کی شاهد سن ایکی دونیاده بیر روحه بو انصافدیر عذاب اولسون؟ بیر آلتمیش- یئتمیش ایل عومره بو منتلر نه لازیمدیر دئییرم درد هوولوندن گوناه اولسون ثواب اولسون طبیبیم، سن اولان یئرده قالیم من درده درمانسیز یورولموش خسته جانیمدا روادیر التهاب اولسون؟ بو من، بو دفترِ عومروم، محاسب لر حساب ائتسین نه قورخوم وار قیامتده حساب اولسون کتاب اولسون یتیم مالی یله بیت المال یئیَنلر خوف ائتسینلر چکیلمیش آه لاردان کی دونوب بیر گون شهاب السون اومیددن ناامید اولما بو گونلرده کئچر «یالقیز» اومیدیم واردی کی بیرگون دعالار مستجاب اولسون https://t.me/Adabiyyatsevanlar

«حافظ» صبح است ساقیا قدحی پرشراب کن دور فلک درنگ ندارد شتاب کن زان پیشتر که عالم فانی شود خراب ما را ز جام باده گلگون خراب کن خورشید می ز مشرق ساغر طلوع کرد گر برگ عیش می‌طلبی ترک خواب کن روزی که چرخ از گل ما کوزه‌ها کند زنهار کاسه سر ما پرشراب کن ما مرد زهد و توبه و طامات نیستیم با ما به جام باده صافی خطاب کن کار صواب باده پرستیست حافظا برخیز و عزم جزم به کار صواب کن  https://t.me/Adabiyyatsevanlar

شرق الاوسط «آنیرقوجام» ۱۴۰۲ ایدی مهر آیی شرق الاوسط اورتا شرق ده پارتا پارت اولدو قلبیمه بومبالار ووردولار آه ... اولنلریم چوخ یارالی لاریم سایسیز ... شوکر اولسون هله سن‌ سلامت ...           سلامتسن ! ۱۴۰۲ ، مهر ، ۱۹_و https://t.me/Adabiyyatsevanlar

«نریمان حسن زاده» اوخشا ساچلاریمی، سَپیل روحوما سنه یاخین اولوم، دنیادان اوزاق قالدیر دابانینی ساریل بوینوما قوی سکوت دانیشسین، ایکیمیز سوساق بئله‌جه سئوینیم قوللارین اۆسته اؤزون اویات منی، سیلکه‌له منی اَیلندیر بو آخشام خوش اۆز له منی طالع عزیزله‌سین قوی هله منی دؤزوموم آزالیر هردن ائله بیل دۆشوب اَریییرم تزه قار کیمی سنین نوازشین معناسیز دگیل او چاتیر دادیما خلاصکار کیمی بعضاً بیر حیاسیز گیریر آرایا اؤزو گۆنده گزیر، مَکری کؤلگه‌ده نه سسیم نه اۆنوم یئتیر هارایا بیر حیات ایشیغی سنسن بلکه‌ ده ال‌لری شفا دیر مَلحَمی ایله نه دئییم اووسون وار بلکه جانیندا دنیانین اَن بؤیوک لُقمانی بئله معالجه ائتسه هئچدی یانیندا کیمسه دوداق بۆزوب هارداسا سسـسیز دئمه‌سین آی هارای، بوردا دا غم وار نه قَدَر گۆلونج‌دور نظریّه‌نیز من دنیا گؤرموشم اؤز تجربه‌م وار دؤیوش میدانی‌دیر قدیمدن حیات بعضاً یارالاییر، من ده انسانام طبیبسیز-درمانسیز سن منی ساغالت اَیلندیر خوش اۆزله منی بو آخشام سنه یاخین اولوم، دنیادان اوزاق قوی سکوت دانیشسین، ایکیمیز سوساق https://t.me/Adabiyyatsevanlar

عدالت امی «دومان» سئللر داغيلدي باياق کي صحنه‌دي سانکي ياديمدا يئل ووردو اوٍزوٍنه تئللر داغيلدي بوردا اوْتدوغوموز آنلاري آنديم اوٍستوٍمدن اوًتوٍشن ايللر داغيلدي قاييتديم گنج‌لييه دوًندوٍم بو يئره ائنديم اوْ داغلاردان گوٍل دره-دره سالدي کوٍسگوٍن کوٍلک آجي منظره سنين چوٍن درديييم گوٍللر داغيلدي خاطيره روحومو اوْ چاغا چکدي نئچه کي من وارام هئي چکه‌جکدي آچديم گوًزلريمي، دومانلار چوًکدوٍ يومدوم گوًزلريمي سئللر داغيلدي https://t.me/Adabiyyatsevanlar

اوشاق ادبیاتی بولبوله دوستلوق حیطدن بولبول سسی گلیردی ، چیخدیم حیطه گوردوم گوزل بیر ساری کوینک بولبول اوتوروب نارآغاجدا  اوخویور... سسینه واله اولدوم، دئدیم:  نه گوزل ساری کوینک سن گل اوتور منیم چینیمده گئدک دولاناق ، دوست اولاق ،  اصلن سن گل بیزیمله قال، من سنه یاخشی دن، سو وئررم ، کیمسه ده سنه ال وورانماز، نه پیشیک نه ده  قورد قوش  ،هرزاماندا یئرین ایستی ،دن دوشون حاضیر اولار، گل گوروم  گوزل ساری کوینک ، گل ، گل قون منیم چینیمه . بولبول اصلن سایمیردی هردن ده بو بوداقدان  اوبیری بوداغا آتیلیردی ، گوز آلتی دا منی ایزله ییردی . دئدیم:  مندن قورخما ، دوستونام ، سنی اینجیتمک ایسته میرم ، بیرآز یئریدیم یاخینا گوردوم اوچوب گئتمک ایسته ییر ، قاییتدیم گئریه   دئدیم : ندن مندن قورخورسان من کی سنی سئویرم ، ایسته ییرم منیم اولاسان ، دوست اولاق ، اوز - اوزومه دئدیم:  قوی گئدیم ائودن قفسی گتیریم تله قویوم ،  قفس ده کی قابلارا بیر آز دن توکدوم ، سو توکدوم   قفسین قاپیسینا ایپ باغلاییب  گتیردیم آغاجدان بیر آزا اوینانلیقدا قویدوم یئره  دئدیم :  گلیب دنلری یئینده ایپی چکیب قاپینی باغلارام قفسی گوتوروب آپاررام ائوده  ووررام دووارا هرگون بو گوزل سسی ائشیدرم . گلدیم  پنجره نین قاباغیندا  اوتوردوم یئره  گوزوم آغاجدایدی  بیر اوندا  گوردوم  باشقا بیر ساری کوینک ده گلدی قوندو هامان آغاجا ، لاپ سئویندیم دئدیم: ایکی سینده توتسام چوخ یاخشی اولار تک  قالمازلار، هرنه دوزوم بولبولر قفسه ساری گئتمه دیلر،بیر آزدان بولبولرین هر ایکی سی ده  آغاجدان اوچودولار قوندولار بیر گولون بوتاسینا  ایسته دیم اولاردان بیر شکیل چکم ائله تلفونومو جئبیمدن چیخاردان کیمی  سونرا گلن بولبول اوچدو گئتدی، ساری کوینک ده اوچدو قوندو  اوول قوندوغو آغاجین بیربوداغینا یاپراقلارین دالینداگیزلندی دای گوزل سینه سینی، رنگلی قانادلارینی گوره بیلمیردیم . دئدیم: ساری کوینک حقیقتن سن چوخ گوزلسن گوزم قالیب سنده اودو با قفسه ده ، دن ، سو قویموشام گل گئت یئه- ایچ    بیر اوندا ساری کوینک آغاجدان اوچدو قوندو باشیم اوسته نودانین قیراغینا دوغروسو چوخ گوزل ایدی گونون ایشیغیندا نودانین اوستونده ائله گوزل گورونوردو کی لاپ حئیران اولموشدوم  هردن  ده بیر باشین آپاریردی قانادلارینین آلتینا قارا دیمده یی  ایله قانادلارین تمیزله ییردی اوزاوزومه دئدیم کئشگه الیمده بیرزاداولایدی اونو توتایدیم بیردن بولبول نوداندانین قیراغیندان  قالخدی دئدیم به اوچدو گئتسین یئندی پنجره نین هئره سینه مندن ایکی مئتیرفاصله سی واریدی بیر باخدی قفسه بیر باخدی منه بیردن دئدی : سحردن ایستیردین منله  دوست اولاسان، منله دولانماعا گئده سن امما گئتدین قفس گتیردین کیم دوستونو قفسه سالار دولانماغا گئدنده؟ اصلن  کیم دوستونو قفسده ساخلار ؟ سن منیم یئریمه اولسایدین ماوی گویلری ، گوزل باغلاری، بیر بئله چیچه یی اوتوروب گلیب اودار قفسه گیرردین؟ ته زه بئش دیقه منن اوینویاندان سونرا یورولوب منی آپاریب ووراجاقسان اوتاغین بیر گوشه سینه قویوب چیخیب گئده جکسن ایشینه گوجونه  ،بعضن ده حوصلن اولمایندا هیچ منه باش چکمه یه جکسن  ، باخ، سن قفسه  اوچ دورد دنه دن قویوبسان ایستیرسن منی تله یه سالاسان ، آخی کیم دوستونا تله قورار ؟ بیرده باخ گور  باغلاردا نه قدر ته زه دن وار، یئتیشمیش  میوه لر، اودلارین توخوملاری من سئون جوربه جوره  یئمک لر  کی سن اصلن اونلاری تانیمیرسان،  سن اولسایدین اوچ دورد دنه دن - دن  اوتورو گلیب اوقفسده  تله یه گیرردین ؟ لاپ مات قالمیشدیم دیلیم توتولموشدو هئچ نه دئیه بیلمیردیم ، ساری کوینک  منه با خا باخا دئدی:  پنجره دن باخیردیم ایچری دوواردا توفنگی نی گوردوم او توفنگ ندیر ؟ قوشلارینان دوست اولان ، قوشلارین سسینی سئون  آدام توفنگی نئی لر؟  سن هردفه تیر آتاندا بیزیم باغریمیز یاریلیر ، بیلیرسن  هردفه تیر آتاندا بیر قوشو یا باشقا حیوانی اولدورورسن ؟ سونرا مندن ایسته ییرسن سنله دوست اولام ؟  سن منیم یئریمه اولسایدین قارداشلارینین ، دوسلارینین ، بالالارینین  اوستونه توفنگ چکن ، آداملا دوست اولاردین ؟ اصلن بئله آداما یاخینلاشاردین ؟ آخی دوستلوغون اوول شرطی بودور بیز بیر بیریمزه امین اولاق، بیر بیریمیزی  اولدرمه یک  ، ایندی سن دئ، من نجورسنین چینینه قونوم؟  اگر دوغروسو ایسته ییرسن  دوست اولاق ، هرواخت توفگینی آتدین،   قوشلارا تله قورمادین ، ایستمه دین بیزی قفسه سالاسان، باشقا حوققان اولمادی اوندا گل بو باغدا من اوخویوم سن قولاق آس ، سن دانیش منده ائشیدیم  هله ساری کوینیین  سوز لری قورتارمامیشدی من ایسته دیم یئریمدن دورام تله سیک  ساری کوینک پنجرنین هئره سیندن  گویلره طرف قالخدی اوچدو ، اوچدو گوزومون اونوندن یوخ اولدو گئتدی هئره بوش قالمیشدی ،  ومن مین بیر  فیکیرخیالا دالمیشدیم . https://t.me/Adabiyyatsevanlar

اوشاق ادبیاتی یونلو قویون حاضیرلاییب سسلندیرن:«فاطمه محمودی» https://t.me/Adabiyyatsevanlar

اوشاق ادبیاتی «پاييز» « حبیب فرشباف»  بوز افوقدن‌ بويلانير سولغون‌ گونش‌ ساپ‌ ساري‌؛  غملي‌ - غملي‌ كؤچورلر  دورنالارين‌ قاتاري‌.  باشا چاتدي‌ ياي‌ فصلي‌ يئنه‌ آچدي‌ مدرسه‌،  كلاسلاردا اوشاقلار يئنه‌ وئردي‌ سَس‌ سَسه‌.  كولك‌ اَسدي‌ قوپاردي‌ ياپراقلاري‌ بوداقدان‌،  بير پارچاسي‌ نارینجي‌ بير پارچاسي‌ آل‌ - اَلوان‌.  نَفَسيندن‌ آغ‌ يئلين‌ سولدو چيمن‌، سولدو گول،‌  هيجرانيندان‌ بولبولون‌ ياپراقلارين‌ يولدو گول‌.  شئه‌ چؤكوبدور چیمنه‌،  دومان‌ بورويوب‌ داغي،‌  توسدوله‌يير چوبانين‌ ياش‌ تيكانلي‌ اوجاغي‌.  كاروان‌ - كاروان‌ قاپ‌- قارا  گؤيده‌ بولودلارا باخ‌!  بوداقلاردان‌ سال‌لانان‌ قيپ‌ - قيرميزي‌ نارا باخ‌!  مهر، آبان‌، آذرم‌  چن‌ - دومان‌ نَفَسلي‌يم‌؛  من‌ پاييزام‌ رنگلرين‌  مئيوه‌لرين‌ فصلي‌يم‌.   https://t.me/Adabiyyatsevanlar

اوشاق ادبیاتی https://t.me/Adabiyyatsevanlar

اوشاق ادبیاتی تلخون۲ یازار:«صمد بهرنگی» چئویرن:«منیژه جم‌نژاد» 🎈 آلتینجی قیز، ماه لقا، همشه کی کیمی بؤیوک قیزی یامسیلاییب دئدی: سندن بیر شئی ایستیرم حاماما گئدنده کؤلم اولسون، تویا گئدنده قوللوقچوم، ایشیم اولمایاندا دا او٘زوک اولسون بارماغیما تاخیم. تاجر کیشی قیزلارینین سؤزلرینی ائشیدیب یادیندا ساخلادی. آما یئرسیزجه، یئدینجی قیزی تلخون دا بیر سوز دئسین دئیه، گؤزله دی. او یالنیز باخیردی. یا دا هئچ باخمیردی، آداما ائله گلیردی. سونوندا تاجر دؤزنمییب دئدی: قیزیم، سن ده بیر شئی ایسته آلیم. قیز او٘زون چئویردی. تاجر کیشی دئدی: نه سئویرسن دئ، سنین ایچین آلارام. تلخونون گؤزلری پارلادی - اؤنجه دن بئله اولمازدی- تئز دئدی: نه ایسترسم آلارسان؟ تاجر  کیشی بئله سانیردی آلا بیلمیه جه یک بیر شئی یوخدو، آرخایین دئدی: نه ایسترسن. باجی لارین دئین کیمی. قیز هامی اونون آغزینا باخانا قدر دؤزدو. تلخون ایلک گز بیر شئی ایستیردی. سونوندا سانکی افسانه لرده کی پری لر بیرینین خوشبخت لیینه دیل آلتی دوعا اوخویورلار دئدی: بیر او٘ره‌ک له جییر! بونو دئییب آرام سیگار توستوسو کیمی دوروب گئتدی. باجی لاری له آتاسی بیر سوز ائشیتمه‌میش، اونون گئتمه سینی گؤرمه‌میش کیمی، اونون آغزینین یئرینه گؤز تیکیب، ائله قالمیشدیلار. سونوندا تاجر کیشی  بئله ساندی قیزی بیر سؤز دئمه دن گئتدی. کیمسه اونون سسینی ائشیتمه‌دی. یالنیز ماه لقا، آلتینجی قیز، تلخونون ساغ یانیندا اوتوردوغونا گؤره، اونون بیر او٘رک له جییر! دئدیینی ائشیتمیشدی. نیه او٘رک له جییر؟ مگر تاجر کیشینین ائوینده آز یئمک واریدی، تلخون او٘رک، جییر هوس ائله میشدی؟ تاجر کیشی تلخونون دالیسیجا  گئتدی. باجی لاری باشلادیلار قیرجانماغا. بؤیوک باجی ماه فرنگ، زوراکی گو٘لمه یین ساخلییب دئدی: باجی گؤرسن آدامین عؤمور بویو بیر شئی ایستمییب، ایندی او٘رک له جییر ایستمه سی گو٘لملی دئییل؟ منیم کی بئله شئی‌لردن اؤیورمم توتار...اورک، جییر ها...ها...او٘رک جییر...دوغوردان کی گو٘لملی دی...هاها...ها... دوداقلاریندان چیلدیران بیر شهوت آلو لانیردی. ایکینجی باجی، ماه سلطان یاخاسینی آچدی، کوکسونه هاوا دیسین دئیه ( دؤشلرینین آراسیندان تر ایی قالخیب آدامین نفسین کسیردی) دئدی: او٘ره‌ک، جییر...هاها...ها...دوغرودان مه لقا جانیم سن اؤزون ائشیتدین؟ گو٘لملی دی...ها...هاها...ها... بللی دئییل او٘ره‌ک جییری نئیلیه جک... اوچونجو باجی ماه خورشید، آرخاسی او٘سته اوزانیب، باشینی ترپدیب، ساچلارینی او٘زونه تؤکوب عشوه لی دئدی: اه...نه سؤزلر...حوصله نیز وار ها...یازیق ارلریمیز ایندی تک باشینا داریخدیلار. دورون اولارین یانینا گئدک...دورون ارلریمیزین یانینا گئدک! دوردونجو باجی، ماه بیگم، باشی له اونون سؤزونو دوغرولادی. بئشینجی باجی، ماه ملوک، آلتینجی باجی ماه لقا دا  ائله ائلدیلر.  گئتمه یه قالخدیلار . تاجر کیشینی قاپی دا گؤردولر. دئدی: باشقا بیر شئی ایستمیر. نه قدر دئدیم: آخی منیم بالام او٘ره یی نه ائدیرسن؟ یالنیز بیر کره ایستیرم دئدی. سونرا دئدیم: توتاق کی او٘ره یی ایستیرسن، جییری نه ائدیرسن؟ اوکی بوتون قان دی. قانی نه ائدیرسن؟ گئنه یاواش دئدی: ایستیرم اولسون. ایستیرم اولسون نه دئمک؟ سیزجه گو٘لملی دئییل آدام او٘رک ایستیه، جییر ایستیه؟ قان ایستیه؟ قیزلار سس بیر دئدیلر: نیه آتا جان گو٘لملی دیر، چوخ دا گو٘لملی دیر، اونا ار تاپ. تاجر کیشی دئدی: ایسته میر. ائولنمک گو٘لملی ایش دیر دئییر. آما کیشی لرین دوستلوغو غنیمت دیر. قیزلار شیطانلیقلا دئدیلر: اولسون آدینی دوست قویاریق، نه فرق ائلر؟ سونرا گو٘لوب بیر بیرینی چیمدیکله دیلر. آتالاری دئدی: دئییر اونلار کیشی دئییل. هله سیزین ارلریز، هله من... قیزلار تعجب له دئدیلر: نئجه دئییل لر؟ بیز گؤزوموزله گؤردوک...آتالاری دئدی: دئییر او او٘زدن گوسترمه دی، ائشیدیسیز؟ دئییر او کیشیلیک دئییل، او٘زدن بیر گوسترمه دی. منیم باشیم چیخمیر، سیز باش چیخاردیسیز؟ قیزلار دئدی: گو٘لملی دی. سونوندا ماه خورشید دئدی: باجی لار، بئینیزی بئله سؤزلرله یورماسانیز یاخجی اولار، یاخجی کی ارلریمیزین یانینا گئدک. آتامیزدا شهره گئدیب ایسته‌دیکلریمیزی آلسین. گئدک باجی لار! تاجر کیشی ماه فرنگه حامام تاپشیردی، ماه سلطانا پالتار، باشماق آلدی، ماه خورشید ایچین ایکی سوتول موتول، دؤشلری یئنیجه چیخمیش قوللوقچو آلدی، ماه بیگم اوچون پشمک دن آغ، شوه دن قارا بویون  باغی تاپدی. ماه ملوکا او٘سگوکده یئرلشن عقیق جوراب تاپدی، ماه لقایا زمرد دن بیر او٘زوک آلدی، حاماما گئدنده نوکری اولسون، تویا گئدنده قوللوقچوسو. سون بئشیینه او٘رک، جییر آلماق ایسته دی. اؤز یانیندا دئدی: بونو بیر دیقه ده آلارام. اوبیری شئی لره چوخ واقت قویموشدو، بیر ساعات تامام. اونجه بیر بازارچایا کی یادیندایدی اوردا بیر زامان جییر، او٘رک ساتاردیلار گئتدی. آردی وار...

اوشاق ادبیاتی مرجان مناف‌زاده پاییز پاییزین گلیشینی کیم دئدی آغاج‌لارا؟ یئل می قووالامیشدیر یارپاغی بوجاق‌لارا؟ اسمه‌جه توتوب نسرین رنگی قاچیب لالانین قرنفیل کدرلی دیر گؤزو دولوب سارانین گونشین گوجو چاتمیر قیریلیر گؤی بوداق‌لار یئل ایله یاغیش یاغیر قوپور، دوشور یارپاق‌لار قارقالار های سالیبلار پاییز گلدی خبردار باغدا نه قالیبدیرکی ییغیب آپارسین باغدار؟ بادام، جئویز، اییده دیر قیشدا دادینا چاتان یاخشی ساخلیین ائوده یئیر کورسوده یاتان اوزوم‌لری دام‌لاردا کیشمیش اوچون سرمیشیک آسمالاری آسمیشیق چیلله‌یه بسله‌میشیک آنالار یورولماسین  سوزَلی اولسون دوشاب قیش‌لارین قاری اوسته مزه‌لی اولسون دوشاب https://t.me/Adabiyyatsevanlar

اوشاق ادبیاتی اوشاق ادبیاتی هرهفته پنجشنبه گونو ادبیات سئونلر کانالیندا  . اوشاق ادبیاتینا دایر یازیلارینیزی بیزه گوندرین . https://t.me/Adabiyyatsevanlar

چرچیوه « حسن بابایی» عجبشرلی  بیزیم شهرده بیر دولگر وار ایدی. گوزدن کور ایدی اواوزدن اوءزونه گلدیکده نصیر عمی دئیردیلر آنجاق اوندان صحبت گئدنده یازیق کیشینی (کور نصیر )آدیلا سس لندیرردیلر. نصیر عمی قاپی -پنجره، نردیوان -خره چوو، ائو اشیاسی جهره -وردنه -اووخلو، کندچی لرین تصرفات آلت لرینی (هش -موراز وسایره )،آها یادیما دوشدو بونلاردان باشقا چرچیوه ده تک لیکده قاییراردی. الی نین ایشینه هئچ نه ایراد یاپیشمازدی، آتام لا یاخین کندی ا ولدو قلاریندان آخشام چاغلاری آتام اونون یانیندا واختینی سوواردی نصیر عمی نین قاییردیغی آلت لر بیر چوخ ائولرده اون ایل لرله ایشله ییردی. دئیلن لره گوره اوشاق چاغلاریندا دئیه سن .............. ......خسته لیکدن آلازلایب گوزلری نین ایشیغی آرادان گئدیب بیر یوللوق ایشیق دونیایلا وداع لاشمیشدی، یئرینه یاد داشی قابلیت لنیب اوءزونو منیمسه یه بیلمیشدی. اوچاتی دان نصیر عمی ده دویغو (احساس عاطفی )چوخ یوخ آزجا گوجله نیب بعضن دوزمه لرده دوزه بیلیردی. 1370جی ایل لرده محترم فولکلورچی میز (سایمان )سهو ائتمیرمسه جناب طیبی نسلین دن اولان یول مجله سینده بیر رپورتاژ (گزارش )ده حاضیر لامیشدی نصیر عمی سوزلری نظم له دئمک ده مطلق چتینه دوشمزدی مثلا :گئدین دئین حسنه -صاباح گلسین دوزنه (1)یاخود :ابراهیم علی نه واخت دی دوست-تانیشدان اوزاخدی. حسن قیبیل(2) همسایا -هئچ دیلی توتماز سایا .دانالی دان گلنده -شتوو (3)خلیل چیمن ده مرغداری دوزلدیب -بیزی ائدیر شرمنده وسایره. هه اونو دئیردیم نصیر عمی بیزیم حیط قاپی میزین تای لارینا بیر چرچیوه یاراشدیرمیشدی گل گوره سن. کیپ -قیفیل لاماق لازیم دئیلدی، قاپی تای لاری ائله یئرینده اوتورموشدولار سانکی چاغداش دوورون سیاست چی لری ماسا آرخاسیندا اوتوران لار کیمی. منه ائله گلیردی ائویمیز بوتونلوکده چرچیوه یه دوشموشدو. ائوده سوز بیر نفرین ایدی، آتام نه دئسه یدی سوزونون اوستونه سوز دئمک مومکون دئیلدی. قمیش بند ائله مه، دئیه سن چرچیوه دن چیخمیسان، الین -آیاغینا اوزونلوق ائدیر، چوخ دانیشما، بعضن اصل دانیشما دئیردی. ایندی یاشیم 55 ین گدیینی آشیب 60 آجان آتیر، اوءزوده آستا -آستا یوخ دورد -دم چاپیر، آنجاق بیر سوزو دئمک ایسته ردیم هله ده -هله ده (چرچیوه )منیمله چیین -چیینه آددیم آتیر. قاپی میزی اوچاغ دئیشدیک، دئملی نصیر عمی نین چرچیوه سی محکم اولدوغوندان دئیشیلمه دی. تای لاردا دوزونو دئسم تک لیکده بیر ایش گوره بیلمه دیلر، بیری نالا ویردی -بیری میخا .چرچیوه نین ده اوزه ل لییی ساخلاماق -ساخلاماق بیرداها ساخلاماق ایدی. یولداشیم مندن خاطیره ایسته میشدی، بونو یازا بیلدیم منی باغیشلار!!!!!!!!!! 1 دوزن قورماق (ایلنمک -اییلنجه -فارسجا تفریح دئمکدیر ) 2 - تاخما (لقب )دیر 3 یئنه تاخما آد دیر 1399-7-3 https://t.me/Adabiyyatsevanlar