ادبیات سئونلر

ممد_آراز آه! بو قیسا سئودا یولو، وورولمادی باشا؛ کؤنول! حالال قلبه یول آختاردیم؛ چیخدی یولون داشا؛ کؤنول! دؤننم عؤمرون غروبوندان؛ یؤن آلسام مرد غروروندان؛ وفالییا جانیم قوربان؛ وفاسیزدان حاشا! کؤنول! بو اولاجاق هئچدن اولدو؛ نامرد آتان داشدان اولدو؛ سنین آغلین باشدان اولدو؛ نادان کئچدی باشا؛ کؤنول! بیر ده هاردان بیزی آنلار؛ او زامانلار، او مکانلار؟ الیمیزه او خوش آنلار_ بیرده چتین دوشه؛ کؤنول! گوناهکاری منمی_سنمی؟ گؤر آنلایا بیلرسنمی؟ گؤر یاشایا بیلرسنمی؟ یاشا منسیز! یاشا کؤنول! https://t.me/Adabiyyatsevanlar

یئل‌دن دانیشیر!! ✍یازان: افروز خانیم کئفی سازلیقدان آغا چوخ اوجا سِن‌دن دانیشیر من چؤره‌ک محتاجی‌یام اِیروپلئندن دانیشیر!! کاش گَله بیر بازارا، آج گؤز اولان خالقی گؤره اود دوشوب جانلارا، چکمیر ادودو، گئندن دانیشیر!! بیر "پراید" آرزو اولوب چوخلارینا، چوخدان دیر بللی‌دیر توخدو داداش، موفته‌‌جه دَن‌دن دانیشیر!! گئجه‌نین ظولمتی چؤکموش یالاواج قارنیمیزا آغ گونو بختَورین وار، بئله گون‌دَن دانیشیر!! تؤکولوب قاش- ساچیمیز داغ کیمی غمدن بو بابا کئفی سازلیقدان اوزون ساچ، ساری تئلدن دانیشیر!! یاس چؤکوب خالقیمیزین کؤنلونه آخ- وای‌دی گونو توی توتوب بعضی‌لری زورنا و کِل‌دن دانیشیر!! بیر جیغیر روزیمیز اولموش، یئییریک اؤلمه‌ییریک نه سببدن بو بابا بوللوجا سئل‌دن دانیشیر؟! جِت آلینسا یئنه‌ده پوللولارین خوش حالینا یاغ- یاغ اوسته تؤکولور، یاغلیجا فئل‌دن دانیشیر!! بیلمیرم هاردا یاشیر بو، بئله دیک- دیک بویورور گؤره‌سن بوردا یاشیر، بو فاغیر ائلدن دانیشیر؟! دوز سَپیر باغریمیزین قان یئرینه بعضی‌لری قار آلیب کؤنلوموزو بو هله گول‌دَن دانیشیر!! بئله سؤزلر چوخ اولار، یئل کیمی بوش وئر "افروز" یئل‌پَنَک کؤنلونه دوشموش اودو یئلدن دانیشیر!! https://t.me/Adabiyyatsevanlar

ائلدار موغانلی آد گونو بو گون آد گونوندور ، ییغیلیب هامی، ییرمینجی یاشینا دولورسان ایندی. گؤروشون بورویوب شاعر دونیامی، شعیرده سنیندی، سؤزده سنیندی. داغلار اوجا قویسون پاپاغین بو گون، جوشسون بولاقلارین قاینار اوره‌یی. مئشه‌لر زومزومه ائتسین سنینچون، اوخشاسین کؤنلونو باهار کوله‌یی. یاشیل مئشه‌لرین، سرت قایالارین- سینه‌سی اوستونده گول آچدی ایزین. قیش گونو جارچیسی اولدون باهارین، صاباحا یؤنلدی اوره‌یین، گؤزون. سئودا یوللاریندا توش اولدون غمه، مین فیتنه تؤرتدی «قارا ملیک»لر. بؤیوک گوناه اولموش سئوگی، سن دئمه! سارای قانونلاری اولاندا ازبر. دونه‌نین قادالی، بوگونون قانلی، سول دؤشون اوستونده داغ واردی یئنه. باشین فیرتینالی، کؤنلون دومانلی نه حزین باخیرسان آنا وطنه؟! ییرمینجی قیش کئچیر یاز حیاتیندان، بو گون آد گونوندور، ییغیلیب هامی. ائله بیل دایانیب، یئریمیر زامان گؤروشون بورویوب شاعر دونیامی. الی بوش دئییلم بو گونونده من، اؤزومدن قورتاریب، من سن اولموشام. سنین بولاغ کیمی صداقتیندن- «آردینجا سورونن کؤلگن اولموشام.*» قایناق: ایشیق سایتی https://t.me/Adabiyyatsevanlar

حیدر بیات بو اسن یئلده ساچلارینسیزلیق اسیر ساچی‌نین یئرینه * یئل اللریمین گیزیلتسیندن سووشوب لالا چیچکلرینین قیرمیز-قارالارییلا اونو پایلاشیر گیزیلتینی دئییرم. اویناییر چیچک‌لر اویناییر سیزیلتیلاریم چیچک‌لر ایچینده https://t.me/Adabiyyatsevanlar

آراز آصف منیم سئوینجیم بیتمه یه جک هله گونش دوغماسا بئله من حتی چیچک لری حیس ائده جخ یم سنی لاپ اونودسام بئله - اونوتدوم بوردا شعرین نه اولاجاغینی- شهر چیراغلارینی سوندورور تورپاق چوره ک وئرمیر و من دینمیره م آدینی بیلمیره م سسینی ائیشیتمیره م دادینی - کلمه نی اونودورام بو قارماماریشیق شعرده- داها ساللاخانالاردا آداملار گولمه سه لرده اینسان سنین گولوشونو یازاجاق قان قوخوسو تاپیلماییب سا سنین‌سسیسنسیزلیک ده بوراخدیغین قوخو یازلاناجاق نازلاناجاق کپنک لر ( گوی بیچنک لر ) آدام باشینا درمه یه میلیونلارلا سونبول وار سئوگیلیم -آنجاق یادیمدا دئییل اون خمیر چوره ک قوخوسو بوردا نئجه گلمه لی دیر- من بو آلزایمرله هله سنه گوله جه یم سنه گولوشلریمله شعر یازاجاغام هله سئوینه جه یم سنی... سنی سئودیییمه سئوینه جه یم سئوگیلیم... https://t.me/Adabiyyatsevanlar

کریم قربانزاده تبریزین دلیسی‌! تبریز دلی‌بازدیر دلی‌لرین شه‌هری‌دیر تبریز دلی‌لرین یئری‌دیر تبریز و من بو شه‌هرین دلیسی‌یم: «باغمئشه»‌نین، «سرخاب»ین، «مارالان»ین، «چرنداب»ین دلیسی! تبریز اؤلوبازدیر و من اؤلولرین اؤلوسی‌یم: «حیدر»ین، «ستار»ین، «اوختای»ین، «صمد»ین اؤلوسی‌یم؛ تبریزین دلیسی‌یم! قایناق :ایشیق سایتی فروردین 1403 https://t.me/Adabiyyatsevanlar

گئت اورادا یئرسیز یئره شیش-پاتلا! اؤل-دیریل. اؤزوندن آشاغیداکیلارا باخ سئوین، اوزوندن یوخاریداکیلارین دردلرین دولدور قارنینا. اولانیوی بیر یئرده گیزلت، اولمادقلاریندان اؤترو اؤزونو جیر- داغیت. یئنی دن آغری- آجیلارلا قول بویون اول. قوی بویون گوده لیب؛ درینه قیریش، ساچلارینا دن، اوریینه خال دوشسون...» قیزلا باغین ساغ یانینداکی قیرمیزی بیر چادیرا یاخینلاشدیق. ایکی گونش قافایا سیغیشماز بیر گؤزللیکله دوپ-دورو ماوی گؤیده، گؤزقاماشدیرمایان ایشیقلاریلا او پلانئتین قارانلیغینی آرادان قالدیریردیلار. هاوا نه ایستی نه ده سویوق ایدی.بیزیم پلانئتده تایی اولمایان سرین مه، آدامی مین ایلیک یوخودان اویادیردی. گوللرین عطری انسانی دوردوغو یئره میخلاییب دایاندیریردی. یئر پلانئتینه قاییدیب-قاییتماماق آراسیندا شاشیرمیشدیم. لاکی بیرآز مندن آرالی چومبه لیب منه باخیردی. گؤزلری بیرآز یاشارمیشدی. گؤزلریم لاکینین گؤزلرینده قیفیلانیب قالارکن، اورگیم چیلغین قوش کیمی چیرپینماداایدی. اؤزومو بیردن قیرمیزی چادیرین ایچینده گؤردوم. بیر گؤرولتو منی هوشدان آپاردی. اینالی داغی نین باشیندایدیم. قارا توستو تبریزین اوستونه هوندور بیر چادیر چکمیشدی. باش آغریلاریم بدنیمین هر یئرینه یاییلیردی. ۱۴/۰۱/۱۴۰۳ تبریز https://t.me/Adabiyyatsevanlar

نادر پاشا باشیمین آغریسی یوخ! یوخو دئییلدی. اؤز باشیما گلدی.ایکی نفرایدیلر. ایکیسی ده بسته بوی، اوزون بویونلو، ایپک ماوی ساچلی ایدیلار. بیرینین گؤزلری بیر توریاشیلا چالیردی، اوبیرینینسه گؤزلری گؤرمه دیگیم بیر بویاداایدی. اونلارین گؤزلری گیرده هابئله ایکی قات بیزیم گؤزلریمیزدن ایرایدیلر. ایکیسینین ده اللرینده داغ چلیگی وارایدی؛ چلیکلردن آن-باآن، اویان-بویانا شاشیردیجی ایشیق یاییلیردی.  آل بویالی چادیرلاری دا، دوز منیم قارشیمدا، اینالی نین اوجالاریندا، هامار بیر یئرده قورولموش ایدی. لاکی-بالاجا ایتیم- هورمه یه باشلادی.  قیزلارین بیری الی ایله لاکینی تومارلادی. ایت ائمیلدن گؤزلرینی قیزین گؤزونه دیکیب چادیرا گیردی. «سیزده بویورن چادیرا.» یاشیل گؤزلو قیز دئدی. ایستر-ایسته مز چادیرا گیردیم. دا بیلمه دیم نه اولدو. بیر گورولتو گلدی. هوشدان گئتدیم. گؤزومو آچارکن باشقا بیر یئرده ایدیم. هاوا ایلیق، گوی آچیق ماوی ایدی، ایکی هوندورگونش بیری باتی دا، بیریسی ده دوغودا بیر-بیریندن چوخ آرالی او پلانئتی ایشیقلاندیریدیلار. دوره م دولوایدی گؤزو یئکه، یوسما، بسته بوی قیزلارلا. هامیسی دا بیر-بیرینه اوخشاییردی. یالنیز هربیر قیزین گؤزلرینین اورک اوخشایان باشقا بیر تور، بویاسی وارایدی.هامیسی بیر بویدا، هامیسی عاغیلا سیغمایان سوییه ده گؤزل ایدیرلر. چوخ پوزقون ایدیم. آغریلاریم، آجیلاریم منی آیاقدان سالماقدایدیر. لاکی سسـسیز-سمیرسیز، کئفی ساز یوموشاق، کیچیک بیر دوشهیین اوستونده اوزانیب، شیرین یوخویا گئتمیشدیر. قیزلارین بیری قولوما ایپکدن یوموشاق، ایشیلدایان نازیک بیر قولباق سالجاغین دئدی: « اورگی چوخ چیرپینیر؛ باشینین دا اغریسی قولاقلارینا، گؤزلرینه، بوینونون دامارلارینا، بوتون سینیرلرینه یایلمیش. بئش دیقه بئله کئچسه اوله جک.» قیزلارین بیری او بیری اوتاغا گیریب،  الینده بیر بوللور بارداغلا  قاییدیب، منه یاخینلاشدی. - تئز اول، آل ایچ! قیز دئدی. بارداق گیله نار رنگینده سو ایله دولوایدی. سویو ایچجه یین ائله بیل آنادان تزه دوغولدوم.یئر پلانئتیندن گتیردیگیم بوتون آغری-آجیلاریم آرادان گئتمیشدی. قیزلارین بیری قوللارین اورک فورموندا آچیب قارشیمدا دوردو. « باخ گؤر اؤزونو تانی یا بیلیرسن می؟» دئدی. قیزین قوللارینین آراسینداکی گوزگوده اؤزومو گؤردوم. قیرخ بئش ایل، اوچ آی، اون بئش ساعات اؤنجه یه قاییتمیشدیم. اوزومده بیر قیریش دا قالمامیشدی. آغ ساچلاریم شپ-شوه اولموشدو. هر شئیی آپ-آیدین گؤروردوم. داها گؤزلوک گرگیم دئیلدی.یئردن گتیردیگیم، دؤیوشده ایشدن دوشن، آغیر ائشیدن قوللاقلاریم داها دارینی دلیردی. اؤرییم نورمالجاسینا دؤیونوردو. آیاغا قالخیب، سئزدیم بویومدا ۲۰ سانتی متیر اوجالیب. یئکه آیاقلاریم اینجه لشیب. موتالا اوخشایان قارنیم بالاجالاشیب. هر پرابلم قالدیریلمیشدی، آغریلاریمدان-آجیلاریمدان بیر کیچیک ایز ده قالمامیشدیر؛ آنجاق یئر پلانئتینده کی آرواد اوشاغیمین، قوهوم-قارداشیمین، دوستلاریمین، باغلی اولدوغوم نسنه لرین فیکری منی بوراخمیردیلار. ایین-باشیما اویغون گلن پالتارلاری منه گئیدیردیلر. سونرا قیزلارین بیری اوزون منه توتوب دئدی: « بئی بیر نئچه گون منله بورادا  دولانمالیسان. ایسته سن ائله بو پلانتده قالارسان؛منله ده ائولهنرسن.» قیزلا برابر گؤزل-صفالی، چپرسیز بیر باغا گیردیک. آچیق یاشیل، آچیق ماوی، آچیق ساری، الوان یارپاقلار؛ عؤمرومون باشا-باشیندا گؤرمه دیگیم، بویالاریلا تانیش اولمادیغیم چیچکلر، قیرمیزی لکه سیز ایری آلمالار، گیلاسا اوخشار میوه لر، چئشیتلی یئمیشلر، گؤوده لری بوللور آغاجلار؛ دوغوردان دا منی شاشیرتمیشدیلار. قاینار سولاریندا اؤز شکلیمی آپ-آیدین گوردویوم بولاقلارین بالدان شیرین سویوندان ایچمکله دویماق اولموردو؛ آنجاق یئر پلانئتینده کی باغلی اولدوغوم نسنه لر منی دینج قویموردولار. یامان داریخیردیم.اوزومو قیزا توتوب دئدیم: - اولار بیزی اؤز پلانئتیمزه قایتاراسیز! قیز اینجیمه دن، اینجه دن دئدی: « بیزلرده هر کیمسه نین اؤزل حؤرمتی وار. بوردا زوربالیق، یالتاقلیق، خیانت، هابئله بونلارین تایلاری، آنلامسیزدیرلار.بیز بونلارین آدلارینی، نه اولدوقلارینی دا سیزلرین بئینلریزدن اوخویوب، اؤیرنمیشیک. آما سنین آغریلارین، آجیلارین، درینده کی قیریشیلارین؛ بوی- بوخونونونداکی یارامازلیقلار! باشقا جسمانی پرابلملرین بو پلانئتده، اؤلوب آرادان گئتسه لر ده، قایغیلارین سنی بوراخان دئییلل. بیز سنی تئزلیکله اؤز پلانئتیوه قایتاراجاییق. آما لاکینی دا سنه وئرنمریک. اونا اورگیمیز یانیر.ایچی-ائشیگی بیر، وفالی قدیر بیلنین بیرینی سیزین پلانئتیزه قایتارانماریق. قوی لاکی بیزیم پلانئتده اؤزگور دولانسین، ائشیگه چیخاندا اوره یی اوزولمه سین قورخماسین... یالنیز سنی اؤز یئریوه قایتاراجاییق. گئت اوردا کئفه باخ. قوی بوینووا بویوندوروق سالسینلار؛ بئلیوه یوک چاتسینلار.

حمیدرضا حسینی آفرودیتا سنی گؤزه‌للیک تانریچاسی کیمی سئودیم اوندا دلی قانلی میف ایدین! ایندی ده گنج‌سن میف‌لر قوجالمیر آخی! دنیز دیبینده‌کی اولدوزلار، گؤی اوزونده‌کی‌لردی، اوووجومدان تؤکولور باشینا سپنده! گؤی قورشاغی، بئل قورشاغین! هؤرویونو هؤرومجه‌یه هؤردوره‌نیم! توت آغاجلارینی چیرپاجاغام یئتیشنده بارامالار؛ چییینینه قونسون آل-الوان کپه‌نک‌لر دوداغین چاخیر سهنگی، حوجئیره‌لریم لول گرک! قوجاغیندا یووارلاق جان آلانلار، جان آلان! کؤنده‌له‌نین اوزون بیچدیر دونووون، باغریمیزدا بیر بیرینه یئر گرک! گؤوده‌م اسکیمولار ایقلوسو، دونوق، قیروو. ماقما کوتله‌سی‌دیر اوره‌یین؛ قولاغیما یای پیچیلدا، اوزومه یاز هووخور! آفرودیتا، میف‌لری موزئی‌لرده اولور، اورایا گئت، گؤزه‌للر کوللئکسییاسیندا دور، فیقوروندان تانییاجام سنی. آفرودیتا ائشیت اویان، ماغارالاردا رسم اثری اول دیوارا بویان. هئروقلیف اول داشت یونول. شئعیر اول هومرین کیتابیندا. الی کومپاسلی آختاریرام سنی آفرودیتا! یونانیستانا گلیرم بوتون دنیزلری اوزه‌جم. https://t.me/Adabiyyatsevanlar

عرفان نظر آهاری " داستان امروز " ماریانه دیروز صبح از خواب بیدار شد. دوش گرفت. صبحانه خورد. روزنامه خواند. به خرید رفت. خریدها را در یخچالش گذاشت. آخرین صفحه های کتابش را مرور کرد و آماده شد برای رفتن به کارگاه کتابخوانی فلسفی. این پنج شنبه هم شبیه خیلی از پنج شنبه های دیگر بود. یک روز عادی، یک روز خوب، کمی آفتاب، کمی ابر، باد هم می آمد. هیچ چیز مشکوکی نبود. ماریانه دلش شور چیزی را نمی زد،  قرار نبود اتفاق خاصی بیفتد. او حتی کمی خوشحال هم بود. سوار دوچرخه اش شد تا به ایستگاه لیدن برود و از آنجا با قطار به آمستردام جایی که همه پنج شنبه ها جلسه کتابخوانی برگزار می شد. او داشت رکاب می زد که دوچرخه ای دیگر جلویش پیچید. ماریانه هول شد، از دوچرخه افتاد، سرش به گوشه جدول خورد و‌ مُرد. من ناگهان کنار زمان ایستادم و گفتم: چی؟ ماریانه مرد؟ اول گیج و‌ مبهوت چنین مرگ بی مقدمه ای شدم اما چند دقیقه درنگ کردم و تازه یادم افتاد من که از سرزمین زنانِ سوگوار و زندگی هایِ قدغن آمده ام، برایم «ماریانه مُرد،» آنقدر عجیب نیست که ماریانه ۷۹ ساله داشت به جلسه کتابخوانی فلسفی در آمستردام می رفت. ماریانه می خواست دوچرخه اش را در پارکینگ دوچرخه ها بگذارد و یک ساعت تا آمستردام برود، دو ساعت در جلسه بماند و وقتی که بر گردد حتما شب شده و هوا تاریک و ماریانه ۷۹ ساله قرار بود دوباره در تاریکی شب دوچرخه اش را از ایستگاه بردارد و به سمت خانه اش رکاب بزند. ماریانه ۷۹ ساله چقدر شور زیستن داشت و چقدر شوق دانستن! دو ساعت بعد از مرگ ماریانه من منتظر بودم پسرش شیون کنان چنگ بر صورتش بکشد و بگوید: مادرررر، مادررررم اما پسرش آرام در حالی که چشم هایش نمناک بود گفت: عرفان اگر مادرم کلاه ایمنی داشت، الان زنده بود. حتما برای تینکه یک کلاه ایمنی بخر؛ و بعد چشم دوخت به گوشه ای و گفت: مادرم خیلی سفر کرد همه جا را دید از امریکا تا استرالیا، عاشق شد، بارها! مستقل بود. تجربه کرد. زندگی کرد… بعد مکثی کرد و گفت: خوشبخت بود. به نظرم نباید زیاد گریه کنیم، دلیلی برای گریه نیست. او کاملاً زندگی کرد. و من دوباره یادم افتاد سوگواری ما بیش از آنکه از مرگ کسی باشد از حسرت زندگی نزیسته اوست. داغ زندگیِ نکرده شخص درگذشته، جگر هر بازمانده ای را تا ابد می سوزاند. زندگیِ زیسته حتی مرگ را هم پذیرفتنی می کند. https://t.me/Adabiyyatsevanlar

سس و سوز:لیلی خیاوی https://t.me/Adabiyyatsevanlar

رقیه کبیری مشروطه خانیم رمانیندان قیسا بؤلوم ستارخان قاش-گؤز اشاره‌سی ایله اسماعیل‌آقانین الینده‌کی قزئت‌لری گؤستریرکن آرتیریر: «سؤزون دوزونو دئسم ملانصرالدین‌‌ین گولمجه‌لری بیزیم توپ-تفنگیمیزدن داها آرتیق یوخویا دالانلاری آییلدیر. ملانصرالدین جهالتین دوشمانی‌دی، خالقین جهالتینی اؤز دیلی ایله خالقا ناغیل ائله‌ییر.» ستارخان دانیشیرکن یاکوب دقت‌له گؤزونو اونون آغزینا تیکیر. یاکوب-ون گؤزلنیلمز حضوروندان هیجانلی اولسام دا، اوزومه یانسیتمامایا چالیشیرام. ستارخانین سؤزو باشا چاتار-چاتماز یاکوب چانتاسیندان بیر نئچه قزئت چیخاریب منه وئرمه‌دن اؤنجه ان یوخاریداکی قزئتی او بیری الینده توتوب، دئییر: «بو قزئتی اؤزل اولاراق سنین اوچون گتیرمیشم.» سونرا او بیری الینده‌کی عالم نسوان قزئتینی گؤستریریر: «بو قزئت‌لری ده نریمان معلیم سنه گؤندریب.» تعجب‌له اونون اونون الینده‌کی بیگانه دیلده یازیلمیش قزئته باخیرام. بهادر دئییر: «دئیه‌سن او قزئت انگلیز دیلینده یازیلیب.» یاکوب ایسه آرتیریر: «بو قزئت انگلتره‌‌نین سافروجت‌لرینه اؤزل بیر قزئت‌دی.» سافروجت آنلامی‌نین نه اولدوغو بئله بیلمیرم. یاکوب قزئتی الیمه وئریرکن دئییر: «سافروجت‌لر رای حاقی ایسته‌ین قادینلار قروپودی.» قزئت‌ده‌کی عجیبه شکیله باخیرام. الینی چنه‌سینه قویموش بیر قادین‌ین قارشیسیندا دولون آی کیمی ایشیق‌لی بیر مایاک چیراغی، آرخاسیندا ایسه بیر قالا وار، قالانین باشینداکی بایراق اولدوقجا آیدین گؤرونور. آنجاق منیم دقتیمی چکن قالا ایله مایاک‌ اورتاسیندا ایلشمیش قادین‌ین عظمتی‌دیر. قادینین عظمتی‌ یانیندا قالایلا مایاک چوخ کیچیک و اهمیت‌سیز نظره گلیر. قادین‌ین اطرافیندا یانان گاز چیراقلاری عابده‌لرین چئوره‌سینده یاندیریلان شمع‌لری منه خاطیرلادیر. ایندیه کیمی بیر قادینی بئله عظمت‌لی گؤسترن بیر شکیل گؤرمه‌میشدیم. شکیلین یوخاری باشیندا یازیلمیش قیسا متنده اوخویا بیلدیییم یالنیز ۱۹۰۷ دی. یاکوب-ون اوزونه باخمادان دئییرم: «تاسوفله من انگلیزجه اوخوماغی باجارمیرام» یاکوب‌دان اؤنجه بهادر دئییر: «وئره‌ریک باسکرویل قزئتده نه یازدیغینی بیزه اوخویار.» «سردار ایله دانیشیغیم باشا چاتدیراندان سونرا من اؤزوم قزئتده نه یازدیغینی سیزه اوخویارام.» قزئت تیترینی اونا گؤستریرم: «بوردا نه یازیب؟» «قادین‌لار اوچون رأی!» سردار دئییر:«دانیشماقدان قاباق سنگرلریمیزی گؤرمه‌لیسن. قزیتیزده مجاهیدلریمیزدن ده یازمالیسان. https://t.me/Adabiyyatsevanlar

چارلی چاپلین: تولد1889لندن فوت:1977 سوئیس چارلی چاپلین هیچ اسکاری نگرفت در نهایت آکادمی اسکار، جایزه مخصوصی به او داد. به او اجازه دادند در مراسم پنج دقیقه صحبت کند او یک کلمه حرف نزد اما حاضران دوازده دقیقه ایستاده برایش کف زدند ... این ویدیو فقط نود ثانیه از آن مراسم است ... https://t.me/Adabiyyatsevanlar

اوشاق ادبیاتی https://t.me/Adabiyyatsevanlar

اوشاق ادبیاتی https://t.me/Adabiyyatsevanlar

اوشاق ادبیاتی چومچه خاتین https://t.me/Adabiyyatsevanlar