ادبیات سئونلر

سوسن نواده رضی شاعیر، یازیچی...

سوسن نواده رضی : هر کسه اوغورلار دیلرم. یاشاسین ائلینه قوللوق ائدنلر. https://t.me/Adabiyyatsevanlar

سوسن نواده رضی : من ده سیزه و امکداشلارینیزا و بو گروهون اویه لرینه تشکر ائلیرم. من صیرف بو گروها دئییل، مجازی اورتامدا یایملانان و تکلیفی بللی اولمایان یازیلارا حئیفسیله نیرم. سانال اورتمدا بیر چوخ درده دیمه ین، وئجه گلمه ین یازیلار یاییلیر، اونلارلا ایشیم یوخ، آنجاق اولدوقجا دیرلی یازیلار و بیلگیلر ده واردیر کی ایتیب باتیر، اوچوب گئدیر. آرشی اولونمور. یعنی خروجیسی یوخدور بو بیلگیلرین. من مثلا اؤز پاییم قدر بیر ازینی درگیلرده یاییب بئله لیکله قالارغیلاشدیریرام . منجه هر گروهون، و اؤزللیکله ده بو گروهون آیلیق دا اولماسا فصیللیک خروجیسی اولمالی دیر درگی یا کتاب شکلینده. یوخسا بوتون بیلگیلر اوچوب گئده جک. https://t.me/Adabiyyatsevanlar

سوسن نواده رضی : بو بیزیم ائلبلیمی گروهو اولاراق ائلیمیزه بایراملییغیمیزدیر. هر کس قولوندان قوپان قدر چالیشمالی. https://t.me/Adabiyyatsevanlar

سوسن نواده رضی : منیم شعر توپلوسو اولان شلاله لر شله سی کتابیم ایشیق اوزو گؤروب. بیر ده آرزولارین گولشان باغی دیر کی یاری شعر و یاری نثردیر. کلاسیک شعرلریمی ده توپلاییب چاپا وئره جه یم ایشالله اؤلمه سم قالسام! https://t.me/Adabiyyatsevanlar

سوسن نواده رضی : ائلین گؤزو ترازی دیر دئیرلر. بوتون یازیلان شعرلر سؤزلر ماهنیلار ....هامیسی سوزگئچدن کئچیر، بیز ایسته سک ده ایستمه سک ده... منجه الی قلم توتانلار ، یازماق ایسته ینلر، شعر ایله انسیت آختارانلاری اؤزگور بوراخماق گرک. هر کس نه یازیر یازسین، یازماق باشقا دیر قالارغی اولماق ایز بوراخماق باشقا. https://t.me/Adabiyyatsevanlar

سوسن نواده رضی : قانادسیز اوچماق اولماز. خیال قانادی ایله اوچوب یوکسکلره چاتانلار وار البته، آنجاق استثنالار بیزه میلاک دئییل. هر جامعه نین اوچماق قانادی اؤزگورلوکدور. کلام اؤزگورلویو، دوشونجه اؤزگورلویو ، سئچیم اؤزگورلویو و...انسان کرامتینی عالی لشدیرن بوتون سئچیملر. https://t.me/Adabiyyatsevanlar

سوسن نواده رضی : چتینلیکلرله هئچ زامان کیشی کیمی داورانمامیشام و روابطیمده جنسیتی بوراخیب انسانلیغی اؤن پلاندا توتموشام. و صد البته خانملارمیزین قادینسی بیر شعری اوخورکن اوتانماقلاریندا کولتوروموزدن علاوه، ارککلریمیزین ده یانلیش داورانمالارینین بؤیوک پایی وار.. https://t.me/Adabiyyatsevanlar

سوسن نواده رضی : من بلکه بیر چوخ شئی یازا بیلمه میشم، آما یازاندا خانیم کیمی یازمیشام، خانیم کیمی سئومیشم سئویلمک ایسته میشم، خانیم کیمی اوتانمیشام خانم کیمی ییخیلمیشام و خانیم کیمی ییخیلدیغیم یئردن قالخمیشام. https://t.me/Adabiyyatsevanlar

سوسن نواده رضی : انسان آغری آجی چکدیکجه سانکی روحو درینلشیر. روح درینلشدیکجه صفای باطن دوغولور . کیمیلری چتینلیکلری اؤزونه عذاب ائلر، بونالیما گیرر، عصبیلشر، یاشاما ارزونه و چئوره سینه عصیان ائدر. کیمی داها دینج یوللار آختارار. شیمشک دوشسه بیر یئره اورانی یاندیرار، اما شیمشه یی ماهارلاسان الکتریک اولوب مینلرجه ائوی ایشیقلاندیرار. من منه توخونان شیمشه یی ماهارلامیشام و بلکه همانی سیزلر عرفان شکلینده آلقیلاییرسیز. https://t.me/Adabiyyatsevanlar