ادبیات سئونلر

دوکتور «حسین محمد زاده صدیق» ادبیات سئونلر گوز گو سنده: 1402/6/2 بیوگرافی https://t.me/Adabiyyatsevanlar

دوکتور «حسین محمدزاده صدیق» ادبیات سئونلر گوزگوسونده ✅زمان بو گئجه: 1402/6/2 ✅ساعات: 21 ✅بو وئرلیش تلگرامدا ادبیات سئونلر کانالیندا اولاجاق. 1-اون سوز: کریم قربانزاده 2-بیوگرافی کلیپ 3-دوکتور فرمان فرضی 4-دوکتور محمدرضا باغبان کریمی 5-دوکتور ارشد نظری 6-اوستاد صدیار وظیفه «ائل اوغلو» 7-اوستاد شاهرخ نخعی دیکلمه 8-کلیپ 9-اوستاد اسماعیل جعفر زاده 10-دوکتور توحید ملک زاده 11-مهندس  مهدی حسنی 12-دوکتور یاشار صدیق 13-دوکتور ائلدار صدیق 14-شکیل لر طرح: تانیش آرنژمان:«روشن نوروزی» آپاریجی:«کریم قربانزاده» https://t.me/Adabiyyatsevanlar

اوشاق ادبیاتی دیکلمه: سونای عابدین‌پور شعير :ممد عابدین‌پور https://t.me/Adabiyyatsevanlar

اوشاق ادبیاتی «کارتون» آنا دیلیم

اوشاق ادبیاتی ناغیلی حاضیرلاییب دئین «فاطمه محمودی» https://t.me/Adabiyyatsevanlar

اوشاق ادبیاتی

اوگوندن بری نه دامدا گؤروندو سولماز نه پنجره ده... اورمو گؤلونون سیزیلتیلارینی ائشیدن اوشاقلارین یالنیز نقاشی دفترلرینده گؤروندو سولمازلا اوچورتمالاری...                                                                                                                       1392 https://t.me/Adabiyyatsevanlar

اوشاق ادبیاتی سولمازلا اوچورتمالاری «محمد عابدین پور» آغ اوچورتما گؤیده اوچور.گؤیدن یئره باخیر.اونا باخیب سئوینن اوشاق لاری گؤرور.قویروغونو اونلارا دبردیر.هردن ده بیر ماللاق وورور.باشینی قالدیریر.داها اوجادا اوچان قارا اوچورتمانی گؤرور.سئوینیر اونون یانینا یوکسه‌لیر. سالاملاشیرلار سونرا اویناماغا باشلاییرلار.او بونو قووالاییر بو اونو قووالاییر.ماللاق وورورلار.گاه ائنیب گاه یوکسه‌لیرلر. "گل یوکسه‌لک"-قارا اوچورتما دئییر یوکسه‌لیرلر "گل داها یوکسه‌لک"-آغ اوچورتما دئییر داها یوکسه‌لیرلر یئرده کی اوشاقلار کیچیک‌له‌شیرلر،کیچیک‌له‌شیرلر،نقطه اولورلار. اوچورتمالار داها قاییدانمیرلار.گؤیده دیدرگین قالیرلار.گئجه اولور،گؤیون اوزاق‌لاریندا بیر ایشیقلی یوارلاق اوچورتما گؤرورلر.آیا باخیرلار.یئره باخاندا مرند شهرینده یانان چیراق‌لاری گؤرورلر. "گل او قده‌ر یوکسه‌لک او بؤیوک اوچورتمایا چاتاق"-آغ اوچورتما دئییر. یوکسه‌لیرلر میشوو داغینا یئتیشرلر.میشوو داغینی آشاندا گونشین چیخماغینی گؤرورلر.او بؤیوک اوچورتما یوخ اولور. "بیز او بؤیوک یووارلاق اوچورتمانی تاپمالییق"-قارا اوچوتما دئییر گئنه گئدیرلر.شبیستردن گئچیرلر.گئدیرلر،گئدیرلر.آغ-آپباق بیر چؤل گؤرورلر.گؤزلری قاماشیر.بیر دسته کؤچری قوش گؤرورلر.بیر آز یئیینله‌شیرلر،او قوشا چاتیرلار.سالاملاشیرلار،آدینی سوروشلار. "آدیم فئلامینقودو"-قوش دئییر "بورا هارادی؟بئله آغ دی؟"-اوچورتمالار سوروشور "بورا اورمو گؤلودو"-فئلامینقو دئییر "بورا گؤل‌مو؟اورمو گؤلومو؟!گؤل میه ماوی اولماز؟"-اوچورتمالار دئییرلر "هه بورا گؤلدو.بیز هر ایل بو زامان گلریک بورا. یورد سالاریق بوردا.بالالاریق یاشاریق.هاوالار سرینلشنده کؤچوب ایستی یئرلره گئدریک.آمما ایندی بیلمیریک نییه،بورا اولوب بئله...هه....هه...هه...ه...." اونلاردان اوزاقلاشیر،یوکسه‌لیر یوکسه‌لیر فئلامینقولارین هالایینا چاتیر. اوچورتمالار اورمو گؤلونون اوستونده گون باتانا ساری گئدیرلر.گاه آشاغی ائنیرلر گاه یوکسه‌لیرلر.دوزلاغین ایچیندن چیخمیش یوموروغو گؤورلر.گونشین باتماغینی گؤرورلر. "گونشین باتماسی نه گؤزلمیش بوردا"-آغ اوچورتما دئییر "چوخ گؤزلمیش"-قارا اوچورتما دئییر "گؤلون سولو چاغلاریندا گلسیدینیز داها آرتیق ماراقلاناردیز"-اوردان کئچن بیر لئیلک دئییر. اورمو گؤلو قارا گئجه‌نین آلتیندا قویلانیر.اوزاقدان اورمو شهرینین چیراق‌لاری گؤروشور.اورایا ساری گئدیرلر.آشاغی ائنیرلر.شهری سئیر ائدیرلر.بیردن دایانیرلار.دا هئچ بیر یانا دوغرو گئده بیلنمیرلر.چوخ چالیشیرلار،ائنیرلر،قووزانیرلار،فیرلانیرلار،بیر بیرلرینه دولاشیرلار.ساپ‌لار هؤرولور بیر بیرینه. بیر جوت گؤیرچین اوردان گئچیر "گئجه نین بو چاغیندا کیم اوچورتما اوچوتموش؟"-قارا گؤیرچین دئییر "هئچ کیم اوچوتمور.باخ اونلارین ساپی دولاشیب دکله"-آغ گؤیرچین دئییر. گؤیرچین‌لر او یاخینلیقدا بیر ائوین گیلاس آغاجینا اوتورورلار. "هه باجی بیزده یاواش-یاواش بو گؤزل شهردن گئتمه‌لییک"-آغ گؤیرچین دئییر "هه...هه..هارا گئدک آخی باجی؟"-قارا گؤیرچین دئییر سولماز پنجره‌نی آچیر.سولمازین اون یاشی وار.گؤیه باخاندا آغ اوچورتمانی گؤرور. "آه...نه اولایدی منیم ده بیر اوچورتمام اولایدی"-حسرتله دئییر. دقتله باخیر "دئیه‌سن ایکی اوچورتما وار؟"-هویوخور گئدیر لیزر چیراغینی گتیریر،اوچورتمالارا سالیر.قارا اوچورتمانی دا آیدینجا گؤرور. "نه گؤزلدیلر بو اوچورتمالار" سولماز ایکی اوچ دؤنه اوچورتما دوزتمیشدی،هئچ بیری اولمامیشدی.هئچ بیری اوچمامیشدی. "گل بو سئویملی قیزجیغازی سئویندیرک باجی"-قارا گؤیرچین دئییر "گل سئویندیرک،او اوچورتمانی چوخ سئویر"-آغ گؤیرچین دئییر گیلاسین بوداغیندان قووزانیب دکله ساری اوچورلار گؤیرچین‌لر.اوچورتمالارین ساپینی دکلدن آچیب گتیریب سولمازا وئریرلر. سولماز ساپی الینه آلیر. گؤردویونه هئچ اینانمیر،هامیسینی یوخو سانیر. "بو یوخو دئییل سولماز، گرچک دی"-آغ گؤیرچین دئییر "سن دیله‌دین بیزده گتیردیک"-قارا گؤیرچین دئییر سولماز هویوخدوغوندان بیلمیر نئیله‌سین،نه دئسین.گؤیرچینلره ساغ اولون دئییر.اوچورتمالارا اؤپوجوک یوللاییر.ساپی چکیر اوچورتمالاری اوتاغینا گتیریر.اونلاری قوجاقلاییر یاتیر. گئجه یاریسی اویانیر.بیر سس ائشیتدیینی سانیر.اوچوتمالار یانیندادیلار.پرده‌لری دالغالاندیزان اسینتی اوزونه دیییر.اسینتینین شور دادی داماغینا چؤکور.جیرینه هوپور.گؤزلری سولانیر،ائله‌بیل بیری سیزلاییر.بیری اینیم-اینیم اینله‌ییر. "گؤلون اینله‌مه‌لری اورییمی شان-شان ائدیر باجی" "او سوسوزدو باجی،چوخ سوسوزدو" گؤیرچین‌لرین قونشدوقلارینی دویار دویماز گؤزلرینه یاغیش یاغیر سولمازین.اورمو گؤلونو قارا بویا ایله آغ اوچورتمادا و آغ بویا ایله قارا اوچورتمادا چکیر. لی شالواری ایله کتانی آیاق قاب‌لارینی گئییر.کاسکئت بؤرکونو باشینا قویور.داما چیخیر.دامدان اوچورتمالاری هاوالاندیریر.

بالاجا قارا بالیغین گو٘لمه یی توتدو. دو٘شوندو کی  یاخجی دی چومچه قویروق لاری اؤز حاللارینا بوراخسین. سونرا ساندی یاخجی اولار آنالاری له ده بیر ایکی کلمه دانیشا، سوروشدو: " هله آنانیز  هاردادی؟" آردی وار... https://t.me/Adabiyyatsevanlar

اوشاق ادبیاتی بالاجا قارا بالیق۲ یازار:» صمد بهرنگی« چئویرن:» منیژه جم‌نژاد« 🐠 آنا دئدی: هه، دو٘ز دئییرسن، بالاما چوخ دولاشاردی. آللاه گؤروم اونو نه ائتسین! بالاجا بالیق دئدی: " بسدی آنا! او منیم یولداشیم ایدی. آناسی دئدی: " بالیق لا ایبلیز، ائشیتمه‌میشدیک! بالاجا بالیق دئدی: منده بالیق لا ایبلیزین دوشمنلیین ائشیتمه‌میشدیم، آما سیز او یازیغین باشینی اکدیز." همسایا دئدی: " بو سؤزلردن کئچیبدی" بالاجا بالیق دئدی: " سیز اؤزونوز کئچمیشدن سؤز آچدینیز." آناسی دئدی: " اونو اولدورمه لی ایدیک، مگر یادیندان چیخیب هر یئرده اوتوروب نه لر دئییردی؟ بالاجا بالیق دئدی: " اوندا منی ده اؤلدورون، منده هامان سوزلری دئییرم." نه باشیزی آغریدیم! دئییشمک سسی اوبیری بالیقلاری دا اورا چکدی. بالاجا بالیغین سؤزلری هامینین آجیغینا گلمیشدی. یاشلی بالیقلارین بیری  دئدی:" سنه رحم ائتمه میزی ده دو٘شونورسن؟ " اوبیری دئدی: " کیچیک بیر قولاق بورما ایستیر! " قارا بالیغین آناسی دئدی: گئدین اویانا! بالاما ال وورمیین! " بیریسی دئدی: " خانیم! اوشاغیوا دوز تربیه وئرمزسن جزاسینی دا چکرسن. همسایا دئدی: " سیزین قونشولوغوزدا یاشاماقدان اوتانیرام." اوبیری دئدی: " ایش پیسه چکمه میش، اونو یاشلی ایبلیزین یانینا گؤندرک." بالیقلار گلیب بالاجا قارا بالیغی توتماق ایستینده، یولداشلاری دؤوره لییب اولای یئریندن  چیخاردیلار. قارا بالیغین آناسی باش گؤزونو دؤیوب، آغلیاراق دئییردی: " ای وای، بالام الدن گئدیر. نئیله ییم؟ باشیما نه داش سالیم؟ بالاجا بالیق دئدی: " آنا! منه آغلاما، بو یازیق یاشلی بالیقلارا آغلا." بالقیلارین بیری باغیریب دئدی: " ساتاشما، اوشاق!" ایکینجی دئدی: " گئدیب سونرا پئشمان اولسان، دا یول وئرمریک!" او٘چونجو دئدی: " بونلار جوانلیق ماراق لاریدی، گئتمه! " دؤردونجو دئدی: " مگر بورانین نه عیبی وار؟ " بئشینجی دئدی: " باشقا دونیا یوخدو، دونیا ائله بورادی، قاییت! آلتینجی دئدی:" عاغیللانیب قاییتسان، دو٘شونجه لی بالیق اولدوغونا ایناناریق." یئدینجی دئدی: " آخی بیز سنی گؤرمه‌یه آلیشیغیق..." آناسی دئدی: " منه رحمین گلسین، گئتمه!... گئتمه! " بالاجا بالیغین اولارلا داها سؤزو یوخودو. اؤزیله یاشیت نئچه دوستودا اونونلا آبشارا قدر یول بیر اولوب، اوردان قاییتدیلار. بالاجا بالیق اولاردان آیریلاندا دئدی: " دوستلار، گؤروشمک اومودویلا! منی اونوتمیین." دوستلاری دئدیلر: " سنی نئجه اونودا بیلریک؟ سن بیزی دوشان یوخوسوندان اویاتدین. بوندان اؤنجه هئچ دو٘شونمه دیییمیز شئی لری بیزه اؤیرتدین، گؤروشمک اومودویلا، قورخماز، بیلگیلی دوست! " بالاجا بالیق آبشاردان ائندی، سو دولوسو بیر آخمازا دو٘شدو. اؤنجه ال آیاغینی ایتیردی، آما سونرا آخمازین هر یئرین او٘زوب دولاندی. او واقتاجا او بئله سو بیر یئرده گؤرمه میشدی. مینلر چؤمچه قویروق سودا قورجالانیردی. بالاجا قارا بالیغی گؤروب لاغا قویوب دئدیلر: " ریختینا باخ! سن نه جور حئیوان سان؟ " بالیق اونلاری گؤزل یوخلاییب دئدی: " خواهیش ائلیرم توهین ائله میین. منیم آدیم بالاجا قارا بالیق دی. سیزده آدینیزی دئیین تانیشاق." چومچه قویروق لارین بیری دئدی: " بیز بیربیریمیزی چؤمچه قویروق سسلریک." اوبیری دئدی: " اصل کوکلو." اوبیری دئدی: " بیزدن گؤزلی دونیادا تاپیلماز." اوبیری دئدی: " سنین تک چیرکین قیلیق سیز دئییریک." بالیق دئدی: بیر بئله اؤزونوزو بیندیینیزی هئچ دوشونمه میشدیم. اولسون، من سیزی باغیشلیرام، چونکو بو سؤزلری بیلمزلیک دن دانیشیرسینیز. " چؤمچه قویروق لارین هامیسی بیردن دئدیلر: "یانی بیز بیلمزیک؟" بالیق دئدی: " بیلمز اولماسایدینیز، دونیادا باشقالارینین دا اولدوغونو بیلردینیز کی قیافه لری اؤزلرینه چوخدا خوشا گلیم دی! سیزین آدینیز بئله اؤزونوزون دئییل." چومچه قویروقلار چوخ آجیقلاندیلار، آما بالاجا بالیغین سؤزلرینین دوغرو اولدوغونو گؤرونجه، آیری یولدان گلیب دئدیلر: " سن یئرسیز اؤزونو اویان بویانا چیرپیسان. بیز سحردن آخشاما دونیانی دولاناریق، آما اؤزوموز، آتا آنامیزدان سونرا کیمسه نی گؤرمریک، نارین قوردلاردان ساوایی؛ اولاردا کی سایا گلمز!" بالیق دئدی: " سیز آخمازدان ائشییه گتمه یی بیلمیرسینیز، نئجه دونیانی دولانماقدان دانیشیرسینیز؟ " چومچه قویروق لار دئدی: " مگر آخمازدان باشقا دونیا دا واریمیز؟" بالیق دئدی: ان آزی بو سویون هاردان آخماسینی، سودان ائشیکده نه لر اولدوغونو گرک دو٘شونه سیز." چؤمچه قویروق لار دئدی: " سودان ائشیک دا نه دیر؟ بیز کی هئچ واقت سودان ائشییی گؤرممیشیک! هاها...هاها...باشیوا هاوا گلیب بابا! "