ادبیات سئونلر

طنز:بؤیوک‌آغا افندی مئشه اکبر ایله "شیمشک "ین  ماجراسی بیلمیرم مئشه اکبر ایله شیمشک‌ین شوخلوغو واریدی، یوخسا آرالاریندا ناموسی بیر مسئله اولموشدو کی شیمشک اونا گؤز وئریردی ایشیق وئرمیردی. یارپاقلارین سارالیب- سولان واقتی ایدی. یئری، گؤیو خزل آلمیشدی آغزینا. قارا بولودلار کندین سماسیندا جوولان ائدیردی. گؤی، گورهاگور گورولداییردی. کند آدامی قار- یاغیشدان، سویوقدان آماندا قالسین دئیه، ائو- ائشیگین دام- باجاسینی برکیدیردیلر. قارا قارقالار شیرین- شیرین گل- گئت‌ده ایدی‌لر. قلمه‌لرین اوستونه سانکی بیر قارا پرده چکیلمیشدی. قارقا الیندن یئر یوخ ایدی. بئله بیر حالدا، قضادان مئشه اکبره دامدا بیر بااالاجا شیمشک توخونموشدو. اوزو اوسته یئره سریلیب، قاپ- قارا قارالمیشدی. دئدیک به نه اولدو! بیز هله اؤزوموزه گلمه‌میشدیک، مئشه اکبرین اوشاقلاری ال به ال عمی‌لری «اسدول»ون نئیسانی ایله اونو خسته‌خانایا یئتیرمیشدیلر. یازیق باهاراجا خسته‌خانادا قالدی. بئش – اون گون بوندان قاباق خبر گلدی کی، مئشه اکبر صاباح خسته‌خانادان چیخاجاق. کند اهلی سئوینجک تؤکولدوک خسته خانایا. صلم- صلوات‌لا مئشه اکبری خسته خانادان چیخاریب، گتیردیک ائوه. دوز ائله بیل ایندیی‌دی با! خسته‌خانانین حیطینده آغاجلار تزه گول آچمیشدیلار. نارین- نارین باهار یاغیشی یاغیردی. یاز هاواسی آدامی کئفلندیریردی. هردن‌ده بیر، گؤی گورولداییردی. ناهارا یاخین مئشه اکبر آخسایا-آخسایا خسته‌خانادان ائشیگه چیخدی. آرواد- اوشاغی‌نین سئوینجدن اوچماغا قانادی یوخ‌ایدی؛ گؤزلری گولوردو. یول اوزونو یاغیش بترله‌دی. گؤیون شاققیلتیسی دا چوخالدی. شیمشک شاخدیقجا، مئشه اکبرین آز قالیردی اؤدو آغزیندان گلسین. دیلی توتولموش کیمی ایدی. دوستلار مئشه اکبری لاغا قویوب، زارافاتجاسینا گولوردولر. آذان‌دان بیر ساعات قاباق، هله قاش قارالمامیشدی. مئشه اکبرگیلین قاپیلارینا یئتیشدیک. بویوک اوغلو «ضرغام» قوربانلیق حاضیرلامیشدی. یاغلی، یئکه، بوینوزلو بیر قوچ ایدی. مئشه اکبر ماشیندان یئنمک همان «قولو قصاب» بوینوزلو قوچون آرخاسینی یئره ووروب، بیر آندا باشینی بدنیندن آییردی. هله اؤپوش- گؤروش قورتارمامیشدی، مئشه اکبر آستانادان ایچری گیرمه‌میشدی، گؤی بتردن بیر نعره چکیب، گورولداماغا باشلادی. قلینج توخونماسیندان اود قالخان کیمی، بیر گؤز قیرپیمیندا شیمشک شاخدی. بیرده باخیب گؤردوک مئشه اکبر یئره سریلیب. سن دئمه ائله شیمشک‌ین ایلک چاخیشی مئشه‌اکبره آمان وئرمه‌ییب، یئنی‌دن اونو ووروبدو. آرواد- اوشاغین ناله- شیونی ایچینده واختی فوتا وئرمه‌دن مئشه اکبری خسته‌خانادان گتیردیگیمیز همن نئیسان‌لا، اونو یئنی‌دن خسته خانایا قایتاردیق. آنجاق مئشه اکبر بو دفعه جان قورتارا بیلمه‌دی. بئش اون گون چکمه‌دی الی دونیادان اوزولدو. خرداد آیی‌نین ایگیرمی اوچو ایدی. مئشه اکبری تورپاغا باسدیرماق اوچون کنده گتیردیک. اونون شانسیندان، او گون ده سئللمه یاغیش یاغماق هاواسی واریدی. جنازه‌نی پاشیرخانادان قبریستانلیغا آپارینجا، هاوانین اوزو بوزاردی. نم هاردان بیر شیمشک تاپیلدی. قیلینج کیمی شاخدی. کند آدامی قورخودان آغینا- بوزونا باخمادان تابوتی یئره آتیب، توو دابانا، پاشیرخانایا دوغرو قاچماغا باشلادی‌لار. اؤلو یئرده…، قبیرقازان قبیرده…، میللت پاشیرخانادا…، قارا قارقالار پاشیرخانانین دامیندا…، هامی شمشک‌ین قورخوسوندان یئرینده دونوب قالمیشدی‌لار. شیمشک ایسه گؤزله‌ییر مئشه اکبر ترپنسین، یا ترپتسینلر، تزه‌دن قیلینجینی چکسین، مئشه اکبرین اؤلوسونون ده آخیرینا چیخسین…. یاغیش کسمه‌ینجه کیمسه جرعت ائله‌مه‌دی جنازه‌یه یاخینلاشسین. کند اهلی هله ده باشا دوشمه‌ییب «مئشه اکبر» ایله «شیمشک»ین آراسیندا اولان عداوت و دوشمنچیلیک نه‌دن ایره‌لی گلمیشدی! گؤره‌سن آرالاریندا ناموسی بیر مسئله اولموشدو کی، «شیمشک» اونا گوز وئریردی، ایشیق وئرمیردی؟!.. هله ده وار هرواخت یاغیش یاغسا، شیمشک شاخسا، قارقالاردان باشقا کیمسه جرعت ائله‌مز مئشه اکبرین قبرینه یاخینلاشسین… اردیبهشت 1404 قایناق:ایشیق سایتی https://t.me/Adabiyyatsevanlar

سیدعلی_صالحی آیا مایلید با من تا پیچ همین کوچه بیایید ؟ از سایه سار کوچه بگذرید ؟ دمی ، دقیقه ای ، لااقل عواقب آفتاب را تجربه کنید ؟ می گویند آنجا عواقب آفتاب را در آواز های آینه دیده اند آیا مایلید با من میان اینهمه همهمه دمی ، دقیقه ای لااقل از بوی بوسه یا باران سخن بگویید ؟ می گویند در این دقایقِ دانا آدمی ، از علاقه به آدمی آوازهای آینه را می فهمد...

✍️ :"ائلمان موغانلی" پوست مودئرن شئعیر و گؤزلرین بلکه راوی‌نین کؤنلوندن یارانمیش بلکه ده گؤرونتوسل اؤرنک بیر عطیر رئکلامیندان سونسوز بیر ائسکرول آراسیندا بیلمیرم گؤزلرین گرچکدن باخیرلار؟ یوخسا من یالنیز روایتسل یانلیش آنلاییش ایچینده (نوت: راوی گووه‌نیلمز بیریسی.) قاورام آختاردیم ایریس‌لریوین یانسیماسیندا تکجه اؤزومو گؤردوم گئییم اوتاغینداکی آینایا تای بیلمه‌دیم هاراسی گرچک و هاراسی آلدادیجی آچی گؤزلرین نه سئوگیلی نه دوشمان بلکه ده آخسام بیر مئتافور گئجه یاریسی دوزنلنمیش بیر ویکی‌پئدییا یازی‌سی کیمی سنی سئویرم دئدیگیم‌ده دونیا بیر پاپ-آپ پئنجره‌سی آچدی: داوام ائتمک ایسته‌دیگینیزه اَمین‌سینیز؟ گؤزلرینده شئعیر یوخدور رئیسم ده یوخ آنجاق یارانیشین اَن پوست مودئرن شئیی واردیر: بلیرسیزلیک (حاشیه یازیسی: بلکه ده سنه باخماسایدیم هر شئی قولای بیتردی.) آنجاق باخدیم سئودالانماق اوچون یوخ بیر-بیریمیزه چاتمادان هارایا قدر گئده بیلدیگیمیزی گؤرمک اوچون

تراختور قهرمان

لیگ برترین اویونلاری بو گون قورتولدو وتبریزین تیراختور تیمی 55 ایلدن سونرا بو اویونلارین قهرمانی اولدو . ادبیات سئونلر بو اوغورو آذربایجان خالقینا وطنیمیزین هر گوشه سینده تیراختور تیمینی سئونلره تیراختورون قهرمانلیقینی تبریک دئییب یئنی اوغورلار آرزو ائدیریک ادبیات سئونلر1404,2,25

گوروش ائلدار موغانلی قادینین گؤزلریندن اوچدو کپه‌نک اوچوب قوندو- باش‌داشی‌نین دؤشونده‌کی چیچه‌یه، آغلی قارالی ناخیشلاری دامجی- دامجی آخدی داش اوره‌یه. داش اویاندی، قادینین اوره‌یینده بیر پاییز آخشامی‌نین سون پیچیلتی‌لاری آلوولاندی. کپه‌نک اوچدو دؤنه – دؤنه اوچوب قوندو- گاه چیچه‌یه گاه گؤزلره؛ نه قادینین یاناقلارینداکی‌لار قورودو نه باش‌داشی‌نین دؤشونده‌کی‌لر اریدی. اوچوب قوندو … قونوب اوچدو … ساریلدی بیر- بیرینه کپه‌نک‌لر، چیچک‌لر، یاناغیندا اوتانجاق بیر بنؤشه‌نین ایزی قالدی قادینین؛ چیچکلندی آغلی قارالی ناخیش‌لار اریدی مزار. مهر ۱۴۰۱- تهران قایناق :ایشیق سایتی

اوشاق ادبیاتی

اوشاق ادبیاتی «هانانین ماجرالاری» ویدا حشمتی بیرینجی بؤلوم گیزلی باغ‌لا هانانین ماجرالاری هانا ۱۱ یاشیندادیر. اونون قهوه رنگلی ساچلاری و ماراقلی گؤزلری وار. او مئشه‌نین یاخینلیغیندا آناسی ایله یاشاییر. نقاشی دفتری و بویا میدادلاری وار. اونون آغ پیشیگی وار. آدی «قارتوپو»دور. هانا اوتیسم بیر اوشاق‌دی. او دونیانی باشقا جور گؤرور. اوجا سس‌لر اونو اینجیدیر. او، باشقا شئی‌لر گؤرر کی، کیمسه گؤره بیلمز. مثلا سس‌لرین بویاسینی حیس ائدر و یاپراقلارین ترپشمه‌گیندن حیکایه قوشار. بیر گون «قارتوپو» ایله مئشه‌ده گزیردی. کوللارین آرخاسیندان بیر سس ائشیتدی، او دئدی بس خیال ائدیب، اما سونرا یاشلانمیش آغاجلارین اورتاسیندا، بیر تخته قاپی گؤردو. قاپی‌نین اوستونده، الوان بویالارلا حیوانلارین شکلی چکیلمیشدی. او ماراقلاندی. الینی اوزادیب، قاپینی آچدی. قاپی‌نین آرخاسیندا، سئحیرلی بیر باغ گؤروندو. هر آددیمدا، چیچکلرین بویالاری دگیشیلیردی، قوشلارین اوخوماق سسلری ایشیغا چئوریلیردی. دووشانلارین قولاقلاری ماوی، گؤزلری ایسه پاریلداق ایدی. اونلارین هامیسی‌ندان اؤنملی‌سی، باغین اورتاسیندا قوجامان بیر بوم‌ وار ایدی. هانا او بومون اوستونده نه شکیل خیال ائدیرسه، اونلار گرچگه دؤنوشوردو. او «قارتوپو»نون یاردیمی ایله، آرزی ائتدییی حیوانلارین شکلینی چکدی. تک‌شاخ‌آت، دانیشان‌بایقوش، حیکایه‌سؤیله‌ین‌توسباغا.‌‌.. آما بو باغین بیر سئحیری ده وار ایدی. تکجه «دونیانی اورکلری ایله گؤرنلر» اونو گؤره بیلیردی. https://t.me/Adabiyyatsevanlar

اوشاق ادبیاتی 🔴 سکانسی زیبا و عمیق از فیلم سینمایی "ساز دهنی" 🔸در این سکانس کودکان محروم منطقه جنوب(بوشهر) برای ساز زدن با یک سازدهنی چگونه التماس یک نوکسیه را می‌کنند... 🔹سازدهنی فیلمی ایرانی به کارگردانی امیر نادری و محصول سال ۱۳۵۲ است. نادری می‌گوید که "امیرو" این داستان کودکی خودش است. بعد از سازدهنی هم سراغ انتظار و دونده رفت...

اوشاق ادبیاتی کشگه دونوب بیرده اوشاق اولایدیم... https://t.me/Adabiyyatsevanlar

اوشاق ادبیاتی یاپونیادا اوشاقلار شه ری https://t.me/Adabiyyatsevanlar

ــ بوساعات اونو ساپلاغیندان ووراجاغام  ـ دئییب نیشان آلدیم .گولـله آچیلدی. آرمودون یارپاقلاری  بئله ترپنمدی . یئنی دن نیشان آلدیم توفنگین او بیری گؤزونوده بوشالتدیم. یئنه بیر شئی چیخمادی. قارداشیم گوله ـ گوله : ــ  ائله بیلیرسن نشان آلماق آساندیر؟ -  دئدی. وئر من آتیم گؤرک . او ، توفنگی مندن آلیب قوشا لوله لره ایکی پاترون قویدی.سونرا آرمود. دیقتله نشان آلیب آتدی. گولـله لرین هئچ بیری آرمودا توخونمادی. من مات قالمیشدیم. ایکی قارداش بیر آرمودو ووروب سالا بیلمیردیک . توفنگی اوندان آلیب دیقتله باخدیم. ــ بو آتامین توفنگی دئییل ؟  ــ  اونون کی دو.  ــ  بس نییه بئله آتیر؟ او ،  گولومسه یرک: ــ  گوناه پاترونلارداندی ،ــ  دئدی . ــ پاترونلاری سن دولدورورسان ؟ ــ  من دولدورورام .آمما  ... ـــ نه آمما ؟ ـــ  قیرما قویمورام  ــ نییه ؟ ــ  اونا گؤره کی ، ایسته ییرم آچیلان گولـله لر بوشا گئتسین  ــ نیه گؤره ؟ ــ  اونا گؤره کی ، قوشلاری محو ائتمیشیک . قالانینی دا قیرساق کؤکو کسیلر . گلجک نسیلربیلمیرم بیزه نه آدی وئره جک . من ایندی هر شئیی باشا دوشدوم . قارداشیم گؤزومده اوجالدی ، آتام عوضی اولدو. اونو باغریما باسماقدان اؤزومو گوجله ساخلادیم .  ــ  باشقالارینین دا پاترونونو دولدوراندا قیرما قویمورسان ؟ ــ  یوخ ... بیز یولا دوشنده بوتون یورغونلوغوم چیخمیشدی. قولاغیما توراجلارین ، ککلیکلرین خوش آوازی ، گلیردی.اینانیردیم کی ، اونلار تؤرییب آرتاجاق ، بیزه دوغما اولان یاماجلاریمیزی ، دوزلریمیزی بزه ییجک .  ۱۹۸۷ https://t.me/Adabiyyatsevanlar

جیر گؤیم لر قارالیب باللاشمیش ، ازگیله،  گؤز دوشوب ، یوموشالمیشدی. اؤزومو کول ـ کوسدان قورویا ـ قورویا هره سیندن بیرینی ، ایکی سینی قوپاریب نوبار ائدیر ، آغزیمیز تورشا ، شیرین بال دادیردی. قارشیمیزا گئنیش بیر تارلا چیخدی ،  اوتونو، علفینی بیچیب آپارمیشدیلار .  ساغ طرفده حیسدن قارالمیش اوجاق داشلاری واریدی. گؤرونور یایدا قویون یاتاغی اولوب . اطرافدا بیر- ایکی سینیق آلاچیق آغاجلاری دا واردی . قارداشیم :  ــ  موطلق بوردا  بولاق اولمالیدی ، - دئدی.  اوجاق داشلارینین یانیندان مئشه یه کول – کوس آلمیش بیر جیغیر گئدیردی. قارداشیم :  ــ  بیزموطلق  بولاغی تاپمالیییق ، دئدی.  من : ــ  بولاغی نئینیرسن ؟  ــ  بولاغی تاپساق ککلیک ده تاپیلار . ایندی اونلارین بولاغا ائنن واختیدی .  یادیما بولاق باشیندا آتام لا بوسقودا دوردوغوموز گونلر دوشدو .منیم صبریم چاتمازدی ؛ دانیشار یئریمدن قالخاردیم . آتام قولومدان توتوب یانینا دارتار ، الی ایله آغزیمی قاپاردی. ککلیک لر بولاغین آخارینا اوچوب گلنده ، بیر ویا ایکی گولـله آتاردی. ایکی ، اوچ ککلیک ووراردی . من تاکید ائدردیم کی ، یئنه پوسقودا یاتاق ، چوخلو ووراق . منه آجیقلی – آجیقلی باخاردی :  ــ  آبالا ، کؤکونو کسمک اولماز، -  دئیردی .بوگونون صاباحی یوخدو؟ باخ ، توراجی دا ، دوشانی دا ، سوروایله راست گلدییمیز بیلدیرچینی ده ، بئلجه قناعت له اوولایاردی.   بیز جیغیرا دوشدوک . بو جیغیر بیزی باشی گؤیلره ده ین ، دیبینه ایشیق دوشمه ین پالید مئشه سینه آپاریردی. ائله بیل پالید آغاجلارینین آلتینا پاییز اوتلاریندان یاشیل خالی سرمیشدیلر. سارالیب دوشموش تک – تک یارپاقلار ایسه بو یاشیل خالی نین ناخیشلارینا بزه ییدیر. جیغیر بیزی اوزو یوخاری آپاردیغیندان ، من تؤوشویوب دالا قالیردیم . قارداشیم ایسه مندن  یاشلی اولسادا هئچ وئجینه دئییلدی.  پالید مئشه سی قورتاردی.بیز تارلایا چیخاندا قارشیمیزدا قیزیلی رنگه چالان سرت قایالیق گؤروندو. ــ  بولاغی تاپمیشیق ، ـ دئیه قاباقداگئدن قارداشیم  منی سسلدی.  قایانین دیبیندن قازان کیمی قایناییب آخیردی بولاق سویو . آق وپارلاق چای داشلارینی بارماقلا سایماق اولاردی. آرخین کناریندا بیتن یارپیزلار هله سوولمامیشدی. عطریندن دویماق اولموردو .  ــ  هه ایندی کئچک پوسقویا ، - دئیه قارداشیم بولاقدان اوزاقلاشیب قایانین آرخاسینا کئچرک  یئره اوزاندی و منه یانیندا یئرگؤستردی. منده اوتلارین اوستونه اوزاندیم . قارداشیمین قولاغی سسده ایدی. بولاغین حزین نغمه لی شیریلتی سیندان باشقا بیر سس ائشیدیلمیردی. بیردن قیزیلا چالان قایادان قاققیلتی سسی گلدی. قارداشیم پیچیلتیلی سسله :  ــ  بو آناش ککلیک دی ، -  دئدی چول ناللارسویا سسله ییر.  دوغروداندا بئله اولدو . آز کئچمدی قایادان بیر ککلیک قالخدی. وایستقامتلری دوز بولاغا طرف گؤتوردولر. من آستادان : ــ  آلـلاه یئتیردی ، - دئدیم .  قارداشیم بایاقدان حاضر توتدوغو توفنگین قونداغیندان الینی چکیب بارماغینی دوداقلارینا آپاردی. بو، سوسماغیما اشاره ایدی.  ککلیک لر سوزه ـ سوزه دوز بولاغین اوستونه گلیب ،سویا ائندیلر.کیچیک دیمدیکلرینی سویا اوزاداندا ، من احتیاطلا قارداشیمین قولونا توخونوب آتماسینا اشاره ائتدیم . او ، ائله بیل آتماق نیتینده دئییلدی . ککلیک لرین هورکک ـ هورکک سو ایچمه لرینه حیرانلیقلا تاماشا ائدیردی. ککلیک لر سو ایچیب ، خینالی آیاقلارنی سویا باتیردیلار. قانادلارینی سویا چیرپیب ، اویناشدیلار. یئنه قارداشیم ترپنمدی . منیم صبریم لاپ توکندی . قورخومدا ن سسیمی ده چیخارا بیلمیردیم . یئنه اشاره اوچون قولونا توخوندوم .گؤردوم کی، ککلیک لرده اؤزعالمینده دی ، قارداشیمدا .ککلیکلر گوزیاشی کیمی بولاق سویوندا چیمیشمک دن ذؤوق آلیر ،قارداشیم دا اونلارا تاماشا ائتمکدن ککلیکلرچیمیب یورولدولار.قارداشیملا من باخماقدان  یورولدوق .ها ندان ـ هانا ککلیکلر اوچوب گئتمک ایستینده ، قارداشیم کؤنولسوز ـ کؤنولسوز تتییی چکدی. گولـله آچیلدی ،بولاغین اوستونو بوز باریت توسدوسو بورودو . ککلیکلر ساغ ـ سلامت اوچوب گئتدیلر.هئچ بیر توکلریده دوشمه دی . من بیر قدر عصبیلشدیم : ــ  یاماندا اووچوسان . قارداشیم دیللنمدی . آرتیق گونش اؤزقیزلی تئللرینی مئشه دن ، داغلاردان چکیب آپاریردی. بیز یورغون – آرغین داغدان ائنیردیک .یوکوموزده آغیرایدی. آلمادان ، آرموددان گؤیمدن ،قوزدان توتموشدوق یوکوموزو . یاماجدا تنها بیتن بیر پئیوند آرمود آغاجینین دیبینده دینجیمیزی آلیردیق . گؤزوم آغاجین باشیندا ساپ – ساری سارالمیش ایری بیر آرمودا ساتاشدی. ال چاتمازدا ایدی. قارداشیمدان توفنگی آلدیم.

اوشاق ادبیاتی بوشا آچیلا ن گولـله لر یازان : علی صمدلی (« ژنرالین اوشاقلیغی » کتابیندان ) کؤچورن : علی آغ گونئیلی  ـــ ابرازی داغلار مارالا قالدی ، اوتو سارالا قالدی . یاشیل مئشه ،گؤی چمن یئنه مارالا قالدی. آتام همیشه اوودان قاییداندا داغدان ائنه ـ ائنه  بو بایاتینی زمزمه ائدردی . اونون بو بایاتی سی ،اوغورلو اوووموزون سئوینجینی یویوب اپارار، قلبیمه غم ـ کدر سالاردی. ائله بیل یورولوب الدن دوشموش قوجا آتامیز دا ، بیزدن خیلی آرخادا قالان خاللی تولامیزدا غملنیردی بو بایاتیدان .  بیز ائوه بیرده گون باتاندا گلیب چیخاردیق . قاپی یا چاتان کیمی ،من آتین ترکیندن آتیلیب یئره دوشر، الیمده فخرله توتدوغوم اوزون قویروق قیرقوووللاری « آیاقلاری خینالی بوز جونالی » ککلیک لری قارشیما آیاق یالین  یویورن باجی ـ قارداشلاریما گؤستریب اونلاری سئویندیر ه ردیم . آنام قازاندا سو ایسیده ر ، قوشلاری یولوب بیرجه توکونو بئله یئله وئرمزدی. اونون ائو قوشلارینین  « قوتوکوندن » توتدوغو بالینجلار آتامین اوغورلو اوولارینین یادگاری ایدی.  ایندی ائله بیل او گونلر بیر افسانه ، ناغیلا چئوریلمیشدی .حسرت قالمیشدیق توراج لارین ، بیلدیرچین لرین سحر نغمه لرینه ، یاماجلاردا سکن آیاغی خینالی ککلیک لرین حزین قاققیلتیسینا . آتامیزدا قوجالدی،  آنامیزدا  ، تولامیزدا . ائله بیل خیر ، برکت ده اونلارلا گئتدی. آتامدان سونرا حیطیمیزده نه آت گؤردوک ، نده تولا. ائویمیزده آتامدان یادگار قالان بیر قوشا لوله تفنگ اولدو.  آتام اونو ساغلیغیندا بؤیوک قارداشیما باغیشلادی. آنامین یادگاری اولان « قوبالیشلاری » ایسه باجیلاریم اؤزلری ایله جئهیز آپاردیلار بی ائوینه .  هر دفعه کندیمیزه گلنده اووا گئتمک اوچون اورییم آتلانیردی. آتامین کئچدیی او، گدیک لردن کئچمک ، او قایالی آشیریملاردان آدلاماق ایسته ییردیم . تک بیرجه توراج ، تک بیرجه ککلیک اوونون سئوینجی ایله ائوه دؤنمک ایسته ییردیم. هر دفعه ده بیر ایش چیخیردی. گاه توی اولوردو. گاه یاس . اووا گئتمک هوسیم ، استه ییم ایسه قورکیمی آلیشیب ــ کؤزه ریب سونرادا سؤنوردی . دئمه اووچولوغوندا شرطی وارمیش آتام اؤز توفنگینی بئش قارداشین ایچینده بؤیوک اوغلونا ناحاق یئره یادگار وئرمیشدی. او، قوجالاندان سونرا پاترون دولدورماغی آنجاق اونا اعتبار ائدیردی.  پاییز گونلرینین بیرینده داها اؤزومو ساخلایا بیلمدیم . نؤبتی ما ذونیتیمی گؤتوروب کندیمیزه یولاندیم. ائوه گلن گوندندن نیتیمی بؤیوک قارداشیما بیلدیردیم :  ــ  توفنگ دورور؟  ــ البته دورو. ــ دولدورولموش پاترونلارین وارمی ؟  ــ  وار ، کندده هامینین پاترونلارینی من دولدورورام .  اووچولار یاخشی بیلیر ،  پاترون دولدورماغی باجارماغ آسان دئییل . گرک باریتین ، قیرمانین قدرینی بیلسن . آتام بو ایشین ماهر استاسی ایدی .  او ، باشقاسینا پاترون دولدوراندا ، همیشه سوروشاردی :  ــ نه اووونا گئدجکسن؟ اووا گئدجه ییمیز آخشامی سحری خوروز بانیندا قارداشیم منی یوخودان اویاتدی. سحری یولدا آچدیق . واختی ایله اتامین ترکینده گئتدیییم یولاری ایندی پیادا گئدیردیم . بیر واختلار بو بیچنکلردن کئچنده قارشیمیزدان دوشان قاچار، توراج اوچاردی . آتام آتمازدی . سببینی سوروشاندا :  ــ  بالا، بونلار بیزه پناه گتیریب . یان ـ یؤره میزده مسکن سالیبلار، ــ  دئییردی .سحر ـ سحر حیط ـ باجادا هرلننده  او ، توراجین سسی قولاغیمیزا گلیر بسیمیزدی . ایندی سحردندی یول گئدیریک  ،قارشیمیزا نه اینکی دووشان ، توراج هئچ ساغ ساغان دا چیخمیردی. ائله بیل چؤلون  ، دوزون بوتون قوشلارینی ییغیب قفسه سالمیشدیلار.قارشیدا تراکتورون سسی گلیردی. شومون یانینداکی جیغیرلا خیلی واخت ایدی  یول گئدیردیک . شوم اوستونده ده بیر قوش بئله گؤرونمورد. یادیما اوشاق واختی ، کلله ، کوتانلا شوم ائتدییمیز گونلر دوشموشدو.شومون شیریمینا قارا قارقالار، اوزون قویروق ساغ ساغان لار ،چیل ـ چیل سیغیرچینلارقاریشقا کیمی داراشار ، آز قالا آدامین ال ـ آیاغینا دولاشاردیلار.  قارداشیم ائله بیل فیکیریمی باخیشلاریمدان اوخوموشدو. ـ  گؤروسن ،هئچ نه گؤزه دیمیر ، ــ دئدی .  ــ  نئجه اولدو، بس بو چؤلون قوشلاری ؟  ـ  هامیسینی پامبیغا ،اوزومه سپیلن درمانلار محو ائدیب . سنده دئییرسن گل اووا گئده ک .  هرایکیمیز کؤر – پئشمان ایدیک . آرتیق بوتون هوسیم سؤنموشدو. اوزومو قارداشیما توتوب : ــ نه دئییسن ،قاییداق ؟ یوخ ، اومیدیم یئنه داغلارا گلیر. بلکه ککلیک اولدو . اولماز جور آرمید ییغاریق ، گؤبلک ده پیس اولماز .داغلار یاشیل لباسینی یئنیجه سویونوب ، قیزیلی دونا بورونموشدولر. تارلالارین اوتلاری سارالیب سولموشدو . گدیکلرده آغ جیغیرلار آچمیشدی پاییز یاغیشلاری ، بؤیورتکن لر قارا سالخیملی باشلارینی آشاغی ایمیشدیلر . یاماجلارداکی ایت بورنو کوللاری قیرمیزی اولدوزلارا اوخشاییردی.

اوشاق ادبیاتی یئدی یاشیندا مییانا شهریندن https://t.me/Adabiyyatsevanlar

قوش لا بالینا چئویرمه: منیژه جم‌نژاد بیرگون واریدی، بیرگون یوخودو. بیر زمانلار، بیر قوشلا بیر بالینا وار ایدی. بَی قوش خانیم بالینانی چوخ سئویردی. و خانیم بالینا دا بَی قوشو چوخ سئویردی. بَی قوش خانیم بالینانین گؤزل گولوشونو سئویردی. دنیزده گؤزلجه اوزمه سینی سئویردی. خانیم بالینا بَی قوشون گوزل آغ قانادلارینی سئویردی. گؤیده اوچوشونا باخماغی  سئویردی. ایکی‌سی‌ ده چوخلو بالاجا بالیق یئمه‌یی سئویردیلر. یای گونلرینده، بَی قوش لا خانیم بالینا بوغازا گؤروشمه‌یه گلردیلر. دانیشاردیلار، دانیشاردیلار. آی‌دان، سویون ائنیش قالخیشیندان،  دنیزده‌کی گمی‌لردن صحبت ائدردیلر. بَی قوش لطیفه‌لر دئییب خانیم بالینانی گولدوروردو. خانیم بالینا ائله گؤزل ماهنی‌لار اوخوردو کی، بَی قوشون گؤزلریندن یاش آخیردی. "بیر گون منیم عایله می دنیزده گؤره‌بیلرسن" - دئدی خانیم بالینا. "سن ده منیم قایا‌لارداکی دوستلاریمی گؤره‌بیلرسن" - دئدی بَی قوش. هر شئی موکممل ایدی. آما دونیا، بیر قوشلا بیر بالینانین عاشیق اولماسینا گؤره دورماز. یای قورتولوب پاییز گلدی، پاییزدا قیشا چوندو. دنیز سویوقلاشدی و بالینالار ایستی سو‌لارا دوغرو گئتدیلر. "منیم‌له ایستی سو‌لارا گل!" - دئدی خانیم بالینا. "اورا جلال لی بیر یئردیر. هر زمان ایستی دیر، چوخلو بالیق وار." "بالیق یئمه‌یی چوخ سئویرم!" - دئدی بَی‌قوش. " سنین‌له اولماغی دا چوخ سئویرم. هر یئره سنین آردیندان گله‌جم. آمما اؤنجه منه بالینا اولماغی اؤیرَت!" "بئله!" - دئدی خانیم بالینا، "آردیمجا گل!" چوخ درین دنیزلره دالدی. "یاخشی!" - دئیه-دئیه بَی قوش دا درین دنیزه دالدی. او داها دا درینه دالدی. "او٘زورم!" - دئیرکَن گولدو. "من بالینایام!" آمما چوخ کئچمه‌دن نفس آلانمادی. سویون اوزونه چیخیب نَفَس نَفَسه دوشدو. تکرار دالماق ایسته‌دی، آمما هر دفعه نفس‌سیز قالدی. "دئیه‌سن، بیرقوش بالینا اولابیلمز" - دئدی بَی قوش. "ائله ده سن منیم‌له گل. من قایا‌لار اوسته یاشاییرام. اورا جلال‌لی بیر یئردیر. ایستی،  راحات‌دیر، هر صاباح گون‌دوغومونو گؤزله‌یه بیلرسن." "گون‌ دوغومونو چوخ سئویرم" - دئدی خانیم بالینا. "سنی ده چوخ سئویرم. هر یئره سنین آردیندان گله‌جم. آمما اؤنجه منه قوش اولماغی اؤیرَت!" "بئله!" - دئیه-دئیه بَی قوش قاناد چالیب، گؤیه قالخدی. "یاخشی!" - دئیه‌رک خانیم بالینا گؤزلرینی یوموب بَی قوشون ائله‌دییی کیمی یوزگه‌لرینی چالدی. چوخ-چوخ چالدی، یوخاری آشاغی. آما آنجاق سویو چیله دی. "اوچورام!" - دئیه‌رَک گولدو. "من بیر قوشام!" آما گوزلرینی آچینجا، گویده اوچموردو. هله ده سو دا ایدی. گئنه نئچه یول اللشدی، آما اوچا بیلمه دی. "دئیه سَن، بیر بالینا قوش اولابیلمز" - دئدی خانیم بالینا. "سن اوچا بیلمیرسن، من ده درینلره دالا بیلمیرم. بیز هارادا بیرلیکده یاشایا بیلریک؟" - دئدی بَی قوش. "بورادا قالاق — دالغالارین ایچین‌ده!" - دئدی خانیم بالینا. آمما بَی قوش اوزگون باشینی آشاغی سالدی. "سن دنیزین درینینده اوزمه‌یی چوخ سئویرسن" - دئدی. "بو سنین ان چوخ ایسته‌دییین شئی‌دیر. بورادا هئچ زمان خوشبخت اولمایاجاقسان." "سن ده گویده اوچماغی چوخ سئویرسن" - دئدی خانیم بالینا. "بو دا سنین ان چوخ ایسته دییین شئی‌دیر. بورادا سن ده هیچ وقت خوشبخت اولمایاجاقسان." بئله‌لیکله، بَی قوش‌لا خانیم بالینا بیر-بیری‌نی چوخ سئویردیکلری ایچین، آیریلدیلار. آمما هیچ وقت بیر-بیری‌نی اونوتمادیلار. هر دفعه خانیم بالینا گویده بیر قوش گؤردوکده، بَی قوشونو یادا سالدی. اونون گؤیده خوشبخت اولدوغونو امید ائدیردی. ائله بئله. هر دفعه بَی قوش دنیزه دالان بیر بالینا گؤردوکده، خانیم بالیناسینی یادا سالیردی. اونون دنیزده خوشبخت اولدوغونو امید ائدیردی. ائله بئله. https://t.me/Adabiyyatsevanlar