ادبیات سئونلر

اوشاق ادبیاتی ویدا حشمتی «ایشیق ساچان اوشاقلار» آنا دئییر:   - آی اوغلوم گل اوتور یاز مشقینی صاباح گئدیب، اوخولدا گؤرست درسه عشقینی! ** -ایندی اولماز جان آنام! بیراز آج هم، یورغونام من اویونا، فوتبالا بیلیرسن کی، وورغونام ** -دوز دئییرسن، گول اوغلوم! اویون ایستر هر اوشاق آنجاق علمین نور ایله گرک ظولمتی آشاق ** -آخی آغریر باشیم دا ایندی گرک من یاتام سونرا دوروب اوینویوب، غم-کدری من آتام ** -گؤزل اوغلوم حاقلی‌سان اؤنجه دینجل! سونرا درس اوخو، اؤیرن، ایشیق ساچ جهالتین کؤکون کس! یارادیجی اولماغا یئنی خیال، سن یارات گر سئویرسن یوردونو تنبل‌لییین داشین آت ** -تامام آنام، گول آنام من درسیمه باخارام اوندان سونرا دینجه‌لیب، خیاللاردا آخارام ایندی بیلدیم آنا جان! اویون-فوتبال یاخشی‌دی، آنجاق درسه باخماق دا هر اوشاغین ایشی‌دی من سئویرم ائلیمی اونا قوربان بو جانیم ایشیقلانسین بو وطن یوردوم، آذربایجانیم.

اوشاق ادبیاتی تلخون۶ یازار:« صمد بهرنگی» چئویرن:« منیژه جم‌نژاد» 🎈 آشچی باشینین خانیمی زئر زمی دن چیخیب، بنایینی یئرینه قویوب، حووضا دورو سو دولدوروب، قاریشدیردی، قیرخ اوتاقدان کئچیب، قیرخ قاپی قیفیللادی، خانیمین باشی او٘سته یئتیشدی. آچارلاری یاستیق آلتینا قویدو، گئدیب چیخاردیغی قارا پالتارلاری گئنه گئیدی، باشینی یاسدیغا قویوب یاتدی. سحر اولدو، خانیم لا تلخون صحبته اوتوردولار، تلخون دئدی: خانیم، ایتییینی تاپسام منه نه وئررسن؟ خانیم دئدی: نه ایسترسن. تلخون دئدی: گئجه یه جه دؤزملی ییک. گئجه تلخون خانیمینا دئدی: گرک بارماغینی کسیب، دوز باساسان، یوخون آپارمیا. سونرا اؤزونو یوخویا ووراسان. بیری گلیب سوروشاجاق: اویاقسان؟ جواب وئرمییب، قویاجاقسان ایشینی گؤرسون. من سسله یینجه دوروب بیرلیکده گئدیب، اوغلونو گؤستره جه یم. بئله ائله دیلر. خانیم بیلرک یاراسینا چوخلو دوز باسدی، کوکدن یوخلاماسین دئیه. کئچن گئجه کیمی آشچی باشینین خانیمی بیر دووری پلو، بیر قارا قامچی الینده گلیب سوروشدو:  آییقسان؟ سس چیخمایینجا آچارلاری یاستیغین آلتیندان گؤتوروب هامان قاپینی آچیب، ایچری گیردی. تلخون خانیمی سسله دی، ایکیسی آشچی باشینین خانیمینین دالیسی جا دو٘شدولر. قیرخ قاپی آچیلدی. تلخون اؤزویله بیر حبه قند ایله بیر آز سو گتیرمیشدی. خانیم اوغلونو او حالدا گؤرونجه باغیرماق ایسته ینده تلخون قندی خانیمین آغزینا قویوب، سویو ایچیردیب دئدی: خانیم مگر هاردا اولدوغوموزو گؤرمورسن! بو عفریته آرواد سسیمیزی دویسا بیز ده اوغلونون حالینا دو٘شریک. سحره جه گؤزلسک یاخجی اولار، اوندا باشقا لارینین یاردیمی له اونو قورتاراریق. خانیم تلخونون سؤرزونو قبول ائتدی، میتباخ کنیزیندن قاباق زئر زمی دن چیخدیلار. سحر خانیم بویوردو کؤله لری آشچی باشینین خانیمینی ال آیاغی باغلی گتیردیلر. سونرا اونو زورا قویدولار اوواقتاجا الی آچیق جوان آغانین باشینا گتیردیکلرینی بوینونا آلسین. البت بو ایش آسان اولمادی. اونو بیر تخت او٘سته قویوب، بارماقلارینین اوجوندان تیکه- تیکه کسیب آغزینا قویوب، چئینه مه سینی ایسته‌دیلر. سونوندا باشقا چاره سی اولمیینجه ناغیلی سؤیله دی، سونرا اونو چکن - چکن زئر زمیه آپاردیلار. آغانی زنجیردن آچیب، حاماما آپاردیلار، سلمانی چاغیردیلار، اونون او٘ز گؤزونون تو٘کونو ووردولار، اونو اول کی کیمی بیر الی آچیق آغا، آما بیر آز سولغونلامیش ائوه گتیردیلر. آشچی باشینین خانیمین دا ساچلاریندان بیر قاطیر قویروغونا باغلییب، داغا داشا اؤتوردولر، هر پارچاسی بیر ایته، بیر داشا قسمت اولسون دئیه. خانیم بویوردو هامی قارا پالتارلاری چیخاردیب شنلیک ائله‌سین. جوان آغا تلخونو گؤروب اولانلاری ائشیدینجه اونا وورولوب اونونلا ائولنمک ایسته‌دی. آناسی دا او٘رکدن بو ایشه راضی اولدو. اؤزیله دئدی کی هاردان بئله گؤزل یاخجی گلین تاپاجاق، بو قیز اوغلونا لاییق دی. بو سؤزلری تلخونا یئتیرینجه باخیب یالنیز بیر یول یوخ! دئدی. خانیم دان اونو آپاریب کؤله بازاریندا ساتماسینی ایسته دی. خانیم دان دیرنمک، تلخوندان دانماق، اولمادی کی اولمادی. تلخون بونا دا راضی اولمادی کی آغایلا ائولنمییب، جوان بیر خانیم کیمی او ائوده یاشاسین. ساده جه دئدی: خانیم سیز دردینیزین درمانینی تاپدینیز، منیم ده بیر دردیم وار، گئدیب درمانینی تاپمام گرکیر. بو گز تلخونو بیر قوجا دییرمانچی آلیب دییرمانینا آپاردی. بو کیشینین دییرمانی بیر داغین اته یینده ایدی.  داغین باشیندان گلن سولو بیر چشمه اونون دییرمانینی ایشله‌دیردی. بیر اژداهاسی واریدی، سویون اؤنونو کسمک اوچون قویموشدو. هردن دئیینجه اژداها بیر آز ترپشیب دییرمانی ایشله‌دیردی. دییرمانچی کندلی لره دئییردی منیم گو٘جوم اژداهایا چاتمیر، سویون قاباغینی کسمه سین دئیم. سیز گو٘نده جوان قیزلاریزدان بیرینی منیم اژداهاما وئرملی سیز، یئییب بیر آز ترپشیب، دییرمانی ایشه سالسین دئیه. یوخسا سیزین بوغدالاریزی دارتا بیلمرم، سیزده بوغدالاریزی سووارانماسیز. اژداهام سویون قاباغینی کسیب دئیه. کندلی لر چاره سیز بوایشی گؤروردولر. دا بیلمیردیلر دییرمانچی بیلرک اژداهایا سویون قاباغین کسدیریری، داغین اته یینده کی اؤز بوغدالارینی سووارسین دئیه. تلخونون ایشی گو٘نده اژداهانین یئمه یینی آپاریب، دؤنوب دییرماندا ایشلمک ایدی. دییرمانچی تلخونا دئمیشدی بیر  گون بو قیزلارین بیری قاچارسا، سنین اؤزونو اژداهایا وئره جه یم یئسین. بوردا تلخون دئمیشدی: << بئله دوم دورو چشمه اولا، بیر جیغال کیشی گلیب سویون اؤنونو کسیب، خالقدان قوربانلیق ایستیه، هله قاباقدان گلنلیک ده ائلیه. دئمک بوردا دا...آه! >> آما آه گلمه‌میشدی. چون الیندن بیر ایش گلمزدی. اؤزو دئمیشدی. تلخون گؤرموشدو اژداهانین یئمه یی آز اولاندا آتیلیب دو٘شوردو، اونون اوچون دییرمانا چوخ سو گلیر، پره لرینی یئیین دبردیر. آردی وار...

اوشاق ادبیاتی اوشاق ادبیاتی هرهفته پنجشنبه گونو ادبیات سئونلر کانالیندا  . اوشاق ادبیاتینا دایر یازیلارینیزی بیزه گوندرین . https://t.me/Adabiyyatsevanlar

الجه‌یینی تاپمادان گئری قاییداندا داها یولداشی‌نین حیکایه‌سینه ماراق گؤسترمیر. سونرا اونلار کوچه‌ده بیرلیکده گزرکن، کیشی یولداشینا سئوینه- سئوینه، سئوگیلیسینی چوخ سئودییی اوچون اونا 80 دلارا آیاق‌قابی آلماسیندان دانیشیر. یئنی‌دن تک قالاندان بوتون فیکری- ذکری اَرینی زیارت ائدرکن باش وئرن حادیثه‌لرده قالیر، بونا گؤره ده کوچه‌دن سورعتله کئچیب گئدیر. مترودا و قاطار ایستگاهیندا بیر نئچه آداملا توققوشور. اونلاری حتا هئچ گؤرمور ده. آمما طبیعی کی فلاکت کیمی آداملارین اوستونه ائله سورعتله گئدیر کی، آداملارین اوندان یایینماغا امکانی دا اولمور. اونلارین بعضیسی قادینین آرخاسیندان باخیب: " آمان آللاه"، - دئییرلر. داها سونرا مطبخده آتاسینا بوشانمانین چتین‌لیک‌لرینی ایضاح ائتمه‌یه چالیشیر. آتاسی اونو باشا دوشمه‌ینده عصبله‌شیر. ایضاحاتی‌نین سونوندا قابیغی نئجه سویدوغو و یا یئمه‌یه نئجه باشلادیغینی خاطیرلاماسا دا، بیر ده اوندا آییلیر کی، الینده پرتقالی آرتیق یئییب بیتیرمک اوزه‌ره دیر. (انگلیس دیلیندن ترجومه ائدن: بانو چیچک قاسم‌زاده، آذربایجان دیللر اونیورسیته‌سینین ترجومه فاکولته‌سینین دوردونجو کورس طلبه‌سی دیر). سون. https://t.me/Adabiyyatsevanlar

حصاریمیزدان ایچریده سیچانلار دولانیردی، آمما اونلار ندنسه مطبخیمیزه گیرمیردیلر. بو بیزی سئویندیریردی. آنجاف قونشولارین مطبخینه گیردیک‌لری کیمی، بیزیم‌کینه ده گیررلر دییه تله‌لر قوردوغوموز مطبخیمیزه نییه گیرمه‌دیک‌لرینی آنلایا بیلمیردیک. اصلینده سئوینسک ده، سیچانلارین سانکی مطبخیمیزده بیر قصور وارمیش کیمی داورانمالاری بیزی مایوس دا ائدیردی. مسئله‌نی داها دا غلیظ‌لشدیرن اودور کی، بیزیم ائو قونشونون ائویندن قات- قات سلیقه‌سیز دیر. بیزیم مطبخیمیزده داها چوخ یئمک وار، پیشتاختالارین اوستونده داها چوخ قیرینتی‌لار و دولابلارین آرخاسینا دوشموش داها چوخ چیرکلی سوغان قابیقلاری وار. دوزونو دئسه‌م، مطبخده او قدر خاراب اولموش یئمک وار کی، سیچانلار بلکه ده اوردا اوزلرینی ایتیرردیلر. سلیقه‌لی بیر مطبخده یازا قدر ساغ چیخا بیلمک اوچون، اوست- اوسته هر گئجه یئمک تاپماق مشققتلی ایش اولمالی دیر. اونلار صبرله یئمک آختاریر و دویانا قدر ساعاتلارجا ساعاتلارحا گمیریرلر. بیزیم مطبخده ایسه هئچ اویرشمه‌دیکلری بیر شئی‌له قارشیلاشیرللر کی یقین، باشلارینی ایتیریرلر‌. بلکه ده بیر نئچه آددیم آتیب یاخینللشماغا جهد گوستریرلر، آمما دهشتلی منظره‌لر و قوخولار اونلاری اوز دئشیک‌لرینه قاییتماغا وادار ائدیر‌ اونلارسا بو قدر زیر- زیبیلین آراسیندا ایسته‌دیکلری کیمی آت اوینادا بیلمه‌دیک‌لری اوچون ناراحات اولور و خجالت چکیرلر. مسئله خ و ی شخص‌لری بیرلیکده‌دیرلر، آنجاق z شخصیندن آلدیقلاری پول‌لا دولانیرلار. Y شخصی اؤزو v شخصیندن اولان اوشاغیلا بیرلیکده یاشایانw شخصینی پوللا تامین ائدیر. V شخصی شیکاگویا کؤچمک ایسته‌ییر، آمما اونون اوشاغی نیویورکدا w شخصی ایله بیرلیکده یاشاییر. W شخصی ائوینی دییشه بیلمز چون کی اوشاغینین نیویورکدا یاشایانu شخصی ایله صمیمی مناسبتلری وار، حال بو کی اوشاغین آناسیt شخصی ایله بیرلیکده یاشاییر. T شخصی u شخصیندن پول آلیر، w شخصی ایسه y شخصیندن اؤزو اوچون، عینی زاماندا v شخصیندن ایسه، اوشاغی اوچون پول آلیر.X ایسه z شخصیندن پول آلیر. X و y شخص‌لرینین اوشاقلاری یوخدور. V شخصی اوشاغینی هردن گؤرور، آمما اونون احتیاجلارینی قارشیلاییر.  U شخصی ایسه w شخصی‌نین اولادی  ایله یاشاییر، آمما اونون احتیاجلارینی قارشیلامیر. آئودن دوستونون ائوینده گئجه‌نی نئجه کئچیریر: ساده‌جه بیر نفر اویاق، ائو سویوق، کوچه‌لر ایسه قارانلیق ایدی. سویوق یورغانین آلتیندان ایلیک‌لرینه ایشله‌ییردی. ائو صاحیب‌لرینی ناراحات ائتمک ایسته‌میردی، بونا گؤره ده دوشه‌یینده قیویریلاراق ایستی بیر یئر آختاریردی... سونرا بیر ایستول اوچون دهلیزده اوغرون سیاحتی و یاتاغینداکی دیگر اؤرتوکلرین اوزه‌رینه سردییی پرده‌لرین اوستونه اوزانماسی... اوزه‌رینه چؤکن یئنی آغیرلیقدان آلدیغی حظ، سونرا ایسه دینج یوخو... بیر دفعه ده یئنه اوشوین اوتاغیندا پرده اولمایان بو یوخوسوز قوناق، خلوتی چیخیب، عینی مقصدله سالونون خالچاسینی گؤتورور، قارانلیق دهلیزده اَییلیر و خالچانی دوزلدیر.... آغیرلیغی‌نین اونا عمللی- باشلی یوک اولماسی و بورنونا دولوب اونو بوغان توزون وئردییی ناراحاتلیق خالچانین سبب اولدوغو راحاتلیغین مقاییسه‌سینده، دئمک اولار کی هئچ نه‌دیر. محاصره‌یه آلینمیش بیر ائوده محاصره‌یه آلینمیش ائوده بیر کیشی و قادین یاشاییردی. قادین و کیشی مطبخده گیزلندیک‌لری یئردن کیچیک پارتلاییش سسلری ائشیدیلر. " کولَک" قادین دئدی. " اُووچولار" کیشی دئدی. " یاغیش" قادین دئدی. " اوردو" کیشی دئدی. قادین ائوه گئتمک ایسته‌دی، آمما او آرتیق ائوده ایدی- اولکه‌نین اورتاسیندا محاصره‌یه آلینمیش ائوده. اَر ائوینه سفر قادین و اَری او قدر عصبلیدیلر کی، صؤحبت بویونجا تئز- تئز واننا اوتاغینا گیریر، قاپینی اؤرتور و توآلت‌دن استفاده ائدیردیلر. سونرا چؤله چیخیب سیگارت یاندیریردیلار اَری ایچری گیریب طبیعی احتیاجینی اؤوده‌ییب و توالت کاساسی‌نین قاپاغینی ائندیرمیر. سونرا قادین اؤزو گیریر، قاپاغی ائندیریر و طبیعی احتیاجینی اؤوده‌ییر. آخشام بیته‌نه یاخین اونلار بوشانماق حاققیندا مذاکره‌لرینی بیتیریب، ایچمه‌یه باشلاییرلار. اَری ویسکی، قادین ایسه پیوه ایچیر. قاطارا چاتماق اوچون یولا دوشمک واختی گلنده اَری چوخ سرخوش اولور، آخیرینجی دفعه طبیعی احتیاجینی  اؤوده‌مک اوچون واننا اوتاغینا کئچیب قاپینی بئله باغلامیر. اونلار یولا چیخماغا حاضیر اولاندا، قادین سئوگیلیسی ایله نئجه تانیش اولدوغونو دانیشماغا باشلاییر. قادین دانیشارکن اَری باهالی الجک‌لرینین بیرینی ایتیردییینی آنلاییر و در حال مایوس اولدوغو اوچون فیکری یایینیر. الجک‌لرینی آختارماق مقصدی ایله قادینین یانیندان آیریلیب آشاغی مرتبه‌یه گئدیر. قادینین حیکایه‌سی یاریمچیق قالیر و اَری الجه‌یینی ده تاپا بیلمیر.

قیسا حیکایه‌لر ✍یازان:«لیدیا دِیویس» چئویرن:« بانوچیچک قاسم‌زاده» کؤچورن:« سحرخیاوی» حاضیرلایان:«ادبیات سئونلر» آنا قیز حیکایه یازدی. " بس بونون یئرینه رومان یازسان داها یاخشی اولمازدیمی؟" - آناسی دئدی. قیز گلینجیک اوچون ائو دوزَلتدی. " بس بو اصل ائو اولسایدی، داها یاخشی اولمازدیمی؟"- آناسی دئدی. قیز آتاسی اوچون کیچیک بیر یاستیق حاضیرلادی. " آنجاق یورغان اولسا، داها فایدالی اولمازدیمی؟"- آناسی دئدی‌. قیز باغچادا کیچیک بیر چوخور قازدی. " داها بؤیوک چوخور قازسان، یاخشی اولمازدیمی؟"- آناسی دئدی. قیز گئنیش بیر چوخور قازدی و ایچینده یاتماغا گئتدی. " همیشه‌لیک یوخویا گئتسن، نئجه ده یاخشی اولاردی!"- آناسی دئدی‌. اون‌اوچونجو قادین اون‌ایکی قادینین یاشادیغی شهرده اون‌اوچونجو قادین دا یاشاییردی. هئچ کیم اونون اورادا یاشادیغینی قبول ائتمیردی، اونا هئچ کس مکتوب گؤندرمیردی، هئچ کیم اونون حاققیندا نه‌سه دانیشمیردی، هئچ کیم اونونلا ماراقلانمیردی، هئچ کیم اونا بیر تیکه چؤره‌ک ده وئرمیردی، هئچ کیم اوندان بیر شئی آلمیردی، هئچ کیم اونون اوزونه باخمیردی، هئچ کیم اونون قاپیسینی بئله دؤیموردو. یاغیش اونون اوستونه چیسله‌مز، گونش اؤز شعاعلارینی اونون اوستونه ساچماز، سحر اونون اوچون آچیلماز، گئجه اونون اوچون دوشمزدی. اونون اوچون هفته‌لر کئچمز، ایللر دولانمازدی. اونون ائوینین نومره‌سی یوخ ایدی، حیه‌طی باخیمسیز ایدی، جیغیرینا آیاق باسیلمامیش، یاتاغی پوزولمامیش، خؤره‌کلری یئییلمه‌میش، پالتارلاری گئییلمه‌میش ایدی. بوتون بونلارا رغمن، او یئنه ده اؤزونه ائدیلن‌لری اوره‌یینه سالمادان شهرده یاشاماغا داوام ائتدی. شهریمیزده کی کیشی شهریمیزده یاشایان بیر کیشی هم ایتین اؤزو، هم ده اونون صاحیبی ایدی. صاحیب ایته قارشی اینانیلماز درجه‌ده آمانسیز ایدی و اونون حیاتینی جهننم عذابینا چئویرمیشدی. بیر دقیقه اوّل اونونلا جانلا- باشلا اویناماق ایسته‌ییردی‌سه، سونرا کی دقیقه دیک‌باشلیغینا گؤره اونو یئره چیرپدی. یاتاغیندا یاتیب توکلرینی یاستیغینا تؤکدویو اوچون بورنونا و کوره‌یینه سَرت شکیلده ووراردی. یئنه ده بعضی گئجه‌لر، یالقیز قالیب و قورخوردان تیتره‌مه‌سینه باخمایاراق، ایتی سورویه‌رک قالدیریب یانیندا یاتیراردی. آمما سهوین هامیسی اوندا دئییلدی. باشقا هئچ کیم بوجور ایته تاب گتیره بیلمزدی. بو ایتین قوخوسو او قدر تورش‌مزه و کسکین ایدی کی، غفیل یاخینلاندیغی زامان اوتانان و طبیعی احتیاجلارینی اداره ائده بیلمه‌ین ایتین، اؤزوندن داها قورخودوجو ایدی. او، چوخ عفونتلی و اییرنج مخلوق ایدی. یئنه ده صاحیب عاغلینی ایتیره‌جک قدر ایچیب، گئجه‌لرینی خیابان دیوارینا قیسیلاراق کئچیردییی اوچون، چتین کی، بونون فرقینه واراردی. گون باتان چاغی اوزونو خفیف کوله‌یه دوغرو چئویریب، پارکین کناریندا آتیلا- آتیلا گزدییینی، قوخولولایاراق یول تاپماق اوچون داییره‌لر چکدییینی، اوزونده کی ساققالی قاشییب سیگارت چیخارتدیغینی، تیتره‌ین اللری ایله اونو یاندیردیغینی، داها سونرا ایسه جیب دستمالی ایله باشینی سیلیب نیمکتده اوتوردوغونو گؤرردیک. او سیگارتی یانیب کوله چئوریله‌نه قدر ساکیتجه چکر، سونرا عصبدن جوشار، باشینی یومروقلاماغا، آیاقلاری ایله اؤزونو تپیکله‌مه‌یه باشلایاردی. طاقتدن دوشدوکدن سونرا ایسه اوزونو سمایا چئویریب مایوس حالدا اولایاردی. آنجاق چوخ آز حاللاردا راحاتلایانا قدر باشینی سیغاللایاردی‌. قورخو بیزیم شهر جماعاتیندان اولان بیر قادین، هر سحر قورخودان اوزو آغارمیش و اوست- باشی پریشان حالدا  ائویندن گلردی. " کومک ائدین... کومک ائدین" - دییه قیشقیراردی و بیزدن بیر نفر اونون یانینا قاچیب قورخوسو کئچه‌نه قدر اونو ساکیتلشدیرردی. اصلینده هامیسینی اؤزوندن اویدوردوغونو بیلیردیک: اونون باشینا حقیقتن ده، نه‌سه پیس بیر حادیثه گلمیردی... آمما یئنه ده آنلاییش گؤستریردیک، چون کی بیر واختلار آرامیزدا اونون حرکت‌لرینی ائده‌جک حدده گلمه‌میش آدام چتین تاپیلاردی، آمما سونرا اؤزوموزو ساکیتلشدیرمک هم بیزی، هم ده دوستلاریمیزی و عائیله‌میزی تامام طاقتدن سالدی. تهلکوکه‌سیز سئوگی او اوغلونون اوشاق حکیمینه عاشیق اولموشدو. هر کسدن اوزاق یاشادیغی بو شهرده اونو قینایاجاق آدام چتین تاپیلاردی. بو سئوگی‌ده بؤیوک بیر هیجان علامت‌لری وار ایدی. بو هم ده تهلوکه‌سیز بیر عشق ایدی. آدام حاصارین دیگر طرفینده ایدی. اونلارین آراسیندا معاینه ماساسینین اوستونده کی اوشاق، ایداره‌نین اؤزو، خسته‌خانا حیه‌طی، میکروسکوپ، حیات یولداشلاری، حکیمین ساققالی، قادینین سینه‌سی، گؤزلوکلری و..‌. دایانمیشدی. سیچانلار

« ماریا یزدانی»  ادبیات سئونلرگوزگوسونده  1402/8/16 آپاریجی:«کریم قربانزاده» 7 https://t.me/Adabiyyatsevanlar

« ماریا یزدانی»  ادبیات سئونلرگوزگوسونده  1402/8/16 آپاریجی:«کریم قربانزاده» 6 https://t.me/Adabiyyatsevanlar

« ماریا یزدانی»  ادبیات سئونلرگوزگوسونده  1402/8/16 آپاریجی:«کریم قربانزاده» 5 https://t.me/Adabiyyatsevanlar

« ماریا یزدانی»  ادبیات سئونلرگوزگوسونده  1402/8/16 آپاریجی:«کریم قربانزاده» 4 https://t.me/Adabiyyatsevanlar

« ماریا یزدانی»  ادبیات سئونلرگوزگوسونده  1402/8/16 آپاریجی:«کریم قربانزاده» 3 https://t.me/Adabiyyatsevanlar

« ماریا یزدانی»  ادبیات سئونلرگوزگوسونده  1402/8/16 آپاریجی:«کریم قربانزاده» 1 https://t.me/Adabiyyatsevanlar

«ماریا یزدانی» خواننده، پارلا قوروپونون باشچی‌سی   ادبیات سئونلر گوزگوسونده  1402/8/16 طراح: «تانیش» آپاریجی: «کریم قربانزاده» https://t.me/Adabiyyatsevanlar