ادبیات سئونلر

ادبیات سئونلرین جانلی یایمی سوسن خانیم نواده رضی نین وداع مراسیمی تبریر هنرمندلر قطعه سی1401/12/27 https://t.me/Adabiyyatsevanlar

⚫️⚫️⚫️ 🔳تک باشینا حیاتین آغیر یۆکۆنۆ قادین چیگینلرینده داشییان، بیر ائل آناسی اوْلوب دا، ائلینی آتمییان، اولادینی آتمایان، قلمی‌نین حرمتینی قارا پولا ساتمایان، قوْناغینا هر زمان بویور دئییب، سفره‌لر دؤشه‌ین، دوْستونا هر زمان گۆلر اۆزلۆ آچیق‌قاپیلی، دۆشمنینه دیرسک گؤسترن، کسگین دیل‌لی، سوسن نواده‌ی رضی نهایت هئچ ده هامار اوْلمایان بیر عمرون سوْنوندا یوْرغون دۆشۆب، خسته یاتدی، سئودیگی ائلینی و دوْستلارینی  ترک ائدرک،  آنا توْرپاغین قوجاغیندا دینجلمگی ترجیح ائتدی. یاتمیش ایدیم اوْیاندیم درده غمه بوْیاندیم داش اوْلسایدیم اریردیم انسان ایدیم دایاندیم ⚫️وداعلاشما مراسمی شنبه گۆنۆ اسفندین 27 و ساعت 12:30 دا وادی رحمتین هنرمندان قطعه‌سینده کئچیریله‌جک.                      *** اگر هم سنگ بودم میشدم آب من انسانم که بر پای ایستادم   ⚫️⚫️ مراسم وداع با این فرهیخته گرامی روز شنبه مورخه‌ی 27 اسفندماه 1401، ساعت 12:30 پس از اقامه نماز در قطعه هنرمندان وادی رحمت تبریز برگزار خواهد گردید. https://t.me/Adabiyyatsevanlar

«دومان_سفراوغلو» اۆره‌ییمده بیتن سئوگی ماهنیسی پاییز بوداغیندا یازیلی قالدی سسین یاییلمادی دار کۆچه‌میزدن آدین دوداغیمدان آسیلی قالدی. گئدیردین، گیزلیجه گؤزوندن ایراق اوخشادیم آغلادیم سنه بیر اتَک اَلیندن یاپیشیب آپاریردیلار یایلیغا بۆکولن بایرام پایی تک. گئدیردین یول‌لاردا باهار سولوردو بولود گؤزلریمده یاشا دولوردو شافاق قان قوسوردو چیچک‌لر گۆلوش بنؤوشه ساچ‌لارین، سازاق یولوردو. قلبیمده بیر آرزی آه چکیر منیم سن‌سیز اوزاق‌لاردا بیته‌جه‌یم من داها یوواسیندان کۆسن قوش کیمی تانرینین گؤزوندن ایته‌جه‌یم من. الوداع هر گئجه یازدیغیم شعر سنی بالتالاییب مندن آلدیلار من ائله پاییزدا تورپاغا دۆشدوم کفنلنمه‌ییمی قیشا سالدیلار. https://t.me/Adabiyyatsevanlar

«سحر_خیاوی» ای وای گلین باجی «سوسن نواده‌ رضی‌نین یاشیل روحونا سونولور» دونیام اوچولدو،گلدی غریب های گلین‌باجی ای وای دئدیم، بؤیوک باجیم، ای وای گلین‌باجی خاطیرله‌دیم سوسوز، تپی‌یَن دیل- دوداغینی زَهر اولدو،ایچمه‌دیم کی شیرین‌چای گلین‌باجی ائرکن گلیب پاییز نییه سولدوردو باغچامی؟! گئتمک اوچون تَلَسدی نه دن یای، گلین باجی؟! سرسَم گئدیر باشیم، آه اینانمیر بو نیسگیلی دئپرم قوپوب،آچیلدی بویوک فای گلین‌باجی بوندان بئله گولوم بو اوره‌ک اولدو قورخولو دیکسیندیرر اونو قورو بیر های گلین‌باجی شعر و ادب باغی ایتیریب دیر دادین- دوزون یوخدور کی باغمانی سنه همتای، گلین‌باجی سانجاق قالیب یتیم، گَل سیغاللا باشین- گؤزون یوخسا اؤزوم چالیم سنه لای- لای، گلین باجی اولدوزلاریلا- گؤی، گئجه‌نی بیرگه آغلاشیب قول بوینونا سالیب گونشین آی، گلین‌باجی آرزوم بو ایدی بلکه سنه بیر کیتاب سونوم افسوس بو مرثیه‌مدی سنه پای، گلین‌باجی

«سۇسن_نواده‌رضی» اۇمۇدۇمدا چیلله گئجه‌سی اللریم خزل سپیلیر پایێزلێغێما؛ بَـهارین اوْلارام بایرامێم اوْلسان و اۇلدۇزلۇغۇنۇ سایرێشارام هله یاشایێرام هله اؤلمه‌میشم گۆمان نمنیه نسه‌لر اۇمۇرام نسه‌لردن هله... بلکه ده یاشاماق اؤلمه‌گین او بیری اۆزۆدۆر؟! اۆره‌گیمده دنیزلر چاخناشماسێ وار اوْوجۇمدا بالێق‌دێر چابالێر، سئوگی. قوْینۇم سێخ قۇجاقلاشماغا دارێخێر دوْداقلاریم، سحرین گۆزگۆسۆنده، گۆلۆن گۆلۆشۆ. گؤزلرین سێررینی بیلمه‌دیم اکدیکلریم جۆجرمه‌میش سوْلدۇ ندنسه بَـهارین اوْلاجاقدێم بایرامێم اوْلسایدێن. زمان شاشێردێجێ عنصردور انسانلار ایسه آجی و سوْیۇق دۇرلار. باشێمێ قارا- قارا فاجعه‌لر یاغمالاسا دا کؤکسۆم هله ده یێرغالانێر یاشێل- یاشێل دۇیغۇلار قوْینۇندا. نفس چکنده نوْلاااار؟! بلکه ده ایللردیر اؤلمۆشۆک... https://t.me/Adabiyyatsevanlar

اوشاق ادبیاتی گلین دوسلاریمیزا، بالاریمیزا بایراملیق تورکی کیتابدا وئره ک.

اوشاق ادبیاتی «کارتون» اوشاق ادبیاتی هرهفته پنجشنبه گونو ادبیات سئونلر کانالیندا  . اوشاق ادبیاتینا دایر یازیلارینیزی بیزه گوندرین . https://t.me/Adabiyyatsevanlar

اوشاق ادبیاتی کولگه یازان:«حسن محمدی» سسلندیرن:«فاطمه محمودی» https://t.me/Adabiyyatsevanlar

اوشاق ادبیاتی کولگه یازان:«حسن محمدی» سسلندیرن:«فاطمه محمودی» https://t.me/Adabiyyatsevanlar

اوشاق ادبیاتی تاپماجا مندن تاپماغی سندن 1-تاپ بوندی تاماجا آیاقلاری یاپاجا؟ 2-آغ طاس ؛ قیزیل طاس           بیرین گؤتور ؛ بیرین آس؟ 3-اوندیرکی:«آخشام گئده ر؛سحرگله ر »؟ ج1-فیل ج2-آی و گون ج 3-گونش  https://t.me/Adabiyyatsevanlar

اوشاق ادبیاتی آذربایجان افسانه لری سؤیله ین:«صمد بهرنگی - بهروز دهقانی» چئویرن:«منیژه جم‌نژاد» حالواچی شاهزاده۲ 👨 گئجه کئچمیشدی. پادشاه گؤردو قوللوقچولار تار قاوال لا گلدیلر. اوغلان دئدی: گئدین خانیما دئیین بو گئجه قوناغیم وار، گلنمرم. کنیزلر گئدیب خانیما خبر وئردیلر. خانیم دئدی: گئدین دئیین: قوناغیوا دا قوربان اولوم، اونو دا گتیر. اوغلان پاشاه لا قیزین یانینا گلدیلر. پادشاه گؤردو قارداشینین قیزی بزنیب، دو٘زنیب، اوتوروب. قیز دئدی: درویش بابا نیه گؤزووو زیلله ییبسن منه؟ نوکرلرین، کنیزلرین یانینا گئت. سونرا کنیزلره دئدی: آی قیزلار بیر آز سو٘موکدن زاتدان وئرین، گمیرسین. پادشاها پیچاق وورسایدین قانی چیخمازدی. نوکرلرین یانینا یاتماغا گلدی. آما یوخو گلمیردی! سحره جان بو او٘زدن او او٘زه چؤندو. سحر تئزدن اوغلان پادشاهی سسله دی،  درویش بابا دور گئده‌ک، بئواختدی. ایندی اوستا گلر منه ساواشار، من هله حالوا دو٘زلتمه‌میشم. دوروب گلدیلر تو٘کانا. اوغلان دئدی: درویش بابا کمک ائله  حالوانی چالاق، سونرا گئت. پادشاه او٘زونه گتیرمدی، حالوانی چالدی، قویوب گئتدی. او بیری قارداشینی دا چاغیریب اولانلاری دئدی. گئجه ایکیسی بیرگه دوروب حالواچی‌نین توکانینا گلدیلر. اوغلان گؤردو بو گئجه درویشین یولداشی دا وار. دئدی: بیرینیزه زوراکی یئر اولوردی، ایکی نفره یئر یوخدو، دورون آیری یئره گئدین. پادشاه دئدی: آلله دان اوتری یئر وئر یاتاق. باشقا یئریمیز یوخدو. بیر بوجاقدا سیخیلیب یاتاریق. اوغلان دئدی: اولسون، گلین ایچری. گئنه یاری گئجه قوللوقچلار تار قاوال لا یولدان  یئتیشدیلر. تار چالاق، قاوال چالاق آیاق ووراق، چپیک چالاق حالواچی توکانینا گئده‌ک آی حالواچی گل، گل دئیک بیزیم گوزل خانیمیمیز سنی ایستییب. اوغلان دئدی: گئدین خانیما دئیین بو گئجه ایکی قوناغیم وار. گله بیلمرم. قوللوقچولار گئدیب قاییدیب دئدیلر: خانیم دئییر هر ایکی قوناغیوا دا قوربان اولوم. دور گل یانیما. لاغیم دان کئچیب قیزین اوتاغینا چیخدیلار. قیز دئدی: درویش بابالار، نوکرلر کلفتلر اوبیری اتاقدا یاتیبلار. گئدین اوردا یاتین. پادشاه لا قارداشی گئتدیلر. سحره جان گؤزلرینه یوخو گیرمدی. آردی وار... https://t.me/Adabiyyatsevanlar