audience statistics Christian Mezmur - ክርስቲያን መዝሙር

ይህ የBahir Dar University Fellowship VLM ይፍዊ የቴሌግራም ቻናል ነው። በዚህ ቻናል ዉስጥ 👉 አዳዲስ እና የድሮ መዝሙሮች 👉 የእግዚአብሔር ቃል 👉 የተለያየ ይዘት ያላቸው ጽሁፎች 👉 ጥቅሶች 👉 የህይወት ምስክርነቶች 👉 ጥያቄና መልሶች 👉 ሌሎችም ብዙ ዝግጅቶችም አሉን:: Fb👉fb.me/BDU-Fellowship-VLM

💐በእግዚአብሔር ፊት ነፍሴን አፈሰስሁ 📖“ሐናም፦ ጌታዬ ሆይ፥ አይደለም፥ እኔስ ልብዋ ያዘነባት ሴት ነኝ፤ ጠጅና ሌላ የሚያሰክር ነገር አልጠጣሁም፥ ነገር ግን በእግዚአብሔር ፊት ነፍሴን አፈሰስሁ፤”        1ኛ ሳሙኤል 1፥15 የቅርብ የምንላቸው ሰዎች እኛነታችንን መረዳት አቅቱዋቸው የውስጣችንን ነገር አውጥቶ ለማውራትና መፍትሔ ለማግኘት የተቸገርንባቸው ጊዜያቶች እንደሚኖሩ እገምታለሁ። ከማንም በላይ የቀረበን ሰው በእኛ ሕይወት ላይ እየሆነ ያለውን ነገር አይቶ መረዳት ያቅተዋል። ንግግራችን በፍፁም አይገባውም። ድርጊታችን እርሱ ጋር ሲደርስ ሌላ ነገር ሆኖ ይተረጎማል። በዚህን ጊዜ የምናዋየውና የምናወራው ሰው ስናጣ ዝምታን በመምረጥ ውስጣችን በሀዘን አለንጋ ይገረፋል። ንግግራችንን ሰዎች ስላልተረዱልን የብቸኝነትን መንገድ መርጠን ለመሄድ እንነሳለን። ሐና ከሀዘኑዋ ብዛት የተነሳ በእግዚአብሔር ፊት ስታነባ በካህኑ ዘንድ ሌላ ስም ተሰጣት። “ሐናም በልብዋ ትናገር ነበር፤ ድምፅዋም ሳይሰማ ከንፈርዋን ታንቀሳቅስ ነበር፤ ዔሊም እንደ ሰከረች ቈጠራት።” (1ኛ ሳሙ 1፥13) ከአምላኩዋ ጋር የምታደርገው ግንኙነት በሌሎች ዘንድ ሰካራም መስሎ አስቆጠራት። የእኛም ሕይወት ከዚህ ብዙም ላይለይ ይችላል። ሰዎች ያለ ስማችን ስም ሰጥተውን አሳዝነውን ይሆናል። ከአምላካችን ጋር የምናደርገው ሙግትና ንግግር እንደ ሰካር ሰው አስቆጥሮንም ይሆናል። ሐና በእንደዚህ አይነት የሕይወት ማዕበል ውስጥ ስታልፍ ያለችበት ሁኔታ በሰዎች ዘንድ እግዚአብሔርን እንዳታሳይ አላደረጋትም። ሰካር ነች ላላት ለካህኑ ዔሊ ፍፁም ትህትና በተሞላበት መንገድ እንዲህ አለችው፦ “ሐናም፦ ጌታዬ ሆይ፥ አይደለም፥ እኔስ ልብዋ ያዘነባት ሴት ነኝ፤ ጠጅና ሌላ የሚያሰክር ነገር አልጠጣሁም፥ ነገር ግን በእግዚአብሔር ፊት ነፍሴን አፈሰስሁ፤”…