Tribal News URDU

رفح میں ایک بار پھر فلسطینیوں کے کیمپ پر بمباری، مزید 21 فلسطینی شہید ـ غزہ کے جنوبی علاقے رفح میں بے گھر فلسطینیوں کے کیمپ پر ایک اور اسرائیلی فضائی حملے میں کم از کم 21 فسلطینی شہید اور درجنوں زخمی ہوگئے ہیں ـ عرب میڈیا کے مطابق حالیہ حملہ مغربی رفح کے علاقے المساوی میں ہوا جہاں اسرائیلی جارحیت کے نتیجے میں بے گھر ہونے والے فلسطینیوں کا کیمپ موجود تھا۔ یہ وہی علاقہ ہے جسے اسرائیلی فوج کی جانب محفوظ علاقہ قرار دیا گیا تھا اور فلسطینیوں کو اس علاقے میں منتقل ہونے کا کہا گیا تھا۔ عرب میڈیا کے مطابق رفح میں اسپتال نہ ہونے کی وجہ سے حملے میں جاں بحق ہونے والوں کی میتوں اور زخمیوں کو انٹرنیشنل میڈیکل کور کے فیلڈ اسپتال لے جایا گیا ہے۔ خیال رہے کہ دو روز قبل رفح میں اسرائیلی فوج نے  محفوظ قرار دیے گئے علاقے میں موجود کیمپ پر بمباری کی تھی جس کے نتیجے میں 75 سے زائد فلسطینی زندہ جل کر شہید اور درجنوں جھلس کر زخمی ہوگئے تھے۔ اسرائیلی بمباری سے رفح کے پناہ گزین کیمپ میں آگ لگ گئی تھی جس میں بڑی تعداد میں شہادتیں آگ میں جھلسنے کی وجہ سے ہوئیں،پناہ گزین کیمپ میں شمالی غزہ سے بے دخل فلسطینیوں کی بڑی تعداد میں مقیم تھی۔ https://t.me/TribalNewsUrdu2

پریشر کُکر جلد پھٹ جائے گا اور اقتدار پرغاصبانہ قبضہ کرنیوالوں کو جھلسا دے گا، سابق صدر عارف علوی اسلام آباد: سابق صدر اور رہنما پی ٹی آئی عارف علوی نے کہا کہ ہے کہ پریشر کُکر کسی بھی دن پھٹ جائے گا اور جھلس کررکھ دے گا۔ خاص طور پر اُن لوگوں کو جن کا اقتدار پر جھوٹا، غاصبانہ اور ظالمانہ قبضہ ہے۔ موجودہ حکومت کو تنقید کا نشانہ بناتے ہوئے عارف علوی نے ایکس پر بیان میں کہا کہ پریشر ککر کسی بھی دن پھٹ جائے گا مگر نقصان کس کو پہنچے گا؟ عارف علوی نے مزید کہا کہ بھاگنے والے راہ فرار اختیار کریں گے۔ وہ جنہوں نے بیرون ملک راستے ہموار کیے ہوئے ہیں اور ہمارا لوٹا ہوا مال و دولت سب باہر رکھا ہوا ہے۔ ہم وفادار پاکستانی جنہوں نے اپنے ملک میں جینے اور مرنے کا فیصلہ کیا ہوا ہے۔ ہم بھی دیکھیں گے کہاں جائیں گے۔ اللہ ایسے لوگوں پر دنیا بھی تنگ کرتا ہے۔ انہوں نے اپنی طویل ٹوئٹ میں مزید کہا کہ مافیا یہ سمجھ لے اور ہم ڈنکے کی چوٹ پر اعلان کرتے ہیں کہ ہم بچائیں گے پاکستان کو۔ قوموں کی برادری میں عزت کے ساتھ کھڑا کریں گے اور ترقی کریں گے۔ میں دعوے کے ساتھ کہتا ہوں کہ اس جھوٹی، سفاک، غیر قانونی اور جابر حکومت کے تحت جاری لوٹ مار کی راکھ پر بھی تعمیر کر دیں گے اپنے وطن کو۔ سابق صدر نے کہا کہ یہ سب اللہ کے فضل و کرم سے ہی ممکن ہو گا۔ اس مٹی کا ایک انتہائی بہادر، دلیر، قابل فخر فرزند، محنت کش عوام کے دلوں کا سپریم کمانڈر ’ عمران خان‘ کھڑا ہے۔ قیادت کر رہا ہے اور منزل تک پہنچا کر ہی دم لے گا۔ https://t.me/TribalNewsUrdu2

پشاور میں 2 گاڑیوں کے درمیان تصادم، 4 افراد جاں بحق پشاور: پشاور میں 2 گاڑیوں کے درمیان تصادم کے نتیجے میں 4 افراد جاں بحق جبکہ 2 شدید زخمی ہو گئے ہیں۔ تفصیلات کے مطابق ٹریفک کا افسوسناک حادثہ پشاور کے علاقے رنگ روڈ پر پیش آیا جہاں 2 گاڑیاں تیز رفتاری کے باعث آپس میں ٹکرا گئیں، حادثے کے نتیجے میں 4 افراد موقع پر دم توڑ گئے جبکہ 2 شدید زخمی ہو گئے ہیں۔ حادثے کی اطلاع ملنے کے بعد ریسکیو ٹیم موقع پر پہنچ گئی، لاشوں اور زخمیوں کو ہسپتال منتقل کر دیا جہاں زخمی ہونے والوں کو طبی امداد دی جا رہی ہے، پولیس نے جائے وقوعہ کا جائزہ لینے کے بعد تفتیش شروع کر دی ہے۔ https://t.me/TribalNewsUrdu2

شدت پسندوں کے سیکیورٹی فورسز پر حملے، متعدد اہلکار ہلاک ـ کوئٹہ: (ٹرائبل نیوز) بلوچستان اور خیبر پختونخوا میں سیکیورٹی فورسز پر خونریز حملے ہوئے ہیں جس میں کئی اہلکار جان کی بازی ہار گئے ـ کیچ: ضلع کیچ کے علاقے زامران میں نامعلوم مسلح افراد نے پاک فوج کی پوسٹ پر دھاوا بول دیا جس میں دونوں جانب سے شدید فائرنگ کا تبادلہ ہوا حملے میں ہلاکتوں کی کوئی مصدقہ اطلاعات اب تک موصول نہیں ہوئی ہے ـ آواران: ضلع آواران میں نونڈڑہ کے علاقے میں نامعلوم مسلح افراد نے پاک فوج کے ایک کیمپ کو چاروں اطراف سے شدید حملے کا نشانہ بنایا حملے میں دونوں جانب ہلکے اور بھاری ہتھیاروں کا آزادانہ استعمال ہوا جھڑپ میں بڑی تعداد میں ہلاکتوں کا خدشہ ہے ـ مذکورہ حملوں کی ذمہ داری اب تک کسی مسلح تنظیم نے قبول نہیں کی ہے جبکہ مذکورہ علاقوں میں بلوچ علحیدگی پسند تنظیمیں متحرک ہیں ـ خیبر ایجنسی: خیبر ایجنسی کے دور افتادہ وادی تیراہ میں مسلح افراد نے پاک فوج کی پوسٹ کو حملے کا نشانہ بنایا جو تادیر تک جاری رہا پوسٹ میں زندہ محاصرہ اہلکاروں کی اطلاع پر پاک فوج کا ایک قافلہ پوسٹ کی جانب آتا دیکھ کر شدت پسندوں نے قافلے کو گھات حملے کا نشانہ بنایا جہاں جھڑپ میں مزید شدت پیدا ہوگئی ـ جھڑپ کے دوران 5 اہلکار موقع پر ہلاک اور 6 شدید زخمی ہوگئے، جبکہ چار شدت پسند بھی مارے گئے، ہلاک اہلکاروں میں نائیک اشفاق، لانس نائیک دانش، سپاہی نادر، سپاہی تیمور اور سپاہی یاسین شامل ہیں جبکہ زخمی اہلکاروں میں لانس نائیک خاور، سپاہی اسد، سپاہی راشد ، سپاہی رفاقت، سپاہی عرفان، اور سپاہی جعفر شامل ہیں ـ ٹانک: ضلع ٹانک میں پاک فوج نے طالبان کی موجودگی کی اطلاع پر چھاپہ مارا جس میں شدید جھڑپ ہوئی فائرنگ کے تبادلے میں درجن سے زائد اہلکار ہلاک اور زخمی ہوئے جبکہ پانچ طالبان جنگجوں بھی مارے گئے ـ مذکورہ حملوں کی ذمہ داری تحریک طالبان پاکستان سے منسلک کئی سوشل میڈیا اکاؤنٹ پر قبول کی ہے ـ https://t.me/TribalNewsUrdu2

رفح میں پناہ گزین کیمپ پر حملہ، 75 سے زائد فلسطینی شہید ـ اسرائیلی فوج نے رفح میں پناہ گزین کیمپ پربڑا حملہ کیا ہے، جس کے نتیجے میں 75سے زائد فلسطینی شہید جبکہ متعدد زخمی ہوگئے۔ غیر ملکی ذرائع ابلاغ کے مطابق رفح کے پناہ گزین کیمپ میں اسرائیلی بمباری سے آگ لگ گئی، بڑی تعداد میں شہادتیں آگ میں جھلسنے کے باعث ہوئیں۔ اسرائیل کی جانب سے یہ دعویٰ سامنے آرہا ہے کہ حماس کے ایک کمپاؤنڈ پر حملہ کیا گیا ہے، حملے کے مقام پر حماس کے اہم ارکان موجود تھے۔ https://t.me/TribalNewsUrdu2