Diinii kee Anaakara (Md Ali)

ESSERO....09 Shaqbaan aw soom baaheh addat soom abitaanam xiqtaa?.. GACSA..... ✅Ah annaak esseran essero makkalina, shaqbaan addat soom abaanam maxiqta iyya mari yan, woh ankel tubleeniih? iyyi siinik iyyeeh? inneh esserra waqdi "nanu manaaxiga qalek yemeete num nek iyyekkah" iyyan.. Meqe toobokoy Bukhaarih addal yan cadiisil niina Qaaisha (R. qanha) " anu warraye soomuk yok gexxem shaaqbaan addat kadah gacisak en" itta. Is kada gacissa waqdi Meqe NABI ﷺ tet abaluk yenemmay, tet kak waasak maana, , ah faxxiime waytam takkeemil is kaaduk soomak maana. Hay ta mari Niina Qaaishah cadiisiy Bukhaarih addal yanik amo korra iyyeenih ta yab ankek baaheeniih? @Cubbusa Qilmi ni addal elle kibuk yaniimih sabbatah qalek yemeete mara axcuk adda kak aaxige wayna marak fatwa hirge eaynam faxximta. Essero.....10 Qunxuffe yanxuqeenim soom maay taggileeh? Gacsa... Meqe toobokoy naaxagu faxximtam aslan qunduffe yanxuqeenim soom mataggila, laakin toh inna waqdi gaabossa heenih anxuqe waanam faxximta, wonnal soomul taqabileeh, nabsih isih sakki le, Tohih taagah away mango mari akah abannah qinxuuf tuftot af sinnik kafisaanam soomul taqabi leemih sabbatah af sinnik kafise waanam faxximta. Afat kobxissa heen qunxuffe kaaduk anxuqe waanam faxximta. ~~~~~~\\~~~~~~~~ (Yalli maqaanek yoobbeemil taamita mara nee abay) Aamiin 🎧Dr Macammad saani (حفظه الله) ✍ Md Ali Share t.me//httpsDiiniKeeAnaakara

FATWÂ BARNAAMIJI 1hattoh Exxa (Dr Macammad Saaniحفظه الله) Essero, 01 warrayeh yan Ramadhaanak kada edde tan mari mannal gacisaanam faxximtaah? Gacsa, √√Keenit gexxeh tan ayroora lowwa heenih gacisaanam faxximta, Qolomak baali elle iyyannal kada gacisam dibuh hinnay, kulli ayrollih inki miskintih maskamo digaalah yaceenim faxximta iyyan. Faxennalaay, digaala itta ximmol itta magennoon immay, gacisaanam dirkih taniimi ikkal raq lem hinna. Essero 02 Say mar miyangali qabali soom fanak keenik yargiqeemik Ramadhaan addat qabala keenik solissa diwa haysitaanam keenih duddaa? GACSA.... √√ Diwa haysitaanam qoloma keenih xiqsissah, laakin tohlih namma assenta/shartiy kibaanam faxximta daffeesen... 1, Baqlale barra tekkek baqlak izni/ruksat bettam faxximta. 2, Amannah tan diwaawi mangih taqabi katassaamih taagah Doktorul gexxa itteh a diwa kaysittek taqabih maca teetil baahelm essertam faxximta. Taqabih tu kol mabahta iyyek, tonnah baqli amri teetih yeceek diwa tantifiqem duddah. Essero...03 Num sacuri afat luk suga waqdi azaan kaat abeenik maca abam faxximtaah? Maaqok soolay immay leeh inki kubbayya yaaqabem kaah maay xiqtaah? GACSA... ✅Yalli ﷻQhur-aan addal " Maaci baxxaqqa iyyam fan ottokommaay, ottooqobba" iyye. tohih taagah qado ifi yumbulleek wadir kulli caagid lee takkay, Maaqo takkay soolisaanam faxximta. ESSERO....04 Num laqo soomuh anuk garciteh lee garil nek yooqobek, Yalli kaa yafqem kaak margiqa inneh tibba axcennaa? Kaah warisam faxximtaah? GACSA.. ✅Meqe NABI ﷺ" laqo soomuh yanim habbella heeh yokmeeh, yooqobe num Yalli kaa yefqeeh yoskomeemih taagah soom aggile waama, Isi Soom xakbisaama " iyye. Tohuuk ugutak Yalli kaa Yafqeemik fan kaak maradina itta qoloma tanih immay, Laakin takkay immay umaanek siita waasaanaah, maqaanel siita fayisaanam kaaduk sunna kinniimih taagah, Laqo soomuh yan num lee yaaqabem kaaduk munkar/ umaane kinniimih taagah didda kaa hee kal, Elle yafhimuwaannal kaa kassiisam faxximta. ESSERO.....05 Tirô biyak le numy soomam xiqe sinni, maca abam faxximtaah? GACSA.... ✅Tiro^biyak le num, Doktor daylat akak yan numuy ureleemih qaago le tekkek, Yafturem kaah xiqtaah, Sarra ura waqdi kadah gacisam faxximta, woo biyaakak ure kal edde rabek, tu kaal matan. Wonna hinnammay, Tiro biyak caddok edde tature numuy Doktor dayla akak yeffereeh, taysa Yalli koh abam ablettok buxah uduur akak iyye tekkek kulli ayroh aftok inki muddi (2gaba) tu maleelah yaceem faxximta. ESSERO...06 Soom mekalah masaakiinah yaceenim ma maaqooy? Yaceenim faxximtam magideey? GACSA.... ✅Soom biyak takkuu wonna hinnammay idoolinnah takkay soom yeffere mari kulli ayroh aftok inki muddi (2 gaba) yaceenim miskintuh faxximta, woh kiilok agide takke innam madudna, machaay itteenik, kulli darok inki muddi/2gaba kiilol haan waqdi inki gide akke waytam bictah, burriiy, qelbooy, sirrayaay, ruddiiy........wwc miizaan kak baxaabaxsa leemih taagah kiiloh gacisaanam taqabile, Tonnaleemiik, gaba aqunxe waah, gaba anabbee waa numih gabay fanah tanih gide yaceenim faxximta, @naaxagu faxximtam dagoom yaceenimih fayxih gaba qunxa numih goranah gexewaanam faxximta, tonnah kaaduk gaba naba numih goranah gexe waanam faxximta. Yaceenim faxximta maaqoh tu gactek kulli num isih buxal akiminnaanimik yaceem faxximta, Isih ruddi yakmeeh, masaakiinah, gaqammo aceewaam faxximta !!! Anas ibnu maalik (R.Q) idooliteeh soom yeffere waqdi, 30 miskintu gaabossa heeh, woo saaku maaqok tayse maaqoh ten cadoo kee gaqammo siitat hayya heeh ken yoskome. ESSERO....07 Mangih barri agabi Yaqaaduu kee sukat kicnon, Yaqaaduu kee sukat soomul keenik bahtam maay le? GACSA..... ✅Yaqaaduk qer bagut gexaamih taagah woh soomul taqabi keenik taallem bictaamih sabbatah yaqaadu bar abitaanam keenih aysuk raqta, Sukatah tu gactekiiy, haysitamamah taqabi mali. Essero...08 Soomuh yan num laqo mango leeh addat kaqlam soomul taqabi kaak maay leeh? GACSA.... ✅Fillaak gubah edde culam taqabi mali, laakin Moyya leeh addat culsek garciik lee bagut kaak gexxam xiqtaamih taagah wonnal eemik moyys leeh addat isik culse waam faxximta,

😭Qajaban.....!! ★ Laqo tufak asa maray Yallih garil soom kak oggoltime sinni mari kibu yakke !! Toh.... ★ Arrabaay, intiiy, aytiiy, ibaay gaba soomise waah, dibuk lee maaqok waasima mara kinni !! ★ Yi Rabbow,..... "Iyyah quluten? Iyyah bakaaritten?" nek maxcin. ★ Koh abnah nan xayyuk, qulul kee bakaaral nee maraaqisin !! Aamiin t.me//httpsDiiniKeeAnaakara ✍ Md Ali

GAAT KEE SOOMU !! ♨️🌿♨️🌿♨️🌿♨️🌿♨️ ✍Soomuh yan mari bar kee laqo inkih soom dacrisaanam faxximta, away mangih tambullem mango mari gaat amol futreh asaanam tambule. Gaat elle aaxaguk yenen saaqat keenik gufa waqdi gaatal raaqaanam tambulle, sinnih yaftureenih, aban zambit sinnih dibuk radaanam hinnay, buxâ mara taqbiseeniih, kataysis taqbiseenih, Tonnah kaaduk, laqo soomuh asoonay immay, ufturra iyyan waqdi yakme maray, qishaa kee taraawiic salaatak gaatal suculuh raaqa yanim tambulle. Gaat akak iyyan caxa kaxxam uma caxaay, meqe wak malimmay, Yallih fardi elle tatrusaanam umaaneh lafitak raqta. ✍Seehadak qidaddoh tanim gaatat finqitteeh, Baadal mangih aki maaqo inkih saalo sinnim tankammeh immay, gaat saalo sinnim mayanakmma. Gaat yakmeenim bdibuh hinnay, xaylok mangom gubatle!! ➡️ Kooka ➡️ Loozu ➡️ Sigaara ➡️ Madaaqa ➡️ Buna /Sokkara ➡️ Malaba.....wwc. Gaat yakme num, iba sissik awkaa kee ayti xabcin baxuwwa garit kaak tanim faxa. Iba sissik awki kah faxxiimam, qilsaa kee wudurro xiqe waamih taagah, usug faxinnaanim sissikuk ayradduk kaah baaha awka faxa. Ayti xabcin baxuwwa kah faxam, usug gaatak quxeexa kibba heeh yaabam xiqewaamih taagah anay/xongolo fayya haam maxiqa, tohih taagah, aytî xabcale baxuwway usug axcinnaanim sissikuk kaak taabbu dudda garit yaallem faxximta. Gaatak umaaneena kaxxam mango, qidaddok sinam boolaasa, qaafiytal wohuk mayaysa, diinil kaaduk wohuk gaca, isi kataysiisih taqabi, buxâ marah kaaduk aza yakke, isi xayloh uma ascossa caba( xaylo xaleena abak sugtem kataytaamih taagah), ken abba keenik garil gaatal suculuh gacca iyyeh, xaylok sooma iyyam kaak moggolaanaay, qunxa mari kaaduk gaat meqem akkaluk elle yanbeeniih, sarra yakmeenimit yamaaten, tannal isi buxah mara edde bayisa. Kalah kaaduk gaat andorra(xalaay kee qarsa) sinaamak bayisam tambulle. Andorra/xalay-qarsa sinaamak elle bayisam mangih naammaa. ①, Gaat mangom yakme mari shahwat xagna baahah, wonnah tanim sarra kaxxa taqabi katassam bictah. ②, Mangih barril suga mari, barrik magaala culaanaah, wohuk lakal gaatat ufukunna/culla iyyaanaah, tohuk lakal 4/5 sanat fan buxah yadaareenim maxiqaanay, magaalol addal gaat amol gace maray fanal raaqe kibu yakke, , ken agabuy barril raaqe kaaduk, meqem ginnaaqot/nikaacat yan agabuy baqli gubat xinta makkinnay, cabbatime agabuy baqla kah gorrisaana makkinay fanaafanal takayrut raaqan. Wonnah tan caagiida awaktil mangih tambulleeh, ummattal kaxxa taqabi kataasak geytimta. ✍Meqe toobokoy Ramadhaan addat kulli num xagak sugga iyyeh yan uma caagiidak inki katuuk yaxxeerem faxximta, dibuk Ramadhaan hinnay, ta soom sabab abba heenih elle kah aduure waan innah yangiicilleenim faxximta. Baxsaluk, laqo gaataay, sigaaraay, timbaakoo kee kalah taniimik soomuh assa iyyeh bar xagah yan mari, bar kaaduk xagekal akak xiinaanam xiiqimtam laqo asaanaanam xiqeenimil tambulle. 🌿Yi toobokoy, gaat kaxxam uma caxa , meqe wak malimmay, umaaneh Yallih qibaada amol kak caban waqdi gacta, tohih taagah ninni kak dacrisnam faxximta. ******************** 🎧Dr Macammad saani (حفظه الله) ✍ Md Ali t.me//httpsDiiniKeeAnaakara share

Nasmitem faxxinta #Numma. Yallih garil shirkiik lakal yoobulak/yoh oobbak gacta taama matan, faxe meqe taama takke way,.....!! Beera qhiyaamah ayro jahannam gira elle tankonoobocem sidiica numu!! ①, Jihaadah rabe numu ②, Kaxxa qilmile numu ③ Kaxxam gabâ maqaanele gaddali. Gira kah keenil tankonoonocem macaay hay?? Ikhlaas aalle waanama!! Toh yaanam aban taama yoobulaa kee migaq goran luk abaanama!! Cubbi faxxiima!! Abna meqe taamat yoobula faxe waynam tayse!! t.me//httpsDiiniKeeAnaakara ✍Md Ali

👌Cubbus Yi maqanxay atu kaaduk, umaane abtam faxxa waqdi Seehada koo able wayta way, #xiine _sinniih, qundugule sinni Rabbi koo yablem ixig!! *~~~~~~~~~ (Repost/qagu) 🤝Yalli maqaanek yoobbeemil taamita mara anee abay☝️ Aamiin t.me//httpsDiiniKeeAnaakara ✍Md Ali

✍ SAYYOO KEE TARAAWIICI. ******* ★Meqe toobokoy inkih akah naaxigennah yamaateh yan Ramadhaan alsi kaxxam muxxole alsay qibaadaa kee meqe taamoomi edde yaymaggeenim faxximta kinni. Laakin takkay immay awaktil qibaada dibuh abaanam elle faxximtah tan aracal baxaabaxsale uma taamoomi abaanam tambulle, Ammunta fan adaareh an waqdi Naaxagu faxximtam say num Salaat masjiidil abtaamak isi buxal abittam aysuk raqta, ﻋﻦ ﻋﺒﺪ ﺍﻟﻠﻪ ﺑﻦ ﻣﺴﻌﻮﺩ ، ﻋﻦ ﺍﻟﻨﺒﻲ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ ﻗﺎﻝ : " ﺻﻼﺓ ﺍﻟﻤﺮﺃﺓ ﻓﻲ ﺑﻴﺘﻬﺎ ﺃﻓﻀﻞ ﻣﻦ ﺻﻼﺗﻬﺎ ﻓﻲ ﺣﺠﺮﺗﻬﺎ ﻭﺻﻼﺗﻬﺎ ﻓﻲ ﻣﺨﺪﻋﻬﺎ ﺃﻓﻀﻞ ﻣﻦ ﺻﻼﺗﻬﺎ ﻓﻲ ﺑﻴﺘﻬﺎ " . ﺭﻭﺍﻩ ﺃﺑﻮ ﺩﺍﻭﺩ ‏( 570 ‏) ﻭﺍﻟﺘﺮﻣﺬﻱ ‏( 1173 ‏) . ﻭﺍﻟﺤﺪﻳﺚ : ﺻﺤﺤﻪ ﺍﻟﺸﻴﺦ ﺍﻷﻟﺒﺎﻧﻲ ﻓﻲ " ﺻﺤﻴﺢ ﺍﻟﺘﺮﻏﻴﺐ ﻭﺍﻟﺘﺮﻫﻴﺐ " ‏( 1 / 136 ‏) Qabdallaah ibnu masquud(R.qanhu)xaagiseh yan cadiisil Meqe NABI ﷺ " say num isi buxal abta salaatak qari addal abitta salat teetih yayse, Isi qarih addal abta salaata xintima qarih addat abitta salaat teetih yayse" iyye, tirmiizi xaagiseeh, Albaani diggoyse. Aki cadiisil kaaduk Yallih naqoosa masjid gexxam faxxek ken mahoorina iyya cadis yan, laajin takkay suruy miqi haysitta heenih amaate woonay iyya. A cadiisik nafhimu xiqnam say numih Salaat qari addal abittam muxxoleemi. Ase weenik qatrii kee wonna celtaamak sinni dacrisaanam faxximta. Laakin a waktil elle tambulleh tan innal inki inki adabi sinnih tan sayyoo kee labha Taraawiic_Salaatih migaaqal buxak yawqeenim kee wokkel kaaduk faxxiime sinni caagidat kassoowaanam tambulle, Aki uddur buxak yawqeenim xiqe waytah tan sayyo, tama saamit antifiquk, Yallih naqoosa Yallih qibaadat kassowtaah, oson Yallih naqabi taamoomit ken bis adab maleelallih kassoowan. Woh baritteh tan adab maleelah tan labha koros edde anuk, abe waan salaatah Masaajid caafoota amaatuk Salaatah tamaateh tan sayyok misinkaca garqaanam tambulle, Inki inki duquura kaaduk Cijab/jilbaab haysitak, say mara cella heenih say marih masjidih adda say marih fanat culaanam tambulle. Ah axce waqdi a weeloo kee taama lem dagoo sayyo akke wayte Ramadhaan alsi billaay, gaba kalla haamak fanat masjiidik awqe sinni meqe sayyo kibu takke, Ramadhaam alsih addat 10/11/12... adda Qhur-anak takhtime sayyo kibu takke(Yalli ken yacfazay) ✍ Yi toobokoy/maqanxiixow ..... Fiiriik kulliimik naharal Yallak meysitnam faxximta. Tohuuk lakal say mari Salaat buxah addal abitaanam keenih aysuk raqta. Eddeey baxsaluk annale waktiy fasaad edde yembeggeeh yani sinni buxal salaataanam keenih aysuk raqta. ✍ Wonna hinnammay, Salaat jamaaqallih masjidil abeyyokkah maasa itta say num tenek,... 1, Qibaadâ migaaqal dalwa abtaamak Yallak meysittam faxximta. 2, Suruy miqi (Qatri & yaqaadu) haysite waytaama. 3, gita dibuh gexe waytam faxximta. 4, Wakalih inaay, abbaa kee baqla akke waytek kalah yan marallih toobokoyta kee maqanxa kinni way gexe waytam faxximta.( woh kah axcem Qajabak tanim Maqanxix dalwahsiitat milaaga mari yan, Warraye Ramadhaanih addat 2maqanxa inki awkih gubat yibbixeenim oobbe. 5, Xer caafat gexe waytam faxximta. inki maqa 6, Mamaataay, , madaaraa kee gital inkih labhah aglek is dacrissam faxximta...... ...wwwcelta caagiida sinnik dacrisaansm faxximta. Xaleena kaaduk ken baxa kah gexxam Salat kinnim kee akim kinnim teetik kataataanam faxximta, Is kataysiisih lem @Diini le sayyo kinnim kee wonna hinnammay caafootal wes itta sayyo kinnim cubbusaanam faxximta, Adaban mangih elle nablennal, akinnal geyaanam xiqe waan sayyo tet katasaytoh katuuk geyan, ✍ Baxa le abbaw ku baxa atu kataate wayteeh, is kaaduk ku konnabna dacrissam xiqe wayteeh, is bakloh innah kulli caafatat wes itteeh, kulli furraynuk fillat gaba haytek beera Yallih garil akak esserimetto. 👌cubbus.. Toobokoytaw atu kaaduk ku maqanxay ku gid yakke awki fillat gaba hayya heeh beya waqdi atu macat raqtaah? Atu isi maqanxa umaanek sahite waytek, beera Qhiyaamah ayro isih gira culta waqdi Yi Rabbow umaanek yoo sahitak masuginnak kaa macabin itteh isih gexxekkke koo orbisele ....

Maganey, soomuh ase mara yafturuseenim Yallih garil galtok leh gide naaxigeemil, nee xaaqimah kaktinam hinnay, goranah keenih gexak nen!! t.me//httpsDiiniKeeAnaakara ✍Md Ali

✍Alqiinaa kee Soolima ************** Qari ullaa kee bagi ulla soom yeffereenik yaftureenim keenih xiqtaah, sarra qhadah gacisaanam faxximta. laakin qoloma elle ittannal, sinni nafsih biyaakih sabbat tekkek qhada dibuk keenil tan. Wonna hinnay bagut tan xayloh meysiteenik, aw angu taaxeh tan xayloh meyaiteenik, kulli ayroh qhadallih maskintu yaskameenim aysuk raqta iyyan. ☝️Allahu waqlam ➡️Qari ulla yaanim ulla/alqiina. ➡️Bagi ulla yaanam soolima. ✍Md Ali

✍Alqiinaa kee Soolima ********** Qari ullaa kee bagi ulla soom yeffereenik yaftureenim keenih xiqtaah, sarra qhadah gacisaanam faxximta. laakin qoloma elle ittannal, soom kah yeffereenim sinni nafsih biyaakih sabbat tekkek qhada dibuk keenil tan. Wonna hinnay bagut tan xayloh meysiteenik, aw angu taaxeh tan xayloh biyaakak meysiteenik, kulli ayroh qhadallih maskintu yaskameenim aysuk raqta iyyan. ☝️Allahu waqlam ➡️Qari ulla yaanim ulla/alqiina. ➡️Bagi ulla yaanam soolima. t.me//httpsDiiniKeeAnaakara ✍Md Ali

➡️Fature yaysissikeeniih, Sacuri/ciraabi udurrusaanam Meqe Nabihﷺ Sunna Kinni. ✍Md Ali t.me//httpsDiiniKeeAnaakara