ግጥምን እንግጠም✍

ድህነት አራቀኝ ድህነት አራቀኝ አሸሸን ካንቺ ጋ ወደ ልብሽ ጓዳ ትንሽ ሳልጠጋ ያኮቦኮብኩ መስሎኝ ተንጠራራሁልሽ ድህነት አዶንቁሮኝ ድሪቶ አረኩልሽ ያንቺ አስተሳሰብ ዝነጣ ፋሽን ነው ያንን ለሟሟላት ኪሴ አቅም የለው እስኪ እንደኔ ሁኚ እሩቁን እልሚ ግዝያዊውን ነገር ካንቺ አታስማሚ ያንቺ ስብእና በዚ ከተለካ እንኳንስ ሊጋገር ጥቂትም አይቦካ አሁንም የቀረብኩ የደረስኩ ሲመስለኝ የማይረብው ነገር ድህነት አራቀኝ @BEKITADE ✍✍✍በ በረከት ታደሰ @yokiyaye

ሂጂ ንኪው ሂጂ እቴ አትምጪ ልቤን ደስ ይላታል የወደደ ሞቶ ኧረ ማን አይቶታል እኔን የሚቆጨኝ ከንቱ ሰው ማፍቀሬ ለቃሏ ታምኜ ለሷ ስል መኖሬ እሷማ ............ ወዳጇ ሲበዛ መስሏት የጀገነች አሸሼ ገዳሜ ከስንቱ ጨፈረች በፀሀይ ወጥታ በጨረቃ ገባች ለሷ ፍቅር ማለት ተራ እንደ እቃቃ ልቧ ተሰውሮ ከላይ ብቻ ስቃ ታዲያ ትሂድ እንጂ መንገዱን ያቅናላት ረከሰች መሰል ፈላጊ በዛላት ገላዋን የራበው አፍቃሪ መሰላት መንገድ ወስዶ መላሽ ቢሆንም ግን ዳሩ ሂጂ አትመለሽ አይመችሽ ምድሩ በአዳም መታጀብ አይደለም መታደል እንደዛማ ከሆን ታላቅ ነች ኤልዛቤል ስፍራ የለምና ሰሚ ከኔ ደጂ ከቶ ላንገናኝ አትመለሽ ሂጂ @BEKITADE ✍✍✍ በ ፍሬ @yokiyaye

በወዝጋባው አለም በዚ በወዝጋባ በውዝግብግብ አለም ተለዋዋጭ እንጂ ቋሚ ነገር የለም በዚ በወዝጋባ ለኔ በሚል አለም ለራሱ ካልሆነ ለሰው ሚያስብ የለም በዚ በወዝጋባ ትርኪ ሚርኪ አለም ጣትን ቀሳሪ እንጂ ጥፋተኛ የለም በዚ በወዝጋባ ሸቀጥ አቋሚ አለም ለላይ ሚሆን እንጂ ውስጥ ገብቶ ሚያይ የለም በዚ በወዝጋባ በጨቀየ አለም ቤተ ሰሪ እንጂ አጋዥ አካል የለም በዚ በወዝጋባ ተናጋሪ አለም ቃላት ሸቃጭ እንጂ ለሀቅ የቆመ የለም እና ልንገራቹ አሁንም ደግሜ ያየሁትን ጓዶች እንድንጠነቀቅ እኛ እንዳንሆን መስዋቱን ከፋዮች በዚ በወዝጋባ አፈር ለባሽ አለም ያለ ይምሰል እንጂ ምንም ነገር የለም @BEKITADE ✍✍✍ በ በረከት ታደሰ @yokiyaye

ፍለጋ አንቺን ለማየት ስል ኩይሳ ላይ ወጣው ለመቆም ከማይመች ከዛ ከጎርባጣው አንቺን ለማየት ስል ወጣው ከጣራው ላይ ሳልቀምሰው ሳላየው የፍቅርሽን ሙዳይ አንቺን ለማየት ስል ከፎቅ አፋፍ ላይ ነኝ ያ ውብ ገፅታሽ ጎልቶ እንዲታየኝ አንቺን ለማየት ስል ገና እጓዛለው ያለኝን ሰውቼ እረጅም ነው ህልሜ መች በዚ አብቅቼ ከታየሽኝማ... ልውጣ ከ ዳሽን ላይ ወይንም ከፕሉቶ ከእቅፌ ላኑርሽ ሳልሰለችሽ ከቶ አንቺን ለማየት ስል..... @BEKITADE ✍✍✍በ በረከት ታደሰ @yokiyaye

እንከኔን ለማውጣት እናንተ እዳላችሁኝ አዲስ እንግዳ ነኝ ለሰው ግራ አጋቢ በቆመ አገዳ ያመሳስሉኛል ብለው ጆሮ ጠቢ ወንጂ ሆኜ ብገኝ አሉኝ ድቡልቡል ነህ ለሌላው ማታስብ ርህራሄ የሌለህ አዛሮ ሆንኩላቸው ስሜ እንዳይጠፋ ይኸው ጦፍኩላቸው ሰው ሁሉ ሲከፋ በመጦዝ ውስጥ ሆኜ ቀኑን ሳንቀላፋ እንከኔን ለማውጣት ከላይ ታች ሚለፉ አሉ የአዳም ዘሮች አሉ የሄዋን ዘሮች ስሜት ሚያከረፉ ልክ እንደ ሸንኮራ ቀለሜ ሲለያይ ወጣ ሲልባቸው በርካሽ ለወጡኝ ሎጬ መስያቸው @BEKITADE ✍✍✍ በ በረከት ታደሰ @yokiyaye

ለየቅል ስሚኝ እባክሽን ለየቅል ነው ስልሽ ምነግርሽን ሁላ በተግባር እየኖርሽ ምንኖረው ሌላ ቃላችን ለየቅል ውስጣችንም ዝሏል እየኖረ ለግል ሀኬት ብቻ አሳቢ ሸርን የሚበትን አንዳንዴ ደግ መሳይ ማይጨበጥ ሚፈትን ጨለማና ብርሀን የተጋጩ ለታ ለዓመል ይስቃል በጭፍን ፈገግታ የሌላው ማይጥመው ለግሉ ሚያቁላላ ቁሌቱን ሚደፋ ከሰራ በኋላ ቡናውን ማያወርድ ከፈላም በኋላ ወጡን አጠንዝቶ ደረቁን ሚበላ ይሄ ነው ተግባሩ የሰው ልጅ በሞላ ምሰሶን ይንዳል ዋናውን ቋሚውን መልሶ ይገነባል መሰረት እንዲሆን ስራውን የማያውቅ ማዘዝ የሚቀለው ብፌ ለመስራት ነው ጥጡን ሚፈትለው እና ልድገምልሽው ስሚኝ እባክሽን ለየቅል ነው ስልሽ ምነግርሽን ሁላ በተግባር እየኖርሽ ምንኖረው ሌላ ቃላችን ለየቅል ውስጣችንም ዝሏል እየኖረ ለግል @BEKITADE ✍✍✍ በ በረከት ታደሰ @yokiyaye

በአንድ ወቅት አንድ ባለ ፀጋ በአንድ አካባቢ ይኖር ነበር እናም የዚን ባለፀጋ ሀብት የተመኙ ሌቦች የባለፀጋውን እግር ጠብቀው አለመኖሩን ያዩና ቤቱ ያለውን ሀብትና ንብረት በጠቅላላ ይወስዳሉ። ነገር ግን አንድ ነገር አስቀርተውለት ነበር የሄዱት አልጋውን ብቻ ሆኖም ግን በጣም ተደሰተና እግዚአብሔርን አመሰገነ አምላኬ ሆይ ይሄን አልጋ ባያስቀሩልኝ ምን ላይ እተኛ ነበር ብሎ ነበር ያመሰገነው እኛ ሰዎችም ባጣነው ነገር ብቻ ሳይሆን ባለንም እናመስግን ። @BEKITADE @yokiyaye

ወዳጄ አትቸኩል ከመሬት ተነስተህ ሀብታም ካልሆንኩ እያልክ እሱ ላይ ለመድረስ ስራ እየተፀየፍክ እንዴት ታልማለህ ለራስህ ታኮ ሆነክ ጠመኔ ሰንቆ ፊደል ሳይጠቀጥቅ እህልን ሳይዘሩ ፍሬ እንደመጠበቅ ባለ እውቀት ለመባል ናሳንም ለመምራት ሁሉም ዝናን ይሻል እውቅናን ለማግኘት ግና ለሁሉም ነገር ² ከ እጫፍ ለመድረስ ለማግኘት መስላል ለመሮጥም ቢሆን መንደርደር ግድ ይላል @BEKITADE ✍✍✍ በ በረከት ታደሰ @yokiyaye

ይድረስ ለ.... የውስጤን ችግሮች ባንተ እረሳሁኝ ሺህ ጊዜ ወድኩህ ሺህ ጊዜ አፈቀርኩህ መካሻ እንዲሆነኝ አንተ ግን እራከኝ ላትመለስ እሮጥክ ትናንሽ ቀዳዳን መሸፈን አቅቶክ እኔ የማወራው ስላንተ ፍቅር ነው እኔ የማወራው ስላንተ ግርማ ነው እኔ የማወራው ስላንተ ጉብዝና እኔ የማወራው ስላንተ ቁንጅና ዳሩ ምን ያደርጋል እንደ ሀሳዊ መሲ ስታታልኝ ከረምክ ልቤን በጭጋጉ ሸፍነህ አኑረክ እሱ እልበቃ ብሎህ ሀማል አደረከኝ የፍቅርህ ወላፈን አፍኖ እንድገድለኝ የተራበው ልቤ ሀሴት የሚያደርገው ውቡ ደረትህ ላይ ተንጋሎ ሲኖር ነው እና አትንፈገው ይፈንጭ እንዳሰኘው እንደ አዲስ በቅሎ ገና እንዳልተገራው @BEKITADE ✍✍✍ በ በረከት ታደሰ @yokiyaye