شعرلر و دویقولار

https://www.instagram.com/tv/COxrHD4FZKC/?utm_medium=share_sheet درد بیر اولسایدی چکردیم،آخی درد بیر ده یی کی @sheirler_duygular

اوشاق شعری ۱🌹 اوشاقلار آی اوشاقلار آی گولدن یوموشاقلار گلین سیزه ناز دئييم سئحيرلى بير سؤز دئييم بيزيم اؤز ديليميز وار گؤزل بير ائليميز وار توركو بیزیم ديليميز آذربايجان ائليميز اونوتمايين هئش وعده یادا سالین بئش وعده سحر تئزدن گون چیخان ناهار آخشام گون باتان سیزلره جانیم قوربان اوره ییم قانیم قوربان بیرده بیر عرضیم واردی اوره کده سؤزوم واردى قورویون دیلیمیزی بو گؤزل ائلیمیزی دقت ائدین بیر داها یاتیبدی بیر اژدها دیلیمیزین پوسوندا ائلیمیزین پوسوندا يئددى باشلى اژدها همیشه آجدی اژدها دویماییر او اژدها یئییر گلیر اشتها شیرین،شیرین دیل تؤكور قوندارما بیر ائل تؤکور اینانمایین سیز اونا ساپلایین بیر بیز اونا وورون گؤزو تؤكولسون باسين باغرى سؤكولسون بئله جه راحات اولون شاد یاشایین،شاد اولون امراه اسدی @sheirler_duygular

🌹مهربانلیق🌹 بو پریشانلیق گونونده،مهربانلیق یاز بیزه هر نه یازسان لیک الهی،امن امانلیق یاز بیزه! رحم ائله،رحم ایله یاز،یوخ خئیریمیز الده بیرآز گؤرمه دن گل!عفو ائله...!سؤيله جوانليق ، ياز بيزه ياخشى پیس چاتدیق بورا،لطف ائیله دین ائتدین نظر قیل نظر بوندان سورا،خوش زندگانلیق یاز بیزه خئیری،عدلی،عفتی،دینی ایشیقلاندیر بوتون شری،ظولمو، شهوتی،کفرو قارانلیق یاز بیزه بوردا قول یاز بیزلری دا قوللوغوندا جان وئرک اوردا جنت کوثرین مولکونده خانلیق یاز بیزه آند وئرریک بیز سنی پئیغمبره،اولادینا مرتضانین الفتی له جاودانلیق یاز بیزه سؤيله دى غملى اورک له سؤزلرين(امراه)سنه بو پریشانلیق گونونده مهربانلیق یاز بیزه امراه اسدی ۱۴۰۰/۲/۹ @sheirler_duygular

آذربایجانین افسانه گیتار ایفاچی سی رحمتلیک رافیق حسینوف 🌹 @sheirler_duygular

🌹🌹🌹🌹 @sheirler_duygular

ایزین وئرین نفس چکیم منیمده بو هاوایا احتیاجیم وار سیزین قدر اولماسام دا...! ایزین وئرین قاناد آچیم اوچوم گؤيلره دوغرو بولود كيمى اوردا مسكن سالماسام دا...! ايزين وئرين منده سئويم آنا ديليمى،آنا يوردومو آتامى_آنامى،دوزو چؤره يى او ليلى باخيشلى نازلى مله يى مجنون كيمى سئويب،سئويب اؤلمه سم ده...! ايزين وئرين بير گول آچیم سونرا سولوم...! امراه اسدی @sheirler_duygular

قالسا منه پای ساخلا او گؤیچک باخیشیندان بوک بوقچایا،سای ساخلا او گؤيچک باخیشیندان یول یورقونویام ، سئوگی بزک ایستکان اولسا دولدور منه چای ساخلا او گؤيچک باخیشیندان اولدوزلو گؤزون قوربانى،آى سيز گئجه مه،در آی پارچاسی،آی ساخلا او گؤيچک باخیشیندان! های- کویده سسیم باتدی منیم،سنده قالیرسا بیر قورتو هارای ساخلا او گؤيچک باخیشیندان نازلیم...! اوره ییم اسمده یوخدور دؤزوموم داى قالسا منه پای ساخلا او گؤيچک باخیشیندان امراه اسدی @sheirler_duygular

🌹دیل سیزلیک، کؤله ليك دير... وئرين منيم آنا ديليمى اؤزگورلویومو...!🌹 امراه اسدى @sheirler_duygular