G‘alati o‘ylar

So‘nggi hafta davomida men o‘qigan eng sog‘lom fikrli post Muallif: @uzbekonomics PS: rus tilida «токсичное достигаторство» degan terminni bilaman, o’zbek tilida negadir topa olmadim. @latipovasamira

Toʻgʻri @qushch_a

14-Январ муносабати билан ижод қилувдик жамоа билан. Кеча улашмабман) Ssenarist: Rushana @Baraka_qizi Rejissyor: Isfandiyor @isfandiiyor Operator, montajor, colorist: Meyirbek @Ibadullayev_m1 Art director: Shamsiddin @shamsiddin_0608 Prodyuser: Shoxrux Kreativ: Qobiljon @qobiljan_fever Kreativ: Muslimbek @Muslimbek_Musulmonovich Kreativ: Gulsanam

14-Январ муносабати билан ижод қилувдик жамоа билан. Кеча улашмабман) Ssenarist: Rushana @Baraka_qizi Rejissyor: Isfandiyor @isfandiiyor Operator, montajor, colorist: Meyirbek @Ibadullayev_m1 Art director: Shamsiddin @shamsiddin_0608 Prodyuser: Shoxrux Kreativ: Qobiljon @qobiljan_fever Kreativ: Muslimbek @Muslimbek_Musulmonovich Kreativ: Gulsanam

Бир тонна кўрсатувдан менинг интервюмни кўринглар деб ташладим. Нутқ ва сўз бойлиги устида ишлашим керак экан)) 03:10 минутдан бошланган https://www.youtube.com/watch?v=SmCJDadnYlU

Далер Назаровни таниганимга ва бу қўшиқни кашф қилганимга атиги бир йил бўлди. Олдинроқ билмаганимга афсусланаман.. https://www.youtube.com/watch?v=CcPebbSoDnw

Йил боши тартиблаб олиш керак шекилли хаёлларни))

Рости, ҳуууув 10 йиллик ҳаётимда қилишим керак бўлган ишлар, боришим керак бўлган мамлакатлар, кўришим керак бўлган филмлар ва спектакллар, танишишим керак бўлган одамлар — ҳаммаси хаёлимда айланавериб бошимни ҳам айлантиряпти. Худди ҳеч бирига улгурмаётгандек ҳис қиляпман...

Тарихий фотосурат, 1935 йил. Сибуя станцияси яқинида хўжайинининг қайтишини, ҳатто ўлимидан кейин ҳам 9 йилдан ортиқ кутган содиқ ит Хатиконинг сўнгги сурати. Хатико ҳар куни Токиодаги Сибуя темир йўл станцияси яқинида профессор Хидэсабуро Уэнони сабр билан кутгани билан машҳур бўлди, ҳатто 1925 йилда Уэно вафотидан кейин ҳам. Деярли ўн йил давомида Хатико севимли хўжайинининг қайтишини кутиб, кундан-кунга ўша жойга қайтиб келар эди.. У ўзгармас садоқат ва шубҳасиз севги рамзига айланди... Ушбу сўнгги фотосурат, ҳатто ҳаётининг сўнгги дақиқаларида ҳам умидини йўқотмаган итнинг хотиржамлиги ва қадр-қимматини акс эттиради... "Шамс и Қамар" театр студияси каналидан @qushch_a

кетма-кет талофатлар, одамлар ўлими, ўз жонига қасд қилишлар — одамни гангитиб қўйяпти. ўлим ҳақ, аммо бевақт бўлса... негадир охирги пайтда ўқиётган хабарларимнинг 10 дан саккизтаси ўлим билан боғлиқ. бу эса, жуда аянчли.(

Havolar sovudi. Odamlar sovuq. Toshkentda qor yogʻdi, qishloqda yomgʻir. Shamollar zabtidan seni qoʻruvchi, Qoʻlingdan tutguvchi mehribon bormi? Sendan xavotirman... Yoʻllar juda yomon. Odamlar yomon. Ishdan qaytadursan toʻliqib, xorib. Hech kimga bildirmay yigʻlaganingda Yoshingni artguvchi mehribon bormi? Sendan xavotirman... Ey mening oʻjarim, xudbin malagim! Ey kunda ming bora vido aytguvchi! Gʻururning zoʻridan qaytmaganingda Yoningga qaytguvchi mehribon bormi? Sendan xavotirman... Balki baxtlidirsan oʻz olamingda, Balki bilmasdirsan gʻam-qaygʻu nadir. Garchi begonasan anchadan beri, Garchi uzoqdasan, balki shungadir, Sendan xavotirman... Ilhom Salimov @salimov_blogi

https://t.me/davletovuz/21924 Шунақа хабарларни ўқисам, метрода ҳалиям аравачада кириб-чиқиш учун шароит йўқлиги алам қилади. Бу имконияти чекланганлардан ташқари, оддий аҳоли учун ҳам энг кераклиси, аслида. Лекин буни ҳеч ким ўйлаб ҳам кўрмаса керак).

Adabiyotga yangi asar muborak boʻlsin! — “Jaydari Martin” Shams i Qamarʼdan keyingi shedevrni tomosha qildik. Yoʻq, yashadik, his qildik. “Otamga xat” va “It”dan keyin “Jaydari Martin”ga navbat keldi. Va bu faqatgina xursand qiladi. Nega deysizmi?! Chunki teatrni bilganlar biladi — asarlar bu yerda jonlanadi, bu yerda hislar ogʻriqlar jonlanadi, koʻzyoshlar jonlanadi, huv mingyillik koʻngil zanglari, kishanlari, yaralari ochiladi... “Jaydari Martin” “Martin Iden” emas, u Jek Londonning qahramoni emas, u gʻirt oʻzimizning, yonimizdagi yosh shoir-yozuvchilarning oʻzi. Hayot bilan kurashuvchi, unga yengilmaslikka harakat qiluvchi, ijod qilishdan toʻxtamaydigan bir ijodkor. Spektaklda yosh shoirlarimizning sheʼrlarini, kechinmalarini qahramonlar tilidan — Jaydari Martinlardan juda chiroyli va gʻamli ohangda eshitasiz. Adabiyotga qaytasiz va endi oʻzingizni oʻnglayman deganingizda bir goʻzal qizning mungli ovozdagi qoʻshigʻi boshlanadi. Ruhingizni yana nimadir bosib qoladi. Anglolmaysiz — bu mung nega?!. Chiroqlar, musiqalar, shamlar, yozuv mashinkasi, papiros tutuni, gʻishtlar, doʻppi, parda, oyna, suratlar, raqslar— barchasi nimalarnidir soʻzlaydi. Bittasini anglashingiz bilan rejissyorning topqirligiga, mahoratiga tasanno aytasiz. Muxtor Asrorov va Shahboz Fayzullayevning dialoglari, harakatlari bir birini shu qadar toʻldirganki, bir birisiz asar oʻxshamay qoladigandek. Dialoglardagi, monologlardagi soʻzlar koʻnglingizning tub-tubiga yetib bormay qolmaydi. Ayniqsa, u sizga, sizning koʻzlaringizga qarab aytilsa... Qahramonimizning (Muxtor Jaydari Martin) hali tugʻilmagan qizi bilan dialogi spektaklning kulminatsiyasi desam, mubolagʻa boʻlmas. Ayni shu yerida jamiki gʻamni koʻrasiz, koʻzyoshingizni tiya olmaysiz. Va buning uchun aktyorga rahmat aytgingiz keladi). Rahmat Shams i Qamar, rahmat Dadou, Jamshid aka, Muxtor aka va Shahboz aka!. *Surat repetitsiya jarayonidan. @qushch_a

Birovning erkinligi boshqasining erkinligi boshlangan joyda tugaydi.

© Jon Styuart Mill xatboshiʼdan @qushch_a

Qisqa metrajli kino ko‘ramiz va dam olish kunida estetik zavq olamiz! "Kulcha" https://www.youtube.com/watch?v=DMfPwVSEoeI @qushch_a

Кореяга боришга катта сабаб айтайми? — Қиш сонатаси олинган орол, боғни кўриш, уларнинг ҳайкалини қучоқлаб қўйиш) @qushch_a

«РАЙҲОН ИСИ ТАРАТГАН АЁЛ» спектаклига тақриз Авваллари тез-тез кинога, спектаклга борардим. Тўйдан кейин бахтдан сармастлик бироз аригач, театрлар хумори яна тутди). Шундай хуружлар пайтида "Арт ҳаус ҳамса" театрининг "Райхон иси таратган аёл" спектакли премъераси кўнглимга анча таскин берди. Спектакль Александр Дюманинг «Камелия гули таққан Аёл» асари асосида яратилган. Уни театрнинг бадиий раҳбари ва режиссёри Сайфиддин Мелиев саҳналаштирган. Асар фожиа билан якунланган гўзал муҳаббат ҳақида ҳикоя қилади. Бош ролни ўзим яхши кўрган актриса Юлдуз Ражабова ўйнаган. Партнёрлари ҳам таниш, юқори иқтидорли актёр-актрисалар. Саҳна ва томошабинлар ораси бир қадам ҳам чиқмайди. Барча воқеалар сиз билан содир бўлади. Айниқса, томоша залига (саҳнага) киришингиз билан димоғингизга райҳон иси урилади. Аммо спектакл нима ҳақида эканини таҳмин ҳам қилолмайсиз. Қизил гилам, сўзоналар, анорлар, танланган кийимлар, нақшлар — ҳаммаси нималарнидир сўзлайди. Мусиқалар ва рақслар эса асарни янада қизиқарли ва мафтункор бўлишини таъминлаган. Қаҳрамонларнинг маҳорати, ролини қойилмақом даражада ижро этгани учун юрагингизни ҳовучлаб ўтирасиз... Анна Каренинани ёмон кўролмаганингиз каби бу асар қаҳрамонини ҳам ёмон кўра олмайсиз. Фақат бир нарсани, севгисига етишишини, ўлиб қолмаслигини хоҳлайсиз. Аммо ундай бўлмайди... Спектакл тугаб, йўлда кетар эканман ўша машхур қўшиқнинг сўзлари лабларимда такрорланади:

Энди пинҳон қаддингни соғинмоққа маҳкумман, Ошиқман-у, ошиқлик даъвосидан маҳрумман, Дарди бедаво ошиқ давосидан маҳрумман, Ўлай десам ўлмадим, ошиқларга ўлим йўқ.

@qushch_a

Турмуш ўртоғимнинг кутубхонаси бой. Доим битта китобини олиб ишга келаман, лекин ҳафсала билан ўқишга вақтим бўлмайди. Бугун шу китобни варақлай туриб иқтибослари ёқиб қолди. Ҳали яна улашаман.

Ҳар қандай бахтсизлигимизнинг манбайи — биз қарши курашаётган нарсада эмас, балки курашаётганимизнинг ўзидадир.

"Гап қаҳвада эмас" китобидан @qushch_a

Sogʻinch... Otamni sogʻindim. Huuv oʻsha yillarda oyoq tovushlari eshitilib turadigan, kelayotganini sezib turnaqator tiziladigan, yuzlaridan oʻpib, kutib oladigan bolaligimizni ham. Yangi yilda beshta qizga beshta shokolad olib keladigan qarindoshimizni, musiqa qoʻyib raqs tushishlarimni, davralarni boʻshatmay, chiroyli koʻylaklarimni maqtanganlarimni sogʻindim. Onamning boʻynimga roʻmolini bogʻlab, paxtaga olib borishini, charchaganimda tergan paxtalaridan koʻrpacha qilib berishlarini, ichganim oʻsha sovuq choylarni sogʻindim. Opalarim bilan muzqaymoq yegani borganim, uzundan uzun kechalarda radio eshitganim, Qish sonatasini koʻrib yigʻlaganlarim — barchasini sogʻindim. Va taqdir shunday beshavqatki, bularning birortasini na qaytarib boʻladi va na tushimga kiradi. Shunchaki, koʻzimdan yosh boʻlib quyiladi bolaligim sogʻinchi... @qushch_a