G‘alati o‘ylar

Оҳки, ишқ айлади шайдо мени.... Жуда зўр куйланган экан. Мия дам олади. @qushch_a https://www.youtube.com/watch?v=mVMKO97e99U

Ishxonada bayram avjida, )

Янги мақсадлар ҳозирги мақсадларга етганимизда пайдо бўлади. Қачондир ўқишга кириш, кейин ишга кириш мақсад эди. Лекин буларни мақсад деб эмас, яхши яшаш учун восита эканлигини англадим. Биз моддий воситаларга жуда кўп эътибор берамиз, жонимизни жабборга берамиз ҳатто. Йўқ, муҳими, ўзинг севган ишинг, ўзинг севган одамларинг, саломатлигинг ва хотиржамлигинг экан. Тушунтиролдимми, дўстим, хотиржам бўлинг, ўзингизга раҳмингиз келмасин, сиз тўғри йўлни тополасиз) @qushch_a

Бугун яқин дугоналар билан муаммолар ҳақида гаплашдик. Ҳаммада турлича, етарлича муаммо бор экан билсак. Одам фақат менда муаммо бор, фақат мен қийналяпман, деб ўйлайди лекин. Кейин бу постга кўзим тушди. Самира Латипова ишбилармон аёл сифатида ўзига тортарди доим. Бу постини ўқиб, ғалати бўлдим. Бугун опам ҳам ҳар қанча пулинг бўлса ҳам, саломатликни сотиб ололмайсан деганди. Амин бўлдим.

Ҳаёт муаммолари каттами, кичикми, оилаликми-оиласизми ва ё бошқа — одам танламайди. У яшаб беришни, Худога қўйиб беришни, сабр қилиб кутишни талаб қиларкан холос.

Агар муаммонгиз бўлса, сиқилманг, дўстим, саломатсиз, муҳими, шу. @qushch_a

Blogga qaytish va hayotimdagi eng og‘ir sinov. Bir yil oldin men shunday fikrlardim: “Agar harakat qilsang, hamma narsa mumkin”. Hayotimni nazorat qilishga, hamma joyda ulgurishga va muvozanat saqlashga urinardim. Lekin o‘tgan yilning oktyabr oyida shifokordan “Qizingizda 1-toifa diabet. Bu kasallikning davosi hali topilmagan!” degan gapni eshitdim. Bu diagnoz hayotimizni butkul o‘zgartirdi. Tushkunlikka tushishga o‘zimga umuman vaqt bermadim. Oldingidek ishlashda, loyihalarni rivojlantirishda va blog yuritishda davom etdim. “Agar intizomli bo‘lsam, hayotimdagi nazoratni o’zimga qaytaraman” degan fikr menda bor edi. Afsuski, bu strategiya ishlamadi. Balansni ushlashga urinar ekanman, ruhiy va jismoniy salomatligimni qurbon qildim. Keyin bir muhim narsani tushundim: hamma narsani nazorat qilib bo‘lmas ekan. Ba’zi narsalarni shunchaki qabul qilish kerak ekan. Bu post hayotini rejalashtirish va hamma narsaga ulgurishga harakat qiladiganlar uchun. Siz yolg‘iz emassiz! Hayot – bu yangi sharoitlarga moslashish va yangi kontekstni inobatga olib, maqsadlarga intilish ekan. Men shunday xulosaga keldim. Blogni yuritishda davom etaman. Kanalda qolganlarga katta rahmat va Ramazon oyi muborak! @latipovasamira

“Menga haykal qoʻyishlaring kerak” deydi onam doim. Oʻylasam, onam uchun bitta haykal kam. Buni erga tekkanimdan keyin, onalik arafasida turib anglayapman. Bugun meni dunyoga keltirgan mushtiparimning tugʻilgan kuni. Oʻtgan yili shu kuni avariya boʻlib, tirik chiqqanimga shukur qiluvdim. Negadir taqdir doim onamning qadrini bilishim uchun turli ogʻriqlar beradi. Balki hali ham anglamagandirman toʻliq buni... Onam men eng koʻp tortishadigan odam. Lekin nimadir boʻlsa, boʻrillab yigʻlab beradiganim ham. Bir ona farzandini qanday tarbiyalashi kerak boʻlsa, shunday qildi. Yigʻladi, kasal boʻldi, urdi, urishdi, qiynaldi, qizlarining oʻqishi, toʻylari uchun taqinchoqlarini sotdi, kasal boʻlganida kechasi bilan parvona boʻldi, qizlari kulsa, kuldi, yigʻlasa yigʻladi... Siz haqingizda ohhoo koʻp yozishim mumkin, bu tugamaydi ham. Omon boʻling, doim, onajon, sizni yaxshi koʻraman va judayam sogʻindim... @qushch_a

Одам ўзига далда бера олиши керак. Бошқалардан кўра ўзининг далдаси таъсир қилади барибир. "Эплайсан, шунча одам эплади, эплаяпти", дейман ўзимга. Қўрқаман ҳам. Лекин "Шунчасини берди, буни ҳам беради, ишон" дейман кейин. Қўрқувимни бостираман. Хотиржам бўламан... @qushch_a

Jamoaviy keyingi ijod. Koʻring va baho bering, fikrlar juda muhim! Qaytish nuqtasi Ssenariy muallifi — Rushana Ziyadullayeva Rejissyor — Isfandiyor Operator va montajyor — Meyirbek Dizayner — Muslimbek Kreativ: Jamoa @qushch_a

*** ичимда нималардир ўлиб боради ҳар кун севги деган ибтидо сўлиб боради ҳар кун кимга ёлғон, кимга чин бахтларим дардчил -дардчил юрагимдан исмингни юлиб боради ҳар кун! қўлларингнинг тафтини сезган кунимдагидай илк бор оғриқларингни севган кунимдагидай ўша анҳор, ўша ёз ўша шеърчан қизчанинг ҳалқумига йиғилар тўлиб боради ҳар кун! Кетса не, қолса нима? Қўрқинч тушнинг ўнги шу. Сезиб туриб алдансанг Муҳаббатнинг сўнги шу! Қасамлар рост чиқмаса, Умид йиғласа ғариб Охири қўл силкишга Кўниб боради ҳар кун! Эъзоза Умрзоқова @qushch_a

Кеча дадам 59 ёшга кирди. Боролмаганим учун эмас, овозларини эшитиб, табриклаганим учун раҳмат деганлари учун йиғладим. Дадамни жуда ҳам яхши кўришимни англадим кеча. Барча дадалар соғ бўлишсин! @qushch_a

Мен сендан сўрадим қаттиқ соғинганимда изтироб чекайми ёки тамаки қай бири менга бермайди озор сен дединг тамаки чекканинг афзал бу соғлиғингга камроқ келтирар зарар Мен эса барибир изтироб чекдим.

Аниф Анчадан бери Аниф муаллифлигидаги китобга, шеърларга кўзим тушарди. Лекин билсам, Аниф ўзимизнинг таржимон, ёзувчи опамиз Нодирабегим Иброҳимова экан. Шеърлар эса, ҳеч қандай безакларсиз, ортиқча ўхшатишларсиз ҳам ажойиб.. @qushch_a

Баъзида стресс, масъулият, депрессия сўзларини билмаганимда қўрқмасдан ишлаган, ўзимга ишонган бўлардим деб ўйлайман.

Asaxiy telegram kanalidan opkeldim @qushch_a

Ўзбеклар меҳр-оқибатли халқ... Қайнана, овсин ва ўғил ҳамжиҳат бўлиб келинни уриб кома ҳолига келтириб ўлдириб юборади... "Чириган Ғарб"да меҳр оқибат йўқ. Биз эса меҳр-оқибатлимиз: Сингил хорижда ишлаб, пул йиғиб опасининг номига уй олади, опаси бўлса ҳеч кимга билдирмай уйни гаровга қўйиб катта кредит олиб уй қўлдан кетай деганда, сингил уйсиз қолмаслиги учун яна бир неча йиллар четда ишлаб опа ўйламай олган кредитни ёпиб юради. Ўзбеклар қариндош уруғи деса жонини беради: қариндош уруғлар қуда бўлиб, қариндошчилигимиз узилмасин деб опа сингиллар қуда бўлади, бир пайтлар меҳрли бўлган хола келини, яъни жиянига итнинг кунини кўрсатади... Ака укалар шу қадар аҳилки, ака укасига ё хотинингни ё бизни дейсан деса, ука бир қориндан талашиб тушган акаси учун ўзининг пушти камаридан бўлган уч боласидан оппа осон кечворади, у ёқда она хурсанд, буёқда ака хурсанд меҳрибон ука ўз болларидан кечганига. Ўзбекларнинг баъзи оналари шу қадар ўғлига меҳри бўлакки, ўзининг боласини, ўғлини келинига бергиси келмайди, ёнидан қўйворгиси келмайди, лекин ўғлидан пуштикамаридан бўлган боласидан кечишни талаб қилади келини ёқмаса, онасевар ўғил, боласидан кечади боласини отасиз қолдириб бўлсаям. Ўзбеклар шу қадар меҳр-оқибатлики, қайнана келинни бошига қайноқ сувли термос билан уриб камига неварасиниям куйдиради... Больницага бориб неварасидан хабар олиш ўрнига, умрага жўнаворади, боласи куйган ўғил эса хотинига бундан баттар бўл, болангни боқиб ўтиравер деб осонгина воз кечади оиладан. Ўзбеклар шу қадар оқибатлики, оиладаги ўғил жарақ жарақ пул топганида, унинг хотини пулига хўжайинчилик қилишга ҳаққи бўлмайди, пул болларимизгаям керак деса сен мени қариндошларимдан айирмоқчимисан ёки жигардан хотин устунми дейди, яъни хотиндан бошқа ҳамма жигарининг пулига хўжайин бўволади. Лекин бояги эркакнинг иши орқага кетиб ёки пиёниста бўлиб қолса, касал бўлиб ётиб қолса фақат хотин эрни рози қилиш учун унинг ҳамма ситамларига чидаш керак бўлади. Бояги жигарлар бошқа жигарларга қариндошлигини бот бот эслатиб пулини шилаётган бўлади токи силласи қуримагунча... Ўзбек оила-аъзолари шу қадар ҳамжиҳат, аҳилки биргалашиб 10 яшар қизалоқни ўласи қилиб уриб ўлдириб ҳам шу юк билан бемалол ҳамжиҳатликда яшашда давом этаверади... Энг мехр-оқибатнинг чўққисига чиққани биласми қайси воқеаларда кўринади: оилада бир уканинг қизига аканинг ўсмир ўғли тегажоглик қилганида ёки кичкина болага бошқа бир мехрли деб ҳисобланадиган яна бир қариндошнинг ўсмир ўғли педофиллик қилганида ҳамма жон жаҳди билан воқеани яширишга уринишида кўринади. Нақадар бирдамлилига... Шунақа мен ўзбеклар меҳр оқибатли "чириган Ғарб"да меҳр оқибат йўқ деса, шу меҳр оқибатлигимизни ўйлаб хомуза тортиб қўядиган бўлганман.

Барно Султанова, журналист @qushch_a

Худойим ўзи бермайдиган нарсани орзу қилдирмайди, уни амалга ошириш учун мақсадга айлантирсак кифоя, йўлингизни осон ва муваффақиятли қилаверади. Амаллар ниятларга боғлиқ деганлари шу бўлса керак, балки. Шукр!

Shu kunlarda oʻzim uchun qaydlar: 1. Har qanday holatda ham “oʻtib ketadi”, “bu vaqtincha”, “sen oʻylaganchalik katta muammo emas”, “xotirjam boʻl” deya olishi kerak odam oʻziga. 2. Qahri qattiqlik yaxshi, yumshoqlikdan koʻra. Realroq qarashga yordam beradi vaziyatlarga. 3. Butunlay begonalashishdan, nafratdan koʻra munosabatlarni saqlab qolish, oʻzaro muhabbat va hurmatni yoʻqotmaslik mumkin. Buning uchun katta yurakning oʻzi kifoya. 4. Kutish kerak. Eng yaxshisi kelishini emas, shoshmaslik uchun ham biroz kutish kerak. Xudo sizga nimani qachon va nega berishni yaxshi biladi. 5. Sening fikr-u oʻylaring real bilan toʻgʻri kelmasligi mumkin, chunki yashalganda ularga hislar qoʻshiladi. Jonli ogʻriqlar ham. 6. Yordam va maslahat kerak boʻlmagan odamga qoʻl choʻzish kerak emas. Baribir bunga amal qilinmaydi). 7. Tushunmaydigan odam yoʻq. Tushuntirish uchun asablarini sarflaydigan odam kam. 8. Endi bularga qatʼiy amal qil, Rushanajon). @qushch_a

Университетда ишлайман, биласиз. Аммо бу дегани, ижод қилишга эркинлик йўқ дегани эмас. Жамоамиз билан фақат университетимиз манфаати учун эмас, жамият оғриқлари учун ҳам шундай роликлар тайёрлашга ўтдик. Кўринг, баҳо беринг ва албатта, лайк, подписка, исириқ, дуо қилишни унутманг. Хурсанд бўламан. Қўллаб-қувватлашингиз биз учун муҳим!

Ijodiy jamoa: Rassom: Shahnoza Valiyeva Aktrisa: Go'zal Rustamova Ssenarist: Rushana @Baraka_qizi Rejissyor: Isfandiyor @isfandiiyor Operator, montajor, coloristб sound design: Meyirbek @Ibadullayev_m1 Art director: Shamsiddin @shamsiddin_0608 Prodyuser: Shoxrux Ibragimov Kreativ: Qobiljon @qobiljan_fever Kreativ: Muslimbek @Muslimbek_Musulmonovich Kreativ: Gulsanam

https://www.youtube.com/watch?v=cSjOqQjyaxQ @qushch_a

Баъзида ўзимни орқада қолаётгандек ҳис қиламан. Ҳамма нарса мендан олдинда, вақтга бой беряпман, деб ўйлайман. Ва ростан шунақа бўлади. Қилаётган ишларимга ҳам кўлим бормайди. Мағлубиятни тез тан оламан. Лекин тез ўзимга кеволаман. Бунда жамоам (ишхона) катта ёрдам беради. Улар билан ишлаганимда ўзимни керакли ва билимли кадрлигимни ҳис қиламан. Бу менга ҳам куч, ҳам энергия беради. Корпоратив қўллов ҳар доим одамга керак. Агар шунақа жамоада ишласангиз, ўса оласиз, нотўғри жойда эмассиз. Бори шу) @qushch_a

Севара Назархон буюк қўшиқчи. Сўзларни ҳам танлаб айтади. Бунга тан бермай илож йўқ. Бу қўшиқни Шахриёр билан айтган. Жуда яхши кўриб эшитардим. Бугун билсам, шеъри Энахон Сиддиқовага тегишли экан.

Севилмоқлик учун келдик дунёга, Ишқ ўтин бўлойин ўчоқларингга, Бизни яратгандир қодир худойим, Ишқнинг баланд дори, сиртмоқларига. Бу дунё тузоқдир, фарёд на ҳожат, Тушганмиз фақат ишқ тузоқларига. Ишқ магар жаҳаннам бўлса, чорлагин, Жаннат қолиб киргум дўзаҳларига. Ишқ дея қиёмат қадар борурмиз, Гуноҳимиз ишқ, деб сўроқларига. Ишқимиз худойи, қурбонлиқ асли, Жонимиз тикилган байроқларига. Бизни ишқ мулкига ҳукм этсин худо, Сургун қилсин абад қийноқларига. Онагул, тўкилсак қатра нур бўлиб, Азал саркотибин сиёҳларига.

@qushch_a