6 072
مشترکین
+124 ساعت
+97 روز
+8430 روز
در حال بارگیری داده...
کانالهای مشابه
ابر برچسبها
هیچ دادهای
مشکلی وجود دارد؟ لطفاً صفحه را تازه کنید یا با مدیر پشتیبانی ما تماس بگیرید.
اشارات ورودی و خروجی
---
---
---
---
---
---
جذب مشترکین
سپتامبر '24
سپتامبر '24
+24
در 0 کانالها
اوت '24
+833
در 0 کانالها
Get PRO
ژوئیه '240
در 0 کانالها
Get PRO
ژوئن '240
در 0 کانالها
Get PRO
مه '240
در 0 کانالها
Get PRO
آوریل '240
در 0 کانالها
Get PRO
مارس '24
+2
در 0 کانالها
Get PRO
فوریه '240
در 0 کانالها
Get PRO
ژانویه '240
در 0 کانالها
Get PRO
دسامبر '230
در 0 کانالها
Get PRO
نوامبر '230
در 0 کانالها
Get PRO
اکتبر '230
در 0 کانالها
Get PRO
سپتامبر '23
+61
در 0 کانالها
Get PRO
اوت '23
+81
در 0 کانالها
Get PRO
ژوئیه '23
+85
در 0 کانالها
Get PRO
ژوئن '23
+162
در 0 کانالها
Get PRO
مه '23
+165
در 0 کانالها
Get PRO
آوریل '23
+54
در 0 کانالها
Get PRO
مارس '23
+60
در 0 کانالها
Get PRO
فوریه '23
+116
در 0 کانالها
Get PRO
ژانویه '23
+83
در 0 کانالها
Get PRO
دسامبر '22
+88
در 0 کانالها
Get PRO
نوامبر '22
+116
در 0 کانالها
Get PRO
اکتبر '22
+209
در 0 کانالها
Get PRO
سپتامبر '22
+178
در 0 کانالها
Get PRO
اوت '22
+170
در 0 کانالها
Get PRO
ژوئیه '22
+227
در 0 کانالها
Get PRO
ژوئن '22
+282
در 0 کانالها
Get PRO
مه '22
+487
در 0 کانالها
Get PRO
آوریل '22
+303
در 0 کانالها
Get PRO
مارس '22
+233
در 0 کانالها
Get PRO
فوریه '22
+341
در 0 کانالها
Get PRO
ژانویه '22
+330
در 0 کانالها
Get PRO
دسامبر '21
+122
در 0 کانالها
Get PRO
نوامبر '21
+339
در 0 کانالها
Get PRO
اکتبر '21
+83
در 0 کانالها
Get PRO
سپتامبر '21
+205
در 0 کانالها
Get PRO
اوت '21
+128
در 0 کانالها
Get PRO
ژوئیه '21
+291
در 0 کانالها
Get PRO
ژوئن '21
+599
در 0 کانالها
Get PRO
مه '21
+3 665
در 0 کانالها
| تاریخ | رشد مشترکین | اشارات | کانالها | |
| 20 سپتامبر | 0 | |||
| 19 سپتامبر | 0 | |||
| 18 سپتامبر | 0 | |||
| 17 سپتامبر | 0 | |||
| 16 سپتامبر | +3 | |||
| 15 سپتامبر | +4 | |||
| 14 سپتامبر | 0 | |||
| 13 سپتامبر | 0 | |||
| 12 سپتامبر | 0 | |||
| 11 سپتامبر | 0 | |||
| 10 سپتامبر | 0 | |||
| 09 سپتامبر | 0 | |||
| 08 سپتامبر | +1 | |||
| 07 سپتامبر | +2 | |||
| 06 سپتامبر | +2 | |||
| 05 سپتامبر | +3 | |||
| 04 سپتامبر | +5 | |||
| 03 سپتامبر | 0 | |||
| 02 سپتامبر | 0 | |||
| 01 سپتامبر | +4 |
پستهای کانال
| 2 | https://youtu.be/cIBcysRokQo | 9 881 |
| 3 | اما بقى عن حالي ف السنتين اللي حياتهم فيها كانت اتحولت لجحيم
ف انا بفضل الله كنت لهيت نفسي اكتر ف شغلي
وبقيت ادور هنا وهنا واهلِك نفسي وعقلي علشان م اسمحش لقلبي ولا لعقلي انه يفتكر الشخص دا
خاصة قلبي لان زي م قولت كان في مواقف بينا فعلا حلوه
وطبيعي بعد كل السنين دي مع الشخص دا كنت اتعلقت بيه
طبيعي يعني..
ف انا كنت بحاول اني اقفل قلبي تماما بإني اخلي عقلي مبيفصلش م كتر الشغل..
بس طبعا في كل دا كانت ماما بتفضل تزن عليا وع بابا اني انزل اشتغل بره البيت علشان الناس تشوفني
هي كانت صعبت عليا جدا لانها كانت بتفضل تبكي يوميا للاسف وتفضل تكررلي سني وصل لكام وان الناس بتتكلم وان وان وان
في الاخر قولتلها اني هنزل ماشي بس مش للشغل..
كنت اتعرفت ع بنت ف مجال الترجمة واتصاحبنا
ف كنت الاقيها دايما تقولي انها لسه راجعه م حلقة القرآن
ف فكرت ، انا ليه لحد دلوقتي مخطرش ع بالي اني احفظ قرآن ؟
متاح طبعا اني احفظ ع النت بس فكرت اني اعمل طاعه لربنا وف نفس الوقت اريح قلب أمي بخروجي
ف بدأت ادور ع حلقة قرآن قريبه بس ف نفس الوقت متكونش ف بلدي لاني مكنتش عاوزه اتعامل مع حد فيها
ف لاقيت مقرأه ف المركز اللي بلدي تابعه ليه..
وبس، مكملتش شهر ف المقرأه دي الا والمعلمة اللي فيها جايبالي عريس
انا قعدت اضحك وقولتلها : دا انا لسه مكملتش شهر ف المكان هنا ، لحقتي تعرفي عني ايه علشان ترشحيني لعريس ؟
بس هي قالتلي : أهل القرآن مش بنحتاج وقت كبير علشان نعرفهم ونآمنلهم
= بس انا مقدرش اصنف نفسي م اهل القرآن، انا يادوب لسه مُبتدإه ف الحفظ
- اهل القرآن مش هما اللي خاتمينه حفظ
لا، أهل القرآن هما اللي بيعملوا بيه فعلا
وانتي ما شاء الله عليكي يبان عليكي سَمَت الهدوء وبتستمعي بتركيز لكل حرف
ولما سألتك اول مره لو دارسه تجويد وقولتي لا
لاحظت انك قبل م تمشي م الدار سجلتي اسمك في حلقة تجويد
دا غير انك ف مره كنت انا جيت متأخر ف لما دخلت لاقيتك بتتكلمي مع بنت عن صلاة القيام
هي قعدت تتكلم عني وذكرت حاجات انا كنت بعملها بتلقائيه ،
منها حاجات اللي حواليا كانوا ع طول يتريقوا عليا فيها اصلا،
المهم لاقيتها قالتلي ان الشخص دا مش طالب غير بنت فيها مواصفات معينه وهي شايفه ان المواصفات دي فيا
ف لما قولتلها : طيب واشمعنى انا تحديدا ؟ انا شايفه ان في بنات تانيه ف الحلقه ما شاء الله يمكن افضل مني بكتير
قالتلي : لانك منتقبه
= طيب م في كام بنت كمان غيري منتقبات ؟
- ايوه بس هو طالب بنت عمرها فوق ال 30 لان عمره 34 سنه ومش بيفضَّل ان فرق السن بينه وبين زوجته يكون كبير..
ف سبحان الله اكتر حاجتين سمعت بسببهم كلام سئ جدا وانهم سبب ف وقف حال جوازي كانوا هما تحديدا السبب ف جوازي وهما النقاب وعمري اللي عدا ال 30...
المضحك بقى هو لما عرفت ان الشخص دا اسمه أحمد
قعدت اضحك وقولتلها : تاااني أحمد تااني 😂
بس هي قالتلي ان مصر كلها ي أحمد ي محمد ف مينفعش امشي ورا التيار اللي بياخد الباقي بذنب كام واحد حتى لو الكام واحد دول مليون...
قالتلي اديله وادي لنفسي فرصه
وطبعا هي كانت قالتله ظروفي اني كنت عاقده
لان في ناس للاسف كانت ترحب جدا واول م يعرفوا اني كنت عاقده وفركشت يروحوا وميرجعوش تاني..
لكن أحمد دا كان غير الحمد لله
ومش بس ربنا عوضني بيه هو لوحده
لا وكمان أهله خاصة والدته..
ف سبحان الله مر عليا أحمد سئ جدا ووالدته اسوأ
لكن ربنا عوضني بأحمد بردو بس أفضل ووالدته أفضل بمراااحل...
طبعا كنت صليت استخاره بعد اول رؤيه
ف كانت النتيجة اني لاقيت نفسي متجوزه بعد شهر ونص بالظبط
انا جهازي كله كان موجود
وهو وضعه هو واهله المادي كويس ما شاء الله
ف اتجوزنا بسرعه...
وبحمد ربنا ف اليوم ألف مره ع انه رزقني بزوجي الحالي،
زوج فعلا بيتقي الله وتدينه دا ف الظاهر والباطن يعني مش شخص منافق
كمان عنده شخصيه وقادر يعرف معنى بره لامه،
وبردو عارف حقوق زوجته عليه..
والحمد لله حياتي هاديه آمنه مطمئنة بفضل الله واتجوزت اهو الحمد لله 😃
هو انا المفروض كنت استنى لما اولد واجي احكيلكوا عن بعد الولاده
اصلي طلعت بخلف عادي اهو بعد التلاتين الحمد لله مطلعتش ارض بور يعني زي م كان بيتقال 🙃
بس انا بصراحه كنت عماله افرك اصلا بقالي فتره علشان اشارك بقصتي انا كمان وادي للبنات أمل...
ف اتمنى ان قصتي تمر على قلوبكوا مرور الكرام واكون قدرت اديكوا أمل فعلا او تكونوا خرجتوا م قصتي بعبره...
وكمان حبيت اوي اني اقول زي بطلات القصص اللي فاتت
وهو انكوا تدعولي ربنا يسهل حملي وولادتي ويرزقني بطفل سليم معافى ويباركلي ف زوجي واهله💙
🎀🎀🎀🎀🎀🎀🎀🎀
هاشتاج باقي القصص 👇
#قصص_واقعيه_لهدير_ابراهيم 💌
مش مسامحه اي حد هياخد القصه كوبي م غير الهاشتاج 🤚
وللناس اللي بتحب القصص فيديو تابعونا ع اليوتيوب ع قناة " حكاوي هدير " 💙
#حكاوي_هدير
#هدير_ابراهيم | 8 354 |
| 4 | هما طلعوا ف النهايه بيتعاملوا معانا بأصلهم فعلا
علشان كدا م لحظة م طلقني وانا مفيش ع لساني غير الحسبنه عليه هو واهله خاصة والدته..
احنا بشر ف رد فعل كل واحد فينا بيختلف حتى لو كان الابتلاء واحد
ف انا وقعت واقعه صعبه جدا للاسف
انا كنت بتقي الله في الشخص دا لاخر لحظة
كنت هتجنن واعرف ايه حكمة ربنا م كل اللي حصل
وليه حصل معايا كل دا رغم اني كنت احسب نفسي وقتها اني قريبه م ربنا !
بس لما قعدت مع نفسي اكتشفت ان ربنا بعتلي رسايل كتير جدا ع مرار السنين دي تخليني اخد القرار وافركش وانفد بجلدي
الا اني كملت وكنت ببرر لنفسي ان دا بسبب تمسك اهلي بيه
وكنت بفضل احط اي مبررات
لحد م ف النهايه اتكسر قلبي وخاطري 💔
انا ايوه وقعت ف الاختبار وبقى اغلب كلامي مع ربنا بصيغة اللوم والعتاب
الا اني مسيبتش ولا فرض
بالعكس دا انا بقيت ازود ف عدد ركعات قيام الليل لمجرد اني اطول ف الحسبنه عليهم....
كنت بموت ف اليوم الف مره
مكنتش عارفه الاقيها منين ولا منين
م كلام اهلي خاصة والدتي اللي مخلتش كلمة لوم وعتاب الا وسمعتهالي
ولا م الجيران
ولا م القرايب ولا م شماتة خالتي الصريحه لما قالتلي ف وشي ان دي اخرة تبطُري ع العرسان اللي كانت بتجيبهم واني اتمسكت بواحد ف الظاهر متدين الا انه اداني خازوق معتبر !
بس اللي كان واجع قلبي فعلا هو اني كنت خلاص بنيت مستقبلي وحياتي ع الشخص دا
كل ذكرياتي معاه كانت بتوجع قلبي جدا
الشخص دا طول م هو بعيد عن والدته كان كويس جدا معايا وحنين لاقصى درجه
دا غير انه مكانش بيفوت فرض وطبعا كان ف السعوديه ف عمل حج وعمره...
كان قلبي مدي أمان غير طبيعي وكنت متأكده انه هيتقي الله فيا
بس للاسف مع اول اختبار حقيقي باعني !
طبعا هو كان شخص جبان لاقصى حد
ومورنيش وشه ولا سمعت صوته اصلا
كل اللي هو عمله انه بعتلي رساله مكتوب فيها
" امي خيرتني بينك وبينها وربنا وصاني ع امي ، آسف "
وراح عاملي بلوكات م كل حته...!
بره لأمه دا اكتشفه فجأه كدا بعد م ركني جنبه حوالي 5 سنين !
وياريتها جات ع اد كدا !
دي مامته اتصلت ع والدتي اننا نبعت الدبله اللي كانت فضلت عندي م الدهب
ونشرت بين الناس اني كنت بخلي ابنها يبعتلي فلوس كل شهر
وانا اقسم بالله م طلبت منه مليم ولا حتى هو عرض انه يبعت..
دا غير انها قالت عني اني م انفعش ف جواز لان سني مبقاش يسمح بالحمل !
علشان كدا جوزته بنت اختها اللي لسه عندها 19 سنه رغم ان هو ف التلاتينات !
طلع ان دا كان تخطيط والدته واختها وقال يعني انها كدا بتحافظ ع فلوس ابنها انها متروحش لحد غريب !
انا متأكده ان اللي انا مريت بيه في بنات غيري كتير مروا بيه مع اختلاف التفاصيل
انا مش عارفه شكل جبرهم كان عامل ازاي
بس انا هحكي عن جبري انا...
اولا الشخص دا لما نزل اجازه طلقني فعلا وكتب كتابه ع بنت خالته وبعدها سافر ومعرفتش عنه اي حاجه تاني غير بعدها بسنتين لما لاقيت رقم غريب بيرن عليا
عادتي اني مش برد ع ارقام غريبه
ف لاقيت الرقم بعد رن كتير بعتلي رسالة مكتوب فيها
" حرام عليكي بطلي تحسبني وتدعي علينا حياتنا بقت جحيم "
مكنتش محتاجه اخد وقت اني افكر ف مين اللي باعت الرساله لاني للحظتها كنت لسه مكمله ف حسبنتي عليهم..
اكتشفت بقى ان اخته بعد سنه م جوازها اتطلقت بسبب الخلفه او الله اعلم السبب بس الناس قالت كلام ع لسان اهل طليقها انهم اكتشفوا انها مش بتخلف
ف ربنا رد لحماتي السابقه الكلمه اللي قالتها عليا واللي كانت نشرتها هي وبنتها رغم ان بنتها اتجوزت وهي مكانتش لسه جابت ال 20 سنه !
اما هو بقى ف هو اتجوز فعلا بنت خالته
بس ف الاجازه اللي اتجوزها فيها عمل حادثه وعمل اكتر م عمليه ومعرفش يسافر ولسه محتاج عمليات تانيه لدرجة انه باع كل اللي وراه واللي قدامه ولسه بردو محتاج فلوس علشان العمليات الباقيه وان بنت خالته غضبت عند اهلها وطالبه الطلاق والقايمه بتاعتها وخلافه...
اما بقى عن الزغلوله الكبيره ف هي حرفيا ربنا خلاها تدوق ذل الدنيا كله
وجتلها جلطه وقعدت جنب ابنها وابنتها بحسرتها عليهم...
انا ع فكره ولا دعيت عليهم بمرض ولا ان اخته تطلق ولا اي حاجه
انا كل اللي دعيته هو
حسبي الله ونعم الوكيل
اللهم أرني ف كل شخص ظلمني وشوه صورتي وسمعتي
ارني فيهم كلهم عجايب قدرتك يارب...
ع فكره اللي عرفته عنهم دا حاجه بسيطه جدا م اللي الناس بتحكيها بما انهم ف بلد جنبنا ف اخبار البلدين مفتوحه ع بعض
ف زي م هما شوهوا سمعتي وصورتي وخلوا سيرتي ع كل لسان
ربنا ردهالهم ومبقاش في حد الا واتكلم عنهم...
حسيت ان ربنا برد ناري الحمد لله
مش شماته ف اللي حصلهم
ابدا والله
بس احساس بإن ربنا عادل وقادر وردلي حقي.. | 5 475 |
| 5 | الدنيا كانت ماشيه كويس جدا لحد م ماما رجعت ف مره م السوق وهي شايطه وقالت انها عرفت م واحده ف السوق ان اخت احمد اتخطبت !
اللي هو ايه دا ؟ اخته اتخطبت واحنا اخر م يعلم ! لا وطلعت مخطوبه بقالها كذا شهر كمان
ولما سألته قعد يبرر ان هما كانوا مكتمين ع الموضوع علشان مش عارف ايه
وانهم حرين وملناش دعوه بيهم
بس اذ فجأه الاقيه يقرر ان جوازنا هيتأخر لسه سنه كمان واكتشِف ان كل اللي كان بيقبضه كان بيبعته لاهله علشان مصاريفهم ومصاريف جواز اخته !
طبعا ماما كانت بتتشال وتتحط خاصة ان اخته اصغر مني ب حوالي 7 ولا 8 سنين اصلا !
بس لاقيته قالي : جواز البنت سُتره ، ودي اختي الوحيده ولازم نتطمن عليها
= هو قانون ان جواز البنت سُتره دا ماشي ع اختك بس، لكن انا لا ولا ايه ؟ ولا انت مش شايفني بنت اصلا !!
طبعا مكانش عارف يرد بس قعدنا نتخانق
بس لاقيته بيرميلي ف وسط الكلام كام حاجه اكدتلي انه بيكرر كلام والدته...
احنا طول م كلامنا بعيد عن والدته كنا بنبقى كويسين جدا ومفيش بينا اي مشاكل ولا خناق
بس تيجي سيرة والدته ف النص النار تشعلل بينا
بس موضوع اخته مكانش اول ولا اخر خناقه،
انا لاقيته ف مره بيقولي اني اعرَّف بابا انه مش هيكتب قايمه
طيب ي حبيبي معنى كلامك دا انك هتجهز كل حاجه انت ؟
يقول لا طبعا هنتشارك ف كل حاجه بس بردو مش هكتب قايمه !
بقت كل مكالمه بينا تنتهي بخناق لحد م كنت خلاص تعبت وبلغت اهلي اني خلاص مش هقدر اكمل وعاوزه انفصل..
طبعا لا ماما ولا بابا كان عاجبهم التغيير اللي كان عليه أحمد ومع ذلك كانوا متمسكين بإني استحمل للاخر لاني كنت خلاص مقربه ع ال 30 وكنت مركونه جنبه طول السنين دي !
بس هو واهله للاسف بقوا يبيعوا ويشتروا فينا
وحتى فرح اخته متعزمناش عليه...
وتخيلوا ان مامته بعتت اخوه ف يوم علشان ياخد الشبكه بتاعتي قال يعني علشان عاوزين يوروها لاهل خطيب بنتهم..
وم وقتها مشوفتش الدهب دا تاني
ولما قولت لأحمد
اتعصب جدا وقالي انهم مش هيسرقوه يعني واكيد هيرجعوه تاني وكدا كدا هيبقى ف بيتهم بعدين !
الدنيا بقت سوده ف وشي جدا وكنت بصلي وادعي ربنا يزيح عني الهم دا
وانه يهديلي أحمد او انه يبعده عني خالص لاني مهما حاولت وعملت واتشقلبت مع اهلي انهم ينهوا الموضوع دا
كان بيتقابل كلامي دا بالرفض والخناق..
ف كنت بحاول اصبر نفسي واحاول ابررله تصرفاته..
ي جماعه انا مكنتش قضيت معاه سنه ولا سنتين !
احنا كنا داخلين ع 5 سنين
يعني عمر يعتبر
وزي م كان في مواقف وحشه كان في بردو مواقف حلوه وحلوه جدا كمان...
انا اللي كان مخليني متمسكه بيه ف الاول اني كنت فاكره انه قادر يوفق بين علاقته بيا وبين علاقته بوالدته
بس مكنتش اعرف انه كان بيعمل حاجات كتير م وراها وكان بيخاف انها تعرف..
دا غير ان والدتي كانت دايما تقولي : استحملي طالما ف الاخر هياخدك معاه وهو مسافر وهناك مش هيبقى في امه والراجل بيتغير بعد الجواز...
انا كنت اتخنقت جدا وكنت خلاص بدأت اكرهه واكره نفسي م كتر الضغط والسواد اللي كنت عايشه فيه..
ووقت م خلاص عرفت انه واخيرا نازل مصر اجازه بعد اكتر م سنتين غُربه
توقعت انه خلاص نازل علشان نتجوز،
كنت غبيه اوي...
هو كان قالي انه اول م هينزل هيجيلنا زياره،
ف طبعا كنت خمنت انه هيجي يحدد معاد الفرح...
كنت فرحانه وقولت خلاص اخرت صبر السنين هشوفه خلاص اهو وهنتجوز
ف نزلت اشتريله حاجه معينه هو كان قالي قبل كدا انه عاوز يشتريها...
بس اول م رجعت البيت لاقيت ماما ف وشي وقالتلي :
- كنتي فين يا ريهام ومبترديش ع موبايلك كل دا ليه ؟
= معلش يا ماما الموب كان ف الشنطه ومخدتش بالي
وبعدين م انا قايلالك اني هنزل اشتري هدية ل أحمد ،
انا مش مصدقه بجد اني هشوفه بعد سنتين بحالهم 😍
تعالي اما اوريكي انا جبتله ايه...
- مش عاوزه اشوف حاجه ادخلي جوه ابوكي عاوزك
= مالك ي ماما ؟ وبابا عاوزني ف ايه ؟!
- المحروس كان هنا م شويه ونزل
= المحروس ! المحروس مين ؟!
- أحمد بيه كان هنا
= أحمد مين ؟ أحمد جوزي ؟!
- كان ي حبيبتي كان خلاص
= يعني ايه ؟ انتي بتقولي ايه ي ماما ؟!
- بقول انه بعد م ركنك جنبه 5 سنين خطوبه وكتب كتاب نزل اجازه علشان يتجوز واحده تانيه !!
الدنيا كلها لفت بيا اول مجرد م بابا اكدلي كلام ماما
وقال ايه الاستاذ كان جاي لحد بيتنا علشان يخلي ذمته قدام ربنا وانه بكدا خرج بالمعروف !
خرج بالمعروف بعد م ركني جنبه سنين خطوبه وكتب كتاب
خرج بالمعروف بعد م اتحملناه واشتريناه وهو حالته ع اده
واول م ربنا اداله اول حد استقوى عليها وركنها كانت انا !
اكتشفت بقى ان كل دا كان تخطيط والدته م اول م سافر ومسك ف ايده فلوس،
مامته استكترت الحال دا عليا وكانت شايفاله شوفه تانيه وهي بنت خالته
تخيلوا ان وقت خطوبتنا بنت خالته دي كانت لسه ف الاعدادي اصلا !
طبعا ولا خدنا منهم دهب ولا اي مليم رغم ان شرعًا ليا النص..
طلع ان والدته كانت بعتت خدت الدهب تمهيدًا للفركشه.. | 4 337 |
| 6 | كنت بقعد قدامها اسمع كلام زي السم وانا مستغربه،
طيب م انا سني بيكبر ايوه بس م هي ظروف ابنك اللي مقعداني جنبه م غير جواز !
بس حماتي كانت شايفه ان اللي مصبرني انا واهلي ع الوضع دا اني بايره بقى وم صدقت حد بص ف وشي
ومقدرِتش نهائي تشوف ان دا معناه اننا شاريين ابنها وشايفينه كويس !
اغلب او كل القُرى ف مصر وم عادات الريف ان بيبقى في مواسم زي رمضان والاعياد وغيرها
لكن بالنسبالي ف انا عمري م شوفت حماتي داخله علينا بحاجه غير بكلام يسم البدن وبس !
لكن مش هنكر ان أحمد كان ف اوقات بيجيب هدايا وزيارات بس كان دايما يشدد عليا اني م اجيبش سيره لوالدته !
ف مره قولتله : هو انت ليه دايما خايف ان مامتك تعرف انك جبتلي هديه او دخلت علينا بصابع موز حتى !
- مش فكرة خايف ، بس هي امي وانا عارف طبعها كويس ف كدا افضل
= طيب م انا كدا بقلق اكتر، دي عملالنا رهبه م دلوقتي اومال بعد الجواز هيبقى الوضع ايه ؟!!
- بعد الجواز هيبقى كل واحد ف حاله بردو ومتعرفش عننا حاجه ، ووالدك اتفق معايا م الاول ع كدا وانا وافقت،
ف بلاش كل شويه نفتح الموضوع دا
كنت قلقانه بردو بس كنت دايما بردد لنفسي كلام والدي وانه مش شايف ان احمد ابن امه ودا اللي يهمنا،
بس في حاجات كتير مكناش واخدين بالنا منها ومقدرناش نكتشفها غير بعد فوات الاوان للاسف...
المهم
بعد سفر أحمد الوضع مع حماتي ساء اكتر،
بطلت ترد علينا كل م نرن عليها انا أو ماما
اكلم احمد واقوله يقولي تلاقيها كانت بعيده عن التليفون او كانت نايمة،
رغم ان اوقات كانوا يردوا عادي بس اول م يسمعوا صوتنا كانت السماعه تتقفل ف وشنا بما ان وقتها كان الغالب ف الاتصال هو التليفون الارضي..
بس م كتر م الحركه دي اتكررت لاقيت احمد قالي اني ابطل ارن عليها خالص واكبر دماغي...
بس في يوم كان قالي انها تعبانه ف طبيعي لازم انا وماما نروح نزورها،
فضلنا نرن علشان نعرفهم اننا رايحين
بس محدش بيرد كالعاده
ف كلمت احمد وقولتله : م الصبح بنرن ع مامتك وع موب اختك بس مفيش حد بيرد بردو
- هتلاقيهم ملخومين في تعب امي ف مش واخدين بالهم بس
لكن لازم تروحي انتي ووالدتك
= وهو انا قولتلك اننا مش هنروح ؟ انا بس بقولك اننا مينفعش نطب عليهم فجأه م غير م نكون معرفينهم اننا رايحين،
ف كلمهم انت وقولهم نروح امتى ؟
- خلاص روحوا النهارده وانا هعرفهم بردو، واصلا خالتي رايحه بالليل هي كمان وكدا كدا الايام دي بيتنا مبيتقفلش م كتر م الناس بتحب امي ف بيروحوا يتطمنوا عليها
= اه طيب ربنا يحبب فيها خلقه يارب، بس متنساش تعرفهم اننا رايحين
وروحت انا ووالدتي فعلا بالليل
بس مجرد م اخته فتحت الباب لاقينا وشها قلب وبدأت تعلي صوتها وهي بتسلم علينا
دخلنا الشقه ملاقيناش حد قاعد ف الصاله خالص رغم اننا كنا سامعين صوتهم م واحنا ع السلم
ف ماما قالت لاخته : ازيك يا نادية عامله ايه محدش بيشوفك ولا بيسمع صوتك يعني ؟
- معلش اصلنا مشغولين شويه الايام دي
= اه طيب الله يعينكوا ، اومال الحاجه فين ؟
- امي جوه نايمه تعبانه وقالت محدش يصحيها
لسه ماما هتتكلم لاقينا جرس الباب رن ولما اخته فتحت لاقينها بنت خالتها
بصيتلنا بطريقة غريبه م فوق لتحت وبعدين قالت : اومال امي وخالتي حبيبتي راحوا فين ؟
-دخلوا جوه الاوضه اصل امي فجأه قلبها اتقبض وتعبت
ادخليلهم جوه
دخلت البنت الاوضه واحنا حاسين بنظرات مريبه وضحك بينهم هما الاتنين..
فضلنا واقفين انا وماما نبص لبعض ومش عارفين نعمل ايه
واخته واقفه قدامنا عماله تنفخ وحتى مقالتش اقعدوا ولا اي حاجه خالص
بالعكس دي م صدقت ان ماما قالتلي يلا نمشي
وراحت بسرعه فتحتلنا باب الشقه...
طبعا ماما خدت الطريق كله وهي عماله تزعق ع قلة القيمه وقلة الاصل وفضلت تديني انا ف موشح،
طيب وانا مااالي مش فاهمه !
اول م رجعت رنيت ع أحمد
بس م ردش عليا ف بعتله رساله
فين وفين ع م رد عليا وبعتلي رساله انه اتلخم ف الشغل ونسي يعرفهم اننا رايحين..
ف م اللحظة دي قررت اني ولا هرن ولا هروح لمامته تاني...
دا بالنسبه لمامته واخته
اما بقى عنه هو ذات نفسه ف هو كان ف بداية سفره كويس جدا..
انا كنت شايفه الوضع بينا بعد سفره كان افضل بكتير عن الوضع اللي كنا عليه ف مصر..
كنا بنتكلم طول م احنا صاحيين ونقفل ع النوم بس..
طبعا هو كان طلب مني اني ابطل موضوع الدروس لانه كان شايف ان كدا كدا لما نتجوز مش هدي دروس خلاص بما انه سافر والوضع المادي اتحسن ف مش هنحتاج لشغلي
بطلت ادي دروس فعلا بس كملت ف شغل الترجمة ع النت لاني كنت حباه...
أنا كنت ظابطه يومي كله بناء ع مواعيد نوم وصحيان أحمد..
طول اليوم ي كنا بنتكلم ع الموب ي رسايل
وبما ان شغله هناك كان مُريح ف كان بيقدر يكلمني طول الوقت وهو ف الشغل وف اي مكان
ع عكس لما كان ف مصر
كان بيرجع م الشغل تعبان ف مامته كانت بتستلمه لحد م ينام منها ف كنا بنتكلم قليل... | 3 795 |
| 7 | وقتها كان عندي حوالي 25 سنه
يوم الرؤية الدنيا كانت ماشيه كويس عدا حاجه واحده بس هي اللي كانت قالقاني وهو انه كان جاي اول مره ومعاه والدته..
اهلي كالعاده بيسيبوني انا والشخص المتقدم مع بعض شويه لوحدنا بس بيكونوا قاعدين ف مكان قريب مننا
لكن ف المره دي والدته مكانتش عاوزه تتحرك م مكانها اصلا
وفين وفين بقى ع م اتنقلت لمكان تاني بس كانت قاعده قريبه مننا بردو ومتابعانا مهما ماما حاولت تلهيها عننا...
انا كنت فاكره انه الولد الوحيد او ان باباه متوفي
بس طلع انهم 3 صبيان وبنت واحده وكمان باباه عايش ف كان واضح ان مامته اللي مسيطره شويه...
بس لو هتكلم بصراحه ف انا ارتاحتله م اول يوم حصل فيه رؤيه،
الشويه الصغيرين اللي قعدنا اتكلمنا فيهم حسيت انه شخص طيب وكمان متفهم وكان واضح انه متدين وكان موافقني ف اغلب آرائي وتفكيري...
حسيت براحه،
بس لما صليت استخاره حسيت اني قلقانه
ف لما قولت ل بابا وماما
ماما قالتلي : الاستخاره دي بتتعمل لو انتي مش مرتاحه او قلقانه
بس ع كلامك بعد م مشيوا انك ارتاحتيله واحنا م صدقنا نطقتي اخيرا كلمة اه ع حد
= طيب وبالنسبه لمامته بقى ؟
- مالها امه ؟
= مشوفتيش كانت بتتكلم ولا بتبصلي ازاي ؟
- انتي هتتجوزيه هو مش هتتجوزي امه
وانتي قولتي انه باين عليه طيب وكويس
طلبت م بابا انه يرد عليه ويقوله اني محتاجه اشوفه مره كمان..
طبعا طلبت كدا علشان اقدر اقعد معاه وقت اطول براحتي ف اقدر اخد قرار نهائي
بس جيس وات !
لاقينا مامته مشرفه معاه ولا كأنه هيتخطف مثلا !
واتكرر نفس اللي حصل اول مره للاسف
بس هو لاحظ اني كنت متضايقه ولما سألني
قولتله اني مش حاسه اني عارفه اتكلم براحتي معاه او اسأله كويس لان مفيش وقت اصلا
تخيلوا ان مامته كانت بتسيبنا بالظبط 3 دقايق مع بعض ونلاقها رجعت قعدت بيني وبينه !
ف لما كلم والدي ع التليفون
والدي جابهاله صريحه انه يجي م غير والدته
انا صليت استخاره وقولت فيها : يارب لو هو خير ليا وانا اللي ظني سئ ف مامته توافق انه يجيلي المرادي م غيرها او اصرفه عني...
وجه لوحده فعلا ف اتطمنت ان دي نتيجة صلاة الاستخاره
بس مكنتش اعرف انه جاي م وراها اصلا 😂
المهم
وافقت عليه ف النهاية ووالدتي م اول يوم اصلا كانت بتتعامل ع اني خلاص وافقت وبلغت الاهل والقرايب والجيران وجيران الجيران اني اتخطبت...
والدتي كانت دايما ترميلي كلام انه بسبب سني ف هما وافقوا ع الخطوبه دي
ودايما تحسسني ان جوازتي اقل م جوازات اخواتي بالنسبه للحاله الماديه..
بس انا مكانش فارق معايا موضوع الشبكه والمهر والحاجات دي
انا كل اللي كان شاغلني هو اني اقعد ف شقه منفصله عن والدته
ودا كان اتفاقه مع والدي فعلا م البدايه
علشان كدا كنت بغُض الطرف عن تعامل والدته معايا
وكنت بقول ان هو الاساس لانه كان كويس جدا معايا...
الاتفاق كان ان الخطوبه سنه
بس بقينا نمدها شهر ف شهر بسبب الحاله الماديه وكان في تعطيلات ف شقته
خاصة ان اهله مكانوش بيساعدوه لان بردو حالتهم الماديه كانت ع ادها اوي...
لحد م تمينا سنتين ف الخطوبة
طبعا والدتي مكانش عاجبها الوضع دا بس اهو كان ارحم م اني ابقى عانس واهو اسمي قدام الناس مخطوبه وخلاص...
لحد م لاقيته جايلنا زياره ف يوم وكان مبسوط جدا وقالي: واخيرا ربنا فرجها معايا
= خير يارب فرحني معاك
- جاتلي فرصة سفر كويسه جدا
= سفر ! سفر فين وامتى ؟
- السعوديه، هجهز ورقي وخلاص ع اخر الشهر هبقى مسافر، ادعيلي بس
= اخر الشهر ! طيب وانا !!
- وهو انا مسافر علشان مين م هو علشانك يا ريهام، انتي فاكره ان الخطوبه اللي مش راضيه تخلص دي عاجباني يعني !
انا فضلت افحفر لحد م جبت عقد عمل
= طيب وهتعمل ايه بردو ؟ كدا هنمد الخطوبه سنه كمان لسه !
- علشان كدا عاوز اتكلم مع والدك
بس قولت اتكلم معاكي انتي الاول علشان تقنعيه معايا
انا عاوز اكتب الكتاب
انا استحملت سنتين بالعافيه وانا بحاول افضل فاكر شكلك م غير النقاب
ف مش هعرف استحمل سنه كمان
دا غير اني هبقى مسافر ف هيبقى كلامنا كله ع النت ف مش هنعرف نتكلم ع راحتنا...
وافق والدي ووالدتي ع كتب الكتاب
وطبعا ماما كانت مبسوطه انه هيسافر
وكان ع وعد بإنه ممكن يبعت ياخدني واروحله عروسه لو مش هيعرف ينزل اجازه بعد سنه...
وابتدت مرحلة جديدة بدايتها كانت حلوه جدا
بس نهايتها كانت غير متوقعه نهائيًا بالنسبالي !!
وافق والدي ووالدتي ع كتب الكتاب
وطبعا ماما كانت مبسوطه انه هيسافر
وكان ع وعد بإنه ممكن يبعت ياخدني واروحله عروسه لو مش هيعرف ينزل اجازه بعد سنه...
وابتدت مرحلة جديدة بدايتها كانت حلوه جدا
بس نهايتها كانت غير متوقعه نهائيًا بالنسبالي !!
م بعد خطوبتي لأحمد كنت ملاحظة طبعا عدم حب والدته ليا،
هي مكانتش بتحب النقاب ولا البنات المنتقبه دا غير انها كانت كل شويه ترميلي كلام م تحت لتحت ليه علاقه بسني... | 3 568 |
| 8 | ولكم ان تتخيلوا اني يوم م جبت شهادة تخرجي كانت الناس بتتعامل معايا وكأني جبت شهادة وفاتي بالظبط !
ف بلدنا مكانش مسموح للبنات انها تنزل تشتغل
علشان كدا ع رأي خالتي ف هما كانوا سامحين للبنات تنزل تتعلم لمجرد انها تتشاف ف تتخطب وبس !
ف بكدا اتحكم عليا اني خلاص استنفذت كل فرصي ف اني اوقع عريس
ف انا وحظي بقى... !
خالتي قالت لماما انها تخليني انزل ادور ع شغل وانها متسمحليش اقعد ف البيت والا هتركن جنبها خاصة انهم شايفني مش شخصيه اجتماعيه ولا بروح افراح..
ماما بقى خدت الكلام منها وجريت ع بابا تقوله وتحاول تقنعه بس هو كان رافض رفض تام..
انا كان طموحي اشتغل ف الترجمة خاصة وان الموضوع كان متاح وقتها ع النت ف كان كويس بالنسبالي
هشتغل بشهادتي وكمان م بيتي...
بس ماما اعترضت لان اسمه شغل م ورا شاشه ومفيش حد شايفني ف صممت اني ادي دروس ف البيت علشان تفتح قدامي فرصه ان الناس تشوفني ف يرشحوني لحد وكدا...
بمناسبة انهم يرشحوني لحد دي
لكم ان تتخيلوا ان خالتي اللي كانت رايحه جايه تزن ع امي وتسم بدني بالكلام علشان موضوع الجواز
تخيلوا انها كانت بترشح بنات كتير الااا انا
ولا مره كانت ترشحني لحد الا لو متجوز وعاوز زوجه تانيه
او مطلق ومعاه اطغال
او كبير ف السن
يعني ف مره ماما قالتلي : خالتك جايبالك المرادي عريس ميتعوضش
= ها مطلق ولا ارمل ولا كبير ف السن ولا ظروفه ايه المرادي ابهرينبي
- انتي بتتريقي ؟ اما انك قليلة الادب صحيح
دا جزاة خالتك انها عماله تجري هنا وهنا وتدور ع جوازك ؟
= تدور ع جواز مين بس ي أُمي ؟
انا فاهمه خالتي كويس
هي كل همها واللي شاغلها اني م اتجوزش جوازه احسن م بناتها وبس
- تصدقي انتي عيله قليلة الادب فعلا لما تقولي ع خالتك كدا
= طيب قوليلي ي ماما ايه هي مواصفات عريس الغبره
- يختي متتريقيش بس
انتي طايله اصلا حوش ي بت العرسان بيترموا تحت رجليكي ومش ملاحقين عليهم
= مممم المقدمه والحمقه دي بتأكدلي ان العريس المرادي م نفس عينة كل مره ف قولي واتحفيني
- م بلد جنبنا هو صحيح نجار بس دخله كويس اوي
= وعنده كام سنه بقى ؟
- صغير مش كبير اوي، عنده 43 سنه
= يلهوي ي ماما 43 ! دا عمره ضعف عمري
- وايه يعني ؟ لما بيبقى في فرق في السن بين الراجل ومراته بيبقى حلو وبيبقى راجل كدا ملو هدومه مش عيل لسه
= اه والراجل اللي ملو هدومه دا ايه قعده لبعد الاربعين م غير جواز ! كان بيكون نفسه لسه ولا ايه ؟
- لا م هو متجوز
= يعني اهوووو كالعاده جايبالي واحد مطلق فعلا
- ي بت بقولك متجوز مش مطلق
= يعني ايه ؟
- يعني راجل مقتدر وكسيب وقادر يفتح كذا بيت
= اااه زوجه تانيه يعني
- اه يختي زوجه تانيه ولو تالته ولا رابعه حتى ، مش اللي بتلبسيه ع وشك دا بيقول انه مش حرام بردو ولا ايه
= اولا اللي بلبسه ع وشي دا مش بيقول حاجه
ربنا اللي قال ان التعدد فعلا مش حرام
وبردو قال ان الزواج بالقبول وبالعقل
- عقل ! انهو عقل دا اللي مخليكي قاعده م غير جواز لحد دلوقتي وكل اللي ف سنك واصغر منك معاهم عيال !
= مالك ي ماما محسساني ان بقى عندي 80 سنه ليه !
دا انا لسه يادوب متخرجه م الكليه !
- طالما اتخرجتي خلاص وقعدتي ف البيت يبقى فرصك ف الجواز قلت،
ي بنتي الناس كلت وشي وكل شويه يسألوني بنتك هتتخطب امتى
دا انا بقيت احمل هم نزول الشارع وبمشي ادعي ان مش يشوفني
= ياااه للدرجادي ! هو انا اجرمت ولا عملت ايه لكل دا !
- ي بنتي قطر الجواز مبيستناش حد وانتي محدش عاجبك خالص
دا لا ودا لا ودا لا
=والمفروض اعمل ايه دلوقتي ؟
- المفروض انك توافقي ع اللي يجيلك وتبوسي ايدك وش وضهر ان حد لسه بيدخل بيتنا اصلا...
طبعا كنت برفض ف النهايه وطبعا طبعا الحوار دا كان بيفضل يتكرر كل شويه م قبل م اتم ال 20 سنه اصلا...
وكالعاده افضل امتص امتص واروح افرغ كل دا ف الصلاه..
اديت دروس فعلا علشان امرن نفسي اكتر وامارس اللغه وكنت بدور ع اي فرص ترجمه ع النت...
ف انا يومي كان بيبقى مزحوم جدا
ي مع الاطفال بدي دروس
ي ف شغل الترجمه
وكل دا بجانب شغل البيت والمطبخ
ف مكانش عندي وقت اني اقعد افكر ف موضوع الجواز او اندب ع تأخيره
بس الناس مكانتش تتوصى بصراحه...
وي سلام بقى وقت خطوبة او يوم فرح اختي الصغيره
حرفيا كنت صدعت م صوت مصمصة الشفايف وكلمة معلش
والودوده اللي كانت بين الناس كل م اعدي قدامهم ويقعدوا يشاوروا عليا ولا كأني عامله جريمه مثلا !
طبعا ماما كانت بتفضل تردد انها مش هتكرر اللي حصل معايا مع اختي
ف جوزتها م وهي لسه ف الثانوي وقعدتها م التعليم خالص ع اساس ان كدا كدا البنت مصيرها لبيت جوزها وان هو الاساس للبنت مش التعليم،
دا بغض النظر طبعا عن ان جوزها دا كويس ولا بيشرب ولا بيمد ايده ولا ولا ولا
المهم انها اتجوزت وخلاص
مش زيي ركنت جنبها وخليت سيرتنا ع كل لسان مثلا 🙂
اتحملت وشوفت كتير
لحد م اتقدملي شخص م بلد جنب بلدي
اسمه أحمد اكبر مني ب 3 سنين وبيشتغل محاسب... | 3 510 |
| 9 | قصة #منتهى_الجبر !
هاشتاج باقي القصص
#قصص_واقعيه_لهدير_ابراهيم 💌
🎀🎀🎀🎀🎀🎀
سلام عليكم ...
ع اد م كنت متردده جدا اني اجي واحكي قصتي ع اد م انا مبسوطه اني اخيرا استجمعت شجاعتي وقررت ف النهايه اني اقعد قدامكوا واحكي...
قصتي هي قصة بنات كتير..
بنات ضحت وبذلت اقصى جهدها ف علاقه وف الاخر اتركنت واتداس عليها بكل بساطة واتنسالها كل حلو هي عملته..
اتكسر قلبها م الشخص اللي كان مستحيل تتخيل ف يوم انها تهون عليه اصلا..
وللاسف كسر قلبها وظلمها !
بس ربنا عادل
علشان كدا لاي بنت خرجت م علاقه مظلومه وبقلب مكسور
قصتي دي ليكي
ف تعالوا وشوفوا جبر ربنا لكسر قلبي كان عامل ازاي
وكمان ازاي ربنا ردلي حقي م الشخص دا ومامته... !
انا ريهام .. خريجة تربية قسم انجليزي وفي التلاتينات م عمري...
اسرتي صغيره
بابا وماما وانا واختين كمان ليا...
حياتي كانت عادية وتقليدية جدااا
يعني طفولتي مفيش فيها حاجه مميزه تتقال
ولحد م وصلت للجامعه كانت الحياه عاديه وروتينيه
بدأت الحياة العاديه دي تتغير شويه م اول م دخلت تالته جامعه
انا عايشه ف قريه ف للاسف كان كل اللي حوالينا سواء جيران او قرايب يفضلوا يرددوا كلام متكرر..
عَيِّنه م الكلام دا هو كلام خالتي مثلا لما قالتلي : انتي كبرتي يا ريهام وبقيتي ف سنه تالتة وحالك دا مينفعش
= حالي ايه اللي مينفعش ي خالتي ؟
- انتي بقيتي في سنه تالته ولسه م اتخطبتيش لحد دلوقتي ،
اومال احنا بننزلكوا تتعلموا ليه
= مش فاهمه ايه العلاقه ؟
- العلاقه انكوا بتنزلوا الشارع علشان توقعوا عرسان يختي
اختك جدعه واتخطبت من وهي في سنه تانيه ، بس مش عارفه انتي مبلطه ف الخط ليه
دا اسراء اختك بيجيلها عرسان م وهي لسه ف الاعداديه
= ايوه والمفروض اعمل ايه بردو يا خالتي ؟
- المفروض تقلعي البتاع اللي بتحطيه ع وشك دا،
مخبيه شكلك عن الناس ليه هما هياكلوكي ؟
فين ريهام اللي كانت تقعد ساعتين قدام المرايه تحط احمر واخضر
= قولتلك 100 مره م اسمهوش بتاع ي خالتي اسمه نقاب
ولسه بحط احمر واخضر بردو بس وانا ف البيت او تحت النقاب
وكمان ماما واسماء اختي لابسينه
- بس امك واختك لبسوه بعد الجواز مش قبله
= ماشي بس انا مش هقلعه بردو ي خالتي
النقاب رزق والجواز رزق ومفيش رزق بيمنع رزق
- انتي حره بكره تضربي نفسك بالجزمه لما تلاقي كل اللي حواليكي اتجوزوا وانتي لسه...
الحوار دا م اتكررش م خالتي لوحدها
لا دا حرفيا وكأن كل اللي حواليا كانوا اتفقوا ع نفس الكلام بالحرف !
انا مش هقول اني وقتها كنت مقطعه السمكه وديلها ف التدين..
انا كنت قبل النقاب شويه البس طرحه عاديه وشويه البس خِمار
واوقات كنت بالبس بناطيل، بس عليها حاجه طويله شويه..
وكنت بحب الميك-اب جدا
عندي حب فطري ليه م وانا صغيره..
ف لما اختي الكبيره لبست النقاب خطر ع بالي اني البسه انا كمان لاني كنت شايفه ان هو اللي هيقيد لبسي وهيخليني استقر ع نظام معين ف اللبس
وكمان هقدر احط ميك-اب براحتي م غير م اكون شايله هم اني هاخد سيئات...
لما قولت لاهلي ع موضوع لبسي للنقاب
بابا وافق وم اعترضش وعادي تقبل الموضوع
لكن ماما هي اللي اعترضت وكانت مصممه اني لو عاوزه البسه يبقى بعد الجواز زي م اختي عملت علشان اضمن اني اتجوز...
انا الجمله دي كانت بتجنني حرفيا
اصل ايه بجد التفكير دا !!
ازاي ممكن يخطر ع بال حد ان طاعه لله ممكن تمنع رزق !
انا كنت مقتنعه جدا بقراري وكنت مستعده احارب علشانه علشان كدا فضلت انا وماما ف مناوشات كتير لحد م نزلت اول يوم ترم اول رابعه جامعه وانا لابساه..
كنت فرحانه جدا خاصة اني بالنقاب بدأت افلتر ناس كتير كانت حواليا وقربت بردو م ناس تانيه..
رابعة جامعة بتكون سنه كلها ضغط بما انها اخر سنه ف الجامعه وطبيعي الكل بيبقى حابب يعدي منها صافي م غير مواد
بس ف بيتي وم كل اللي حواليا كان في ضغط وهو ان خلاص دي اخر فرصه ليا ف شقط او اصطياد عريس والا خلاص هيضيفوني لقايمة البنات اللي عنست وفقا لقانون بلدنا ...!
ماما رجعت تحاول معايا تاني ف موضوع اني اخلع النقاب وانا ف الترم التاني لدرجة انها زقت عليا خالاتي
دا غير جيرانا اللي كانوا م بيصدقوا ان واحده فيهم تلمحني ف الشارع وتفضل تكررلي الوصايا العشر واني كبرت ولسه م اتخطبتش وقطر الجواز هيفوتني وكل بنت وليها زهوتها
وكلام كتير اعتقد حوالي 90% م البنات سمعوه...
بالنسبالي كان بيبقى ردي موحد ع كل اللي بيفتح موضوع الجواز او خلع النقاب
وهو ان مفيش رزق بيمنع رزق
وان كل حاجه هتحصلنا مكتوبلها تاريخ وتوقيت محدد عند ربنا ومهما عملنا مش هناخد الحاجه دي الا ف التوقيت دا..
بس طبعا مفيش حد كان بيقتنع بكلامي دا
وكانت خالتي تتريق وتقول اني اتدروشت وبقيت م بتوع قال الله وقال الرسول لمجرد اني حطيت قماشه ع وشي..
كنت بفضل امتص كل الهجوم دا وافضل اكتم اكتم لحد م اقف بين ايدين ربنا ف الصلاه وكنت بخرَّج كل الكبت دا..
ايام وليالي كتير عدت عليا وانا ع سجادة الصلاه بدعي وببكي... | 3 913 |
| 10 | طبعا انا قولتلكوا انه طلع سمع اعترافاتي للجد بما فيهم تعلق قلبي بيه..
ف طلع ان هو كمان كان مشدود ليا
بس كدا وجودنا سوا ف المرحله دي كان خطر ف قرر انه هيسافر للجامعه ومجرد م هيتخرج هنتجوز..
الأدهش ان يوسف كان بيشوفني في المدرسه وكان عارفني اصلا
قولتلكوا اني كنت مشهوره ف المدرسه .. وسبحان الله هما كانوا شايفين ان علشان عمري م عملت علاقه مع ولد ان دا تخلف وجهل راجع لأصولي العربيه..
بس دا هو اللي شد يوسف ليا وان جوايا حاجه حلوه.. دا غير ان دا كان مأكدله اني عرفت جده صدفه مش ان كل اللي حصل كان تخطيط مني م البدايه..
او الأصح انه كان تدبير ربنا ليا..
المهم اننا حاليا الحمد لله عاقدين..
وبنجهز خلال الفتره دي لعش الزوجيه اللي ان شاء الله يكون سعيد.. ايوه ي جماعه انا احداث قصتي لسه م قريب..
والمفاجأه بقى اننا هنستقر في مصر..
الناس بتهاجر منها بس احنا راجعين ليها
لاكتر م سبب الجد حابب انه يعيش في مصر لاخر ايامه ربنا يديله طولت العمر والصحه ع طاعته يارب..
وكمان علشان فرص شغلنا بالنسبالنا احنا كويسه في مصر..
وعلشان كمان لما ربنا يكرمنا بأطفال ان شاء الله يكونوا عارفين ان عندهم أصول ووطن وليهم هويه..
بس احنا أهم هويه لينا اننا مسلمين ..
بس نفسنا اولادنا يكون لسانهم عربي بلغة القرآن..
والحمد لله ان بقى عندي دين وعقيده وأسره بتحبني وزوج وان شاء الله ربنا يكرمنا بأطفال.. ونعيش مستقرين..
وبس دي قصة حياتي م طأطأ لسلاموا عليكوا زي م بتقولوا في مصر..
انا بقيت مدأدأه ف الشغلانه وعارفه كتير عن ألشكوا ولهجتكوا..😄
قصتي غريبه ع قصص القناه هنا
والاهم ان دور يوسف كان مهم اكيد بس الجد كان هو أهم مرحله ف حياتي..
ف الحمد لله ع نعمة الاسلام وكفى بها نعمه..
ادعولنا ولكم المثل واسفه لو سببتلكوا اي صداع..
وبالمناسبه شكرا م قلبي ع كومنتاتكوا الاكثر م رائعه ربنا يديم عليكم جمال قلوبكم دا يارب ❤
وزي م بدأت قصتي بتحية الاسلام هختمها بردو بنفس التحيه
السلام عليكم ورحمة الله وبركاته
وربنا يجعل كل حياتكوا سلام ورحمه ❤
🎀🎀🎀🎀🎀🎀🎀🎀
هاشتاج باقي القصص 👇
#قصص_واقعيه_لهدير_ابراهيم 💌
مش مسامحه اي حد هياخد القصه كوبي م غير الهاشتاج 🤚
وللناس اللي بتحب القصص فيديو تابعونا ع اليوتيوب ع قناة " حكاوي هدير " 💙
#حكاوي_هدير
#هدير_ابراهيم | 5 855 |
| 11 | رجعت البيت ومكانش في حد موجود ف اتوضيت ودخلت اوضتي فضلت اصلي وانا بدعي ربنا وبستغفره وببكي لحد م نمت واول م صحيت مسكت الموب بسرعه ورنيت ع الجد..
بس هو قالي اني ادي ليوسف شوية وقت بس..
مكنتش فاهمه هو ليه محتاح للوقت ؟!!
انا ولا استغليته ولا قولتله حاجه حرام ولا طلَّعت عليه كلمه واحده ف المدرسه ولا اي حاجه..
فضلت في البيت كذا يوم بستغفر وببكي وبصلي قعدت ع سجادة الصلاه بعد م صليت وحطيت الهيد فون وقعدت اسمع قرآن لحد م نمت م كتر العياط..
وصحيت ع هزه قويه ع جسمي
ولما فتَّحت لاقيتها ماما
مكنتش فاهمه هي بتصرخ ليه لحد م استوعبت انها لاقتني نايمة وانا بلبس الصلاه وصوت القرآن شغال..
فضلِت تصرخ وتقولي انها حذرتني م اني اوصل للدين دا بالذات
وخرَّجتني بره البيت
وقالتلي انها هتنفذ اللي قالته ب انها هتتبرى مني..
خرجت م البيت بالبيجاما اللي كنت لبساها تحت لبس الصلاه لان م جنانها وغضبها جابت مقص قصت اللبس والحجاب بالذات..
خرجتني بمنظر صعب وطبعا ولا فرق معاها..
بس الحمد لله كان معايا الموب
رنيت ع الجد اللي جالي بسرعه وكان جايبلي معاه لبس وحجاب..
وقالي اني هنام في بيتهم لحد م يشوف أُسره مسلمه فيها أم وبنات بس علشان اقدر اعيش معاهم لحد م ادخل الجامعه..
وصلت البيت ونمت بسرعه ف سرير ساره وكنت مُرهقه جدا لدرجة اني مأخدتش بالي اني ملاحظتش اختفاء يوسف..
وبمجرد م صحيت وسألت عنه عرفت م ساره انه سافر !!!!!
قلبي اتقبض جدا لما عرفت انه سافر يكمل تعليمه الجامعي ومفيش حد قالي هو سافر لأي جامعه..
سألت الجد وانا ببكي زي المجنونه بس فضل يرددلي ان دا خير واني هتأكد انه خير بعدين..
كنت حاسه اني ضايعه تماما
ولا ليا بيت ولا اهل ولا يوسف..💔
بس الجد قالي ان في ربنا اللي قادر يسخر كل شئ لراحة وسعادة قلبي وان تدبيره عظيم زي م دبرلي كل اللي حصل دا واللي كانت نهايته دخولي للاسلام..
الجد قالي ان مرور الايام وانشغالي في الجامعه هيداوي جزء م جراح قلبي..
هو دا فعلا حصل بس مش بالظبط اوي..
اتنقلت للجامعه وكنت ف السكن الجامعي وكل فتره كنت بزور الجد.. وكل مره كان بيبقى نفسي اسأله عن يوسف بس لساني كان بيسكت ومبينطقش وقولت لو في جديد اكيد الجد هيقولي..
كنت بفضل الله خلاص التزمت بحجابي كامل وملتزمه بالصلاه في اوقاتها..
وامر طبيعي للمسلمين الجدد اننا بنحفظ القرآن بالتلقين..
ف انا كنت كل اجازه ببقى محضره مفاجأه للجد وهي اني حفظت كم اكبر م المره السابقه..
وبفضل الله ختمت القرآن بعد سنتين م بداية حفظي ليه..
ولان لغتي العربيه كانت ضعيفه جدا
ف انا كنت بقرأ الآيات وتفسيرها بالانجليزي الاول
ولما افهمها كنت افضل اسمعها وافضل اعيد وازيد في سماعها لحد م احفظها بنطق وتجويد صحيح الحمد لله..
4 رمضانات واعياد مروا م بداية اسلامي ومشوفتش يوسف فيهم ولا مره..
4 سنين مروا كنت اتغيرت تماما
بس قلبي كان لسه محتفظ بمكان كبير جواه ليوسف..
الجد كان قايلي انه محضرلي مفاجأه تخص شغلي بمجرد م اتخرج م الجامعه..
واول م وصلت البيت لاقيته بيفتحلي الباب وفي شنط سفر جنب الباب
قلبي اتقبض
سألته بلهفه : يوسف رجع ؟!
- لا يوسف م رجعش..
حسيت وكأني سمعت صوت كسر ف قلبي..
بس الكسر التحم بسرعه بمجرد م الجد كمل وقال : احنا اللي هنسافرله وانتِ معانا..
انا مكنتش مصدقه اللي ودني سمعته وفضلت متنحه للجد اللي لاقيته ضحك وقالي : تعرفي ان يوسف دايما بيضحك ع ريأكشنات وشك لما تكوني ف وضع الاذبهلال دا 😄
= هو هو انت بتتكلم بجد 🥺 يعني اللي انا سمعته دا بجد 🥺 هنروح ليوسف فعلا 🥺
هو احنا رايحين ليه ؟
هنحضر حفل تخرجه ؟
هو لسه متضايق مني ؟
طيب هو عارف اني رايحه معاكوا ؟
طيب هو مش هيتضايق منك اول م يشوفني وانك سمحتلي اروح معاكوا ؟
- اييييه دا بس بس يا نور
حيلك حيلك ايه كل الاسئله دي..
متقلقيش يوسف اصلا هو اللي كان مستني اللحظه دي م 4 سنين
= ها 😳
-لا مش وقت ازبهلال مفيش وقت ورانا سفر ومعاد طياره.. ولما نوصل اعرفي م يوسف كل حاجه..
وصلنا فعلا وحضرنا تخرج يوسف..
ومجرد م وقعت عيني عليه اتصدمت..
يوسف شكله كان متغير تماما..
حسيت ان كل اللي حواليا كانوا سامعين صوت ضربات قلبي..
كنت ببص عليه بس حاسه ان عيونه بتهرب مني ومش بيبصلي ف كان قلبي بيتقبض وخوفت..
اخدت جنب ووقفت لوحدي وكنت عاوزه اعيط بس سمعت صوت حد جاي م ورايا وبيقول : تعرفي ان معنى اسم نورسين هو ضوء القمر..
اهو اختيار اسمك دا هو الحسنه الوحيده اللي اهلك عملوها معاكي غير انهم جابوكي للدنيا علشان تكوني ليا ومعايا..
انا كل دا كنت واقفه مكاني ومقدرتش الف ابص ورايا وكأن جسمي كله اتخشب تماما..
بس هو مع نطقه لجمله تكوني ليا ومعايا كان واقف قدامي بالظبط..
وهو اقرب قدرت الاحظ التغييرات اللي ظهرت ع ملامحه بس لسه عنيه فيها المرح والشقاوه اللي مكانوش بيظهروا ف المدرسه بس انا قدرت الاحظهم بوجودي في بيته وسط اهله.. | 4 837 |
| 12 | اخواته ومامته مكانوش محجبات..
كنت مستغربه ف الاول بس لما عرفت طريقة تفكيرهم راح استغرابي..
المهم ان يوسف قالي : متركزيش مع كلامهم وادعيلهم ربنا يهدي قلبهم زي م هدا قلبك..
سألتهم : هو حتى المسلم بندعيله بالهدايه مش خلاص كدا اسلم ؟
رد الجد وقالي : للاسف م اكتر الناس اللي محتاجين الدعوه دي هما المسلمين نفسهم..
ربنا يهدينا جميعا ويثبتنا ع طريقه..
وفجأه يوسف اتكلم مع الجد وقاله جمله بالعربي..
فجأه بقى نفشت ريشي واخدت وضعي في الكرسي اللي قاعده عليه وابتسمت بكل ثقه اول م الجد بصلي وقبل م يتكلم قولتله : ايوه اغتسلت الحمد لله ونطقت الشهاده بس مش عارفه نطقي ليها كان صح ولا غلط..
انا قولت الجمله دي بمصري مكسر اه بس مفهوم..
المهم انهم اتفاجئوا هما الاتنين
دا انا م نظرة التعجب اللي كانت ع وش يوسف بس كان نفسي اقوم اقف وافضل اتنطط واقول يس يس يس
واخيرا هتفهم اني طول الفتره اللي فاتت كنت بفهم معظم كلامك بس كنت عامله فيها ناصحه وسكت واستنيت اللحظه الحاسمه لحظة تحقيق النصر واهي حصلت😌
لاقيت يوسف بص لجده وقاله : والله لو حللنالها هنلاقي عندها جينات مصريه😂
ضحكت.. يااه انا بضحك انا بقيت بفهم معظم كلامه لا وكمان ألش المصريين..
ضحكنا شويه..
ورجعنا لموضوعنا الاساسي والجد طلب مني اسمَّعله طريقة الاغتسال والوضوء
انا كنت سألته عليها قبل كدا وكنت عملت سيرش عنها وحفظتها ونفذتها بالنص..
ولما اتأكد اني عملت كل حاجه صح ردد الشهاده
- أشهدُ
= أشهدُ
- أن
= أن
- لا إله
= لا إله
- إلا الله
= إلا الله
- وأشهدُ
= وأشهدُ
- أن محمدًا
= أن محمدًا
- رسولُ الله
= رسولُ الله
الجد كان بيردد وانا بكرر وراه.. حد فيكوا حس بالقشعريره يا جماعه..
انا للحظة دي بحس بيها كل م بنطق الشهاده..
احساس لا يوصف..
بكيت وانا بردد الشهاده وكنت شايفه دموع يوسف والجد وهي نازله في صمت ع وشهم..
جميل الاسلام وعظيم..
جميل البكاء من خشية الله..
جميل ان الانسان يحس انه دخل في كنف الله ورحمته..
م اللحظة دي دخل السكون والهدوء والسلام لحياتي رغم الابتلاءات اللي لسه هتمر عليا..
صليت اول مره في حياتي ورا يوسف والجد ووالدت يوسف واخواته البنات..
رغم كل تفكيرهم
بس الصلاه كانت الزاميه في البيت..
احساس السكينه.. احساس الانفصال عن العالم ..
احساس الأمان وف نفس الوقت الشعور بالرهبه اني واقفه بين ايدين ربنا..
ويااا الله ع اول سجده لله.. احساس لا يوصف..
والعجيبه اني عرفت بعد كدا ان حرفيا كل اللي بيدخل جديد ف الاسلام بيمر بنفس اللي مريت بيه
م وقت سماع القرآن وتأثر القلب بيه
لوقت سماع سيرة الرسول والعظمه والرحمه والصدق اللي فيها
لوقت نطق الشهاده
لوقت اول سجده
لوقت تعلم وحفظ اول سور قصيره علشان نقدر نصلي بيها..
انتوا متخيلين اني كنت هيأت نفسي وحفظت كذا سوره بالسمع بس لمجرد اني افاجئهم بإني هقدر اصلي معاهم وان تعليم الجد ليا أتى بثماره فعلا..
كنت بحب اوي اني اعمل عادة يوسف والجد بعد كل صلاه واقعد استغفر ع صوابع ايدي..
كانت المشكله بس وقت رجوعي للبيت لاني كنت خايفه بابا او ماما يشوفوا الحجاب
ف كنت لما بقرب ع البيت واول م الاحظ ان مفيش حد شايفني كنت بقلع الحجاب احطه ف شنطتي وادخل جررري للبيت..
استمر الوضع ع نفس الحال وكان مر ع معرفتي بيوسف واهله اكتر م سنه وخلاص بنقرب م الامتحانات ونهاية الثانويه..
واخيرا هيختفي الهم اللي كان ع قلبي وهو سر التحدي
بس للاسف مع اخر يوم للامتحانات كانوا الطلاب بيحتفلوا ف قرروا انهم يطلعوني انا مسرح ب انهم اشاعوا ف المدرسه كلها اني فشلت في التحدي وان الثانويه خلصت خلاص وانا فشلت اوقع يوسف..
رغم اني كنت بعدت عنهم اصلا واخدت جنب منهم وطبعا مفيش حد عرف ب اسلامي لان ف مدرستي ممنوع ان حد يظهر اي حاجه ليها علاقه بالعقائد والافكار الدينيه
يعني لا حجاب ولا صليب ولا غيرهم..
بس كنت تجنبتهم م اول م عرفت جد يوسف..
بس اتهد المعبد ع دماغي للاسف وفضلت ادور ع يوسف ملقتهوش..
رجعت بسرعه ع بيته بس الجد اللي قابلني وسألني هو يوسف ماله ف عرفت ان يوسف عرف بس محكاش لجده حاجه..
بس انا كنت اتعلمت الدرس اني مينفعش اخبي حاجه لاني طالما خبيت ف هي بكدا غلط..
ف حكيت لجد يوسف كل حاجه وانا ببكي
بس قررت اكون صريحه وحكيتله كل حاجه بالتفصيل واعترفتله بكل حاجه.. كل حاجه حرفيا بما فيها مصارحتي ليه بتعلق قلبي بيوسف..
ومكنتش اعرف ان يوسف ف اللحظه دي كان سامع كل كلامي..
الجد قدَّر موقفي وتفهمه جدا واني طالما خرَّجت الفعل دا م دماغي م زمان واقريت انه غلط وبعد دخولي ف الاسلام ومعرفتي انه حرام ف انا استغفرت ربنا عليه ف خلاص ازاي ربنا يكون غفرلي كل اللي حصلي في حياتي قبل الاسلام
وهما ميقدروش انهم يغفرولي غلطه واحده
بالعكس هو كمان كان شايف ان الغلطه دي كانت شر بس نهايته كانت الحمد لله فيها فرحه ليا وليهم..
الجد قالي اني ارجع للبيت وهو هيتكلم مع يوسف.. | 3 671 |
| 13 | انا طول الوقت اللي فات دا وم قبل دخولي ف التحدي وبعده كمان مكنتش متعلقه بيوسف ولا شايفاه اصلا..
كان ليا غرض محدد منه وهو اني اكسب التحدي وبس..
لكن الغرض دا كان انتهى م فتره كبيره بسبب الجد..
بس كنت كل م بقضي وقت معاهم اكبر كل م بلاحظ ان قلبي بدأ يتعلق بيوسف اكتر..
بس كنت متأكده ان مستحيل اننا نرتبط حتى لو انا دخلت الاسلام...
في وسط يوسف وعيلته عرفت يعني ايه أمان..
يعني ايه سعاده وفرحه وصوت ضحك طالع م القلب..
شوفت منهم اهتمام ورعايه وخوف وقلق عليا..
ودا تحديدا كان بيقبض قلبي اكتر انهم يكتشفوا سري في يوم وبكدا مستحيل هيقبلوني وسطهم تاني..
قضِّيت وسطهم فتره كبيره..
حضرت معاهم رمضان والأعياد..
كنت اول مره اعرف عادات المسلمين وأعيادهم..
ولا مره حد فيهم فاتحني في دخولي للاسلام..
وولا مره حد فيهم ضغط عليا في حاجه..
بس كانت دعوة جد يوسف ليا ان ربنا يدخل النور لقلبي..
بس اللي مكنتش منتبهه ليه ان السواد اللي كان متراكم ف قلبي كان بيتغير واحده واحده..
بدأت احس ان في قوة عظمى هي اللي بترتب كل الاحداث دي..
اصل اللي حصل معايا دا كله مش حظ
لا هو قوة اكبر م الحظ..
بدأت اآمن ان في خالق للكون...
جد يوسف كان بياخدني مع يوسف واخواته نعمل كامبين ويقولنا اننا نقعد ونتدبر عظمة الخالق..
وكنا بنقضي كذا يوم وسط مرتفعات مفيش حواليها اي مباني او اي تدخل لايد البشر..
بدأت احس بإن في شعاع م النور بدأ يتغلغل ويوصل لقلبي ويملاه..
كنت بدأت افهم المصري نوعا ما..
بس لما كنت بسمع القرآن مكنتش بفهم ولا كلمه فيه..
بس الاغرب هو الشعور اللي كان بيجيلي كل م بسمعه..
شعور بين السكينه والامان والخوف والبكاء..
مش فاهمه ايه تضارب المشاعر دي بس انا اكتشفت ان كان ليا عاده يوسف هو اللي نبهني ليها
وهي اني مجرد م كنت اسمع صوت القرآن كنت بفضل ماشيه ورا الصوت لحد م اوصل لمصدره واقعد قدامه ع الارض ف وضع السكون بس بعد فتره كان جسمي ينتفض وابكي..
بقيت اكره اني ارجع بيت بابا وماما بس ف نفس الوقت معنديش شغل ولا مكان اقدر استقل فيه..
ف كنت برجع البيت ع النوم..
في الوقت دا قلبي كان بيتعصر..
في قوه عظمى بتشدني لطريق الدين..
اتعلمت ان الدين هو الاسلام
لان معنى اللي مؤمن بالاسلام مؤمن بجميع الشرائع اللي نزلت م عند ربنا..
ربنا.. ايوه انا كنت خلاص بعقلي وقلبي آمنت بوجوده..
كنت بفضل اسأل نفسي امتى هتمشي ورا قلبك وعقلك بردو وتؤمني بالاسلام ؟!
عقلك وقلبك هما الاتنين متفقين.. ف ليه مأجله الخطوه ؟!!
كنت سمعت من الجد شرح عن آيه تخص المنافقين..
بس مش عارفه ليه كنت مصنفه نفسي منهم..
دا كان مدخل الشيطان لقلبي وعقلي
بإني بعمل كدا علشان اداري ع السر اللي موقعه نفسي فيه او اني بعمل كدا علشان يوسف يتعلق بيا..
كنت محتاره.. بس دعيت ربنا..
انا مؤمنه بيك ومش عاوزه في يوم اوصل لنفس الحاله اللي وصلها بابا وماما..
انا عاوزه افضل عايشه في نفس السلام والحب والرحمه اللي حسيتهم وشوفتهم م الجد..
انا عاوزه يبقى ليا بيت دافي واسره وناس بتخاف وتقلق عليا وبتهتم بيا وبتراعيني..
وفي يوم كان الجد بيحكي عن عمر بن الخطاب..
انا كنت بحب اسمع عن سيرة النبي محمد عليه الصلاة والسلام
وكنت متأثره ومتعلقه بيه جدا
وقلبي كان مندهش من علاقته بالصحابه
خاصة ابو بكر الصديق ويااا عظمة الموقف اللي اتحط فيه وقال للرسول بأبي وأمي أنت يا رسول الله وانه كان مستعد يفديه بروحه..
كمان التنافس اللي كان بينه وبين عمر بن الخطاب..
مش عارفه ليه كان كل م الجد ينطق اسم عمر بن الخطاب ملامح وشي كلها تبتسم ووداني تطرطأ علشان استقبل جمال مواقفه..
الجد كان اسلوبه في القَصص رائع جدا..
كل حرف كان بيقوله كان بيدخل قلبي..
وجات اجمل لحظات حياتي وأهمها وهي لحظة م خلاص قررت اني هبطل جُبن وهطرد الشيطان م قلبي وعقلي
وقررت اعمل للجد مفاجأه..
وصلت عند بيت الجد ورنيت الجرس ولما الباب اتفتح ظهر منه يوسف اللي فضل باصص ومتنح تماما ومش عارف ينطق وفضلنا باصين لبعض وواقفين..
ولما طولنا الجد لاحظ انه اتأخر وكان بينادي عليه بس يوسف مش بيرد
ف وقف جنبه عند الباب واول م شافني ف ثواني معدوده لاقيت دموع الجد ع خده..
انا كنت مستغربه.. ليه الجد بيبكي وليه يوسف تنح شويه وبعدين لاحظت دموعه هو كمان هو في ايه ؟!!
انا توقعت انهم ممكن يفرحوا بس مش يبكوا !
لاقيت نفسي بقولهم : انا اسفه .. هو انا عملت حاجه غلط ولا ايه ؟!!!
مكنتش اعرف ان هداية شخص ع ايد مسلم ودخوله للاسلام صعبه علشان كدا ثوابها عظيم عند ربنا ومش بتحصل لاي حد..
هما عرفوا اني اسلمت م الحجاب اللي كان ع شعري وم لبسي اللي كان مغطي كل شبر في جسمي..
قعدنا في البيت ومجرد م طنط مامت يوسف شافتني حسيتها مستغربه بس مقالتش اي حاجه خالص..
بس اول م اخواته البنات شافوني مقدروش يداروا ضيقهم وقالولي : بردو مشيتي ورا كلام جدو وكمان حطيتي القرف دا ع شعرك ؟
دا اسمه حجاب لانه بيحجب الذكاء والفهم والتطور عن عقلك.. | 3 015 |
| 14 | اكتشفت اني طول الوقت دا كنت متأثره بالجد جدا وكنت مستمتعه بطريقة كلامه معايا واهتمامه واحترامه وتقديره ليا ..
انا شوفت فيه جدي وأبويا..
انا عمري م شوفت جدودي الحقيقيين .. ووالدي زي م حكيت عنه ف اول جزء مكانش موجود في حياتي وجود الأب ف حياة بنته..
للسخريه بقى ف انا ف اللحظه دي تحديدا سمعت صوت بابا واكتشفت انه مش لواحده ومعاه واحده تانيه..
حسيت لأول مره بالاشمئزاز والتقزز والقرف م الحياه اللي اهلي منغمسين فيها..
دي مش حريه .. دا قرف..
لاقيت نفسي بجري ع الحمام وبرجع..
الانسان بعد م بيجرب انه يعيش وسط النضافه بيعرف اد ايه هو كان عايش في بيت كله قذاره وقرف وتصرفات مثيره للغثَيَان..
رجعت لسريري انكمشت فيه ع نفسي ورجعت ابكي لحد م نمت وانا مش بتمنى حاجه غير ان الزمن كان يرجع بيا لورا والغي موضوع التحدي دا وم انطقش بيه وسط اصحابي..
صحيت تاني يوم وانا اثار البكاء لسه ع وشي وكنت خايفه جدا اروح المدرسه لاني مكنتش متوقعه رد فعل يوسف اول م يشوفني فيها..
هل هيكلمني ولا لا ؟
بس بما ان مينفعش اغيب م المدرسه تاني
قومت جهزت نفسي ووقفت قدام المرايه اخدت نفس عميق
ونزلت روحت للمدرسه..
طول اليوم كنت بحاول اتحاشي ان يوسف يشوفني..
لحد م انتهى اليوم الدراسي وخرجت بسرررعه قبل م جد يوسف يوصل لاني كنت قلقانه انه يقف يستناني..
رجعت البيت وجريت بسرعه دخلت اوضتي وفضلت اكرر لنفسي ان دا مش هينفع
انا لازم احط حد لكل دا
ف قررت اني اعترف لجد يوسف بكل حاجه وكنت شايفه ان شخص حكيم زيه هيتفهم ان اللي انا عملته وقولته كان تصرف اهوج مني وفي لحظة يأس وغضب وانهم اكيد هيسامحوني..
بس ف اللحظه دي التليفون رن ولاقيتها اخت يوسف..
كانت بتأكد عليا معادنا بكره وانها متحمسه تعلمني عربي..
انا كنت مستغربه اخواته جدا..
هما كانوا بيحسدوني ع الحريه اللي م غير حدود اللي اهلي سامحنلي بيها..
لما زورتهم وقعدت اتكلمت معاهم قولتلهم ان انا اللي بحسدهم ع جو الاسره والدفا اللي فيها..
-جو اسره ودفا ايه بس ! مفيش احلى م الحريه وانك تخرجي وترجعي براحتك م غير م حد يقولك اخرك بره الساعه كذا.. ولبسك دا مينفعش..
واسلوب كلامك محتاج يتغير..
وصلي صلي صلي..
البسي الحجاب وغطي شعرك امتى هتكوني محجبه حرام كدا..
ولا حد يقولك بلاش سهر بلاش حفلات وقمة التخلف بقى ان بلاش بوي فريند..
غريبه مفيش حد راضي بحاله ابدا..
انا كان نفسي اكون مكانهم وهما م كلامهم انهم نفسهم يكونوا مكاني..
بس يمكن لاني جربت حياتي وحياتهم ف انا عرفت الفرق الشاسع بين الحياتين
الفرق بين القذاره والنضافه..شتان الفرق بصراحه
مهما حاولت اقنع فيهم كانوا مصرين ع رأيهم ..
ف كبرت دماغي منهم بس اتعلمت حاجه مهمه وهي ان ممكن اسره واحده يحصل فيها انقسامات واختلافات..
ف شوفت ف اخواته حياة أمي وسط اهلها المسلمين قبل م تهاجر وتخرج م دينها..
بدأت احس بالشفقه عليهم وم اتمنيتش ابدا انهم يوصلوا لنفس مصير أمي في يوم..
بدأت اتعلم منهم العربي بس مش كتابه ولا قراءه..
انا تحديدا كنت بتعلم منهم المصري
هما اصلا مش معترفين انها دوله عربيه وشايفين اساسها الحضاره المصريه القديمه وان حصلهم احتلال م عمر بن العاص لما دخَّل الاسلام لمصر وافكار تانيه مختلفه تماما عن افكار وكلام جدهم..
انا كنت بسمع منهم وبسمع منه..
بس كنت بنفُر م اي معلومه بسمعها منهم لان اسلوبهم ف الكلام نفس اسلوب وتفكير ماما..
ف كنت خايفه عليهم م افكارهم لاني شوفت نتيجة ومصير اللي بيمشي ف الطريق دا للاسف..💔
المهم اني كل مره كنت بحاول استجمع شجاعتي علشان احكي للجد عن التحدي المقرف اللي كنت دخلت فيه بس شجاعتي للاسف كانت بتخوني..
بس الفكره ان ربنا قدرلي كل دا علشان اتعلم من جد يوسف..
الجد المهذب المحترم المثقف جدااا كل حاجه عن الشرائع السماويه..
مش بس الدين الاسلامي..
لا هو كان دايما يقولي ان الشرائع كلها بتكمل بعض وبالاسلام اكتملت تماما..
علشان كدا المسلمين مؤمنين بكل الانبياء والرسل اللي ربنا بعتهم لهداية الناس..
اغلب كلام الجد كنت بحس انه فوق مستوى فهمي وعقلي.. بس قلبي كان حاسس بالتغيير..
اصبح في سلام نفسي في حياتي يا جماعه..
انا عمري م عرفت معنى السلام..
الجد كان علمني تحية المسلمين وانها دلاله ع ان دينهم شعاره واساسه السلام والرحمه..
انا اصبحت شبه مقيمه في بيت يوسف..
بقعد الاول مع اخوات يوسف اتكلم معاهم واتعلم منهم المصري..
وبعدها اقعد مع الجد اللي صوته اصبح مصدر سلام وامان نفسي لقلبي..
قلبي.. انا قلبي بدأ يتعلق بالجد وكلامه وبدأت شويه بشويه اتعلق بعاداتهم عن الاسلام زي منظر الجد ويوسف وهما بيصلوا..
كنت بحس انهم مجرد م بيدخلوا ف الصلاه بينفصلوا وبينعزلوا عن العالم كله..
بس قلبي بردو كان بدأ يتعلق بيوسف.. | 2 890 |
| 15 | بس هنا الجد فهمني ان ريأكشنات وشي وتعليقاتي تشبه روح المصريين شويه..
اللي هو ريأكشن وشي بيتغير بسرعه واني ببقى ف وضع القطه وقت م خلاص هتنقض ع حد مجرد م يوسف بيتكلم بالعربي..
هو بصراحه انا مكنتش فاهمه اي حاجه بردو ولا كنت فاهمه مين روح المصريين دي..
ف كنت بهز راسي وخلاص..
يوسف اتكلم عربي تاني بس لاقيته بسرعه ترجمها انجلش وهو بيقولي انه متأكد ان عندي عرق مصري..
انا مش فاهمه المصريين اللي بيسمعوني دلوقتي فهموا هما حكموا عليا بكدا ع انهي اساس او لا..
المهم اننا اتجمعنا ع ترابيزه واحده علشان ناكل..
ولاحظت انهم احيانا بيتكلموا ف نص الكلام مع بعض بالعربي..
حسيت اني صدعت م كتر م مكنتش عارفه اركز ع الكلام ولا اركز ع التون اللي بيتنطق بيه..
انا اصلا استغربت ان كلهم بما فيهم الجد مولودين بره مصر ف ازاي وليه بيتكلموا مصري !!
بس انا اخدت قرار ان لو علاقتي بالعيله دي هتستمر لفتره يبقى لازم اتعلم لغتهم..
تحت مبدأ اعرف لغة عدوك 🤨
بس ثانيه اجيب حد مصري منين علشان يعلمني 🙆♀️
وهنا خطرت ع بالي فكره..
الجد يكون بيعلمني عن العرب وثقافتهم وتاريخ الاديان
واخوات يوسف يعلموني مصري ف بكدا اكون قدرت ادخل البيت دا لوقت اطول..
بصيت فجأه ع يوسف وجده لاقيتهم كانوا بيبصولي وبيضحكوا ف عرفت ان اكيد مرسوم ع وشي ريأكشنات 🙂 واضح انهم عازمني النهارده يتسلوا عليا 🙂
ابتسمتلهم وانكمشت ع نفسي..
خلصنا اكل ف بدأت اساعد في دخول الاطباق للمطبخ.. ومجرد ما لاقيت ساره اخت يوسف بتتكلم معايا قولتلها : انا فكرت في كلامك عن العرب وثقافتهم ورجعيتهم..
بس جدك وهو بيشرحلي بيتكلم عربي احيانا
كمان الكتب اللي بالانجلش مش هتديني تفاصيل كتير عنهم ف قررت اتعلم عربي.. وبكدا اعرف لغة اعدائي
تعرفي مكان اتعلم فيه ؟!
قولت كلمة اعدائي وانا ببصلها بحذر وبراقب ملامح وشها ووووو بينجووووو
الكلمه جات ع هواها واصبح هدف في مرمانا اول م قالتلي : انا ممكن اعلمك عربي..
حلو الحظ مكمل معايا كويس جدا...
قضِّيت اليوم لاخره معاهم وكنت مستمتعه جدا وحسيت لأول مره بجو الاسره ودفاها..
دي كانت اول مره في حياتي اقعد ع سفره واحده مع حد وآكل..
م وانا طفله وانا كنت اتعودت ع الأكل لوحدي..
بس طلع ان الاكل وسط اسره بيفتح الشهيه جدا..
ورغم ان اسرة يوسف يبان فيها اختلافات في وجهة نظرهم الا اني لمست روح الاسره معاهم..
في اخر اليوم الجد قالي انه هيوصلني لبيتي ..
وقفت اتكلم مع اخوات يوسف لحد م الجد يخرَّج العربيه م الجراج
اتفقت مع اخته ع الاوقات اللي هاجيلها فيها تعلمني عربي..
اتفقنا وودعتهم..
ومجرد م خرجت م الباب ورايحه افتح باب العربيه لاقيت يوسف قاعد ف العربيه جنب جده..
فضلت باصه وانا مش فاهمه حاجه ف لاقيت يوسف بص لجده وهو بيقوله كلام بالعربي..
ثانيه دي نفس الكلمه اللي قالها اول م شافني..
وهنا لاقيت نفسي بشاور عليه وانا بقول :دي نفس الكلمة 🤨
بس لاقيتهم ضحكوا م تاني ف انكمشت ع نفسي وجَرِّيت نفسي فتحت الباب اللي ورا وقعدت ع الكنبه وانا منكمشه ع نفسي تماما..
ايه اللي جايبه معانا دا !🤨
وكأن الجد قرأ افكاري ف قالي : بعد م نوصلك هروح انا وجو نشتري حاجات للبيت..
ابتسمت وسكت ..
بس لاقيت الجد بيسألني سؤال وقَّف شعري لما قالي : ممكن ابقى اعدي عليكي اخدك للمدرسه مع يوسف وترجعي معانا بردو..
ايييه اللي خلاك تجيب سيرة المدرسة دلوقتي بس..
دا انا م صدقت اليوم خلص ع خير ..
يسكت الجد.. ااابدا.. راح مكمل وسأل يوسف : لسه بردو م افتكرتش انك شوفت نورسين في مدرستك قبل كدا ؟!
استنيت اجابة يوسف وانا قلبي بيدق جامد بس لاقيته هز راسه ب لا وخلاص ..
مكنتش عارفه افرح انه م افتكرنيش بسبب الكلام اللي بيتقال عني في المدرسه
ولا ازعل لانه ملاحظنيش ولا اهتم انه يسألني عن اي حاجه !!
لاقيت الجد بيكرر كلامه ليا بإنهم هيعدوا عليا الصبح للمدرسه..
لسه ههز راسي انا كمان ب اه اوك..
بس فجأه قوت بصوت عالي : لا لا انا بحب اروح بالاسكوتر..
حسيت انهم اتخضوا م صوتي واني فزعتهم..
كملت كلامي : انا بحب طريق المدرسه وبيساعدني اصفي ذهني وافكاري..
قولت بيني وبين نفسي اه افكاري الشيطانيه..
انا لما اتخضيت وقولتله لا كنت افتكرت حاجه مهمه كنت مسقطاها تماما وهي ان لو حد واحد م المدرسه شافني وانا نازله مع يوسف م عربية جده الموضوع هينتشر ف المدرسه كلها
وهيوصل ليوسف التحدي اللي كنت عملاه عليه..
كل م اتخيل ان هو وجده ممكن يعرفوا حقيقتي والسر اللي ورايا كان قلبي بيتقبض وبنكمش ع نفسي اكتر..
وصلوني للبيت واول م طلعت اوضتي قلعت صندلي ونمت بلبسي ع السرير وفجأه دخلت في نوبة بكاء..
انا مكنتش للحظه دي مهتمه لسه بتاريخ العرب ولا الدين ولا اي حاجه لسه..
والاعجب اني مكنتش حتى بفكر ف التحدي اللي كنت داخله فيه ع يوسف.. | 4 230 |
| 16 | تفكير كتيييير دماغي كانت هتنفجر م كتر التفكير والاسئله اللي كانت ماليه راسي..
والخوف والقلق اللي كانوا عمالين يزيدوا في قلبي..
بس ها قد حانت اللحظة الحاسمه
نزلت م التاكسي قبل البيت بشويه وبدأت اتمشى شويه لاني كنت حاسه اني هيغمى عليا..
دخلت ساحة البيت ووقفت قدام الباب وترن ترن ترن
مش عارفه دا كان صوت جرس الباب ولا صوت دقات قلبي اللي بيدق بسرعه جدا..
حد بيقرب م الباب علشان يفتح وانا بحاول اقف متماسكه وبحاول ابتسم
بس بمجرد م الباب اتفتح تنحت😳
يوسف هو اللي فتحلي الباب
بس كانت الصدمه الاكبر اول م فتح بؤه وقال : نورسين ؟!
انا اتصدمت وكنت هعيط 🥺
ايه دا ي عم متفقناش ع كدا انت عرفتني ازاي 🥺 دا انا سُمعتي في المدرسه زي الزفت 🥺
بس انتبهت ع كلامه وهو بيسألني : انتِ نورسين صح ؟!
مفهمتش حاجه ف وقفت متنحه لحد م سمعت صوت الجد وهو بيسأل : نورسين جات يا جو ولا لسه ؟
مين اللي ع الباب ؟!
لاقيت يوسف اخد جنب وكان بيقوله بصوت واطي بالعربي: مش عارف واحده واقفه بره متنحه م ساعة م فتحتلها الباب !
انا مش فاهمه كلامه بالعربي بس واضح انه بيتريق ولا بيستهزأ بيا دا ولا ايه ؟ اصل ليه هيكلمه بالعربي 🤔
طبعا انا كل دا واخده وضع الصامت ومتنحه وبس..
لحد م ظهر جده واول م شافني قال: دي نورسين.. موقفها ع الباب كل دا ليه.. اتفضلي اتفضلي..
رد سي جو وقاله : م هي اللي واقفه متنحه اعملها ايه 🤷
الواد دا بيتكلم عربي ليه .. انا حاسه اني بتشتم 🤨
اتحولت ملامح وشي وانا مش واخده بالي وملاحظتش غير لما جده قرب عليا وسألني وهو بيضحك : مال وشك عامل كدا ليه وكأنك بتستعدي وهتدخلي خناقه😂
= هو كان بيقول ايه ؟!
-مين ؟!!
=اللي فتحلي الباب دا 🤨 عمال يتكلم بالعربي ليه اكيد كان بيشتم عليا 🤨
-ههه لا لا مفيش شتيمه ولا حاجه .. اهدي بس..
انتي بس كنتي واقفه ومتكلمتيش ف هو بيقول انك كنتي واقفه مصدومه ومش بتردي..
=بس كدا ؟!
-ايوه
=ماشي
قولت ف سري بدايه غير موفقه بالمره..
بدأ الجد يعرفني ع والد يوسف ووالدته واخواته البنات..
اليوم دا كان اجازه ف الكل كان في البيت بدري وكانوا عازمني ع الغدا..
عرفت ان الجد حكالهم هو قابلني ازاي وقالهم انه بيشرحلي تاريخ العرب والأديان..
بس لاقيت اخت يوسف الكبيره قعدت جنبي وقالتلي : مالك ومال العرب وثقافتهم ولا تأخرهم وتشددهم..
ازاي عشتي ف دول اوروبيه كتير زي م جدي حكالنا عنك وجايه بعد م عشتي ف النضافه دي تفكري ف الناس المتخلفه دي !!
انا كنت بصالها وانا مندهشه.. طريقة كلامها كانت هجوميه وفيها عداء كبير ليهم..
بتفكرني بحد.. اه صح دي بتتكلم بنفس طريقة كلام ماما بالظبط ونفس وجهة نظرها تقريبا..
كنت مستغرباها بس دخلت ع الخط الاخت التانيه ليوسف وأيدت رأي اختها وقالتلي : خديها نصيحه مننا ابعدي عن جدو وانسي كل الكلام اللي قالهولك وإن كان ليهم حضاره وانهم كانوا متقدمين في وقتٍ ما..
وان المسلمين كانوا وكانوا وكانوا..
متصدقيش كل الهبل دا.. جدو بس بيحب يعَيش نفسه ف الوهم..
انا بقيت ابص ع الجد وارجع ابصلهم وانا مستغربه ازاي دول احفاد دا ؟!
كان واضح جدا انهم شايفين كل افكار جدهم رجعيه متخلفه وان في توتر في العلاقه بينهم..
بس كان واضح ان في ود وتفاهم وكيميا بين يوسف وجده..
منظرهم مع بعض وهما بيتكلموا وهما واقفين في جنينة البيت يشووا
حسيت للحظه اني بحسد يوسف ع وجود شخص زي دا في حياته..
كنت صدعت م كلام اخواته البنات ف سيبتهم وروحت وقفت جنب الجد
وسألته : مش محتاج مني اي مساعده ؟!
-ممم بتعرفي تعملي ايه تساعدينا فيه ؟ تجهزي السلطه ؟!
وهنا يوسف م تاني اتكلم بالعربي..🤨
انا اخدت ريأكشن العدائيه وانا ببصله وانتبهت لما الجد ضحك وقالي : بطلي تاخدي الريأكشن دا 😂
جو بيقول انك ضيفه ف بلاش نتعبك معانا..
قولت بصوت واطي : طيب م يتكلم انجلش لازم يعني يتكلم لغه تانيه مش مفهومه 🤨
بس لاقيت يوسف بصلي فجأه..
انا انكمشت ع نفسي وقولت هو سمعني ولا ايه 🥺
بس فجأه لاقيته بص لجده وابتسم واتكلم تاني بالعربي
رجعت اخدت ريأكشن العدائيه 🤨
وفجأه بصولي هما الاتنين ولاقيتهم مسخسخين ع نفسهم م الضحك..
ايه الهبل دا بقااااا.. حاسه ان مشاعري عماله تتخبط معاهم ومش قادره استقر ع حاجه..
يعني اكشف ع نفسي ولا اخد وضع الهجوم ولا اعمل ايه بالظبط ؟
بس حسيت اني متضايقه..
ولما الجد لاحظ اني اتضايقت لاقيته قرب مني وقالي : انتي قولتيلي ان اهلك اصولهم العربيه م انهي دول بالظبط ؟!
= ليه مش فاهمه ايه علاقة اصولي العربيه دلوقتي ؟!
- يوسف مصمم ان اكيد ليكي اصول مصريه 😂
= دي حاجه حلوه ولا وحشه .. ازعل يعني ولا افرح ولا اعمل ايه ؟!
لاقيتهم ضحكوا تاني
هو انا بلياتشو واقف قدامهم ؟!!
هي الناس دي مالها 🤨 ولا اللحمه اللي بتتشوي دي محطوط فيها حاجه ولا ايه 🤨 | 3 325 |
| 17 | ركبت معاه وف الطريق سألني ع السؤال اللي كنت قلقانه منه وهو : بنتكلم كل دا ومعرفتش اسمك ايه ولا بتدرسي في ايه ؟
مفيش مفر خلاص كدا هيعرف اني في نفس المدرسه اللي حفيده فيها وأنا مكنتش عاوزاه يعرف دلوقتي..
ف كملت مهنتي اللي بدأتها وهي التمثيل وبدأت اعمل نفسي دايخه وموجوعه.. وهو واضح انه شخص حنون ف فضل يكرر عليا لو محتاجه اروح للمستشفى واخد رقم يقدر يوصلي م خلاله علشان يتطمن عليا..
وصلت البيت وأنا بتنهد م القلق والتوتر وف نفس الوقت كنت مبسوطه اني قدرت احقق الخطوه التانيه واللي تعتبر نقلتني نقله كبيره لأني بكدا قدرت اوصل لأهم مكان عند يوسف وهو بيته واصبح في علاقه بتوصِلْنِي مع اقرب شخص ليه وهو جده...
طبعا انا عارفه اني طولت عليكوا جدا بس انا لاحظت انكوا بتحبوا التفاصيل
كمان انا تخطيت تفاصيل كتير مع اهلي لاني هوجع قلبي وقلبكوا ف بلاش
لكن المهم ان معظم الاحداث بدايةً م التحدي ع يوسف للنهايه ..
بمعنى ان كل حاجه تخص يوسف عامة ف احداثه مهمه وبحاول بس اختصر الحوارت وهركز ع الحوارات المهمه..
جد يوسف كان اشترالي ادويه ومطهر ومراهم م الصيدليه واحنا ف الطريق لبيتي وكان عرف مني ان م كتر م انا لوحدي م غير اهلي معظم الوقت ف انا كنت اتعلمت م جارتي ازاي استخدم الاسعافات الاوليه..
وكمان كنت اخدت اسكوتر م عنده.. اكيد بتاع واحده م احفاده اللي هما اخوات يوسف البنات..
كنت حاسه م جوايا بطعم الانتصار حتى لو كان في بدايته وكنت شايفه ان الحظ كان في صفي جدا والامور مشيت افضل مما كنت اتوقع او اتخيل ..
في نفس اليوم بالليل جد يوسف رن عليا علشان يتطمن عليا..
دي كانت اول مره ف حياتي المس خوف وقلق حد عليا..
مش عارفه دي هرمونات ولا ايه.. بس انا بمجرد م قفلت معاه قعدت اعيط لوقت طويل.. مش قادره احدد السبب
بس يمكن لاني كنت حاسه اني مفتقده اوي لشعور زي دا..
وم بعدها بقى جدو يرن عليا بالليل مجرد انه يتطمن عليا ويقفل..
انا كنت غبت م المدرسه بسبب تعبي... بس لان ممنوع غياب عن المدرسه ف كنت بقلد صوت ماما وبكلم المدرسه اقول اي حاجه عن سبب غيابي..
انا اصلا ماما عمرها م كلمت مدرستي ولا اهتمت..
بمجرد م الألم والكدمات اللي كانت في جسمي قلوا كلمت جد يوسف وقولتله اني هزوره..
اتكررت زياراتي لبيته بس ولا مره دخلت جوه.. كل مره كنا بنتقابل ف الجنينه..
ولما حجج تغيبي عن المدرسه خلصت غيرت المعاد وقولتله اني هزوره بعد مدرستي
وهنا كان لا مفر م اجابتي ع سؤاله عن دراستي..
رديت عليه اني ف الثانويه..
وبما انها مدرسة ثانويه واحده اللي ف المحيط بتاعنا ف عادي ردة فعله كنت متوقعاها لما قالي اني مع حفيده في نفس المدرسه..
قالي ع اسمه وسألني لو اعرفه
وطبعا فضلت اتوه ف الكلام قال يعني مش واخده بالي وكدا..
جد يوسف م اول م عرفته وانا ولا مره رجعت م عنده ايدي فاضيه ابدا..
هو كان ملاحظ اني ضعيفه جسمانيا وعندي ضعف ونقص تغذيه..
ف كان متولي دور مهم بجانب انه بيعلمني ثقافات العرب وتاريخهم وتاريخ الاديان..
ف هو كان بيفضل يزغط فيا..
بدأت اصلا احب اليوم اللي بروحله فيه لان يكفي احترامه وتأدبه ف التعامل معايا واني لمست فيه حنان الأب والجد واهتمام ورعاية الأم..
ف هو كان شبه اتبناني او بلاش الكلمه دي الافضل اقول انه احتضني.. وبقى متكفل بمسؤلية مصاريفي م لبس واكل وخلافه..
بجانب تثقيفي..
خلاني بني ادمه م الاخر يعني..
انا لسه منتستش موضوع يوسف والتحدي بس بدأت اتناسى الفكره نفسها وبدأت اتشد اكتر لحكي الجد وطريقة سرده وكلامه عن العرب والأديان..
لليوم اللي خلاص عزمني فيه الجد ع لقاء هتعرف فيه ع باقي اسرته..
طبعا م وقت م بلغني باليوم والمعاد وانا قلبي كان شغال دق دق ومهديش ابدا..
انا مبقتش افكر ف يوسف زي الاول..
وغير كدا انا مستحيل ااذي جده فيه
خاصة وان واضح ان يوسف ملتزم دينيا زي جده ف مستحيل هيتورط معايا في علاقه..
كنت قلقانه جدا اني اروح اللقاء دا وقلقي الاكبر كان ان يوسف يعرفني.. بس ايه دا ثانيه يوسف اصلا مستحيل هيكون عارفني لاني زي م قولت مبيرفعش عينه في وش بنت اصلا..
بدات اطمن نفسي انه مش هيعرفني واني خلاص لازم اشيل فكرة التحدي دي م دماغي والغيها تماما..
بس ها قد حانت اللحظة الحاسمه وروحت بيت يوسف اللي لاقيته فتحلي الباب
وكاانت الصدمه لما لاقيته بصلي وقالي : نورسين !
🎀🎀🎀🎀🎀🎀
#نورسين الجزء التاني 👇
#نورسين p2
قلبي كان بيدق جامد جدا وانا في التاكسي وف طريقي لبيت يوسف..
دي هتكون اول مره ادخل بيته وكمان اول مره ادخل بيت مسلمين ومش عارفه هحس بفرق او اختلاف ولا لا..
هل يا ترى اهل يوسف هيتقبلوني زي م الجد تقبلني ولا لا ؟!
وهل يا ترى ممكن يوسف يكون لاحظني ف المدرسه قبل كدا ف يفتكرني..
طيب هيكون ظنه فيا ايه ؟!
يا ترى جده قاله اني معاه ف نفس المدرسه ولا لا؟
ويا ترى قاله ايه عني ؟
يا ترى يوسف هيقعد معانا ولا هينعزل زي م بيعمل في المدرسه ؟! | 2 653 |
| 18 | =لا هما مش بيتكلموا عربي غير وقت الخناق والشتم ف انا دي الكلمات الوحيده اللي اعرفها عن العربي...
حاولت اغير الموضوع ف قولتله
انتوا م أي بلد؟ وبتزوروها ولا لا ؟
-احنا من مصر.. وللاسف الابناء كل م بيكبروا بيبدأوا يرتبطوا بمكان هجرتهم وقليل لو زاروا البلد اللي اصولهم منها...
أنا كنت كدا مع أهلي بالتالي ابني كدا هو كمان.. بس لاحظت ان اغلب المهاجرين لما بيكبروا ف السن منهم كتير بيرجع ع بلده علشان يتدفن فيها أو بيوصي ان بعد وفاته يتدفن فيها..
= منطق غريب م طالما مش حابب بلده لدرجة انه هاجر منها بيرجعلها يتدفن فيها ليه ؟ ايه المميز في جثته انها تتحلل لحد م تبقى تراب فيها .!
-مش بالمنطق دا .. الانسان لما بيخرج م وطنه وبيبعد عنه خاصة بالهجره مهما رجعها زيارات هيفضل حاسس نفسه غريب ورغم كدا ف هو بردو ف المكان اللي هاجر ليه ف هو هيكون فيه غريب ف هيفضل لاخر حياته مُشتت ومش حاسس بإن في مكان متقبله .. علشان كدا بيقرر ان يكون مستقر جثمانه الأبدي في المكان اللي كانت أصوله منه.. أو دي وجهة نظري أنا..
=مممم هي وجهة نظر فعلا بس انا معتقدش ان أهلي ممكن يكون ليهم نفس وجهة النظر دي أو لا انا شبه متأكده انهم مستحيل يفكروا مجرد تفكير حتى انهم يرجعوا لبلادهم..
-تقصدي بسبب الحادهم ؟!
=مش بس كدا.. هما مش بس كفروا بالمعتقد الديني لا هما كفروا بكل العادات والتقاليد بتاعتهم ونمط حياتهم هنا مختلف..
-تعرفي حاجه عن نمط أو تقاليد العرب وعاداتهم وتقاليدهم ؟!
=ممم هو قليل اللي اعرفه بس بما ان عندك انتماء لاصلك وحنين ليه ف مش متأكده ان وجهة نظري عنهم هتعجبك..
-حاولتي تطلبي منهم انك تزوري بلادهم وتتعرفي ع أهلك وجدودك ؟!
=حاولت مره بس اتقابلت بهجوم ورفض
دا غير اني جايه م علاقه بره اطار الزواج وهما قبل ارتباطهم والحادهم كل واحد فيهم كان ع ديانه مختلفه عن التاني
والاختلاف دا كان كفيل انه يمنع ارتباطهم حسب ديانة كل واحد فيهم.. لكن هنا هما بحريتهم..
-انتي داعمه للحريه اللي بالشكل دا ؟!
=مقدرش اقول اه ومقدرش اقول لا.. لاني مشوفتش نمط حياه مختلف عن حياتي..
سكت شويه وبدأت اتكلم ببطء وانا بسأله: وانت بما انك في دوله اغلبها مش بيحب المسلمين ايه وجهة نظرك عن الاسلام ؟! عندك نفس الفكر والمعتقد دا ؟!
-بالتأكيد لا
=والسبب ؟!
-السبب اني بكل بساطه مسلم أبا عن جد..
بااااس خلاص كدا اتأكدت ان يوسف عربي مسلم.. ياااا حلاوه..
-اتضايقتي أو حاسه انك قلقانه أو مش مرتاحه ؟!!
=لا خالص أنا يمكن استغربت بس..
-وايه سبب استغرابك ؟!
=ممم اصل حضرتك يعني مهذب ف الكلام جدا وبتتناقش معايا ببساطه وبكلام منطقي..ف يمكن دا سببه تربيتك هنا بعيد عن أفكارهم..
-طيب وهي أفكار هنا فادتك مع أهلك أو خلت في تواصل بينكوا ونقط مشتركه وخلقت لغة تواصل بينك وبينهم ؟!
=تمام وصلتني وجهة نظر حضرتك..
-عاوزك بس تكوني مدركه لحاجه مهمه وهي ان مش الكل زي أهلك.. يعني مش الكل بيهاجر م وطنه هربا م المعتقد الديني والعادات والتقاليد.. في ناس تانيه كتير بتخرج منها بحثا عن تأمين مصدر دخل أفضل أو كل شخص وليه أسبابه.. بس غير كدا ف أنا عاوزك تتأكدي ان الشخص مهما هرب ف هو مش هيقدر يهرب م دينه لو كان راسخ في قلبه وعقله..
ودا تحديدا اللي خلاني سواء أنا أو أهلي نفضل مسلمين لحد اللحظة دي رغم اننا بعيد عن أصولنا العربيه م سنين..
=عندي سؤال..
-اسألي زي م تحبي..
=هو أنا ممكن اعرف من حضرتك أي معلومات عن العرب.. اللي هو طالما انا هنا مرفوضه ومش معترفين بانتمائي ليهم ف ع الاقل أكون عارفه معلومات عن أصلي..
-تفكيرك منطقي وسليم جدا.. أنا ممكن اقولك اسماء كتبه كويسه تقرأي فيها..
قولت بيني وبين نفسي ان كتب ايه لاا أنا كنت متوقعه ان يكون رده اني اقدر ازوره ف أي وقت ويحكيلي بنفسه.. فكرت لثواني وخطرت ع بالي فكره..
ف عملت نفسي متردده وبقطع ف الكلام وانا بقوله :طيب ممكن اطلب طلب كمان؟
-اكيد اتفضلي..
=عاوزه اعرف اكتر عن الإسلام بس للاسف مش هينفع من الكتب لأن ماما رافضه نطق حرف واحد عن الاسلام في البيت.. وأنا عاوزه اعرف ايه اللي فيه خلاها كرهت للدرجه دي وخرجت منه..
وهنا واخيرا نطق الجد باللي كنت مستنياه وقالي : خلاص مش مشكله تقدري تجيلي أي وقت تحبيه وهبدأ معاكي م البدايه خالص سواء عن العرب أو عن الأديان السماوية عامة لأن شرط اساسي ف الاسلام اننا مؤمنين بجميع الشرائع السماويه..
مكنتش فاهمه شرائع سماويه ايه ولا ايه اللي بيقوله دا لاني معرفش حاجه عن أي ديانه اصلا بس كان خلاص وقت انه يروح يعدي ع يوسف قرب وكان لازم امشي ..
حددت معاه معاد اقدر ازوره فيه واتفقنا ..
طلب مني يوصلني لبيتي بما انه ف طريقه يجيب حفيده م مدرسته.. كنت متردده انه يوصلني لبيتي بس ف النهايه انا فعلا تعبانه وكمان مفيش معايا مليم واكيد هتكسف اني اطلب منه فلوس.. | 2 634 |
| 19 | في اليوم دا كان يوسف ف المدرسه.. يعني الجد موجود لوحده..
ف أول م شوفت الجد خارج م باب البيت عملت نفسي بتوجع وبتألم مع شوية شحتفه ع عياط وساعد ع كدا ان صاحب العربيه مشي م غير حتى م ينزل يتطمن عليا..
ولاقيت جد يوسف بيقرب مني وبيقول بالعربي :لا حول ولا قوة الا بالله..
انا نسيت التمثيليه اللي بعملها ونسيت كل حاجه وركزت ف جملته..
أنا أينعم أهلي كانوا تخلوا عن هويتهم العربيه الا ف حاجه واحده بس وهي انهم كانوا بيشتموا بالعربي ف أنا ودني كانت قادره جدا انها تميز اللغه العربيه حتى لو مش فاهمه معنى الكلام اللي بيتقال..
وهنا بقى قولت أوووووه كدا ابتدت اللعبه اللي بجد..
وم هنا بدأت اكتشف اسرار عن حياة يوسف وعيلته..
سألني الجد بالانجليزي لو أنا كويسه أو حاسه بأي ألم..
ولأني كنت اخدت ثواني مش مركزه معاه ف هو تقريبا افتكر اني وقعت ع راسي حصل ارتجاج مثلا..
ف عرض عليا يطلب الاسعاف أو يوديني المستشفى..
عَرْض توصيله ليا للمستشفى كان مغري جدا بصراحه لاني بكدا هقدر اقضي معاه وقت طويل..
بس قولت اتقل واقوله لا وكدا واكمل مسكنه وتمثيل .. ف حاولت اقف وانا بقوله اني كويسه وانها مجرد كدمات بس حرفيا مجرد م وقفت ع رجلي لاقيت نفسي بصوت م الوجع.. أنا كل دا طلع اني مش بتألم تمثيل لا دا كان ألم حقيقي وانا مش واخده م بالي م كتر التفكير..
بس لاقيت الجد عرض عليا عرض أجمل وهو اني ادخل جنينة البيت وهو هيجيبلي شنطة الاسعافات الاوليه ..
دخلت للجنينه الملحقه بالبيت م الباب اللي بره ومجرد م قعدت ع الكرسي دخل الجد للبيت..
مكنتش مصدقه نفسي م الفرحه اني دلوقتي قاعده ف جنينة بيت يوسف !
خرج الجد ومعاه شنطة الاسعافات ولما بدأت اكشف رجلي علشان اشوف الكدمات لاقيت الجد قالي: انا هسيبك ع راحتك وهدخل اعمل حاجه دافيه تشربيها..
بس بعد دقيقتين لاقيته رجع وقالي : أنا اسف بس انتي هتعرفي تتعاملي لوحدك ولا اشرحلك استخدامات كل حاجه..
= لا تمام شكرا انا عارفه اتعامل لوحدي..
كنت محتاجه وقت اقعد لوحدي وافكر هبدأ مع الجد كلام ازاي..
بس بمجرد م رجع لاقيته جايبلي حاجه سخنه اشربها وكيك..وهنا سمعت صوت بطني اللي كانت بتكاكي وبتصيح م الجوع..
بس لاقيت الجد بيسألني وكان ظاهر ع صوته القلق : انتي كويسه ؟! لو حاسه ان في مشكله او حاجه مش طبيعيه انا ممكن انقلك للمستشفى...
=لا شكرا.. انا بس محتاجه اقعد شويه والسكوتر بتاعي اتكسر ..
ايه دا يلهوي دا الاسكوتر اتكسر فعلا ! دا كتر خيره اصلا انه كان صامد معايا كل الوقت دا.. بس انا مش معايا فلوس اخد تاكسي واروح.. طيب هعمل ايه؟!
انتبهت ع كلام الجد اللي قالي ان في كذا سكوتر موجودين عندهم ومفيش حد بيستخدمهم ف ممكن اختار منهم بس مش هينفع اروح عليه ولازم اخد تاكسي للبيت.. وسألني ع رقم حد م أهلي لو ينفع يكلمهم وهما يعدوا ياخدوني..
وم هنا جاتلي الفكره وبدأت كلامي معاه بتنهيده حزينه وبدأت اتكلم بكل حزن وأسى.. مش قادره احدد هو أنا وقتها كنت بمثل ولا دي كانت مشاعري الحقيقيه فعلا..
بس لاقيت نفسي بدأت احكي عن علاقتهم بيا وف نص الكلام بدأت أقول بحذر وانا براقب تعبيرات وشه وانا بقوله اني م اصل عربي..
هو أنا كنت مستنيه اشوف دهشته وصدمته بس أول م قالي : ايه دا انتي مسلمه ؟!!
لاقيت ان انا اللي اتصدمت وتنحت شويه..
مش السؤال اللي صدمني ع اد م طريقه نطقه للسؤال هي اللي كانت صدمه!
ايه اللي يخليه مبسوط اوي كدا وكل ملامح وشه سعيده وهو بيسأل؟!!
نووو واااي ان كان يجي ع بالي ان يوسف وأهله مسلمين...
اذا كان فكرة انهم م اصل عربي اصلا كانت صدمه ف فكرة انهم يطلعوا مسلمين دي هتبقى ايييه بقى ؟!
يعني انا يوم م اجي ادخل في تحدي مع واحد اسيب كووووووووول اللي في الولايع واقع مع واحد عربي وكماااان مسلم !!!
مكنتش عارفه ارد اقول ايه بس حاولت افكر بذكاء وامسك العصايه م النص .. م انا بردو لسه متأكدتش ان اللي سمعته كان عربي فعلا أو انهم مسلمين ف قولتله بنبره حزينه: في الحقيقه انا لحد دلوقتي معرفش أي حاجه عن الأديان لأن أهلي رافضين اني اخد قرار عن انتمائي لدين معين الا بعد م اتم سن ال 18 واستقل عنهم..وهما سايبنلي حرية اختيار اي معتقد ديني الااا الاسلام بالذات.. ف أنا معرفش عنه أي حاجه بصراحه.. او الادق ان معلوماتي عنه كلها عن طريق ماما ف هي معلومات مش متأكده م صحتها لان اغلبها بتنم عن غضب وحقد دفين..
وبعدين سألته بخبث وانا ببص لملامح وشه مستنيه اشوف ردود افعاله وانا بقوله: بس هو الجمله اللي حضرتك قولتها بره دي كانت لغة عربيه ؟! هو انتوا بردو م اصل عربي؟!
-فعلا احنا م اصل عربي بس أهلنا هاجروا من سنين..
غريبه ان ودنك لقطت العربي بتاعي وم جمله بسيطه..
هو اهلك بيتكلموا عربي في البيت او انتي بتعرفي تتكلمي عربي ؟! | 2 549 |
| 20 | ف أنا حقيقي وم كل قلبي والله بعتذر عن الاحداث دي بس للضروره احكام وهتشوفوا بنفسكوا النقله الحضاريه اللي سببها دخول الاسلام في حياتي..
وبمناسبة الاسلام ف نرجع دلوقتي ل جو أو جوزيف اللي هو يوسف..
يوسف ذات نفسه حكايته حكايه اصلا وملغبطه شويه..
يعني مفيش حد ابدا كان متخيل ان يوسف طلع ليه أصول عربيه هو كمان لأن أهله كانوا هاجروا م زمان جدا ف كان جدود جدوده هما اللي م اصول عربيه تحديدا مصريه..
بس يوسف ك شكل مستحيل حد يقدر يتوقع انه م اصول عربيه لانه اشقر بعيون خُضر..رغم ان الميكس بين اصوله العربيه والاوروبيه عملوا مزيج غريب وجذاب جدا..
وبالنسبه لتعاملاته ف هو شخص مهذب جدا ومفيش حد قدر يمسك عليه غلطه وتعاملاته اصلا بسيطه مع الكل ومع ذلك مكانش ليه أي عداوات..
بس كان مشهور ف المدرسه كلها ك اشهر سينجل ..
يوسف حرفيا ولا مره سمعنا عنه انه دخل في صحوبيه مع بنت ومش بس كدا دا كمان مكانش عنده اصدقاء بنات خالص..
ورغم كدا لا حد وصفه بالتخلف ولا الرجعيه ولا أي حاجه م دي بالعكس البنات كانت بتبقى هتتجنن عليه وبيدخلوا دايما في تحديات ان مين هتقدر توصل للولد الأشهر ف المدرسه دا...
وبما ان انا كمان كنت مشهوره في المدرسه بردو بس ع اني البنت المتخلفه الجبانه اللي عمرها م قدرت تكمل في علاقه للاخر.. ف أنا صدمتهم لما قررت اني هشارك معاهم ف التحدي ع يوسف..
وم هنا بدأت أحداث حياتي تروح في طريق ولا كان يخطر ع بالي اني ممكن احط رجل واحده فيه اصلا..
معلومات الكل عن حياة يوسف الشخصيه كانت بسيطه جدا ف أنا قررت اني ابدأ م هنا..
جبت نوت وبدأت ادون فيها ملاحظات عن يوسف وطبعا الملاحظات كانت بسيطه جدا وحاجات الكل عارفها عنه..
ف بدأت احط خطة الوصول ليوسف بس ف البدايه كان لازم اعرف عنوانه الأول خاصةً اني لما سألت اصحابي اكتشفت ان ولا واحده منهم تعرف عنوان بيته ودي حاجه غريبه بس مفيش حد كان شايفها غريبه غيري..
هما كانوا شايفين ان معرفتهم بعنوانه مش هيفيد بحاجه بس أنا كنت شايفاها معلومه مهمه..
ف كتبت أول ملحوظة وهي معرفة عنوانه وتاني ملحوظه هي مراقبة بيته لحد م اعرف أي معلومات عن أهله وعن طريقهم ممكن أقدر اوصله..
أنا مكنتش مهتمه بدراستي ولا بأي حاجه ف حياتي زي م كنت مهتمه أوي كدا بفكرة وصولي ليوسف وكنت داخله ف تحدي مع نفسي قبل أي حد تاني..
أغلب اللي معايا في المدرسه بيروحوا بيركبوا باص المدرسه أو أهلهم بيوصلوهم أو لو مكانهم قريب بيروحوا بعجله أو اسكوتر..
أما أنا ف كنت بروح بسكوتر في جميع مراحل تعليمي اصلا وولا مره حصل ان اهلي وصلوني في يوم..
بس يوسف كان جده دايما اللي بيوصله بالعربيه..
ف قررت اني بعد المدرسه هركب تاكسي وافضل وراهم..
جو أفلام بقى وكدا..
كنت حاسه بالاثاره واني جوه مغامره خاصةً ان التحدي دا شقلب يومي وحياتي الروتينيه وحطيت فكرة الوصول ليوسف هدف وقررت ان قبل نهاية السنه الدراسيه هكون حققته..
هتسألوني جبتي اليقين دا منين هقولكوا معرفش..
بس ممكن اقولكوا دلوقتي انه كان ترتيب ربنا واني كنت ماشيه ورا قدري..
قدرت فعلا اعرف عنوان يوسف وبكدا انجزت أول مهمه..
الخطوه اللي بعدها هو اني اراقب بيته لحد م اقدر الاقي اي مدخل لاهله..
وطبعا كان عندي وقت كافي لكدا
لان اهلي ولا هيفرق معاهم تأخيري بره دا لو لاحظوا اصلا اني مش موجوده ف اوضتي..
اسبوع او 10 ايام مروا وانا مش بعمل اي حاجه غير اني برجع م المدرسه ع بيت يوسف وافضل رايحه جايه قدامه وبعدها اخدت مكان ليا اقدر اقعد فيه واراقب اللي داخل واللي خارج م غير م حد ياخد باله مني..
م الملاحظات اللي كتبتها ان يوسف عنده اختين بنات اكبر منه وباباه ومامته بيشتغلوا لان ليهم معاد معين للرجوع للبيت.. حتى اخواته البنات كان واضح انهم ف الجامعه بس كانوا بيرجعوا متأخر بردو..
ف بيفضل ف البيت يوسف وجده م بعد الرجوع للمدرسه..
ولاحظت ان يوسف بيخرج يشتري طلبات م السوبر ماركت دايما هو وجده..
خمنت ان اقرب شخص ليوسف هو الجد ف قررت اني هفكر ف اي طريقه تخليني اتعامل مع جده..
بس مكانش في ولا طريقه نهائي لاني ولا مره شوفت الجد بره البيت م غير يوسف..
بس فكرت انه بيكون ف البيت طول وقت المدرسة لوحده لوقت معاد رجوع يوسف ف قررت اني هغيب م المدرسه واشوف اي طريقه تخليني اكلمه..
هقوله ايه لا معرفش مكنتش لسه فكرت ف كدا..
بقيت اغيب م المدرسه كل فتره يوم
بس مفيش جديد مش عارفه خالص اوصله..
وفي يوم كنت خلاص قربت ايأس
انا داخله ع شهرين بحاول اوصل لمدخل لجده ومش عارفه ..
بس في اليوم دا كنت قررت خلاص اني هاخد بريك واعيد نظر ف الموضوع دا او اكنسله خالص ومش هتفرق كلها سنتين وتخلص المدرسه دي ف هحاول استحمل وخلاص..
بس كان ترتيب ربنا غير..
ماشيه ع السكوتر عادي وعماله افكر ومش مركزه وهوب جات عربيه قدامي اتخضيت ووقعت ع جنب واتفزعت اكتر م صوت فرامل العربيه..
وهنا واخيييييرا ظهر الجد.. | 2 712 |
