#أطباء_أتقياء

أسوأ حاجة ممكن تعمليها في حق نفسك هي #التبرير إنك تبرري عدم إلتزامك للآن بإنك لسة صغيرة ودي فترة الشباب الما بتتكر ولازم تعيشيها ! إنك تبرري تفويتك لصلاة الضهر والعصر عشان إنتِ عاملة ميكب فماف مشكلة تفوتي صلاة واحدة بدل تمسحي ميكب قعدتي فيه ساعة ! أو لأنو ملابسك ما مناسبة للصلاة فيلا أحسن أجمع الصلاتين بدل أصلي بملابسي دي ! أو لأنو المكان الإنتِ قاعدة فيه ما فيه محل للصلاة ! إنك تبرري علاقتك معاه بإنو نحن كدا كدا حنتزوج او هو شايفني زي أختو وهو زي أخوي الكبير ! إنك تبرري عدم مذاكرتك وتقصيرك في حق نفسك ومستقبلك بإنك ما قادرة تحاربي كسلك ! إنك تبرري إستسلامك وهوان نفسك عليك بإنو الدنيا جاية عليكي و كل الناس كسرتك ! إنك تبرري إخطلاتك والتجاوزات البتحصل بسببو تحت مُسمى عادي كل الناس بتعمل كدا ! إنك تبرري سكوتك لمن زول يتعدى عليك بإنو الناس حتقول عليك إنك بت ما كويسة أو لأنك خايفة من نظرة الناس ليك ! إنك تبرري تبريرك لنفسك بإنك لسة ما وصلتي مرحلة تواجهي نفسك وتتخذي قرار او لأنو ما عندك الشجاعة الكافية ! بعيد عن الإستغباء البنمارسو في حق نفسنا ما تبخلي علي نفسكِ في يوم بإنك تكوني صريحة معاها أسهل حاجة إننا نلقى تبرير لأي فعل نحن بنعملو ، حتى الحرامي بشوف إنو سرقتو حلالو ! فعشان ما تصلي مرحلة تصدقي الكذبات البتقوليها لنفسك وتسوقي فيها لحد ما تبقى عادي وأسلوب حياة ، خليك شجاعة وما #تبرري #ماهي

اتمنى ان يرد الله على دعواتكم التي تطرق أبواب السماء في هذا اليوم الفضيل كما أجاب على النبي -صلى الله عليه وسلم- في غزوة بدر، حين قال: "إذّ تَسْتَغِيثُونَ رَبَّكُمْ فَاسْتَجَابَ لَكُمْ" وان يمددكم بالقبول والطمانينة والسعة 💙